হ্যুমেন রিসোর্স চাউখৎ-থৌরাংগী মন্ত্রালয়
য়ুনিভর্সিতী ওফ দিল্লীগী সেন্তিনরী সেলেব্রেসন লোইশিনবগী থৌরমদা প্রধান মন্ত্রীনা ৱা ঙাঙখ্রে
য়ুনিভর্সিতী অসিগী ফেকল্তী ওফ তেক্নোলোগী, কম্প্যুতর সেন্তর অমদি একাদমিক ব্লোক্কী বিল্দিংগী উরেপ উয়ুং তমখ্রে
কোমেমোরেতিব সেন্তিনরী ভোল্যুম – সেন্তিনরী সেলেব্রেসনগী কম্পাইলেসন; লোগো বুক – দিল্লী য়ুনিভর্সিতী অমদি মসিগী কলেজশিংগী লোগো; অমদি ঔরা – য়ুনিভর্সিতী ওফ দিল্লীগী চহি ১০০ ফোঙখ্রে
য়ুনিভর্সিতী ওফ দিল্লী য়ৌরকপদা মেত্রো তোংখি
"দিল্লী য়ুনিভর্সিতী য়ুনিভর্সিতী অমখক্তা নত্তে ঈহৌ অমনি"
"চহি চাম্মসিদা দি.য়ু.না মাগী ইহুলবু হিংহন্দুনা থম্লক্লি, মাগী মমলবু মশক মচু থোক্না থম্লক্লি"
"ভারতকী ইনাক খুল্লবা মহৈ মশিংগী সিস্তেমসিনা ভারতকী নুংঙাই য়াইফবগী পাউজেল পুরি"
"দিল্লী য়ুনিভর্সিতীনা হৈথোই শিংথোইরবা নহাশিংগী অকনবা মীরোল অমা শেমগৎপদা অচৌবা শক্লোন অমা লৌরি"
"মীওই অমা নৎত্রগা ইন্সতিত্যুসন অমগী ফিরেপ লৈবাক্কীদমক লেপ্লকপা মতমদা, মদুগী মায় পাকপশিং লৈবাক্কী মায় পাকপগা মান্নৈ"
"হৌখিবা চহিচাগী অহুমসুবা দেকেদনা ভারতকী নীংতম ইহৌদা অনৌবা খোঙজেল হাপখ, হৌজিক্তি অনৌবা চহিচাসিগী অহুমসুবা দেকেদ অসিনা ভারতকী চাওখৎ খোঙচত্তা অনৌবা ইনোৎ হাপ্ল
Posted On:
30 JUN 2023 6:04PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি দিল্লী য়ুনিভর্সিতী স্পোর্তস কম্প্লেক্সদা পাঙথোকখিবা দিল্লী য়ুনিভর্সিতীগী সেন্তিনরী সেলেব্রেসন লোইশিনবগী থৌরমদা ৱা ঙাঙখ্রে। মহাক্না য়ুনিভর্সিতী অসিগী অৱাংথংবা কেম্পসতা শাগৎকদৌরিবা ফেকল্তী ওফ তেক্নোলোজী, কম্প্যুতর সেন্তর অমদি একাদমিক ব্লোক্কী বিল্দিংগী উরেপ উয়ুংসু তমখি। প্রধান মন্ত্রীনা কোমেকোরেতিব সেন্তিনরী ভোল্যুম – কম্পাইলেসন ওফ সেন্তিনরী সেলেব্রেসন্স; লোগো বুক –দিল্লী য়ুনিভর্সিতী অমদি মসিগী কলেজেশিংগী লোগোশিং; অমদি ঔরা – য়ুনিভর্সিতী ওফ দিল্লীগী চহি ১০০ ফোঙখি। এজুকেসন অমদি স্কিল দিভেলপমেন্ত অমসুং ওন্ত্রপ্রিন্যুরসিপকী কেন্দ্র মন্ত্রী, শ্রী ধরমেন্দ্র প্রধান অমদি য়ুনিভর্সিতী ওফ দিল্লীগী ভাইস-চাঞ্চেলর, শ্রী য়োগেস সিংহসু থৌরমদুদা শরুক য়াখি।
প্রধান মন্ত্রীনা য়ুনিভর্সিতী ওফ দিল্লীদা মেত্রো তোংদুনা য়ৌরকখি। মহাক্না খোঙচৎ অদুদা মহৈরোয়শিংগা ৱারী ৱাতায়শু শানখি। মফমদুদা য়ৌরক্লবা মতুংদা, প্রধান মন্ত্রীনা চহি ১০০গী খোঙচৎ হায়রিবা একজিবিসন অদু কোয়না চত্তুনা য়েংখি। ম্যুজিক অমদুং ফাইন আর্তকী ফেকলতীনা লান্থোকপা সরস্বতি বন্দনা অমদি য়ুনিভর্সিতী কুলগীৎসু মহাক্না মীৎয়েঙ তাখি।
তিল্লিবা মীয়ামদা ৱা ঙাঙলদুনা, প্রধান মন্ত্রীনা য়ুনিভর্সিতী ওফ দিল্লীগী সেন্তিনরী সেলেব্রেসন লোইশিনবগী থৌরমদা শরুক য়াগে হায়না মহাক্না চপ য়ুংনা লেপখি হায়রদুনা, ইথিল অসি য়ুমদা হল্লকপগুম্না ফাওই হায়খি। মহাক্কী ৱারোল মমাঙদা উৎখিবা অতেনবা মুভী অদুগী মতাঙদা পল্লদুনা, প্রধান মন্ত্রীনা, য়ুনিভর্সিতী অসিদগী থোরকখিবা মীওইশিংনা লৌখিবা থৌদাংশিংনা দিল্লী য়ুনিভর্সিতীগী পুন্সিগী মশক অমা উৎলি হায়খি। দিল্লী য়ুনিভর্সিতীদা নুংঙাইরবা তাঞ্জা অমদা অমদি হরাও তয়াম্বগী ইথিল মরক্তা তিনবা ফংবদা প্রধান মন্ত্রীনা নুংঙাইবা ফোঙদোকখি। য়ুনিভর্সিতী অসিদা মরম অমা হেক্তগী লাকপা মতমদা মরূপ মপাংশিংগা লোয়নবগী মরুওইবা ৱাফমশিং থম্লদুনা, প্রধান মন্ত্রীনা থৌরম অসি য়ৌরকপদা মেত্রোদা লাক্নবগী তাঞ্জা ফংখিবগীদমক নুংঙাইবা ফোঙদোকখি।
য়ুনিভর্সিতী ওফ দিল্লীগী সেন্তিনরী সেলেব্রেসন অসি ভারতনা নীংতম্বগী চহি ৭৫ মপুং ফারক্লবা মতুংদা পাঙথোকপা অজাদী কা অমৃৎ মহোৎসব হরাও তয়াম্না পাঙথোক্লিবা মতমসিদা তারি হায়না প্রধান মন্ত্রীনা শিংথাখি। “লৈবাক অমগী য়ুনিভর্সিতীশিং অমদি মহৈ মশিংগী ইন্সতিত্যুসনশিংদা লৈবাক্তুগী মায় পাকপগী মমি তাই,” হায়না প্রধান মন্ত্রীনা হায়খি। দি.য়ু.গী চহি ১০০গী খোঙচৎসিদা, মহৈরোয়, ওজা অমদি অতৈ মীওই কয়াগী পুন্সিশিংবু শম্নহল্লিবা পুৱারী ওইরবা পন্দুপ কয়া লৈরি হায়না প্রধান মন্ত্রীনা মখা তাখি। দিল্লী য়ুনিভর্সিতী অসি শুপ্নতগী য়ুনিভর্সিতী অমখক্তা নত্তে ইহয অমনি, অমদি মসিনা মীকুপ খুদিংবু থৱায় হাপ্লি হায়না মহাক্না ফোঙদোকখি। প্রধান মন্ত্রীনা মহৈরোয়, ওজা অমদি দিল্লী য়ুনিভর্সিতীগা মরী লৈনবা মীপুম খুদিংমক্কী মফমদা সেন্তিনরী সেলেব্রেসনগী নুংঙাইবা ফোঙদোকখি।
অরিবা অমদি অনৌবা এলুম্নাই তিল্লিবা অদুবু পল্লদুনা, প্রধান মন্ত্রীনা মীৎকুপ অসি অমগা অমগা নৌনা উনদুনা ৱারী ৱাতায় শানবগী তাঞ্জা অমনি হায়খি। “মাগী চহি চাম্মগী খোঙচত্তা দি.য়ু.না মাগী ইহুলবু থৱায় হাপ্তুনা থম্বগুম, মাগী মমলবুসু মশক মচু থোক্না থম্লি,” হায়না প্রধান মন্ত্রীনা হায়খি। ৱাখল লৌশিংগী মরুওইবা ৱাফমশিং থম্লদুনা, প্রধান মন্ত্রীনা নলন্দা অমদি তক্সিলানচিংবা মশক মচু থোক পা য়ুনিভর্সিতীশিং লৈরিঙৈ মতমদা ভারতনা নুংঙাই য়াইফবগী মতোল লোম্লমখি হায়খি। “মতমদুগী মালেমগী জি.দি.পি.দা ভারতকী শরুক ৱাংনা য়াওরম্ববু শিংথারদুনা, “ভারতকী ইনাক খুল্লবা মহৈ মশিংগী সিস্তেম অসিনা ভারতকী নুংঙাই য়াইফবগী পাউজেল পুরি,” হায়না মহাক্না হায়খি। মীনায় নাইথাংগী মতমদা লেপ্পা নাইদনা লান্দারকখিবনা হায়রিবা ইন্সতিত্যুসনশিং অসিবু মাঙহন তাকহন্দুনা ভারতকী ইন্তেলেকচুএল ফ্লোদা অপনবা পীখি অমদি চাওখৎ খোঙথাঙবু পলহনখি হায়না মহাক্না মখা তাখি।
নীংতম্লবা মতুংদা, হৈথোই শিংথোইরবা নহাশিংগী মপাঙ্গল কল্লবা মীরোল অমা শেমগত্তুনা নীংতম্লবা মতুংগী ভারতকী ইহুলগী চপ চাবা মশক মওং শেম্বদা য়ুনিভর্সিতীশিংনা মরুওইবা থৌদাং য়াখি হায়না মহাক্না হায়খি। মদুদা দিল্লী য়ুনিভর্সিতীনসু মরুওইবা থৌদাং য়াখি হায়না মহাক্না হায়খি। অসুম্না হৌখিবা মতমগী মরমদা খঙজিনবসিনা ঐখোয়গী পুন্সিগী মশক লেপ্লি, ঐখোয়গী ফিদম লেপ্লি অমদি তুংলমচৎকী মঙলান পাকথোক চাউথোকহল্লি হায়না মহাক্না মখা তাখি।
“মীওই অমা নৎত্রগা ইন্সতিত্যুসন অমগী ফিরেপ লৈবাক্কীদমক লেপ্লকপা মতমদা, মখোয়গী মায় পাকপনা লৈবাক্কী মায় পাকপা ওইরকই”, হায়না প্রধান মন্ত্রীনা ফোঙদোকখি। দিল্লী য়ুনিভর্সিতী হৌরকপা মতমদা মসিগী মখাদা কলেজ অহুমখক লৈরম্মি, অদুবু ঙসিদি মসিগী মখাদা কলেজ ৯০ হেন্না লৈরে হায়না শ্রী মোদীনা ফোঙদোকখি। মতম অমদা কায়গনবা শেন্মিৎলোন্নি খন্নরম্বা ভারতনা হৌজিক্তি মালেমগী মকোক থোংবা শেন্মিৎলোন ৫গী মনুংদা অমা ওইরে হায়বা ৱাফমসু মহাক্না থমখি। দি.য়ু.দা তম্লিবা মহৈরোয় মশিং নুপাদগী নুপীনা হেল্লি হায়রদুনা, প্রধান মন্ত্রীনা লৈবাকসিদা জেন্দর রেসিও নীংথিনা ফগৎলে হায়খি। য়ুনিভর্সিতী অমগী ফিরেপশিংগা লৈবাক অমগী ফিরেপশিংগগী মরক্তা লৈনরিবা মরীগী মরুওইবা ৱাফমশিং মহাক্না থমখি অমদি মহৈ মশিংগী ইন্সতিত্যুসনশিং মরা চেৎনা তারিবমখৈ লৈবাক্তুগী চাওখৎ খোঙজেলসু য়াঙগদৌরিবনি হাখি। দিল্লী য়ুনিভর্সিতী হৌদোরকপা মতমদা লৈখিবা মাগী পান্দমদি ভারতনা নীং-খা তম্বনি, অদুবু হৌজিক্তি ভারতনা নীংতম্বগী চহি ১০০ ফারকপদা দিল্লী য়ুনিভর্সিতীনা চহি ১২৫ মপুং ফারগনি অমদি দিল্লী য়ুনিভর্সিতীগী পান্দমসি চাওখৎপা ভারত অমা পুরকপনা ওইফম থোকই হায়না প্রধান মন্ত্রীনা হায়খি। “হৌখিবা চহিচাগী অহুমসুবা দেকেদনা ভারতকী নীংতম ইহৌদা অনৌবা খোঙজেল হাপখি, হৌজিক অমুক অনৌবা চহিচাসিগী অহুমসুবে দেকেদ অসিনা ভারতকী চাওখৎ খোঙচত্তা ইনোৎ হাপ্লগনি,” হায়না প্রধান মন্ত্রীনা হায়খি। নৌনা লিংখৎকদৌরিবা মশিং য়াম্লবা য়ুনিভর্সিতীশিং, কলেজশিং, আই.আই.তি.শিং, আই.আই.এম.শিং, অমদি এইম্সশিংগী মতাঙদা পল্লদুনা, “হায়রিবা ইন্সতিত্যুৎ পুম্নমকসিনা অনৌবা ভারত শাগৎনবগী মচাকশিং ওইরক্লি”, হায়না প্রধান মন্ত্রীনা মখা তাখি।
য়ুনিভর্সিতী ওফ দিল্লীগী সেন্তিনরী সেলেব্রেসন লোইশিনবগী থৌরমদা প্রধান মন্ত্রীনা পীখিআ ৱারোল পানবগীদমক মসিদা নম্বিয়ু: https://www.pib.gov.in/PressReleasePage.aspx?PRID=1936376
থৌরমদুদা ৱা ঙাঙলদুনা, শ্রী ধরমেন্দ্র প্রধান্না প্রধান মন্ত্রী শ্রী নরেন্দ্র মোদীবু থৌরমদুদা শরুক য়াবগীদমক অমদি পুক্নিং লৌশিং ওইগদবা ৱাফম কয়া থম্লম্বগীদমক থাগৎপা ফোঙদোকখি। দি.য়ু.গী মশক নাইরবা কেম্পস অসিদা পাঙথোক্লিবা পুৱারী ওইরগদবা থৌরম অসিনা ভারতকী মাঙজিল থাবা মহৈ মশিংগী ইন্সতিত্যুসনশিংগী মরক্তগী অমগী খোঙচত্তা নীংশিংনহৌগদবা পন্দুপ অমা ওইরে হায়না মহাক্না হায়খি।
দিল্লী য়ুনিভর্সিতীনা চহিচা অমা হেন্না লৈবাকসিগী ইন্তেলেকচুএল লেন্দস্কেপকী মশক লেপ্পগী মরুওইবা থৌদাং লৌদুনা লাক্লি হায়না মহাক্না হায়খি। নীংতম ইহৌদা অচৌবা থৌদাং য়াবদা অমদি লৈবাকসিগী মরাইবক লেপ্পদা দিল্লী য়ুনিভর্সিতীগী ইনাক খুল্লবা পুৱারী অমা লৈজৈ। ঙসি লৈবাকসিনা অমৃৎকালগী মতমসিদা লেপ্লিবসিদা, দিল্লী য়ুনিভর্সিতীনা অনৌবা নেস্নেল এজুকেসন পোলিসী (এন.ই.পি.)বু মাগী অশেংবা মশক্তা পায়খৎনবা খোঙফম চেৎনা লেপ্তুনা, ভারতপু নোলেদ্জ-বেজ সুপরপৱার অমা ওইহন্নবগী মঙলান্দা থৌদাং য়ারি হায়না মহাক্না মখা তাখি।
প্রধান মন্ত্রী নরেন্দ্র মোদীগী লুচিং মখাদা, মালেমগী খা-থংবা শরুক্না পাম্লিবশিং চুননা তুংলমচৎকী স্কিল, রীছর্চ, তেক্নোলোজী, ফাউন্দেস্নেল লিতরেসী অমদি ন্যুমরেসীগী এজেন্দাগা লোয়ননা মালেমগী থাক্তা ঙসি ভারতনা মরুওইবা শক্লোন লৌরি হায়না শ্রী প্রধান্না হায়খি।
****
(Release ID: 1936861)
Visitor Counter : 89