প্রধান মন্ত্রী শ্রী নরেন্দ্র মোদীনা ঙসিগী মালেমগী কোওপরেতিব নুমিত্তা নই দিল্লীগী প্রগতী মৈদান্দা পাংথোকপা 17শুবা ইন্দিয়ন কোওপরেতিব কংগ্রেস্তা মীয়ামগী মফমদা ৱা ঙাঙখ্রে। 17শুবা ইন্দিয়ন কোওপরেতিব কংগ্রেসকী মপুং ওইবা থীম্না ‘অমৃত কালঃ ভাইব্রেন্ত ওইবা ভারত অমগীদমক্তা কোপরেসনগী খুত্থাংদা নুংঙাই য়াইফবা পুরকপা” হায়বসিনি। শ্রী মোদীনা কোওপরেতিব মার্কেতিং অমসুং কোপরেতিব এক্সতেন্সন অমসুং এদভাইজরী সর্ভিস পোর্তেলগী ই-কম্মর্সকী ই-পোর্তেল হৌদোকখি।

প্রধান মন্ত্রীনা মহাক্কী ৱারোলদা থৌরম অসিগা মরী লৈননা মীপুম খুদিংবু থাগৎলদুনা লৈবাক অসিনা ‘চাউখৎপা অমসুং মরোমদোম লেপচবা ভারত’ অমগী পান্দমগী মাইকৈদা চঙশিল্লি হায়না ফোংদোকখি। পান্দমশিং অসি ফংনবা হোৎনবদা কোওপরেসনগী ইথিলনা মীপুম খুদিংনা অমত্তা ওইনা হোৎনমিন্নবগী পাউজেল পীবা ‘সবকা প্রয়াস’ হায়রিবা থৌওং অসিগী তঙাই ফদবগী মতাংদা অমুক্কা হন্না পাউদমখি। ভারতপু মালেমগী শঙ্গোম খ্বাইদগী হেন্না পুথোকপা লৈবাক অমা ওইহনবদা দাইরী কোওপরেতিবনা লৌবা থৌদাং অমসুং ভারতপু মালেমগী ওইনা চু খ্বাইদগী হেন্না পুথোকপা লৈবাক অমা ওইহনবদা লৌবা থৌদাংগী মতাংদা প্রধান মন্ত্রীনা পনখি। কোওপরেতিব অসিনা লৈবাক্কী শরুক কয়া অমদা অপীকপা লৌমীশিংগী খ্বাইদগী চাউবা তেংবাং অমা ওইরে হায়না মহাক্না মীয়ামগী পুক্নিং চীংশিনখি। নুপীশিংনা দাইরী সেক্তরদা য়ারিবা থৌদাং অসি চাউরাক্না চাদা 60নি হায়না প্রধান মন্ত্রীনা ফোংদোকখি। মরম অদুনা, প্রধান মন্ত্রীনা মখা তারদুনা, চাউখৎপা ভারতকী পান্দম ফংবা ঙম্নবগীদমক্তা সরকারনা কোওপরেতিব সেক্তরগী মপাঙ্গল হেনগৎহন্নবা ৱারেপ লৌখি হায়খি। মসিগীদমক্তা তোঙানবা মন্ত্রালয় অমা শেমখিবা অমসুং মসিগীদমক্তা বজেত কাইথোকখিবনা মরম ওইদুনা, কোওপরেতিবশিং অসিবু কোরপোরেত সেক্তরগুম্না প্লেতফোর্ম অমা ওইনা লান্থোক্লিবনি হায়না প্রধান মন্ত্রীনা পাউদমখি। কোওপরেতিব সোসিয়াতীশিংবু মপাঙ্গল হেন্না লৈহন্নবা খোঙথাং কয়াগী মতাংদা প্রধান মন্ত্রীনা তম্লদুনা তেক্স রেতশিংদা হন্থহনখিবগী মতাংদসু পাউদমখি। কোওপরেতিব বেঙ্কশিংবু মপাঙ্গল হাপ্নবা পায়খৎপা খোঙথাংগী মতাংদা মহাক্না পাউদম্লদুনা অনৌবা ব্রাঞ্চ হাংদোকপা অমসুং য়ুম্থোং খুদিংদা বেঙ্কিংগী খুদোংচাবা ফংহন্নবা হোৎনখিবশিংবু মহাক্না খুদম ওইনা পীখি।   

ঙসিগী থৌরম অসিদা লিঙ্ক তৌরিবা মশিং য়াম্লবা লৌমীশিংগী মতাংদা প্রধান মন্ত্রীনা পল্লদুনা, লৌমীশিংগী য়াইফ য়ুম্বালগীদমক্তা মমাংগী চহি 9দা পায়খৎপা থবক থৌরমশিংগী মতাংদা প্রধান মন্ত্রীনা পাউদমখি। ময়াইদা লৈবা মীয়াম মশিং য়াম্না লৈরম্বা অমসুং পথাপ অসিদা মমাংগী মতমদা শৌগৎপা ৱাৎলম্বগী মতৌ পল্লদুনা, প্রধান মন্ত্রীনা হায়খিবদা, হৌজিক্তি লৌমী করোর কয়া অমনা মখোয়গী একাউন্তশিংদা কিসান সম্মান নিধী হকথেংননা ফংলে হায়না ফোংদোকখি। মমাংগী চহি 4দা, স্কিম অসিগী মখাদা লুপা করোর লাক্ষ 2.5 অসি য়াম্না নুং পান ফাওনা উবা মওংদা ত্রান্সফর তৌখ্রে হায়না ফোংদোকখি। ইং 2014গী মমাংদা চহি 5কী লৌউ-শিংউগী বজেতনা লুপা করোর লিশিং 90দগী তাথনা লৈরম্বা অদুগা য়েংনরুরবদি, লুপা করোর লাক্ষ 2.5 হায়বসি য়াম্না চাউবা শেনফম্নি হায়না মহাক্না ঙসিগী মীয়ামদা হায়খি। মসিনা হায়বদি, হায়রিবা চহি মঙাদুগী লৌউ-শিংউগী বজেৎকী শরুক অহুম হেনবা অসি শুপ্নগী স্কিম অমখক্তদা থাদৈ হায়বনি।

মালেমগী ওইনা হারগী মমল হেনগৎলকপা অসিনা লৌমীশিংদা পোৎলুম অমা ওইহন্দনবা পাম্বৈ কয়া সরকারনা পায়খৎখিবশিংগী মতাংদা প্রধান মন্ত্রীনা পাউদমখি। ঙসিগী লৌমী অমনা য়ুরিয়া বোরা অমগী চাউরাকপা লুপা 270 চাদিং তৌই অমসুং হায়রিবা চপ মান্নবা বোরা অমগী মমল অসি বঙ্গলাদেশতা লুপা 720, পাকিস্তান্দা লুপা 800, চাইনাদা লুপা 2100 অমসুং USতা লুপা 3000 পী হায়না মহাক্না হায়খি। “মসিনা গেরেন্তী হায়বসি কমদৌই অমসুং লৌমীশিংগী পুন্সিদা অহোংবা পুরক্নবা য়াম্না চাউনা হোৎনবগী মতৌ অসি কমদৌই হায়না উৎলি”, মহাক্না হায়খি। প্রধান মন্ত্রীনা মমাংগী চহি 9দা ফর্তিলাইজর সবসিদীখক্তদা লুপা করোর লাক্ষ 10 হেন্না চাদিং তৌখি হায়না ফোংদোকখি।

লৌমীশিংগী মফমদা মখোয়গী পোত্থোকশিংগী চুনবা মমল পীবদা সরকারনা য়াম্না লুনা লৌরিবা অসিদা মিৎয়েং চঙলদুনা, প্রধান মন্ত্রীনা সরকারনা লৌমীশিংগী পোত্থোকশিং অসি হেনগৎলবা MSPদা লৈ অমসুং মমাংগী চহি 9দা চাউরাকপা লুপা করোর লাক্ষ 15 হেনবগী শেনফম্বু লৌমীশিংদা পীখ্রে হায়খি। “সরকারনা লৌউ-শিংউ অমসুং লৌমীশিংদা চাংচত্তা লুপা করোর লাক্ষ 6.5 অসিবু চহি খুদিংগী চাদিং তৌদুনা লাকখি”, শ্রী মোদীনা হায়খি। “লৈবাক্কী লৌমী খুদিংনা চহি খুদিংগী চাউরাকপা লুপা লিশিং 50গী শেনফম্বু পাম্বৈ অমা নত্ত্রগা অতোপ্পা পাম্বৈ অমগী খুত্থাংদা শোইদনা ফংহন্নবা সরকারনা হোৎনরি”, মহাক্না মখা তানা হায়খি।

সরকারনা লৌমীশিংগী য়াইফ য়ুম্বালগীদমক্তা পায়খৎলিবা থবকশিংগী মতাংদা মখা তারদুনা, শ্রী মোদীনা লুপা করোর লাক্ষ 3 অমসুং লিশিং 70গী পেকেজ অমা হন্দক্তা শেমখিবা অমসুং চু থাবা লৌমীশিংগী ওইনা ক্বিন্তলদা লুপা 315গী মমল পীবগী মতাংদা পনখি। মসিনা চু থাবা লৌমী অমসুং চুগী মিলদা থবক তৌবা অপুনবা মীওই লাক্ষ 5তা হকথেংননা কান্নবা পীগনি হায়না মহাক্না ফোংদোকখি।

অমৃত কালগী মতমসিদা খুঙ্গং অমসুং লৌমীশিংগী চাউখৎ থৌরাংদা কোওপরেতিব সেক্তরনা য়াগদৌরিবা থৌদাং অসি য়াম্না চাওই হায়না প্রধান মন্ত্রীনা হায়খি। “সরকার অমসুং সাহকার (সরকার অমসুং কোওপরেতিব) অসিনা চাউখৎপা ভারতকী মঙলান্দা মপাঙ্গল শরুক অনি থোক্না হাপকনি”, প্রধান মন্ত্রীনা মিৎয়েং চঙখি। দিজিতেল ইন্দিয়া কেম্পেনগী খুত্থাংদা সরকারনা নুং পান ফাওনা উবগী মতৌ হেনগৎহন্দুনা বেনিফিশরীশিংদা হকথেংননা কান্নবা ফংহন্নবা পায়খৎপা থবকশিংদা প্রধান মন্ত্রীনা মীয়ামগী পুক্নিং চীংশিনখি। “ঙসিদি, খ্বাইদগী লাইরবদগী লাইরবা মীওইশিংনা শেঞ্জা থুমজা অমসুং মরী-মতাগী পথাপ অসি মথক্কী থাশিংদা লৈত্রে হায়বা থাজরে। কোওপরেসন্দা মিৎয়েং চঙদুনা, ঐখোয়গী লৌমী অমসুং শা-শন লোইবশিংনা মসিবু মখোয়গী নোংমগী পুন্সিদা মমুৎ তানা খঙবগী মরু ওইবা য়াম্না লৈ। কোওপরেতিব সেক্তরনা নুং-পান ফাওনা উবা অমসুং শেঞ্জা থুমজা লৈতবা লৈঙাক অমগী মোদেল অমা ওইহনবা হায়বসি য়াম্না মরু ওইবনি”, প্রধান মন্ত্রীনা হায়খি।

“ভারত অসি দিজিতেল ত্রাঞ্জেক্সনগীদমক্তা মালেম্না শকখঙনরি”, প্রধান মন্ত্রীনা হায়রদুনা কোওপরেতিব সোসাইতী অমসুং বেঙ্কশিংনা দিজিতেল ত্রাঞ্জেক্সনগী লমদা মাঙ থানা লৈবীয়ু হায়খি। মসিনা মার্কেত্তা নুং পান ফাওনা উবগী মতৌ হেনগৎহনবগা লোয়ননা মথৌ নীংথিনা পাংথোকহল্লি অমসুং কম্পিতিসনসু হেন্না লৈহল্লি হায়না মহাক্ন হায়খি।

প্রাইমারী লেভেল নত্ত্রগা PACSকী মরু ওইবা কোওপরেতিব সোসাইতীনা নুং-পান ফাওনা উবগী মোদেল অমা ওইরক্কনি হায়না ফোংদোক্লদুনা, প্রধান মন্ত্রীনা PACS 60,000 হেনববু কম্প্যুতরাইজ তৌবগী থবক হান্ননা পায়খৎপা হৌখ্রে হায়খি। কোওপরেতিবশিংনা মখোয়না ফংলিবা তেক্নোলোজীগী কান্নবা নীংথিনা লৌগদবনি হায়বসিদা মিৎয়েং চঙলদুনা, কোওপরেতিবশিংনা কোর বেঙ্কিং অমসুং দিজিতেল ত্রাঞ্জেক্সন পাংথোকপা হৌবা মতমদা লৈবাক অসিনা য়াম্না চাউনা কান্নবা ফংগনি হায়বা ৱাফমসু মহাক্না পনখি।

প্রধান মন্ত্রীনা এক্সপোর্ত তৌবগী চাং লেপ্তনা হেনগৎলক্লিবা অসিদা খুদম পীরদুনা কোওপরেতিবশিংনা হীরম অসিদসু তেংবাংগদবনি হায়খি। মেন্যুফেকচরিংগী লমদা কোওপরেতিবশিংদা অখন্ননা পুক্নিং থৌগৎলিবা অসিসু মসিগী মরম অসিগীনি হায়না মহাক্না হায়খি। মখোয়গী তেক্সকী পোৎলুম হন্থহনখ্রে, মহাক্না হায়খি। দাইরী সেক্তরনা একপোর্ত তৌবগী লমদা থবক হেনগৎলকপা অসিবু মহাক্না অখন্ননা পনখি অমসুং ঐখোয়গী খুঙ্গংশিংগী তৌবা ঙম্বগী মতিকপু মপুং ফানা কান্নবা লৌনবা থবক পায়খৎফম থোকই হায়বসিদা মহাক্না অখন্নবা মিৎয়েং থমখি। শ্রী অন্না (মিল্লেত) অসিদা নৌনা চঙলিবা মিৎয়েং অসিসু হায়রিবা ৱারেপ অসিগী খুদম অমনি, মহাক্না হায়খি। USকী হ্বাইত হাউস্তা হন্দক্তা পাংথোকখিবা স্তেত দিন্নরদা, শ্রী অন্না অসি য়াম্না মশক থোক্না য়াওখি হায়বা ৱাফম মহাক্না পনখি। শ্রী অন্নাবু মালেমগী কৈথেলদা পুনবগীদমক্তা মহাক্না কোওপরেতিবশিংগী মফমদা থমখি।

চু থাবা লৌমীশিংগী শিংনবশিংগী, মরু ওইনা, মখোয়না মতম চানা শেল ফংদবা অমসুং চুনবা মমল ফংদবা অসিগী ৱারোইশিন পুরক্নবা সরকারনা পায়খৎলিবা খোঙথাংগী মতাংদা প্রধান মন্ত্রীনা শন্দোক্না পাউদমখি। লৌমীশিংগী ফংফম থোকপা শেল ফংহন্নবগীদমক্তা লুপা করোর 20,000গী পেকেজ অমা চুগী মিলশিংদা পীখ্রে। পেত্রোল্গা ইথানোলগা ব্লেন্দিং তৌবগী থৌওংদা অহেনবা প্রাইওরিতী পীরে অমসুং মমাংগী চহি 9দা চুগী মিলশিংদগী লুপা করোর 70,000গী ইথানোলসু লৈখ্রে। চুগী অৱাংবা মমলদা থম্বা তেক্সশিংসু লৌথোক্লে হায়না মহাক্না পাউদমখি। তেক্সকা মরী লৈননা পাংথোকপা রিফোর্মগী মতাংদা হায়রদুনা, প্রধান মন্ত্রীনা হায়বদা মমাংদগী পীথোক্তনা লৈরকপা শেল কয়া পীথোকপা ঙমহন্নবগীদমক্তা হন্দক্কী বজেত অসিদা লুপা করোর 10,000গী তেংবাং অমসু কোওপরেতিব সুগর মিলশিংদা পীখ্রে হায়খি। হায়রিবা থৌওংশিং অসিনা সেক্তর অসিদা মতম শাংনা চৎকদবা অহোংবা কয়া পুরক্লি অমসুং মখোয়গী মপাঙ্গলসু হাপ্লি হায়না মহাক্না হায়খি।

ফুদ সেক্যুরিতী অসি শুপ্নগী গেহু অমসুং চেংদা অকক্নবা লৈতে হায়না প্রধান মন্ত্রীনা হায়রদুনা ভারতনা চাবা য়াবা থাউ, হৱাই, ঙা মচিঞ্জাক অমসুং প্রোসেস তৌরবা চিঞ্জাক্নচিংবশিংগী ইম্পোর্ত্তা চাউরাক্না করোর লাক্ষ 2দগী 2.5 ফাওবা চাদিং তৌই হায়না ফোংদোকখি। মহাক্না লৌমী অমসুং কোওপরেতিবশিংনা মাইকৈ অসিদা থবক পায়খত্তুনা লৈবাক অসিবু চাবা য়াবা থাউ পুথোকপগী লমদা মরোমদোম লেপচবা ঙমহন্নবা হোৎনসি হায়না ফোংদোকখি। সরকারনা হীরম অসিগী মতাংদা মিসন মোদতা থবক পাংথোক্লি হায়না প্রধান মন্ত্রীনা পল্লদুনা মিসন পাল্ম ওইল অমসুং ওইল সিদ পুথোকপা হেনগৎহন্নবা পায়খৎপা থবকশিংগী খুদম পীখি। কোওপরেতিবশিংনা সরকারগা খুৎশম্ননা চৎমিন্নদুনা মাইকৈ অসিদা তেংবাংবা হৌরকপা মতমদা লৈবাক অসিনা চাবা য়াবা থাউ পুথোকপগী লমদা মরোমদোম লেপচাব ঙম্লক্কনি হায়বগী মহাক্না থাজবা ফোংদোকখি। চাবা য়াবা থাউ পুথোক্নবা পাম্বী থাবগী তেক্নোলোজী অমসুং মরী লৈনবা খুৎশু খুৎলায় লৈবগী লমদা কোওপরেতিব সোসাইতীশিংনা মখল খুদিংগী সর্ভিস অমসুং ই-পাউ পীবা ঙমগনি হায়না শ্রী মোদীনা হায়খি।

প্রধান মন্ত্রীনা পি.এম. মতস্য সম্পদা য়োজনাগী মায় পাকপশিংগী মতাংদা মীয়ামগী পুক্নিং চীংশিনখি অমসুং মসিনা ঈশিং লৈবা মফমগা নক্ননা লৈবা লৌমী অমসুং খুঙ্গংগী মীওইশিংগী অহেনবা শেল তানবগী পাম্বৈ অমা ওইরে হায়খি। কোওপরেতিব সোসাইতী লিশিং 25 হেনবনা ফিশরী সেক্তরদা থবক তৌদুনা ঙা প্রোসেস তৌবা, ঙা কংহনবা, ঙা লাইয়েংবা, ঙা থম্বা, ঙাবু কৌতাদা হাপ্পা অমসুং ঙা পুথোক পুশিন তৌবগী ইন্দস্ত্রীশিংগী মপাঙ্গল য়াম্না লৈহল্লে হায়না মহাক্না পাউদমখি। মমাংগী চহি 9দা ইনলেন্দ ফিশরীগী চাংনা শরুক অনি হেনগৎলে হায়না মহাক্না পাউদমলদুনা কোওপরেতিব সেক্তরনা কেম্পেন অসিদা তেংবাংবগী মথৌ তাই হায়না মখা তাখি। ঙা য়োকপগুম্বা অনৌবা সেক্তর কয়া পাকথোক চাউথোকহনবদা PACSনা লৌরিবা থৌদাং কয়াদা মহাক্না মিৎয়েং চঙখি অমসুং লৈবাক শিনবা থুংবদা অনৌবা মলতি পর্পজ সোসাইতী লাক্ষ 2 শেম্বগী পান্দমগা লোয়ননা সরকারনা থবক কয়া পায়খৎলি হায়না মহাক্না ফোংদোকখি। থৌওংশিং অসিগী মতেংদগী, কোওপরেতিবশিংগী মতিক মপাঙ্গলনা মসিগুম্বা পথাপ অসি চৎনদ্রিবা খুঙ্গং অমসুং পঞ্চায়তশিংদা য়ৌশিনবা ঙমগনি হায়না প্রধান মন্ত্রীনা হায়খি।

প্রধান মন্ত্রীনা মমাংগী চহি খরদা FPOশিংদা মিৎয়েং চঙলিবা অসিদা মিৎয়েং চঙলদুনা, অনৌবা FPO লিশিং 10 শেম্বগী থবক হৌজিক পায়খৎলিবনি অমসুং মসিগী মনুংদা FPO লিশিং 5তি শেমখ্রে হায়খি। “FPOশিংনা অপীকপা লৌমীশিংদা পাঙ্গল য়াম্না হাপ্লগনি। থৌওংশিং অসিদি অপীকপা লৌমীশিংবু মার্কেত্তা মপাঙ্গল লৈবা কাঙবু অমা ওইহন্নবনি। মরুদগী হৌরগা কৈথেল ফাওবদা, অপীকপা লৌমীশিংনা পথাপ খুদিংনা মখোয়গী মতেং করম্না পাংহনগদগে, মার্কেতকী মপাঙ্গলদা মহাক্না করম্না মাইয়োক্নবা ঙমগদগে হায়বগী কেম্পেন অমা মসিনা ওইরি”, প্রধান মন্ত্রীনা হায়খি। শ্রী মোদীনা মখা তানা হায়খিবদা, সরকারনা PACশিংগী খুত্থাংদগী FPO শেম্নবা ৱারেপ লৌরে, সেক্তর অসিদা অনৌবা খুদোংচাবা কয়া হাংদোক্লে হায়খি।

খোইহী পুথোকপা, ওর্গানিক ওইবা চিঞ্জাক, সোলর পেনেল অমসুং সোইল তেস্তিংগুম্বা লৌমীগী শেন্থোক হেনগৎহনবা ঙম্বা পাম্বৈ কয়াদা প্রধান মন্ত্রীনা মিৎয়েং চঙলদুনা কোওপরেতিব সেক্তরনা হায়রিবশিং অসিদা তেংবাংবগী তঙাই ফদবা লৈরিবা অসিদসু মহাক্না মীয়ামগী পুক্নিং চীংশিনখি। কেমিকেল য়াওদনা লৌ-উবগী মতাংদা হন্দক্তা হৌদোকপা PM-PRANAM স্কিমগী মতাংদা প্রধান মন্ত্রীনা পনখি। স্কিম অসিনা কেমিকেল য়াওদনা লৌ-উবগী থৌওংবু চাউখৎহন্নবা অমসুং অলতর্নেতিব ফর্তিলাইজর শিজিন্নবগী থৌওং খুমাং চাউশিলহন্নবা পান্দম থম্বনি। মসিদসু কোওপরেতিবকী তেংবাংগী মথৌ তাই হায়না মহাক্না পনখি। কোওপরেতিবশিংনা জিলা খুদিংগী খুঙ্গং 5 কোনশিন্দুনা মখোয়না কেমিকেল য়াওদনা লৌ-উহন্নবা হোৎননবা থবক পায়খৎলু হায়না মহাক্না কোওপরেতিবশিংগী মফমদা হায়খি।

‘ফত্ত হৌদীবু লনদা’ ওন্থোকপগী পান্দমগা লোয়ননা লৈবাক শিনবা থুংবদা থবক পায়খৎলিবা গোবর্ধন স্কিমদা প্রধান মন্ত্রীনা মীয়ামগী পুক্নিং চীংশিনখি। শন্থীবু ইলেক্ত্রিক অমসুং ওর্গানিক ফর্তিলাইজরদা ওন্থোকপা ঙম্বা প্লান্ত কয়াগী অচৌবা নেতৱর্ক অমা সরকারনা শেম্লি হায়না মহাক্না হায়খি। কম্পেনী কয়া অমনা লৈবাক অসিদা হৌজিক ফাওবদা বাইওগ্যাস প্লান্ত 50 হেন্না শাখ্রে হায়না মহাক্না পাউদম্লদুনা কোওপরেতিব সোসাইতীশিংনা মাঙ থানা থোক্লক্তুনা গোবর্ধন প্লান্তশিংদা তেংবাংনবা মহাক্না ৱাফম থমখি। মসিনা শা-শন লোইবশিংদা কান্নবা পীবতা নত্তনা লম্বী শোরোক্তা থাদোক্তুনা থম্লবা মপু লৈত্রবা শা-শনশিংগী কান্নবসু লৌবা ঙমগনি হায়না মহাক্না ফোংদোকখি।

দাইরী অমসুং এনিমেল হসবেন্দরী সেক্তরনা পায়খৎলিবা অপুনবা থবকশিংদা প্রধান মন্ত্রীনা মীয়ামগী পুক্নিং চীংশিনখি। শা-শন লোইবা মীওই কয়া অমগা কোওপরেতিব সেক্তরগা মরী লৈনরি হায়না মহাক্না হায়খি। ফুত অমসুং মাউথ লাইনাগী খুদম পীরদুনা, প্রধান মন্ত্রীনা লাইনা অসিনা শনশিংদা অৱাবা য়াম্না পীবতা নত্তনা লাইবস্তোক ফার্মরশিংনা মসিনা মরম ওইরগা চহি খুদিংগী লুপা করোর লিশিং কয়া মাঙনরি হায়খি। কেন্দ্র সরকারনা লৈবাক শিনবা থুংবগী ভেক্সিন কাপথোকপগী কেম্পেন অমা হৌদোকখ্রে অমসুং মসিগী শরুক অমা ওইনা শা-শন করোর 24দা অহানবা ওইনা তিকা কাপথোকখি হায়না মহাক্না হায়খি। FMD অসি হৌজিক ফাওবগী ওইনা মরা ফংনা মুত্থৎপদি ঙমদ্রি। ভেক্সিনেসন কেম্পেন নত্ত্রগা এনিমেল ত্রেসিং তৌবা ওইরো, কোওপরেতিবশিংনা মসিগীদমক্তা মাং থানা থোক্লক্নবা মহাক্না ৱাফম থমখি। দাইরী সেক্তরগী স্তেকহোলদর অসি শা-শন লোইবশিং খক্তনা ওইদে, মসিদা ঐখোয়গী শা-শনশিংসু চপ মান্নবা স্তেকহোলদর ওই হায়না শ্রী মোদীনা হায়খি।

সরকারন হৌদোকপা তোঙান-তোঙানবা মিসন কয়া মায় পাক্না লোইশিনবা ঙমহন্নবগীদমক্তা মাং থানা থোকপীরকউ হায়না প্রধান মন্ত্রীনা কোওপরেতিবশিংগী মফমদা হায়খি। মখোয়না অমৃত সরোবরগী মিসন, ঈশিং য়োকশিনবা, পর দ্রোপ মোর ক্রোপ, মাইক্রো ইরিগেসন্নচিংবা মিসন কয়াদসু মখোয়না মপুং ফানা শরউক য়াসি হায়বগী ৱাফমসু মহাক্না থমখি।

প্রধান মন্ত্রীনা স্তোরেজকী মতাংদসু ৱাফম কয়া থমখি। স্তোরেজকী খুদোংচাবা লৈতবনা ফুদ সেক্যুরিতীগী হীরমদা মতম কয়াদগী হৌনা অচৌবা শিংনবা অমা ওইদুনা লাক্লি হায়না মহাক্না হায়খি। ঐখোয়না পুথোকচবা চেং হৱাইগী শুপ্নগী চাদা 50 খক্তমক ঐখোয়না থমজিনবা ঙম্মি হায়না মহাক্না হায়খি। কেন্দ্র সরকারনা মালেমগী খ্বাইদগী চাউবা স্তোরেজ স্কিম অমা পুথোক্লে অমসুং মমাংগী দিকেদ কয়া অমদা ওইরম্বা তন লাক্ষ 1400গী কেপাসিতীগা চাংদম্নবদা মসিনা শুপ্নগী চহি মঙাগী মনুংদা তন লাক্ষ 700 হেনবগী স্তোরেজ কেপাসিতী শেম্বগী পান্দম থম্লি হায়না মহাক্না হায়খি। লৌউ-শিংউগী ইনফ্রাস্ত্রকচরখক্কীদমক্তা লুপা করোর লাক্ষ অমগী ফন্দ অমা সরকারনা শেম্লে অমসুং মমাংগী চহি 3দা লুপা করোর লিশিং 40গী শেনফম অসি মসিদা ইনভেস্ত তৌখ্রে হায়না মহাক্না পাউদমখি। হায়রিবা ইনভেস্তমেন্ত অসিগী অচৌবা শরুক্তি PACSতগী লাকখি অমসুং ফার্মগেত ইনফ্রাস্ত্রকচর শেম-শাবগীদমক্তা কোওপরেতিবশিংগী অহেনবা তেংবাং কয়াগী মথৌ তারি হায়না মহাক্না হায়খি।

প্রধান মন্ত্রীনা মহাক্কী ৱাফম লোইশিনবা ওইনা, অনৌবা ভারত অসিদা কোওপরেতিবশিংনা লৈবাক্কী ইকোনোমিক সোর্সশিংগী মপাঙ্গল লৈবা পাম্বৈ অমা ওইগনি হায়বগী থাজবা ফোংদোকখি। কোওপরেতিব মোদেলগী তুং ইন্দুনা মরোমদোম লেপচবা ঙম্বা খুঙ্গং শেমগৎপগী তঙাই ফদবা লৈরিবা অসিদা মহাক্না মীয়ামগী পুক্নিং চীংশিনখি। কোওপরেসনশিংগী মরক্তা তেংবাংবগী মতৌ হেন্না ফগৎহসি হায়বা ৱাফম থম্লদুনা কোওপরেতিবশিং অসিনা রাজনীতি তৌবগী মহুত্তা সোসিএল পোলিসী অমসুং নেস্নেল পোলিসীগী কেরিয়র অমা ওইগদবনি হায়না মহাক্না হায়খি।

গৃহ অমসুং কোওপরেসনগী কেন্দ্র মন্ত্রী, শ্রী অমিত শাহ; কোওপরেসনগী কেন্দ্রগী রাজ্য মন্ত্রী, শ্রী বি.এল. ভর্মা; এসিয়া পেসিফিক্কী ইন্তর্নেস্নেল কোওপরেতিব এল্লাইএন্সকী চেয়রমেন, দাঃ চন্দ্রপাল সিংহ য়াদব অমসুং নেস্নেল কোওপরেতিব য়ুনিয়ন ওফ ইন্দিয়াগী প্রসিদেন্ত, শ্রী দিলিপ সংঘানিসু অতোপ্পা মীওইশিংগা লোয়ননা থৌরম অসিদা শরুক য়াখি।

বেকগ্রাউন্দ

প্রধান মন্ত্রীগী “সহাকার সে স্মৃধী”গী মঙলান্দা চেৎনা থাজবা থম্লিবা অসিনা শাফু পীদুনা, সরকার অসিনা লৈবাক অসিগী কোওপরেতিবকী ইহৌবু হেন্না খুমাং চাউশিলহন্নবা লেপ্তনা থবক কয়া পায়খত্তুনা লাক্লি। থৌওং অসিগী পাঙ্গল হাপ্নবগীদমক্তা, সরকারনা কোওপরেতিবকী তোঙানবা মন্ত্রালয় অমসু শেমখ্রবনি। প্রধান মন্ত্রীনা থৌরমসিদা শরুক য়ারিবা অসিনা মাইকৈ অসিদা থাংজিনবা অহেনবা খোঙ্কাপ অমা ওইরি।

17শুবা ইন্দিয়ন কোওপরেতিব কংগ্রেস অসি জুলাই 1-2, 2023দা পাংথোকপনি। মসিগী পান্দমদি কোওপরেতিব ইহৌগী চৎনবী কয়াগী মতাংদা খন্ন-নৈনবা, হৌজিক চৎনরিবা খ্বাইদগী ফবা থৌওং উৎপা, হৌজিক থেংনরিবা শিংনবশিংগী মতাংদা খন্নবা অমসুং ভারতকী কোওপরেতিব ইহৌ খুমাং চাউশিলহন্নবা তুংগী মতমদা চৎনবা য়াবা পোলিসী শেম্বগী ৱাফম কয়া খন্ন-নৈনবনি। মপুং ওইবা থীম ওইরিবা ‘অমৃত কালঃ ভাইব্রেন্ত ওইবা ভারত অমগীদমক্তা কোওপরেসনগী খুত্থাংদা নুংঙাই য়াইফবা পুরকপা” অসিগী মরী লৈনবা তেক্নিকেল সেসন তরেৎ অমসু পাংথোক্কনি। মসিদা প্রাইমারী থাক্তগী লৈবাক্কী থাক ফাওবগী কোওপরেতিবকী স্তেকহোলদর 3600 য়াওনা মালেমগী কোওপরেতিব ওর্গনাইজেসনগী দেলিগেত, মালেমগী কোওপরেতিব এল্লাইএন্সকী মীহুৎ, মন্ত্রালয়, য়ুনিভর্সিতী, মমিং লৈবা ইন্সতিত্যুসনগী মীহুৎ কয়া য়াওনা থৌরম অসিদা শরুক য়াগনি।

Addressing the Indian Cooperative Congress. The sector plays a vibrant role in the country's progress. https://t.co/7VH4XNbqTQ

— Narendra Modi (@narendramodi) July 1, 2023

मैंने लाल किले से कहा है, हमारे हर लक्ष्य की प्राप्ति के लिए सबका प्रयास आवश्यक है।

सहकार की स्पिरिट भी तो यही है: PM @narendramodi pic.twitter.com/GYWnPSzf4B

— PMO India (@PMOIndia) July 1, 2023

जब विकसित भारत के लिए बड़े लक्ष्यों की बात आई, तो हमने सहकारिता को एक बड़ी ताकत देने का फैसला किया। pic.twitter.com/GujRgc53iI

— PMO India (@PMOIndia) July 1, 2023

करोड़ों छोटे किसानों को पीएम किसान सम्मान निधि मिल रही है।

कोई बिचौलिया नहीं, कोई फर्ज़ी लाभार्थी नहीं। pic.twitter.com/8Ptp8MOQ4i

— PMO India (@PMOIndia) July 1, 2023

किसान हितैषी अप्रोच को जारी रखते हुए, कुछ दिन पहले एक और बड़ा निर्णय लिया गया है। pic.twitter.com/Qyv119vAVf

— PMO India (@PMOIndia) July 1, 2023

अमृतकाल में देश के गांव, देश के किसान के सामर्थ्य को बढ़ाने के लिए अब देश के कॉपरेटिव सेक्टर की भूमिका बहुत बड़ी होने वाली है। pic.twitter.com/Pm1WTnlWQX

— PMO India (@PMOIndia) July 1, 2023

केंद्र सरकार ने मिशन पाम ऑयल शुरु किया है।

इसके तहत तिलहन की फसलों को बढ़ावा दिया जा रहा है। pic.twitter.com/18TDetCKuJ

— PMO India (@PMOIndia) July 1, 2023

बीते वर्षों में हमने किसान उत्पादक संघों यानि FPOs के निर्माण पर भी विशेष बल दिया है। pic.twitter.com/iYgpZx7n58

— PMO India (@PMOIndia) July 1, 2023

आज कैमिकल मुक्त खेती, नैचुरल फार्मिंग, सरकार की प्राथमिकता है। pic.twitter.com/fwl3aSu5Bk

— PMO India (@PMOIndia) July 1, 2023

Per Drop More Crop

ज्यादा पानी, ज्यादा फसल की गारंटी नहीं है।

Micro-irrigation का कैसे गांव-गांव तक विस्तार हो, इसके लिए सहकारी समितियों को अपनी भूमिका का भी विस्तार करना होगा। pic.twitter.com/5lG4XuwN49

— PMO India (@PMOIndia) July 1, 2023

***