مرکزی وزیر برائے بندرگاہوں، جہاز رانی اور آبی گزرگاہوں جناب سربانند سونووال نے گجرات کے گاندھی نگر میں لوتھل میں نیشنل میری ٹائم ہیریٹیج کمپلیکس کے پروجیکٹ کے عمل کا جائزہ لیا۔ اس میٹنگ میں گجرات کے وزیر اعلیٰ جناب بھوپندر بھائی پٹیل، صحت اور خاندانی بہبود کے وزیر اور کیمیکلز اور فرٹیلائزر کے وزیر ڈاکٹر منسکھ منڈویا، بندرگاہوں، جہاز رانی اور آبی گزرگاہوں اور سیاحت کے وزیر مملکت جناب شری پد یسو نائک، بندرگاہوں، جہاز رانی اور آبی گزرگاہوں کے وزیر مملکت جناب شانتنو ٹھاکر نے شرکت کی۔

وزارت دفاع (انڈین نیوی اور کوسٹ گارڈ) کے ساتھ میٹنگ کے دوران این ایم ایچ سی کمپلیکس کے اندر نیول گیلری کی ترقی کے لیے ایک مفاہمت نامے پر دستخط کیے گئے۔

جناب سربانند سونووال نے کہا کہ ہمارے عزت مآب وزیر اعظم نریندر مودی کی قیادت میں بندرگاہوں، جہاز رانی اور آبی شاہراہوں کی وزارت گجرات کے لوتھل میں نیشنل میری ٹائم ہیریٹیج کمپلیکس تیار کر رہی ہے۔ اس کا مقصد بھارت کے امیر اور متنوع سمندری ورثے کو ظاہر کرنا ہے۔ این ایم ایچ سی ایم او پی ایس ڈبلیو کے تحت ساگر مالا پروگرام کے بڑے منصوبوں میں سے ایک ہے اور یہ دنیا کا سب سے بڑا میری ٹائم میوزیم کمپلیکس ہوگا۔

انھوں نے یہ بھی کہا کہ این ایم ایچ سی بھارت کی متنوع سمندری تاریخ کو سیکھنے اور سمجھنے کے مرکز کے طور پر کام کرے گا اور اسے اس طرح تعمیر کیا جارہا ہے کہ بھارت کا عام آدمی اس کی تاریخ کو آسانی سے سمجھ سکے۔ جناب سونووال نے اس پروجیکٹ کی ترقی میں مسلسل تعاون کرنے کے لیے گجرات حکومت کا شکریہ بھی ادا کیا۔

گجرات کے وزیر اعلی نے اس منصوبے کی پیشرفت پر خوشی کا اظہار کیا ہے اور اسے تفویض کردہ مختلف ذمہ داریوں کو نبھانے میں ریاست گجرات کی طرف سے مکمل تعاون کی یقین دہانی کرائی ہے۔

ڈاکٹر منسکھ منڈاویا نے گجرات حکومت کی کوششوں کی بھی ستائش کی اور سبھی کو ہدایت دی کہ وہ مقررہ وقت کے اندر پروجیکٹ کو مکمل کرنے کے لیے مزید تعاون کریں۔

گجرات حکومت نے اس پروجیکٹ کے لیے ٣٧٥ ایکڑ زمین مختص کی ہے۔ اسٹاف کوارٹرز کی ترقی کے لیے اضافی 375 ایکڑ اراضی۔ اسٹیٹ ہائی وے سے این ایم ایچ سی پروجیکٹ سائٹ تک سڑک کو 25 لین کرنے کا کام جاری ہے۔ نرمدا کے پانی کی فراہمی تقریبا 25 کلومیٹر سے پہلے ہی مکمل ہوچکی ہے۔ تقریبا 17کلومیٹر کی ٹرانسمیشن لائنیں بچھانے اور 66کے وی جی آئی ایس سب اسٹیشن کے قیام کا کام جاری ے جس کے لیے بنیادی اندرونی بنیادی ڈھانچے کی ترقی کے لیے 150 کروڑ روپے کا مالی اعانت مختص کی گئی ہے۔

بندرگاہوں، جہاز رانی اور آبی شاہراہوں کی وزارت کے ساگر مالا پروگرام کے تحت این ایم ایچ سی کو تقریبا 400 ایکڑ کے علاقے میں 4500 کروڑ روپے کی تخمینہ لاگت سے تیار کیا جارہا ہے اور اسے سرکاری اور نجی اداروں یا تنظیموں اور سی ایس آر کی مالی اعانت کے ذریعہ مزید ترقی دینے کی منصوبہ بندی کی جارہی ہے۔ بھارت کی بڑی بندرگاہیں 209 کروڑ روپے کے فنڈ میں حصہ ڈال رہی ہیں۔

اس پروجیکٹ کی پیشرفت کا جائزہ لینے کے اجلاس کے دوران جناب شری پد نائک ، وزیر مملکت برائے امور مملکت ، ایم او پی ایس ڈبلیو نے کہا ، "این ایم ایچ سی کو عالمی معیار کے بین الاقوامی سیاحتی مقام کے طور پر تیار کرنے کی تجویز ہے ، جو ملک میں اپنی نوعیت کا پہلا ہے ، جس میں میری ٹائم میوزیم ، لائٹ ہاؤس میوزیم ، میری ٹائم تھیم پارک اور تفریحی پارک وغیرہ شامل ہیں۔ یہ تعلیمی نقطہ نظر اپناتے ہوئے قدیم دور سے لے کر جدید دور تک ملک کے بحری ورثے کی نمائش کرے گا۔

'این ایم ایچ سی ہمیں امرتکل اور ایم آئی وی ٢٠٣٠ کی طرف ایک قدم آگے لے جائے گا۔ اس سے بھارت عالمی محاذ پر قائم ہوگا اور لوگوں کو ہمارے میری ٹائم سیکٹر کے امیر ورثے کے بارے میں تعلیم ملے گی' جناب شانتنو ٹھاکر، وزیر مملکت، وزارت پی ایس ڈبلیو نے کہا۔

پروجیکٹ کی صورت حال:

سرگ واڑہ گاؤں سے پروجیکٹ سائٹ تک 1.58کلومیٹر طویل 4لین سڑک کی تعمیر تکمیل کے دہانے پر ہے۔ 25کلومیٹر کی واٹر سپلائی لائن اور 10لاکھ لیٹر گنجائش کے واٹر ٹینک مکمل ہوچکے ہیں۔ فیز 25 اے کی پیشرفت 10 فیصد سے زیادہ ہے۔ پہلی 1 گیلریوں کے لیے گیلری ٹینڈر جاری کردیئے گئے ہیں اور نیول گیلری اور لوتھل ٹاؤن کے لیے تیاری کے آخری مرحلے میں ہے۔ جودھپور سے گلابی پتھر کی خصوصی کانوں کی شناخت کی گئی ہے اور انھیں این ایم ایچ سی کے بیرونی کاموں کے لیے باندھ دیا گیا ہے۔ عجائب گھروں میں نوادرات کے لیے مختلف ریاستی محکموں اور اداروں کے ساتھ رابطے قائم کیے گئے ہیں۔

این ایم ایچ سی کو بھارت کے میری ٹائم ہیریٹیج کی وراثت کے لیے وقف ملک میں اپنی نوعیت کے پہلے پروگرام کے طور پر تیار کیا جارہا ہے ، یہ نہ صرف بھارت کی امیر اور متنوع سمندری عظمت کو ظاہر کرے گا بلکہ ہمارے ملک کی مضبوط سمندری تاریخ اور متحرک ساحلی روایت کو بھی ایک ہی مقام پر اجاگر کرے گا جو بین الاقوامی فورم پر بھارت کے میری ٹائم ہیریٹیج کی شبیہ کو بلند کرے گا۔

واضح رہے کہ بندرگاہوں، جہاز رانی اور آبی شاہراہوں کی وزارت نے ملک میں بندرگاہ کے شعبے کی ترقی کے لیے اپنے عزم کے ایک حصے کے طور پر گجرات میں ساگر مالا پروگرام کے تحت 57000کروڑ روپے کے 74پروجیکٹوں کی نشاندہی کی ہے۔ ان میں سے 9000کروڑ روپے کی لاگت کے 15پروجیکٹ مکمل ہو چکے ہیں۔ 25000کروڑ روپئے سے زیادہ مالیت کے 33پروجیکٹوں پر عمل درآمد جاری ہے اور 22700کروڑ روپئے کی لاگت کے 26پروجیکٹ زیر تکمیل ہیں۔ مرکزی لائن وزارتیں، بڑی بندرگاہیں، ریاستی میری ٹائم بورڈ اور دیگر ریاستی ایجنسیاں مشترکہ طور پر ان منصوبوں کو نافذ کر رہی ہیں۔

***

(ش ح – ع ا – ع ر)

U. No. 6691