“লৌউ-শিংউদা ন্যুত্রিএন্তশিংবু খল কায়বা মওংদা কা হেন্না শিজিন্নবনা সোইল ফর্তিলিতী অমসুং ভাইতেলিতীদা হন্থহল্লি। মরম অদুনা, সোইল ফর্তিলিতী অমসুং ভাইতেলিতীদা লৈরিবা কেমিকেল ফর্তিলাইজরগী নেগেতিব ইমপেক্ত হন্থহন্নবগীদমক্তা স্তেকহোলদর অমসুং সরকারনা থবক তৌমিন্নবগী তঙাই ফদবা লৈরে”। ৱাফম অসি ঙসি মফমসিদা পাংথোকখিবা সোইল হেল্থ অমসুং সস্তেনেবিলিতীগীদমক্তা কেমিকেল ফর্তিলাইজরগী মখা পোল্লিবা অসিবু হন্থহন্নবগীদমক্তা অলতর্নেতিব ন্যুত্রিসন খুমাং চাউশিলহন্নবগীদমক্তা থৌরাং য়াৎপগী স্তেকহোলদর ৱর্কশোপ্তা কেন্দ্রগী কেমিকেল অমসুং ফর্তিলাইজর মন্ত্রী, দাঃ মনশুখ মন্দাবিয়ানা হায়খিবনি।

কেমিকেল ফর্তিলাইজর শিজিন্নবনা মীওইবা অমসুং শা-শন অনিমক্তা থোকহল্লিবা, কেমিকেল ফর্তিলাইজর কে হেন্না শিজিন্নবা মফমদনা মসিগী অকায়বা হেন্না উবা ফংবগী পামদবা থৌওংশিংদা দাঃ মন্দাবিয়ানা মীয়ামগী পুক্নিং চীংশিনখি। “লৌউ-শিংউগী পোত্থোক হেনগৎহনবা হায়বসি ঐখোয়গী থৌদাংনি। অদুবু, ঐখোয়গী সোইল ফর্তিলিতী অমসুং ঐখোয়গী মীয়ামগী হকশেলদা অকায়বা পীদনবা মওংদা লৌউ-শিংউগী পথাপ কয়াবু মপাঙ্গল হেনগৎহন্দুনা ঐখোয়গী লৌউ-শিংউগী পোত্থোক হেনগৎহনগদবনি”, মন্ত্রীনা মখা তানা হায়খি। দাঃ মন্দাবিয়ানা ঐখোয়গী লৈবাক্কী সাইন্তিস্তশিংগী থৌদাংশিংবু পল্লদুনা অসুম্না হায়খি, “ঐখোয়গী সাইন্তিস্ত অমসুং মখোয়গী লৈবাক্কীদমক্তা তম্লিবা শরুকশিংবু ঐখোয়না থাগৎলি, অদুবু লৌউ-শিংউগী থৌওংগা লোয়ননা সোইল পরদক্তিবিতী অনিমকপু তেংবাংবা ৱারোইশিন অমা মীয়াম্না পাম্লিবা অসিবু মনিং থুংহনবা হায়বসি মখোয়গী থৌদাংনি। হায়রিবা সোল্যুসনশিং অসি লৌমীশিংনা লায়না খঙনবা মওংদা শেমদুনা মখোয়দা য়ৌহনগদবনি”।

সরকার অমসুং এগ্রিকলচরেল স্তেকহোলদরশিংগী মরক্তা ৱারী শানবা অমসুং মখোয়গী পাউতাক অমসুং ৱাখল্লোনশিং অসিবু পোলিসী শেম্বদা শিজিন্নবগী মরু ওইবশিংদা মিৎয়েং চঙলদুনা, দাঃ মন্দাবিয়ানা মসিগুম্বা খন্ন-নৈনবগী থৌওংশিং অসি লৈবাক মনুংদা চাং নাইনা পাংথোকপগী তঙাই ফদবা লৈ হায়না ফোংদোকখি।

“কেমিকেল ফর্তিলাইজরশিং অসি শিজিন্নবদা য়াম্না লাই, মরম অদুনা মখোয়না থোকহনবা পামদবা থৌওংশিং অসি মীওই অয়াম্বনা উশিন্নদে। ৱর্কশোপ অসিগী খুত্থাংদগীঐখোয়না ভারত্তা সস্তেনেবল ফার্মিং পাংথোক্নবা অমসুং মসিগী মপাঙ্গল লৈহন্নবা পাম্বৈ কয়া খন্নবা হায়বসি য়াম্না মরু ওইবনি। মসিদি য়াম্না ইন্তরেক্তিব ওইবা প্লেতফোর্ম অমনি অমসুং মসিদা স্তেকহোলদরশিংনা থৱাই য়াওনা শরুক য়াদুনা য়াম্না কান্নহনবা য়াই”, প্রোফঃ রমেশ চান্দ, মেম্বর, NITI আয়োগনা হায়খি। “লৌমীশিংগী য়াইফবা, অকোয়বগী ফিভম ফনা লৈহনবগা লোয়ননা লৌউ-শিংউগী সেক্তরগী মপাঙ্গল হেনগৎহনবগী মতৌ শোইদনা লৈহন্নবগীদমক্তা এগ্রিকলচরেল প্রদক্তিবিতীগী সোল্যুসন পুথোকফম থোকই”, মহাক্না মখা তাখি।

ফর্তিলাইজর বিভাগকী সেক্রেতরী, শ্রী রজত কুমার মিশ্রানা সরকারনা লৌউ-শিংউগী পোত্থোক হেনগৎহনবগা লোয়ননা সোইল ফর্তিলিতী হেনগৎহন্নবগীদমক্তা হন্দক্তা লৌখিবা ৱারেপকী মতাংদা পল্লদুনা অসুম্না হায়খি, “PM PRANAM (PM প্রোগ্রাম ফোর রেস্তোরেসন, এৱিয়র্নেস, নৌরিশমেন্ত এন্দ এমেলিওরেসন ওফ মদর আর্থ) অসিদা লুপা করোর 3,70,128 কাইথোক্তুনা, মসিনা নেচরেল অমসুং ওর্গানিক ফার্মিং, সোইল পরদক্তিবিতী হেনগৎহনবা, লৌমীশিংগী শেন্থোক হেনগৎহনবা অমসুং লৈবাক্কী ফুদ সেক্যুরিতী লৈহনবগী পান্দম থম্লি”। সলফর কোতেদ তৌরবা য়ুরিয়া, য়ুরিয়া গোল্দ হায়নসু খঙনবা, অসিনা ঐখোয়গী লৈবাক্না থেংনরিবা লৈহাওদা সলফর ৱাৎপগী হীরম অসিদা মিৎয়েং চঙবতা নত্তনা লৌমীশিংগী মফমদা শেল চঙবা হন্থহনবা অমসুং পোত্থোক হেনগৎহনবদসু তেংবাংগনি হায়না মহাক্না মখা তাখি।

লৌউ-শিংউ অমসুং লৌমীশিংগী য়াইফ থৌরাং বিভাগকী সেক্রেতরী, শ্রী মনোজ অহুজানা PM PRANAMবু পুৱারী ওইবা ৱারেপ অমনি হায়খি অমসুং লৈবাক অসিদা ফর্তিলাইজর পুথোকপগী চাং হেনগৎলিবা অসিগা লোয়ননা কেমিকেল ফর্তিলাইজরশিংনা পীবা অকায়বা কয়াবু হন্থহন্নবগীদমক্তা সস্তেনেবল এগ্রিকলচর প্রেক্তিস চত্থবগী তঙাই ফদবা লৈ হায়না ফোংদোকখি। মহাক্না হায়খি, “স্কিমশিংগী অসিগী কান্নবশিংবু গ্রাউন্দ লেভেলদা লৈবা লৌমীশিংদা য়ৌহন্নবগীদমক্তা ঐখোয়না এগ্রিকলচরেল য়ুনিভর্সিতীশিংগা থবক তৌমিন্নবগী মথৌ তাই”।

কেমিকেল অমসুং ফর্তিলাইজর মন্ত্রালয়গী এদিস্নেল সেক্রেতরী, শ্রী নীরাজা অদিদম; এগ্রিকলচরেল য়ুনিভর্সিতীশিংগী ভাইস চান্সেল্লর; রাজ্যগী এগ্রিকলচরেল ওফিসর; মেন্যুফেকচরর অমসুং দিস্ত্রিব্যুতর; ফার্মর গ্রুপ, NGO, লৌউ-শিংউ অমসুং লৌমীশিংগী য়াইফ থৌরাং মন্ত্রালয়, কেমিকেল অমসুং ফর্তিলাইজর মন্ত্রালয় অমসুং নিতি আয়োগকী সেনিয়র ওফিসিএলশিংনা ৱর্কশোপ অসিদা শরুক য়াখি।

*****