মন্ত্রীমন্দল

লৈবাক অসিদা রিছার্সকী থবক মপাঙ্গল কনখৎহন্নবা পর্লিয়ামেন্তদা নেসনেল রিছার্স ফাউন্দেসন বিল, ২০২৩ পুথোকপা মন্ত্রীমন্দলনা অয়াবা পীরে

Posted On: 28 JUN 2023 3:49PM by PIB Imphal

লৈবাক অসিদা রিছার্সকী থবক মপাঙ্গল কনখৎহন্নবা পর্লিয়ামেন্তদা নেসনেল রিছার্স ফাউন্দেসন বিল, ২০২৩ পুথোকপা ঙসি প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে রিছার্স অমসুং দিবলপমেন্ত মরু হুন্নবা অমসুং চাউখৎনবা এন.আর.এফ লিংখৎনবা অয়াবা পীরিবা বিল অসিনা লম্বী অমা শেমগনি অমসুং ভারতকী য়ুনিভর্সিতিশিং, কলেজশিং, রিছার্স ইন্সতিতুৎশিং অমসুং আর অমসুং দি লেবোরেতোরিশিংদা রিছার্স অমসুং ইন্নোবেসনগী চৎনবী অমা হেনগৎহনগনি

বিল অসি পর্লিয়ামেন্তদা অয়াবা পীরবা মতুংদা, নেসনেল ইজুকেসন পোলিসি( এন ই পি)গী পাউতাকশিং মতুংইন্না লৈবাক অসিদা সাইন্তিফিক রিছার্সকী অৱাংবা থাক্কী লাল্লোং শেম্নবা খ্বাইদগী ৱাংবা বোদি, এন.আর.এফ লিংখৎকনি অমসুং চহি মঙাগী (২০২৩-২৮) মনুংদা অপুনবা লুপা করোর ৫০,০০০গী শেনফম চঙগনি।

সাইন্স অমসুং তেক্নোলোজি দিপার্তমেন্তনা এন.আর.এফকী এদমিনিস্ত্রেতিপ দিপার্তমেন্ত ওইগনি অমসুং হিরম কয়াগী শক্নাইরবা মীওইশিং অমসুং রিছার্স তৌবশিং য়াওবা গভর্নিং বোর্দ অমনা থবক তৌগনি। প্রধান মন্ত্রীনা বোর্দকী এক্স-ওফিসিও প্রসিদেন্ত ওইগনি অমসুং সাইন্স অমসুং তেক্নোলোজিগী য়ুনিয়ন মিনিস্তর অমসুং ইজুকেসনগী য়ুনিয়ন মিনিস্তরনা এক্স-ওফিসিও ভাইস প্রসিদেন্ত ওইগনি। ভারত সরকারগী প্রিন্সিপাল সাইন্তিফিক এদভাইজরনা লুচিংবা ইজুকিউতিপ কাউন্সিল অমনা এন.আর.এফকী থবক পাংথোক্কনি।

এন.আর.এফনা উদোগ, মহৈলোয়শঙ, সরকারগী দিপার্তমেন্তশিং অমসুং রিছার্স ইন্সিতিতুৎশিংগা পুন্না থবক তৌমিন্নগনি অমসুং উদোগশিং অমসুং রাজ্য সরকারশিং শরুক য়ানবা ফিবম অমা শেমগৎকনি। উদোগনা রিছার্স অমসুং দিবলপমেন্তদা শেন থাদবা হেনগৎহন্নবা অমসুং থবক তৌমিন্নবা পুক্নিং থৌগৎনবা চৎন-কাংলোন থমগনি অমসুং পোলিসি ফ্রেমৱার্ক অমা শেম্নবা মীৎয়েং চঙগনি।

২০০৮ তা পর্লিয়ামেন্তগী এক্ত অমনা লিংখৎখিবা সাইন্স এন্দ ইঞ্জিনিয়ারিং রিছার্স বোর্দ( এস ই আর বি)শু বিল অসিনা শেমদোক্কনি। এন.আর.এফকী থবকশিং পাংথোক চাউথোকহনগনি অমসুং সাইন্স এন্দ ইঞ্জিনিয়ারিং রিছার্স বোর্দকী থবকশিং  মসিনা কোনশিনগনি।

*****



(Release ID: 1935940) Visitor Counter : 150