এজুকেসন অমসুং মপাল থৌরমগী কেন্দ্রগী রাজ্য মন্ত্রী, দা. রাজকুমার রঞ্জিন সিংহনা ঙসি ইন্দিয়া রেঙ্কিংস ২০২৩ ফোঙখ্রে, হায়রিবা অসিনা ২০১৫দা এজুকেসন মন্ত্রালয়না হীরম অসিগীদমক দ্রাফ তৌখিবা নেস্নেল ইন্সতিত্যুস্নেল রেঙ্কিং ফ্রেমৱার্ক (এন.আই.আর.এফ.) ইমপ্লিমেন্ত তৌখি। হায়র এজুকেসন ইন্সতিত্যুসনশিংগী ভাইস চাঞ্চেল্লরশিং অমসুং দিরেক্তরশিংগা লোয়ননা থৌরম অসিদা শ্রী কে সঞ্জয় মুর্থী, সেক্রেতরী (ঐচ.ই.), প্রোফেসর এম জগদীস কুমার, চিয়রমেন, য়ু.জি.সি., প্রোফেসর তি জি সিতারাম, চিয়রমেন, এ.আই.সি.তি.ই. প্রোফেসর অনিল সহাসরাবুদ্ধে, চিয়রমেন, এন.ই.তি.এফ অমসুং এন.বি.এ., দা অভে জেরে, ভাইস চিয়রমেন, এ.আই.সি.তি.ই. অমসুং দা অনিল কুমার নস্সা, মেম্বর সেক্রেতরী, এন.বি.এ.না শরুক য়াখি।

থৌরম অদুদা ৱা ঙাংলদুনা দা. রাজকুমার রঞ্জিন্না হায়খি মদুদি রেঙ্কিং অমসুং এক্রেদিতেসন অসি কোলেজ অমসুং য়ুনিভর্সিতীশিংদা হায়র এজুকেসন ইন্সতিত্যুসনশিংনা পীবা এজুকেস্নেল প্রোগ্রামগী ক্বালিতী ইভেল্যুএৎ তৌবদা মরু ওই। মহাক্না হায়খি এজুকেসন মন্ত্রালয়না ২০১৫দা নেস্নেল ইন্সতিত্যুস্নেল রেঙ্কিং ফ্রেমৱার্ক (এন.আই.আর.এফ.) দ্রাফ তৌবগী শীংথানীংঙাই ওইবা খোঙথাং লৌখৎখি, মসিনা তোঙান-তোঙানবা কেতগোরীশিং অমসুং সবজেক্ত দোমেনশিংদা ভারতকী ঐচ.ই.আই.শিংগী ক্বেলিতী অমসুং এক্সিলেন্স কেপচর তৌনবা মলতি-দাইমেন্সনেল পেরামিতরশিং পীখি অমসুং পেরামিতরশিংদা ফংবা মখোয়গী ক্যুম্যুলেতিব স্কোরদা য়ুম্ফম ওইরগা মখোয়গী রেঙ্ক পীখি।

মহাক্না হায়খি ইন্দিয়ন রেঙ্কিংসনা মহৈরোয়শিংনা লৈবাক অসিদা লৈরিবা ঐচ.ই.আই.শিংগী মরক্তা তোঙান-তোঙানবা কেতগোরীশিং অমসুং সবজেক্ত দোমেন্দা লৈরিবা মখোয়গী থাক অদুদা য়ুম্ফম ওইরগা য়ুনিভর্সিতীশিং খন্নবগী কান্নরবা তুল অমা ওইরি। মসিনা তীচিং, রিসর্চ, রিসোর্সশিং অমসুং ইনফ্রাস্ত্রকচরদা ফগৎহন্নবগীদমক লমশিং মশক খঙদোকপদা য়ুনিভর্সিতীশিংগী মতেংসু পাংখি হায়না মহাক্না মখা তাখি।

মন্ত্রীনা তোঙান-তোঙানবা কেতগোতীশিং অমসুং সবজেক্ত দোমেনশিংদ রেঙ্কিংগীদমক এপ্লাই তৌরকপা ইন্সতিত্যুসনশিংগী মশিংদা হেনগৎলকপদা নুংঙাইবা ফোঙদোকখি। মহাক্না ইন্দিয়ন রেঙ্কিংস লোয়ননা এক্রেদিতেসনগী মখাদা ইন্সতিত্যুসন কয়া কয়া পুশিন্নবা পুন্না হোৎনবগী মথৌ তাই হায়না ফোঙদোকখি।

মসি ভারতকী ঐচ.ই.আই.শিংগী ইন্দিয়ন রেঙ্কিংসকী থংন-থংননা ফোঙবা নিপানশুবা ইদিসন্নি। ইন্দিন রেঙ্কিংসকী ২০২৩ ইদিসনগী অখন্ননা হাপচিনখিবা অহুম অদু মখাদা পীরি:

1. এগ্রিকলচর এন্দ এলাইদ সেক্তরস হায়না মীংথোনবা অনৌবা সবজেক্ত অমা হাপ্পা
2. তোঙান-তোঙানবা এজেন্সীশিংদা মান্নবা দেতা পীনবগী ইন্সতিত্যুসনশিংদা পীবা পোৎলুম হন্থহন্নবা পান্দমগা লোয়ননা ইন্দিয়ন রেঙ্কিংসতা অতল রেঙ্কিং ওফ ইন্সতিত্যুসন্স ওন ইন্নোবেসন এচিবমেন্তস (এ.আর.আই.আই.এ.)না মমাংদা পাইখৎখিবা “ইন্নোবেসন রেঙ্কিং” ইন্তিগ্রেসন তৌবা।
3. অর্বান অমসুং তাউন প্লান্নিংদা কোর্সশিং পীরিবা ইন্সতিত্যুসনশিং য়াওহন্নবা “আর্কিতেকচর”গী স্কোপ অসিবু “আর্কিতেকচর এন্দ প্লান্নিং”দা এক্সপান্সন তৌবা।

অনৌবা কেতগোরী (ইন্নোবেসন) সবজেক্ত দোমেন (এগ্রিকলচর এন্দ এলাইদ সেক্তর্স) হাপচিনবা অমসুং “আর্কিতেকচর”দগী “আর্কিতেকচর এন্দ প্লান্নিং”দা পাকথোক চাউথোকপা অসিগা লোয়ননা ইন্দিয়া রেঙ্কিংসকী হৌজিক লৈরিবা পোর্তফোলিও অসি ইন্দিয়া রেঙ্কিংস ২০২৩দা রেঙ্ক চনবা কেতগোরীশিং অমসুং সবজেক্ত দোমেনশিং ১৩দা হেনগৎখি।

ইন্দিয়া রেঙ্কিংস ২০১৬কী অহানবা চহিদা রেঙ্কিংশিং অসি য়ুনিভর্সিতীশিং লোয়ননা দোমেন-স্পেসিফিক রেঙ্কিং অহুম মমিং ওইনা পল্লবদা  ইঞ্জিনীয়রিং, মেনেজমেন্ত অমসুং ফার্মাসী ইন্সতিত্যুসনশিংগী ওইনা লাউথোকখি। চহি নিপান অসিদা অনৌবা কেতগোরী মরি অমসুং অনৌবা সবজেক্ত দোমেন মঙা হাপচিন্দুনা অপুনবা মশিং অসি কেতগোরী মঙা ওইহনখি মমিং ওইনা পল্লবদা ওভরওল, য়ুনিভর্সিতী, কোলেজ, রিসর্চ ইন্সতিত্যুসন এন্দ ইন্নোবেসন অমসুং সবজেক্ত ৮ মমিং ওইনা পল্লবদা ইঞ্জিনীয়রিং, মেনেজমেন্ত, ফার্মাসী, আর্কিতেকচর এন্দ প্লান্নিং, মেদিকেল, লো, দেন্তেল অমসুং এগ্রিকলচর এন্দ এলাইদ সেক্তর্স ওইহনখি।

পেরামিতরশিং অমসুং ৱেতেজকী ব্রোদ কেতগোরী মঙা

এজুকেসন মন্ত্রালয়না ২০১৫গী নবেম্বরদা লোঞ্চ তৌখিবা নেস্নেল ইন্সতিত্যুস্নেল রেঙ্কিং ফ্রেমৱার্ক (এন.আই.আর.এফ.) অসি ইদিসন অসিগীদমক লোয়ননা ২০১৬তগী ২০২৩ ফাওবগী ওইনা ফোঙখিবা ইন্দিয়া রেঙ্কিংসকী মমাংগী ইদিসন তরেৎতা শীজিন্নখি। এন.আই.আর.এফ.তা মশক খঙদোকখিবা পেরামিতরশিংগী ব্রোদ কেতগোরী মঙা অমসুং মখোয়গী ৱেতেজ অসি স্কেল ওফ ১০দা মখাদা পীরি:

পেরামিতর মঙাদা অমমমদা সব-পেরামিতর ২দগী ৫ য়াওরি। তোঙান-তোঙানবা কেতগোরীশিং অমসুং সবজেক্ত দোমেনশিংদা ঐচ.ই.আই.শিংগী রেঙ্কিংগীদমক পুন্না সব-পেরামিতর ১৬- ১৮ শীজিন্নৈ। ইন্সতিত্যুসনশিংবু পেরামিতরগী ব্রোদ গ্রুপ মঙাদা অমমমগী ওইনা পীখিবা মার্কশিংগী অপুনবদা য়ুম্ফম ওইরগা রেঙ্ক পীখি। ওভরওল কেতগোরীগীদমক পেরামিতরশিংগী মথক্তা মখাদা পীরিবা অহেনবা সব-পেরামিতর অনি “রিসর্চ ইন্সতিত্যুসন্স”কী মখাদা রেঙ্কিং ইন্সতিত্যুসনশিংগীদমক য়াওহনখি: i) জর্নেল্স কবর্দ ইন দি ফার্স্ত ক্বার্তাইল ওফ জর্নেল সাইতেসন রিপোর্ত (জে.দি.আর.ক্যু.১)দা ফোঙবা রিসর্চ পেপরশিং; অমসুং ii) ঐচ ইন্দেক্স।

মসিগী মথক্তা এপ্লিকেন্ত ইন্সতিত্যুসনশিংদগী তোঙান-তোঙানবা পেরামিতরশিংদা দেতা সোর্সিং তৌবা, থর্দ পার্তী সোর্সশিংগী দেতা শীজিন্নখি। পব্লিকেসনশিং অমসুং সাইতেসনশিংগী দেতা লৌখৎনবগীদমক স্কোপস (এলসেবিয়র সাইন্স) অমসুং ৱেব ওফ সাইন্স (ক্লেরিবেৎ এনালাইতিক্স) শীজিন্নখি। পেতেন্তশিংদা দেতা লৌখৎনবগীদমক দরৱেন্ত ইন্নোবেসন শীজিন্নখি। সোর্সশিং অসিদগী ফংখিবা দেতা অসি মখোয়গী ইনপুৎশিং পীনবা প্রোবিজন অমগা লোয়ননা ত্রান্সপরেন্সী লৈহন্নবা ইন্সতিত্যুসনশিংদা শিয়র তৌখি।

২০১৬তগী ২০২৩ ফাওবদা ইন্দিয়া রেঙ্কিংসকীদমক লাকপা এপ্লিকেন্তশিংগী মশিংদা হেনগৎলকপা

ইন্দিয়া রেঙ্কিংস ২০২৩গীদমক “ওভরওল”, কেতগোরী-স্পেসিফিক অমসুং/নত্ত্গা দোমেন-স্পেসিফিক রেঙ্কিংসকী মখাদা রেঙ্কিংগীদমক অখন্নবা ইন্সতিত্যুসন পুন্না ৫,৫৪৩না থাজিল্লকখি। ওভরওল কেতগোরীদা ২,৪৭৮, ইঞ্জিনীয়রিংদা ১,৩১৪ অমসুং জেনরেল দিগ্রী কোলেজতা ২,৭৪৬ য়াওনা তোঙান তোঙানবা কেতগোরীশিং/দোমেনশিংগী মখাদা অখন্নবা ইন্সতিত্যুসন ৫৫৪৩না রেঙ্কিংগীদমক এপ্লিকেসন ৮,৬৮৬ পীশিল্লকখি। চহি অসিগী রেঙ্কিংস এক্সর্সাইজতা ইন্সতিত্যুস্নেল পার্তিসিপেসন্দা চাউনা হেনগৎলকপা অসিনা ভারতকী হায়র এজুকেসনগী ইন্সতিত্যুসনশিংগী মরক্তা মখোয়বু রিকগনিসন অসি ফিয়র অমসুং ত্রান্সপরেন্ত ওইবা রেঙ্কিং এক্সর্সাইজ তৌই তাকখি। ইন্দিয়ন রেঙ্কিংগী থারকপা এপ্লিকেন্তগী মশিং অসি ২০১৬তা ২,৪২৬দগী ২০২৩দা ৫,৫৪৩দা হেনগৎলকখি অমরোমদা তোঙান তোঙানবা কেতগোরীশিংদা রেঙ্কিংগীদক এপ্লিকেসনশিংগী অপুনবা মশিং অসি ২০১৬তা ৩,৫৬৫দগী ২০২৩দা ৮,৬৮৬তা হেনগৎলকখি হায়বদি ইন্সতিত্যুসনশিংগী মশিংদা পুন্না ৩,১১৭ হেনগৎলকখি (১২৮.৪৮% হেনগৎলকই) অমসুং এপ্লিকেসনশিংগী অপুনবা মশিংদা ৫,১২১ হেনগৎলকখি (১৪৩.৬৫% হেনগৎলকই)।

২০১৬তগী ২০২৩ ফাওবদা ইন্দিয়া রেঙ্কিংসতা রেঙ্ক চনবা ঙমখিবা ইন্সতিত্যুসনশিংগী মশিংদা হেনগৎলকপা

ওভরওল, য়ুনিভর্সিতীজ, কোলেজেস অমসুং ইঞ্জিনীয়রিংদা ২০১৬তা ইন্দিয়া রেঙ্কিংস হেক হৌদোকখিবদগী ইন্সিত্যুসন ১০০না রেঙ্ক চনখি। মসিগী মথক্তা মেনেজমেন্ত অমসুং ফার্মাসীদা রেঙ্ক চনখিবা ইন্সতিত্যুসনশিংগী মশিং অসি ২০২২দগী হৌদুনা ৭৫দগী ১০০দা হেনগৎলকখি। অদুম ওইনমক ইন্সতিত্যুসনশিংগী মশিং অসি সবজেক্ত দোমেন খরা মমিং ওইনা পল্লবদা আর্কিতেকচর, লো, মেদিকেল, দেন্তেল লোয়ননা রিসর্চ ইন্সতিত্যুসনশিংদা ৩০ অমসুং ৫০দগী হেনহনদে। ওভরওল, য়ুনিভর্সিতীজ, কোলেজেস অমসুং ইঞ্জনীয়রিংগী ওইনা ১০১-১৫০ অমসুং ১৫১-২০০ অমসুং ফার্মাসী অমসুং মেনেজমেন্তদা ১০১-১২৫গী রেঙ্ক বেন্দশিংদা চুন্নবা মওংদা অহেনবা রেঙ্কিংশিং পীখি।

ইন্দিয়া রেঙ্কিংস ২০২৩গী মরু ওইবা হাইলাইৎশিং

• ইন্দিয়ন ইন্সতিত্যুত ওফ তেক্নোলোজী মদ্রাসনা থংন-থংননা চহি মঙা হায়বদি ২০১৯দগী ২০২৩গী ওইনা ওভরওল কেতগোরীদা ১ পোজিসন লৌখি অমসুং ইঞ্জিনীয়রিংদা থংন-থংননা চহি নিপান হায়বদি ২০১৬তগী ২০২৩ ফাওবা ১ পোজিসন লৌখি।
• ওভরওল কেতগোরীগী তোপ ১০০দা সি.এফ.তি.আই./সি.এফ.য়ু. আই.এন.আই. ৪৪, স্তেৎ য়ুনিভর্সিতী ২৪, দীম য়ুনিভর্সিতী ১৩, প্রাইবেৎ য়ুনিভর্সিতী ১৮, এগ্রিকলচর এন্দ এলাইদ সেক্তর য়ুনিভর্সিতী ৪ অমসুং মেনেজমেন্ত ইন্সতিত্যুসন ৩ য়াওরি।
• ইন্দিয়ন ইন্সতিত্যুত ওফ সাইন্স, বেঙ্গলুরুনা থংন-থংননা নিপানশুবা হায়বদি ২০১৬তগী ২০২৩ চহিগী ওইনা য়ুনিভর্সিতীস কেতগোরীদা মকোক্তা লৈখি। রিসর্চ ইন্সতিত্যুসন্স কেতগোরীগী ওইনা থংন-থংননা চহি অহুম হায়বদি ২০২১দগী ২০২৩ ফাওবা অহানবা তাখি।
• মেনেজমেন্ত সবজেক্ততা আই.আই.এম. অহমদাবাদনা মকোক্তা লৈদুনা থংন-থংননা মরিশুবা চহি হায়বদি ২০২০দগী ২০২৩ ফাওবা অহানবা পোজিসন অদুমক লৌদুনা লাকখি। ২০১৬তগী ২০১৯দগী ইন্দিয়া রেঙ্কিংসকী মেনেজমেন্ত সবজেক্ততা মকোক থোংবা অনিগী মনুংদা লৈদুনা লাকখি।
• ওল ইন্দিয়না ইন্সতিত্যুত ওফ মেদিকেল সাইন্সেস (এম্স), নই দিল্লীনা থংন-থংননা তরুকশুবা চহি হায়বদি ২০১৮দগী ২০২৩ ফাওবা মেদিকেলগী তোপ স্লোৎ কনবা ঙমখি। মসিগী মথক্তা এম্সনা ২০২২দা ৯শুবা পোজিসনদগী ফগৎলক্তুনা ওভরওল কেতগোরীদা ৬শুবা পোজিসন লৌখ্রে।
• নেস্নেল ইন্সতিত্যুত ওফ ফার্মাস্যুতিকেল এজুকেসন এন্দ রিসর্চ হাইদরাবাদনা অহানবা ওইনা ফার্মাসীগী তোপ রেঙ্কিং লৌদুনা জামিয়া হমদার্দপু অনিশুবা স্লোৎতা লৈহনখি। জামিয়া হমদার্দনা থংন-থংননা মরিরক শুবা ওইনা হায়বদি ২০১৯দগী ২০২২ ফাওবা ১ পোজিসন লৌরকখি।
• মিরন্দা হাউসনা থংন-থংননা চহি তরেৎ হায়বদি ২০১৭তগী ২০২৩ ফাওবা কোলেজশিংগী মরক্তা ১ পোজিসন লৌখ্রে।
• থংন-থংননা চহি অহুম হায়বদি ২০২১দগী ২০২৩ ফাওবা আর্কিতেকচর সবজেক্ততা আই.আই.তি. রুর্কীনা ১ পোজিসন লৌখ্রে।
• নেস্নেল লো স্কুল ওফ ইন্দিয়া য়ুনিভর্সিতী, বেঙ্গলুরুরনা থংন-থংননা চহি তরুক হায়বদি ২০১৮দগী ২০২৩ ফাওবা লোদা মকোক ওইরিবা পোজিসন লৌবা ঙমখ্রে।
• দিল্লীদগী মকোক্তা লৈবা কোলেজ ১০গী মনুংদা কোলেজ ৫না কোলেজশিংগী রেঙ্কিংদা মাংজিল থাবা ঙমখি।
• থংন-থংননা অনিরক শুবা চহি ওইনা সবীতা ইন্সতিত্যুত ওফ মেদিকেল এন্দ তেক্নিকেল সাইন্সেসনা মকোক্কী মফম কনখ্রে।
• এগ্রিকলচর এন্দ এলাইদ সেক্তর্সকী ওইনা ইন্দিয়ন এগ্রিকলচরেল রিসর্চ ইন্সতিত্যুত, নই দিল্লীনা মকোক্কী মফম কনখ্রে।
• ইন্নোবেসন কেতগোরীদা ইন্দিয়ন ইন্সতিত্যুত ওফ তেক্নোলোজী কানপুরনা মকোক ওইখ্রে।

ইন্দিয়া রেঙ্কিংস ২০২৩ য়েংনবা লিঙ্কসিদা নম্বীয়ু:

https://www.nirfindia.org/2023/Ranking.html

*****