سڑک ٹرانسپورٹ اور شاہراہوں کے مرکزی وزیر جناب نتن گڈکری نے سلسلے وار ٹویٹس میں کہاہے کہ ہم  بھارت میں شاہراہوں کے ساتھ باہو بلی مویشیوں کی باڑ کونافذ کرنے کا منصوبہ بنا رہے ہیں تاکہ مویشیوں کو سڑک پار کرنے اور انہیں خطرناک حادثات کا سبب بننے سے روکا جا سکے جس کے نتیجے میں انسانی جانوں کا ضیاع ہوتا ہے۔

جناب گڈکری نے کہا کہ یہ  باڑ 1.20 میٹر اونچی ہوگی اور اسے این ایچ-30 کے سیکشن 23 پر ایک جامع حل کے طور پر نصب کیا جائے گا۔ انہوں نے کہا کہ عزت مآب وزیر اعظم نریندر مودی جی کے چھتیس گڑھ کے دورے سے قبل اس  باڑ کو لگایا جائے گاجو ایک نمائش کے طور پر کام کرے گا۔

وزیر موصوف نے کہا کہ  مویشیوں کے لئے یہ باڑبانس کا استعمال کرتے ہوئے بنائی گئی ہے جوکہ مکمل طو ر سے موثر اور ماحول دوست  ہے۔انہوں نے کہا کہ اس  بانس پر کریوسوٹ آئل لگایا جاتا ہے اور اس کی  ایچ ڈی پی ای کے ساتھ ملمع کاری کی جاتی ہے ، جس سے یہ اسٹیل کا ایک مضبوط متبادل بن جاتا ہے۔انہوں نے مزید کہا کہ درجہ بندی کے اعتبار سے آگ سے محفوظ رہنے کی  اس باڑ کی صلاحیت پہلے نمبر کی ہے ، جو حفاظت کو یقینی بناتی ہے، اور آتم نربھر بھارت کے اصولوں کے  عین مطابق ہے جس کا مقصد تمام شاہراہوں کو پائیدار بنانا اور جنگلی جانوروں اور مویشیوں کو پہنچنے والے نقصان کو کم سے کم کرنا ہے۔

**********

ش ح ۔  ش م - م ش

U. No.6797