এজুকেসন অমসুং এক্সতর্নেল এফিয়ার্সকী রাজ্য মন্ত্রী দা. রাজকুমার রঞ্জন সিংহনা ঙসি ৱার্ল্দ এনভাইরনমেন্ত দে 2023গী থৌরমদা লৈবাক পুম্বগী হায়র এজুকেসন ইন্সতিত্যুতশিংগী হেদশিং, তিচরশিং অমসুং মহৈরোইশিংগা লোয়ননা ৱারী শানখ্রে। সেক্রেতরী, হায়র এজুকেসন শ্রী কে. সঞ্জয় মুর্তী; চিয়ারমেন, য়ু.জি.সি., প্রোফেসর এম. জগদেশ কুমার; চিয়ারমেন, এ.আই.সি.তি.ই., প্রোফেসর তি.জি. সিতারাম, প্রোফেসর অনিল সাহসরাবুদ্ধে, চিয়ারমেন. এন.ই.তি.এফ.না হায়র এজুকেসনগী ইন্সতিত্যুসনশিংগী ভাইস চাঞ্চেলরশিং অমসুং দাইরেক্তরশিংগা লোয়ননা থৌরম অসিদা শরুক য়াখি।

থৌরম অসি ওরিশাদা থোকখিবা ত্রেন এক্সিদেন্তদা লৈখিদ্রবশিংদা মিনিৎ অমা তুমিন্না লৈদুনা ইকায়বা ফোংদোক্লবা মতুং পাংথোকখি।

থৌরম অসিদা ৱা ঙাংলদুনা দা. রাজকুমার রঞ্জন সিংহনা হায়খি মদুদি লৈবাক পুম্বদা ৱার্ল্দ এনভাইরনমেন্ত দে পাংথোকপদা স্কুল চৎলিবা মহৈরোইশিং অমসুং অতোপ্পা মীওইশিংবু লাইফকী মরমদা সেন্সিতাইজিং ওইহনবগা লোয়ননা লাইফকী পাউজেল শন্দোকপদা নহাশিংবু শরুক য়াহন্নবা মীৎয়েং থম্লি।

দা. রাজকুমার রঞ্জন সিংহনা খংহনখি মদুদি গ্লাসগোদা পাংথোকখিবা য়ুনাইতেদ নেসন ফ্রেমৱার্ক কনভেন্সন ওন ক্লাইমেত চেঞ্জ (য়ু.এন.এফ.সি.সি.সি.) কোপ 26 গ্লোবেল লিদর্স সম্মিত্তা নেস্নেল স্তেতমেন্তদা প্রধান মন্ত্রীনা এনভাইরনমেন্তগীদমক লাইফস্তাইলগী মন্ত্রা পীখি। মসিদসু নত্তনা মহাক্না চহি 2030 ফাওবদা নেত জিরে কার্বোন ইমিসনগী পান্দম অমা লেপথোকপদসু অকনবা ৱাফম থমখি। 2022গী ওক্তোবর 20দা প্রধান মন্ত্রীনা ক্লাইমেত চেঞ্জগী শাফুদগী এখোয়গী এনভাইরনমেন্তবু ঙাক্তুনা থম্নবা গ্লোবেল মুবমেন্ত অমা ওইরিবা মিসন লাইফ (লাইফস্তাইল ফোর এনভাইরনমেন্ত) হৌদোকখি। লাইফ (লাইফস্তাইল ফোর এনভাইরনমেন্ত) অসি এনভাইরনমেন্ত প্রোতেক্ত অমসুং প্রিজর্ব তৌনবা “মাইন্দলেস অমসুং দিস্ত্রক্তিব কঞ্জুম্পসনগী মহুৎ মাইন্দফুল অমসুং দেলিব্রেত য়ুতিলাইজেসনগী”দমক ভারতনা লুচিংবা মালেমগী অপুনবা খোংজং অমনি।

দা. সিংহনা খংহনখি মদুদি থৌরম অসিদা এ.আই.সি.তি.ই.না “ৱান স্তুদেন্ত ৱান ত্রী কেম্পেন 2023” হৌদোক্লগনি। য়ু.জি.সি.নসু মিসন লাইফকী মতাংদা এৱার্নেস পীনবা খোংথাং লৌখৎলে।

মহাক্না হায়র এজুকেসন ইন্সতিত্যুতশিংবু মিসন লাইফদা সস্তেনেবল প্রেক্তিসশিংদা এৱার্নেস ৱার্কশোপশিংগুম্বা এক্তিবিতীশিং পায়খৎনবা অমসুং লাইফ এক্সনশিং প্রমোত তৌদুনা কোলেজ অমসুং য়ুনিবর্সিতী কেম্পসশিং প্লস্তিক ফ্রী ওইহন্নবা, থৌরমগী মতম মনুংদা কেম্পসপু দিজিতেল কেম্পস ওইহনবা অমসুং চে শিজিন্নদবা, হোস্তেলশিং অমসুং কেফতেরিয়াশিংদা চানা-থক্নবা মাংহন্দবা, উনা অকংবা/ অরেম্বা চিঞ্জাক/ ওর্গানিক ৱেস্তকী কম্পোস্তদগী হার শেম্বা, বাইসাইকল রেল্লীশিং/ প্লাস্তিক কলেক্সন/ ৱাতর বোদী শেংদোকপগী এক্তিবিতীশিংনচিংবা শিনবা য়াওরি।  

থৌরম অসিদা দা. সিংহনা ‘অন্দরগ্রেজুএত থাক্তা এনভাইরনমেন্তেল এজুকেসনগীদমক গাইদলাইন অমসুং করিকুলম ফ্রেমৱার্ক’ রিলিজ তৌরবা মতুং ফোংদোকখি মদুদি মসি নেস্নেল এজুকেসন পোলিসী (এন.ই.পি.) 2020গী পরিংদা মরুওইবা খোংথাং অমনি মদুনা এনভাইরনমেন্তেল এজুকেসনবু করিকুলাগী মনুংগী শরুক অমা ওইহনবগী মরুওইবা অদু পল্লি অমসুং এনভাইরনমেন্তেল এৱার্নেস অমসুং সেন্সিতিবিতীবু মসিগী কঞ্জরবেসন অমসুং সস্তেনেবল দিবলপমেন্তগী মায়কৈদা পুক্নিং থৌগৎলি। গাইদলাইনশিং অসিদা ক্লাইমেত চেঞ্জ, পোল্লুসন,ৱেস্ত মেনেজমেন্ত, সেনিতেসন, কঞ্জরবেসন ওফ বাইওলোজিকেল দাইবরসিতী, মেনেজমেন্ত ওফ বাইওলোজিকেল রিসোর্স অমসুং দাইবর্সিতী, ফোরেস্ত অমসুং ৱাইল্দলাইফ কঞ্জার্বেসন অমসুং সস্তেনেবল দিবলপমেন্তগুম্বা এরিয়াশিং মনুং চল্লি।

মন্ত্রীনা পুম্নমকপু য়ু.জি. থাক্তা কোর্স করিকুলুমদা গাইদলাইনশিং অসি এদোপ্ত তৌনবা অমসুং এনভাইরনমেন্তেল দিগ্রেদেসনগী শাথিরবা শাফুদগী মালেম ইমাবু ঙাকথোক্নবা ‘মিসন লাইফ’কী পান্দম ফংনবগীদমক খোংথাংশিং লৌখৎনবসু তকশিনখি।

****