জর্জতিস দিপার্তমেন্তগী ন্যায় বন্ধুগী মখাদা শেম্বা আই.সি.এফ.এ.আই লো স্কুল, ত্রিপুরগী প্রো বোনো ক্লবনা দিস্ত্রিক লিগেল সর্বিসেস ওথোরিতি, ত্রিপুরাগা পুন্না জুন ১২,২০২৩ দা অঙাং শিন্মী ওইনা শীজিন্নবগী মতাংদা অখন্নবা লেকচর অমা পাংথোকখ্রে।

ন্যায় বন্ধু (প্রো বোনো লিগেল সর্বিসেস) অসি লৈবাক শীনবা থুংনা প্রো বোনো লিগেল সর্বিস ফংহন্নবা লিংখৎপা ফ্রেমৱার্ক অমনি। ন্যায় বন্ধুগী মখাদা থবক তৌরিবা উকিলশিং, থৱায় য়াওবা ভোলুন্তিয়ারশিংনা মোবাইল তেক্নোলোজিগী মতেংনা তোল্লবা বেনিফিসরিশিংগা শম্নরি। ন্যায় বন্ধু মোবাইল এপ্লিকেসন(এন্দ্রোইদ/আই ও এস) পুথোক্লে অমসুং সি.এস.সি ই-গভর্নান্স প্রাইভেদ লিমিতেদকা লোয়ন্না উমং প্লেতফোর্মদা থাগৎলে।

***