সর্বিস পীনবগীদমক্তা আধারদা য়ুমফম ওইবা ফেস ওথেন্তিকেশন ত্রানজেক্সন্না ২০২১গী ওক্তোবরদা লোঞ্চ হেক তৌখিবদগী মেদা মিলিয়ন ১০.৬গী খ্বাইদগী য়াম্বা মশিং অসি লানখ্রে।

মসিনা থংন-থংননা অনিশুবা থাগীদমক্তা ফেস ওথেন্তিকেশন ত্রানজেক্সন মিলিয়ন ১০ হেন্না রেজিস্তর তৌখ্রে। ফেস ওথেন্তিকেশন ত্রানজেক্সনশিংগী মশিং অসি ৱাংখৎলক্লি অমসুং মেদা ফংবা ঙমখিবা মশিং অসি চাদা ৩৮ হেনগৎলকপনি, মসি জনুৱারী ২০২৩ লাকখিবা ত্রানজেক্সনগী রিপোর্ত অদুনা মসি শিজিন্নবা হেনগৎলকপগী খুদম্নি।

য়ুনিক ইদেন্তিফিকেশন ওথোরিতী ওফ ইন্দিয়া (য়ু.আই.দি.এ.আই.)না লমদম অসিদা পুথোকচবা এ.আই./এম.এল.দা য়ুমফম ওইবা ফেস ওথেন্তিকেশন সোল্যুশন অসি হৌজিক্তি রাজ্য সরকারগী দিপার্তমেন্তশিং, কেন্দ্র সরকারগী মন্ত্রালয়শিং অমসুং বেঙ্কশিং য়াওনা এন্তাইতী ৪৭না শিজিন্নরি।

য়ুসেজ কয়া অমগী মনুংদা, মসিবু অয়ুশমান ভারত প্রধান মন্ত্রী জন আরোগ্যা য়োজনাগী মখাদা বেনিফিসরিশিং রেজিস্তর তৌনবগীদমক্তা; পি.এম. কিসান স্কীমদা বেনিফিসরীশিংগী ওথেন্তিকেশনগীদমক্তা অমসুং পেন্সন্নরশিংনা য়ুমদা দিজিতেল লাইফ সর্তিফিকেতশিং জেনরেত তৌনবগীদমক্তা শিজিন্নরি। মসি সরকারগী দিপার্তমেন্ত কয়া অমদা স্তাফ এতেন্দেন্স মার্ক তৌবদা অমসুং অচৌবা বেং্কশিংদা মখোয়গী বিজনেস কোরেসপোন্দেন্তশিংগী খুত্থাংদা বেঙ্ক একাউন্তশিং হাংদোক্নবগীদমক্তা শিজিন্নরি।

রাজ্য কয়া অমগী মনুংদা, অন্ধ্র প্রদেশ সরকারনা এলিজিবল ওইরবা অৱাংবা থাক্কী মহৈ-মশিং তম্লিবা মহৈরোইশিংদা ফী রিএমবর্সমেন্ত তৌনবগীদমক্তা জগানন্না ৱিদ্যা দীৱেনাগীদমক্তা আধারদা য়ুমফম ওইবা ফেস ওথেন্তিকেশন শিজিন্নরি অমসুং শেল-থুমগী ফিভম শোত্থরবা কাংলুপকী নুপীশিংগী য়াইফ-থোরাংগী থবকশিং পাইখৎনবগীদমক্তা ই.বি.সি. নেস্থাম স্কীমগী মখাদা আধারদা য়ুমফম ওইবা ফেস ওথেন্তিকেশন শিজিন্নরি।

ফেস ওথেন্তিকেশন অসিদা য়াওরিবা ফিচরশিং অসি খুদম ওইনা শিজিন্নবা লাইবা, হেন্না য়াংনা ওথেন্তিকেশন তৌবা অমসুং ফিঙ্গর প্রিন্ত অমসুং ও.তি.পি. ওথেন্তিকেশনশিংগা লোইননা ওথেন্তিকেশন তৌবদা মাইপাকপা হেনগৎহন্নবা অহেনবা মোদেলিতী অমা ওইনা পাম্নরি। মসিনা ওথেন্তিকেশনগীদমক্তা লাইব ইমেজশিং লৌরি। মসি ভীদিও রিপ্লে এতেকশিং অমসুং এন্তি সোসিয়েল এলিমেন্তশিংনা স্তেতিক ফোতো ওথেন্তিকেশন তৌনবা হোৎনরকপদগী সেফ ওই।

ফেস ওথেন্তিকেশন অসি য়াম্না চাউবা আল্তর্নেতিব অমা ওইনশু মথৌ তৌরি অমসুং সেনিয়র সিতিজনশিং অমসুং মেন্যুৱল ৱার্ক নত্রগা হেল্থ ইশুশিং য়াওনা অতোপ্পা মরম কয়া অমনা মরম ওইরগা মখোয়গী ফিঙ্গর প্রিন্তশিংগী ক্বালিতীদা ইশু লৈবা খুদিংমক্তা মতেং পাংলি।

মে থা অসিদা য়ু.আই.দি.এ.আই.না রেসিদেন্তশিংদগী হায়জরকখিবা অদুগী মতুং ইন্না আধার অপদেৎ মিলিয়ন ১৪.৮৬ তৌখ্রে।

আধার ই-কে.ৱাই.সি. সর্বিসনা ত্রান্সপরেন্ত ওইবা অমসুং হেন্না ফগৎলবা কস্তমর এক্সপরিয়েন্স পীদুনা অমসুং ইজ দুগিং বিজনেসতা মতেং পাংদুনা বেঙ্কিং অমসুং নন-বেঙ্কিং ফাইনান্সিয়েল সর্বিস সেক্তরশিংদা মরু ওইবা থৌদাং লৌরি। মে থা খক্তদা ই.-কে.ৱাই.সি. ত্রানজেক্সন মিলিয়ন ২৫৪ হেন্না তৌখ্রে।

২০২৩গী মে লোইশিল্লকপদা, আধার ই.-কে.ৱাই.সি. ত্রানজেক্সনগী অপুনবা মশিং অসি বিলিয়ন ১৫.২ হেনখ্রে। ই.-কে.ৱাই.সি.লেপ্তনা শিজিন্নবনা ফাইনান্সিয়েল ইনস্তিত্যুশনশিং, তেলিকোম সর্বিস প্রোভাইদরশিংগুম্বা এন্তাইতীশিং কস্তমর ইক্বিজিশন কোস্ত হন্থহল্লি।

লাস্ত মাইল বেঙ্কিংগীদমক্তা এ.ই.পি.এস.পু ওইরো, ইদেন্তিতী ভেরিফিকেশনগীদমক্তা ই.-কে.ৱাই.সি.বু ওইরো, দাইরেক্ত ফন্দ ত্রান্সফর নত্রগা ওথেন্তিকেশনশিংগীদমক্তা আধার য়াবা দি.বি.তি., আধার, ভারতকী দিজিতেল পব্লিক ইনফ্রাস্ত্রকচরগী ফাউন্দেশন অমসুং অফবা গোবর্নেন্সকী তুল অমা ওইনা রেসিদেন্তশিংগীদমক্তা ইজ ওফ লিবিং হেনগৎহনবদা য়াম্না চাউবা থৌদাং লৌরি।

***