ممبئی 4 اور 5 جولائی کے دوران جی20 ریسرچ اینڈ انوویشن انیشیٹو گیدرنگ(آر آئی آئی جی) سربراہ اجلاس اور تحقیقی وزراء کی میٹنگ کی میزبانی کرے گا۔

سائنس اور ٹیکنالوجی کے مرکزی وزیر مملکت (آزادانہ چارج) ڈاکٹر جتیندر سنگھ 5 جولائی 2023 کو جی20 تحقیقی وزراء(آر ایم ایم) میٹنگ کی صدارت کریں گے۔ اجلاس میں مہمان ممالک اور بین الاقوامی تنظیموں کے کل 107 غیر ملکی مندوبین کی شرکت متوقع ہے جن میں جی 20 کے 29 رکن ممالک کے تحقیقی وزراء بھی مدعو ہیں۔

آر آئی آئی جی چوٹی کانفرنس کل یعنی 4 جولائی 2023 کو ممبئی میں ہو رہی ہے اور اس کی صدارت ڈاکٹر سریوری چندر شیکھر، سکریٹری، محکمہ سائنس اور ٹیکنالوجی (ڈی ایس ٹی) کریں گے۔

ہندوستان نے 2023 میں اپنی صدارت کے دوران ریسرچ اینڈ انوویشن انیشیٹو (آر آئی آئی جی) کو "مساوی معاشرے کے لیے تحقیق اور اختراع" کے موضوع کے تحت آگے بڑھایا ہے۔ اس سال ہندوستان کی طرف سے کل 5 آر آئی آئی جی میٹنگز کا انعقاد کیا گیا جس کا موضوع "ایک مساوی معاشرے کے لیے تحقیق اور اختراع" تھا۔

آر آئی آئی جی کی افتتاحی میٹنگ کولکتہ میں ہوئی، اس کے بعد چار موضوعاتی کانفرنسیں ہوئیں: i) رانچی میں'پائیدار توانائی کے لیے مواد' پر: ii) ڈبرو گڑھ میں: 'سرکلر بائیو اکانومی' پر iii) دھرم شالہ میں: 'ایکو-انوویشن' پر۔ 'توانائی کی منتقلی کے لیے'؛ اور (iv) دیو میں 'پائیدار بلیو اکانومی' کے موضوع پر۔

سائنس اور معیشت کے درمیان مضبوط روابط سماجی تبدیلی کا ذریعہ بن سکتے ہیں۔ ان ماحولیاتی نظاموں کے درمیان تعامل ایک مساوی معاشرے کے حصول کے لیے اہم ہے اور یہ صرف ایک مناسب ماحول میں ہو سکتا ہے جو تحقیق اور اختراع کو برقرار رکھے۔ آر آئی آئی جی  میٹنگز تمام سطحوں پر اسٹیک ہولڈرز کو خیالات کا اشتراک کرنے اور سماجی و اقتصادی مساوات کے حصول کے لیے تحقیق اور اختراع کو بڑھانے کے لیے نئی شراکتیں قائم کرنے کے لیے ایک پلیٹ فارم فراہم کرتی ہیں۔ ان میٹنگوں کا سلسلہ تحقیقی وزراء کی میٹنگ میں اختتام پذیر ہوگا، جس میں 'سائنسی تحقیق اور اختراع' کے ذریعے سماجی و اقتصادی مساوات کے حصول کے پہلوؤں کو حل کرنے پر توجہ مرکوز کرنے کے ساتھ، سابقہ ​​مباحث کا خلاصہ ہو گا۔ 20 رکن ممالک کے درمیان تعاون کو بڑھایا جائے گا۔

ممبئی میں کل سے شروع ہونے والی دو روزہ آر آئی آئی جی  کانفرنس اور ریسرچ وزراء کی میٹنگ میں سائنس شراکت داری پر جی 20وزارتی اعلامیہ پر تبادلہ خیال اور اسے اپنایا جائے گا۔

وزارتی اعلامیہ کو اپنانا جی 20آر آئی آئی جی  مصروفیات کے اختتام کی نشاندہی کرتا ہے جو 2023 میں ہندوستان کی جی.20 صدارت کے دوران ہندوستان کے مختلف حصوں میں منعقدہ میٹنگوں کے سلسلے میں ہوئی تھی۔

6 جولائی 2023 کو، آر آئی آئی جی سمٹ اور ریسرچ منسٹرز میٹنگ میں شرکت کرنے والے G-20 کے مندوبین آئی آئی ٹی بمبئی. میں تحقیق اور اختراعی سہولیات کو دیکھنے کے لیے آئی آئی ٹی بمبئی جائیں گے۔

جی-20 ایک بین حکومتی فورم ہے جس میں 19 ممالک اور یورپی یونین (ای یو ) شامل ہیں جو عالمی معیشت سے متعلق اہم مسائل جیسے کہ بین الاقوامی مالیاتی استحکام، موسمیاتی تبدیلیوں میں تخفیف اور پائیدار ترقی کے لیے کام کرتا ہے۔ بشمول صنعتی اور ترقی پذیر دونوں ممالک یہ دنیا کی سب سے بڑی معیشتوں پر مشتمل ہے۔

****

ش ح۔   ش ت۔ج

Uno-6715

(Release ID: 1937179) Visitor Counter : 141