মীচম মীয়াম্বু নুংঙাইবা, অপেনবা অমসুং পুম্নমক্তগী হেন্না শাফহন্নবগীদমক সরকারনা মখল কয়াগী স্কিমশিং পুদুনা লাক্লি, অদুবু ইনফোর্মেশন ৱাৎপনা মরম ওইদুনা মীওই কয়ানা মসিগী মথৌতাবা কানবশিং ফংবা ঙমদে। মহারাস্ত্র রাজ্যগী হায়র অমসুং তেক্নিকেল এজুকেসন মিনিস্তর চন্দ্রকান্ত পতিলনা ঙসি হায়খি মদুদি সেন্ত্রেল ব্যুরো ওফ কমুনিকেসন্না মীয়ামদা সরকারগী স্কিমশিং অসিগী মরমদা ইনফোর্ম ফংনবা খুদোংচাবা ফংহল্লি, মদুগীদমক থাগৎফম থোকই।

সেন্ত্রেল ব্যুরো ওফ কমুনিকেসনস, রিজনেল ওফিস, পুনেনা শিনবা মল্তিমেদিয়া মোবাইল একজিবিসনগী থৌরম লমথাবগী মতমদা মহাক্না ৱা ঙাংখি।

ৱারিদা চৎলিবা কম্যুনিতীগী মীওই মিলিয়ন কয়ানা মসিগী ভিজুএল ইনফোর্নেশন অসিবু নিংথিজনা খংলগনি। অসিগুম্বা এৱার্নেস এক্তিবিতীশিং অসি ইনফোর্মেশন গেপ মেন্সিন্দুনা সরকারগী স্কিমশিং অমসুং পোলিসীশিং ইমপ্লিমেন্ত তৌবগীদমক কানবা ওই। মহাক্না আশা তৌখি মদুদি মীয়ামনা স্কিমশিং হেন্না খংবা ঙম্লগনি অমসুং মখোয়না মসিগীদমক রেজিস্তারতৌরগনি। ৱারিদা শরুক য়ারিবা খুঙ্গংগী মীওইশিংনা মখোয়গা মরী লৈনবা তেহসিলদার, তালাথিদা স্কিমশিং অসি ইমপ্লিমেন্ত তৌবগীদমক হংগনি হায়না মহাক্না হায়খি। 

এক্তিবিতী অসি সেন্ত শ্রী দ্যানেশ্বর মহারাজ অমসুং জগদগুরু শ্রী তুকারাম মহারাজগী দোলাই থৌরমগী তাঞ্জাদা চহি ৯দা কেন্দ্র সরকারগী থবকশিং অমসুং মরুওইবা স্কিমশিংগী মরমদা ইনফোর্মেশন পীনবা শিন-লাংবনি। পুনে অমসুং পান্ধারপুরগী মরক্তা রুত অনিমক্তা গারি অমমম চৎকনি।   

হৌদোকপগী থৌরম অসি দিভিজনেল কমিস্নারগী ওফিস (বিধান ভবন)দা শিংন-লাংখি। পুনেগী দিভিজনেল কমিস্নার সৌরব রাও, সেন্ত্রেল ব্যুরো ওফ কমুনিকেসন, পুনেগী দিপুতী দাইরেক্তর নিখিল দেশমুখ, অমসুং মেনেজর দা. জিতেন্দ্র পানিপতিলনা অতোপ্পা মরী লৈনবা ওফিসারশিং অমসুং এমপ্লোইশিংগা লোয়ননা থৌরম অসিদা শরুক য়াখি।

অভঙ্গা, ভজন অমসুং অতোপ্পা ত্রেদিস্নেল কলচরেল ফোল্ক আর্ত ফোর্মশিংগুম্বা লোকেল অমসুং ত্রেদিস্নেল কলচরেল পর্ফোমেন্সশিংগী খুত্থাংদা আর্তিস্তশিংনা কেন্দ্র সরকারগী তোঙান তোঙানবা দিবলপমেন্তেল এক্তিবিতীশিংগী মতাংদা ইনফোর্মেশন পীগনি। এল.ই.দি. স্ক্রীনশিং য়াওবা ভেনশিংনা তোঙান তোঙানবা সেন্তশিংগী পুন্সীদা য়ুমফম ওইবা ধর্মগী ফিল্মশিংগা লোয়ননা সরকারগী স্কিমশিং অমসুং পোলিসীশিং উৎকনি। নিখিল দেশমুখ, দিপুতী দাইরেক্তর, সেন্ত্রেল ব্যুরো ওফ কমুনিকেসন্না লাইনিংবশিংবু মশিং য়াম্না মসিগী ত্রাভেলিং একজিবিসন অসিদা চৎনবা অপীল তৌখি।

****