অকোইবগী ফিভম অমসুং ঊমংগী মন্ত্রালয়
শ্রী ভুপেন্দ্র যাদবনা হায়খি প্রধান মন্ত্রীগী মখাদা অচুম্বা থৌরাং অমগী খুৎথাংদা অখন্নবা বাইওদাইভর্সিতি কঞ্জর্বেসন নমুনা অমা ভারতনা পুথোক্লে
পব্লিক-প্রাইভেদ পুন্না থবক তৌমিন্নদুনা হন্দক হৌদোকখিবা গ্রিন ক্রেদিদ সিস্তেমদা থৱায় য়াওনা শরুক য়ানবা শ্রী যাদবনা ইন্দস্ত্রিশিংদা তকশিনখ্রে
Posted On:
06 JUL 2023 1:59PM by PIB Imphal
ইনভাইরোনমেন্ত, ফোরেস্ত অমসুং ক্লাইমেত চেঞ্জ অমসুং লেবর অমসুং ইমপ্লোইমেন্তগী য়ুনিয়ন মিনিস্তর শ্রী ভুপেন্দ্র যাদবনা হায়খি প্রধান মন্ত্রী শ্রী নরেন্দ্র মোদীগী মখাদা অচুম্বা থৌরাং অমগী খুৎথাংদা অখন্নবা বাইওদাইভর্সিতি কঞ্জর্বেসন নমুনা অমা ভারতনা পুথোক্লে। ঙসি গুজরাতকী দ্বারকাদা লৈবা রুকমিনি লাইশঙদা হারয়ালি মহোৎসবতা ৱা ঙাংবদা য়ুনিয়ন মিনিস্তরনা হায়খি অকোয়গী ফিবম অমসুং মখা পোন্না হিংলিবশিংগী মরক্তা খল চানা থম্নবগী মরুওইবা অদু প্রধান মন্ত্রী নরেন্দ্র মোদীনা মালেমদা পাউজেল অসি শন্দোক্নবা মিসন লাইফ হৌদোক্লে।
য়ুনিয়ন মিনিস্তরনা হায়খি ফুদ চেন ইকোসিস্তেম ঙাক-শেন্দুনা অকোয়বগী ফিবম ঙাকপা অসি দরকার ওই অমসুং মসিনা মকোক্তা লৈরিবা প্রিদেতরশিং শাফগনি। সরকারনা প্রোজেক দোলফিন অমসুং প্রোজেক লাইওন পায়খৎলে। সমুদ্রগী ইকোসিস্তেমশিং ফগৎনবা অমসুং ঙাক-শেন্নবা মেঙগ্রোপ ইকোসিস্তেমশিং অমসুং দোলফিনশিং য়োকখৎপা য়াম্না দরকার ওই।
য়ুনিয়ন মিনিস্তরনা হায়খি পব্লিক-প্রাইভেদ পুন্না থবক তৌমিন্নদুনা হন্দক হৌদোকখিবা গ্রিন ক্রেদিদ সিস্তেমদা ইন্দস্ত্রিশিংনা থৱায় য়াওনা শরুক য়াগদবনি। হিরম অসিগী মতাংদা পব্লিক-প্রাইভেদ পুন্না থবক তৌমিন্নবা অসি কান্নবা খুৎলায় অমা ওইগনি। মেঙগ্রোপ ইকোসিস্তেমশিং ঙাক-শেন্নবা গুজরাতনা পি.পি.পি নমুনাদা তোপ-তোপ্পা থবক পায়খৎলি। মমাঙদা অমাং-অতা থোকহনখ্রবা অরিবা মেঙগ্রোপশিং অমুক মহৌশাগী ফিবমদা হঞ্জিনহনবা অসি দরকার য়াম্না ওইরে।
শ্রী যাদবনা হায়খি মাঙখ্রবা মেঙগ্রোপ চাদা ৩০ ফাওবা শেমগৎপা ঙম্নবা এস.ঐচ.জি খুৎথাংদা মেঙগ্রোপ থাবা, মেঙগ্রোপ নর্সরি শেমগৎপা, হিংনবা লম্বীশিং পীবা, মীয়াম ৱাখল তাহনবগী থবকশিং পাংথোকপা য়াম্না মরুওই।
মিনিস্তরনা হায়খি ভারত মেঙগ্রোপ এল্লাইন্সকী শরুক অমা ওইরে অমসুং মেঙগ্রোপ কন্নবা হন্দক মিসতি প্রোগ্রাম হৌদোক্লে। বোতানিকেল সর্ভে ওফ ইন্দিয়ানা ভারত্তা ফংলিবা মেঙগ্রোপ মখল ৫০০ খোমজিল্লে।
খুদম অমা ওইনা মেঙগ্রোপ থাবগী থবক অমা শক্নাইরবশিংনা পাংথোকখি। মিসতিগী মখাআদ ফোরেস্ত দিপার্তমেন্তগা এম.ও.য়ুশিং খুৎয়েক পীনখি। মেঙগ্রোপ ঙাক-শেনবদা শিংথাবা য়াবা থবক পাংথোকখিবা ‘ফোরেস্ত হিরো’শিং ইকায়খুম্নবা উৎখি।
থৌরম অদুদা গুজরাত সরকারগী ফোরেস্ত অমসুং ইনভাইরোনমেন্ত মিনিস্তর মুলুভাই বেরা, জামনগর অমসুং দ্বারকাগী এম.পি সুশ্রী পুনামবেন, এয়রফোর্স, নেভি অমসুং ইন্দিয়ান কোস্ত কার্দসকী মীহুৎশিং শরুক য়াখি।
****
(Release ID: 1937724)
Visitor Counter : 154