رکشا منتری جناب راج ناتھ سنگھ نے ملک کے نوجوان روشن دماغوں سے  اپیل کی ہے کہ وہ وزیر اعظم جناب نریندر مودی کے ویژن کے مطابق  ہندوستان کو 2047 تک  ایک ترقی یافتہ ملک بنانے کے لئے نئے خیالات اور اختراعات کے ساتھ سامنے آئیں اور  حکومت کی مدد کریں۔  وہ 10 جون 2023 کو بہار کے روہتاس ضلع میں گوپال نارائن سنگھ یونیورسٹی کے جلسہ تقسیم اسناد  سے خطاب کر رہے تھے۔

جناب راج ناتھ سنگھ نے زور دے کر کہا کہ ہندوستان اپنے سنہری دور میں داخل ہو چکا ہے اور یہ ’امرت کال‘ کے اختتام پر 2047 تک ایک ترقی یافتہ ملک بننے کے لیے بے مثال رفتار سے آگے بڑھ رہا ہے۔ انہوں نے کہا کہ حکومت کی کوششوں کی وجہ سے، ہندوستان دنیا کی سب سے بڑی پانچ معیشتوں میں شامل ہوگیا ہے اور سرمایہ کاری فرم مورگن اسٹینلے کی ایک رپورٹ کے مطابق 2027 تک  یہ  تیسری سب سے بڑی معیشت بن جائے گا۔

رکشا منتری نے ملک میں اسٹارٹ اپ ایکو سسٹم کی نمو پر بھی روشنی ڈالی۔ انہوں نےکہاکہ  ملک میں آج اسٹارٹ اپس کی تعداد بڑھ کر  تقریباً  ایک لاکھ ہوگئی ہے جن میں 100  یونیکارن شاملہیں، جبکہ سات، آٹھ سال پہلے یہ محض  500  تھی۔ انہوں نے کہا  کہ نوجوانوں میں ملک کو مزید بلندیوں پر لے جانے اور نوع انسانی کی بہتری کے لئے  اپنا  رول  ادا کرنے کا امکان  صلاحیت موجود ہے۔

جناب راج ناتھ سنگھ نے طلباء سے کہا کہ وہ ملک کی ثقافتوں، اقدار اور روایات سے جڑنے پر اتنا ہی زور دیں جتنا کہ وہ تعلیم اور علم کے حصول  پر توجہ دیتے ہیں۔ انہوں نے کہا کہ آپ کی اقدار دنیا میں نہ صرف آپ کی پ بلکہ یآپ کے والدین، اساتذہ اور ملک کی بھی ہچان ہے۔

رکشا منتری نے طلباء سے اپیل کیکہ وہ  کردار سازی پر توجہ مرکوز کرنے کریں۔ انہوں نے  بتایا کہ ہندوستان ایک ایسی جگہ ہے جہاں کسی شخص کی قدر کا اندازہ نہ صرف اس کے علم سے ہوتا ہے، بلکہ اقدار اور رویے سے بھی اور اس بات سےبھی ہوتا ہےکہ اس نے  ہنر مندی کو کس مہارت کے ساتھ استعمال کیا  ہے۔ انہوں نے کہا کہ انا، حد سے زیادہ اعتماد اور خودغرضانہ رویہ ترقی کی راہ میں سب سے بڑی رکاوٹیں ہیں، انہوں نے مزید کہا کہ مقصد ترقی کی راہ پر سب کو ساتھ لے کر  آگے بڑھنےکا  ہونا چاہیے۔

جناب راج ناتھ سنگھ نے طلباءسے اپیل کی کہ وہ خود کو روحانی طور پر تیار کرتے رہیں، جب کہ تعلیمی ادارے ان کی تعلیمی اور ذہنی سطح پر پرورش کرتے ہیں۔ ان کا خیال تھا کہ جب انسان میں روحانی شعور پیدا ہوتا ہے تو وہ ملک کی ترقی کے بارے میں اتنا ہی سوچتا ہے جتنا کہ اپنی ترقی کے بارے میں سوچتاہے۔

رکشا منتری نےاساتذپ سے اپیل کی  کہ وہ طلباء کے دلوں اور دماغوں میں سیکھنے کا لازوال شعلہ روشن کریں۔ انہوں نے اسے فرد کی شخصیت کا سب سے اہم حصہ قرار دیا، جو نہ صرف ذاتی ترقی کو یقینی بناتا ہے بلکہ معاشرے کی ترقی کو بھی یقینی بناتا ہے۔

۔۔۔۔۔۔۔۔۔۔۔

ش ح۔ا گ۔ن ا۔

U-6017