নেস্নেল গ্রী ত্রাইব্যুনেলগী চেয়রপর্সন ওইনা ০৬.০৭.২০১৮দা ফম পুখিবা মিস্তর জস্তিস আদর্স কুমাল গোইল ঙসি চহি ৫গী মতম মপুং ফারে‍। মহাক্কী চহি ৫গী মতমদা, জস্তিস গোইলনা অকোয়বগী ফীভমগা মরী লৈনবা হীরমশিংদা অচুম্বা ৱায়েল ফংহন্নবগীদমক ইনোভেতিব ওইবা অমদি মীয়ামগা চুনবা থৌওং কয়া পুখৎলক্লম্মি‍।

জুলাই ২০১৮দগী জুলাই ২০২৩ ফাওবগী হৌখিবা চহি মঙাসিদা, নেস্নেল গ্রীন ত্রাইব্যুনেলবু মীয়ামগা চুনবা অমদি মেত্তরশিং থুনা লোইশিন্নবা থবক থৌওংশিং লায়থোকহনবদা মীৎয়েঙ থমদুনা ইনোভেতিব ওইবা খোঙথাঙ কয়া লৌখৎলম্মি‍।

লৌখৎখিবা থৌরাংশিংগী মনুংদা মখাগীশিং অসি য়াওরি:

• কোবিদ-১৯গী মমাঙদগী মেত্তরশিং থুনা লোইশিন্ননবগীদমক ভিদিও কন্ফরেন্সিং শীজিন্নদুনা লৈবাক পুম্বদগী লিতিগেন্তশিং অমদি উকিলশিংবু কোর্ত প্রোসিদীংশিংদা ইজ ওফ এক্সেস ফংহল্লম্মি‍।
• এন.জি.তি.গী রিজনেল বেঞ্চশিংদা মেম্বর মশিং য়াৎপনা মরম ওইরগা চহি মঙা হেল্লবা অমদি অরুবা কেসশিং অখন্নবা বেঞ্চ অমনা লোইশিন্নবা অখন্নবা থৌরাং লৌখত্তুনা লৈবাকসিগী চাওখৎ খোঙথাং অমদি খুমাঙ চাওশিনবদা অপনবা পীরম্বতা নত্তনা শেলথুমগী খুদোংচাদবসু মায়োক্নহল্লম্বা চহি ৫ শুরবা কেসশিং পন্দুনা লৈবগী চাং হন্থহনবদা মতেঙ ওইখি‍।
• কোর্ত মেনেজমেন্ত অমদি কেস মেনেজমেন্তকা মরী লৈনবা হীরমশিংদা, ইসুশিং খঙদোকপা অমদি ফর্স্ত ওর্দরদা প্রোসিদীংগী স্কোপ খঙদোকপনচিংবা থৌরাং কয়া লৌখৎলম্মি‍। জিরো এদজর্নমেন্ত পুরক্তুনা কেসশিং থুনা লোইশিন্দুনা লৈবাক্কী মরুওইবা মেত্তর কয়া লোইশিনবদা মতেঙ ওইখি‍। থবক্তগী পোত্থারবা জদ্জশিংনা লুচিংবা জোইন্ত কম্মিতীশিং অমদি স্তেতুতরী রিগুলেতরশিং শেমদুনা ফেকচুএল পোজিসনশিং নীংতম্না খঙদোকপা ঙমহন্দুনা থুনা লোইশিনবা ঙমহল্লি‍। ইমেলগী খুত্থাঙদা নোতিস থাবা, ফাইলিং পুম্নমক সোফ্ত কোপী ওইনা তৌবা, রিপোর্তশিং ৱেবসাইত্তা থাগৎপনচিংবা থৌওং কয়াগী তেক্নোলোজী শীজিন্নদুনা মতিং হেনগৎহল্লি‍।
• স্তেতুতরী রিগুলেতরশিংনা মেন্তেন তৌবা ওনলাইন দেতানা এনভাইরনমেন্ত শোকচিলহনবশিং ফহন্নবা সুও মোতো ইন্তরভেন্সন তৌবা‍।
• এনভাইরনমেন্ত সেফ্তী কাঙলোনশিং থুগায়বা য়াওবা মীশি মীনা য়াওবা এক্সিদেন্তশিংগী কেসশিংদা কম্পেন্সেসন পীবা অমদি এনভাইরনমেন্ত ঙাকথোক্নবগী সুও মোতো ইন্তরভেন্সন তৌদুনা মীচম মীয়ামদা রেস্তিত্যুসনগী য়ুম্ফমদা খোঙজেল য়াঙনা মতেঙ ফংহনবদা মতেঙ ওইখি‍।
• ইমেল, পোস্ত নৎত্রগা চিথী ওইনা নোর্মেল পেতিসন অমগী তেক্নিকেলিতীশিং মথৌ তাহন্দনা লেত্তর পেতিসন ফাইল তৌবা য়াহন্দুনা শেলথুমগী ফীভম নৎত্রগা লিগেল অমদি তেক্নিকেলগী ৱাখল লৌশিংগী খেন্নবা থমদবা মীচম মীয়ামগীদমক থোঙ হাংদোক্লম্মি‍।
• ত্রাইবুনেলনা সুপ্রিম কোর্তগী য়াথং মখাদা লৈরিবা মোনিতরিং ইন্দুনা য়মুনা অমদি গঙ্গা রিজুবিনেসন্নচিংবা মরুওইবা ৱাফম খরসু য়েংশিন্দুনা লাকখি‍।
• ৱেস্ত মেনেজমেন্ততা লৈরিবা অহোবা মেনশিন্নবা ত্রাইব্যুনেলনা মশক থোকপা ইন্তরভেন্সনশিং তৌদুনা স্তেত/য়ু.তি. পুম্নমক্কী চীফ সেক্রেতরীশিংগা ইন্তরেক্সন রাউন্দ অহুম্লক পাঙথোক্তুনা লিকুইদ অমদি সোলিদ ৱেস্তশিং সাইন্তিফিক ওইবা মওংদা দিস্পোজেল তৌনবা পাউতাক পীখি‍। ত্রাইব্যুনেলনা লুপা ৭৯২৩৪.৩৬কী অপুনবা এনভাইরনমেন্ত কম্পেন্সেসন লৌখত্তুনা শেনফম অসি এনভাইরনমেন্তপু হান্নগী ফীভমদা হঞ্জিলহন্নবগীদমক রিং ফেন্স একাউন্ততা হাপ্তুনা থম্লি‍।
• মমাঙদা কাঙলোন থুগাইখিবগী মতাঙদা ‘পোলুতর পেস’ কাঙলোন্দা য়ুম্ফম ওইরগা এন.জি.তি.না কম্পেন্সেসন লৌখত্তুনা মসিগুম্বা কাঙলোন থুগাইবশিংবু শেন্দোং লৈহন্দবগা লোয়ননা খোমগৎলিবা কম্পেন্সেসন অদুবু এনভাইরনমেন্তপু হান্নগী ফীভমদা হঞ্জিনহল্লকপদা শীজিন্নহল্লি‍। অসিগুম্বা কম্পেন্সেসনশিং অসি প্রিন্সিপল ওফ রেস্তিত্যুসন্দা চাউরাক্না য়ুম্ফম ওইরগা হোৎপনি‍।

লৌখৎখিবা ইনোভেতিব ওইবা খোঙথাঙশিংগী মচা খায়বা ৱারোলশিং “বর্দ্স আই ভিউ ওফ নেস্নেল গ্রীন ত্রাইব্যুনেল পর্ফোর্মেন্স ইন দি লাস্ত ফাইব ইয়র্স (জুলাই, ২০১৮ – জুলাই, ২০২৩)” হায়না মিংথোনবা নোৎ অমদা পীরি অমদি মসি নেস্নেল গ্রীন ত্রাইব্যুনেলগী ৱেবসাইত্তাসু থাগৎলি‍।

https://greentribunal.gov.in/sites/default/files/important_orders/NGT_Initiatives%20final-1.pdf

নেস্নেল গ্রীন ত্রাইব্যুনেল ভারত লৈঙাক্না নেস্নেল গ্রীন ত্রাইব্যুনেল এক্ত, ২০১০গী মখাদা লিংখৎখিবনি‍। নেস্নেল গ্রীন ত্রাইব্যুনেলগী মরুওইবা পান্দমদি অকোয়বগী ফীভম ঙাক শেনবা, উমং য়োকখৎপা, মহৌশাগী মচাক মথুমশিং ঙাক্তুনা থম্বা, পোলুসন কম্পেন্সেসন, অমদি এনভাইরনমেন্তেল রেস্তিত্যুসনগা মরী লৈনবা কেসশিং মতিং লৈনা অমদি থিনা পায়খৎপনি‍।

হৌরকপদগী হৌরগা হৌজিক ফাওবদা, নেস্নেল গ্রীন ত্রাইব্যুনেলনা নুংশিৎ মোৎশিনবা, নিল খোংবা, ঈশিং মোৎশিনবা, ইন্দস্ত্রীনা মোৎশিলহনবা, ফত্ত-হৌদি হুন্দোকপনচিংবা অকোয়বগী ফীভমগা মরী লৈনবা কেসশিং লৌখত্তুনা লাক্লি‍।

********