ইন্দিয়ন কাউন্সিল ওফ এগ্রিকলচরেল রিসর্স (আই.সি.এ.আর.), নই দিল্লীনা অমাজোন কিসানগা লোয়ননা পোত্থোক অমসুং ইনকম হেনগৎনবগীদমক তোঙান তোঙানবা মহৈ-মরোংশিংগী সাইন্তিফিক কল্তিবেসনদা লৌমীশিংবু লমজিং লমতাক্নবগীদমক ওর্গনাইজেসন অনিগী মরক্তা শক্তি পুন্সিন্নবা অমসুং সীনর্জী শেমগৎনবা য়ানা ৱারোল অমা খুৎয়েক পীনখ্রে। আই.সি.এ.আর.না অমাজোনগী নেতৱার্ক্কী খুত্থাংদা লৌমীশিংদা তেক্নোলোজীগী ওইবা তেংবাং ফংহনগনি। মসিনা লৌমীশিংগী পুন্সী মহিং ফগৎহল্লগনি অমসুং চাথোক হেনগৎহল্লগনি। অমাজোন কিসান প্রোগ্রামগা লোয়ননা লৌমীশিংগী পার্তনরশিপতা য়ানা ৱারোল অসিনা অমাজোন ফ্রেসকী খুত্থাং য়াওনা ভারত পুম্বদা কঞ্জুমরশিংগীদমক অৱাংবা থাক্কী অতেকপা পোত্থোক ফংহনবদা মতেং ওইরগনি।

দা. হিমানশু পাথক, সেক্রেতরী দি.এ.আর.ই অমসুং দাইরেক্তর আই.সি.এ.আর.না থৌরম অসিদা লৌমীশিংগী হেন্না ফবা খুৎশুমনগীদমক সেকেন্দরী এগ্রিকলচরদা ৱাফম থমখি। মহাক্না মখা তানা এগ্রিকলচর অমসুং সিজন নায়বা মহৈ-মরোংশিংদা ক্রিতিকেল ইনপুতকী মরুওইবা অমসুং থৌদাং ফোংদোকখি। মহাক্না হায়খি মদুদি আই.সি.এ.আর.না অমাজোনগা লোয়ননা তেক্নোলোজী, কেপাসিতী বিলদিং অমসুং অনৌবা নোলেজ ত্রান্সফর তৌবগীদমক পুন্না থবক তৌমিন্নগনি।

আই.সি.এ.আর.গী মায়কৈদগী দা. য়ু.এস. গৌতম, দিপুতী দাইরেক্তর জেনরেল (এগ্রিকলচরেল এক্সতেন্সন) অমসুং অমাজোন ফ্রেস সপ্লাই চেন অমসুং কিসানদগী সেনিয়র প্রদক্ত লীদর শ্রী সিদার্থ তাতানা য়ানা ৱারেল খুৎয়েক পীনখি।  

আই.সি.এ.আর.-কে.ভি.কে. অমসুং অমাজোনগী মরক্তা পুনেগী পাইলোত প্রোজেক্ত অমগী মহৈনা এক্সতেন্সিব রিসর্সকী খুত্থাংদা দিবেলপ তৌবা প্রেসাইজ এগ্রিকলচর প্রেক্তিসশিং এক্সতেন্দ তৌনবা মখা তানা তেংবাং পাকথোক চাউথোকহন্নবা মোতিবেত তৌখি। কৃশি বিগ্যান কেন্দ্রশিংনা তেক্নোলোজী অমসুং কেপাসিতী বিলদিং প্রোগ্রামশিং ত্রান্সফর তৌবগী খুত্থাংদা তেক্নোলোজীগী ওইবা য়ুমফম হেনগৎহনদুনা লৌমীশিংগী পাক চাউবা গ্রুপ অমা মপাঙ্গল কনখৎহল্লগনি। আই.সি.এ.আর. অমসুং অমাজোন্না কৃশি বিগ্যান কেন্দ্রশিংদা ফার্মিং প্রেক্তিসশিং অমসুং ফার্ম প্রোফিতেবিলিতী হেনগৎহন্নবা দেমোন্সত্রেসনশিং, ত্রাএলশিং, অমসুং কেপাসিতী বিলদিং ইনিসিএতিবশিং পাংথোক্তুনা অতোপ্পা ফার্মর এঙ্গেজমেন্ত প্রোগ্রামশিংদা পুন্না থবক তৌমিন্নগনি। মসিদসু নত্তনা অমাজোন্না ত্রেনিং সপোর্তশিং ফংহনগনি অমসুং কঞ্জুমরশিংগা লোয়ননা দাইরেক্ত কনেক্সন ফংহন্দুনা মসিগী ওনলাইন প্লেতফোর্মগী খুত্থাংদা মখোয়গী পোত্থোকশিং য়োনবদা লৌমীশিংবু তেংবাংগনি।

*****