خواتین اور بچوں کی ترقیات کی وزارت
حکومت کی طرف سے بچوں کے بہتر تحفظ کے لیے کئے گئے اقدامات کے پیش نظر اب بھارت کو بچوں اور مسلح تصادم سے متعلق اقوام متحدہ کے سیکرٹری جنرل کی رپورٹ سے ہٹا دیا گیا ہے
خواتین اور بچوں کی ترقی کی مرکزی وزیر کی رہنمائی اور قیادت میں بچوں کے تحفظ کے مسائل پر تعاون اور اشتراک کے لیے ایک لائحہ عمل تیار کیا گیا ہے
Posted On:
28 JUN 2023 7:49PM by PIB Delhi
برکینا فاسو ، کیمرون ، لیک چاڈ بسین، نائجیریا، پاکستان اور فلپائن جیسے دیگر ملکوں کے ساتھ2010 کے بعد سے ہندستان کا نام بچوں اور مسلح تصادم سے متعلق سکریٹری جنرل کی رپورٹ میں ذکر کیا گیا تھا۔ یہ ذکرجموں و کشمیر میں مسلح گروہوں کے ذریعے نوجوان لڑکوں کی مبینہ بھرتی اوران کے استعمال؛ مسلح تنظیموں کے ساتھ ان کے مبینہ روابط یا قومی سلامتی کی بنیاد پر جموں و کشمیر میں ہندوستانی سیکورٹی فورسز کے ذریعہ نوجوان لڑکوں کی حراست؛ ہندوستانی مسلح افواج کی جانب سے ان بچوں کی ہلاکت اور معذور کئے جانے نیز چھروں کے استعمال ؛ نامعلوم سازش کرنے والوں، مسلح گروپوں اور نامعلوم سازش کرنے والوں کے درمیان کراس فائرنگ اور لائن آف کنٹرول پر کراس فائر اور گولہ باری کے حوالےسے آیا تھا۔
حکومت ہند اس فہرست سے اپنے ملک کا نام خارج کرنے کی مسلسل کوششوں میں لگی ہوئی تھی۔ ، خواتین اور بچوں کی ترقی کی وزارت کے سکریٹری جناب اندریور پانڈے ، وزارت خارجہ، نیویارک میں ہندوستان کے مستقل مشن اور ہندستان کی حکومت کے ایم ایچ اے اور بچوں کے لئے سکریٹری جنرل کی خصوصی نمائندہ محترمہ ورجینیا گامبا، اور نئی دہلی میں اقوام متحدہ کے اہلکاروں کے ساتھ نومبر 2021 میں ہوئی ایک بین وزارتی میٹنگ کے بعد سکریٹری جنرل کے خصوصی نمائندے کے ساتھ حکومت کی جاری سرگرمی کو تیز کیا گیا اس کے تحت بچوں کے تحفظ بڑھانے کے لئے ترجیحی قومی مداخلت کی نشاندہی کرنے، اقوام متحدہ کے ساتھ بین وزارتی ، تکنیکی وزارتی میٹنگیں کرنے مشترکہ تکنیکی مشن کے لئے ایک قومی فوکل پوائنٹ کے مقرر کرنے کے لئے ایک سمجھوتہ طے پایا تاکہ بچوں کے تحفظ کے لئے تعاون میں اضافہ کے شعبوں کی نشاندہی کی جاسکے۔ بچوں اور خواتین کی ترقی کی مرکزی وزیر محترمہ اسمرتی زوبین ایرانی کی قیادت میں بچوں کے تحفظ کے مسائل پر تعاون اور اشتراک کے لئے وزارت کی جانب سے ایک لائحہ عمل تیار کیا گیا۔
سکریٹری جنرل کے خصوصی نمائندے کے دفتر کی ایک تکنیکی ٹیم نے 27تا29 جولائی 2022 کو ہندوستان کا دورہ کیا۔ اس کے بعد، اقوام متحدہ کی شرکت کے ساتھ جموں و کشمیر حکومت اور ایم ایچ اے کے اشتراک سے خواتین اور بچوں کی ترقی کی وزارت کی جانب سے جموں و کشمیر میں 22نومبر 2022 کو بچوں کے تحفظ کو مضبوط بنانے کے مقصد سے ایک ورکشاپ کا انعقاد کیا گیا۔ جووینائل جسٹس بورڈ جووینائل جسٹس (بچوں کی دیکھ بھال اور تحفظ) ایکٹ 2015 کے تحت چائلڈ ویلفیئر کمیٹی اور جووینائل جسٹس بورڈ جیسے تمام قانونی خدمات فراہم کرنے والے ادارے قائم کئے گئے ہیں۔
بچوں کے بہتر تحفظ کے لیے کئے گئے اقدامات کے پیش نظر 2023 میں ا س رپورٹ سے ہندوستان کا نام ہٹا دیا گیا ہے۔
****
ش ح۔ح ا ۔ ج
Uno6621
(Release ID: 1936341)
Visitor Counter : 89