সাইন্স অমসুং তেক্নোলোজীগী কেন্দ্রগী রাজ্য মন্ত্রী (ইন্দিপেন্দেন্ত চার্জ), এম.ও.এস. পি.এম.ও., দিপার্তমেন্ত ওফ এতোমিক ইনর্জী অমসুং দিপার্তমেন্ত ওফ স্পেস, অমসুং এম.ও.এস. পর্সনেল, পব্লিক গ্রিভান্সেস এন্দ পেনসন্স, দা. জিতেন্দ্র সিংহনা হায়খি চহি ৯ অসিদা স্তার্তঅপতা খুমাং চাউশিনবা হায়বা অসি প্রধান মন্ত্রী নরেন্দ্র মোদীনা লমজিংবা সরকারগী অচৌবা মাইপাকপগী ৱারী অমা ওইরি।

নহা ওইবা মীয়ামগী থৌরম অমদা দা জিতেন্দ্র সিংহনা হায়খি মদুদি ২০১৪গী মমাংদা স্তার্তঅপ শুপ্নগী ৩৫০ খক্তা লৈরমখি, অদুবু প্রধান মন্ত্রী নরেন্দ্র মোদীনা ২০১৫গী নীংতম নুমিৎতা লাল কিলাগী লানবনদগী মহাক্না ৱা ঙাংবদা মসি ফোঙদোকখি অমসুং ২০১৬তা অখন্নবা স্তার্তঅপ স্কিম রোল আউৎ তৌখি, হায়রিবা অসিদা শীংথানীংঙাই ওইনা হেনগৎলক্তুনা ভারতনা ঙসি মালেমগী স্তার্তঅপ ইকোসিস্তেমদা অহুমশুবা খ্বাইদগী চাউবা ওইদুনা স্তার্তঅপ ৯২,৬৮৩ লোয়ননা য়ুনিকোর্ন ১১৫ (বিলিয়ন-দোলর এন্তর্প্রাইস) হেন্না শেম্বা ঙমহল্লি।

মন্ত্রীনা হায়খি ২০২২ খক্তদা এন্তিতী ২৬,৫৪২বু দিপার্তমেন্ত ফোর প্রমোসন ওফ ইন্দস্ত্রী এন্দ ইন্তর্নেল ত্রেদ (দি.পি.আই.আই.তি.)না স্তার্তঅপশিং ওইনা শকখঙখি। নাসকোম স্তদী অমনা হায়খি তেক স্তার্ত-অপশিংনা ২০১৭-২০২১দা দাইরেক্ত অমসুং ইনদাইরেক্ত জোব লাখ ২৩ পীখি। মসিগী মথক্তা ২০১৬তা স্তার্তঅপ ইন্দিয়া লোঞ্চ তৌবা মতমদা শুপ্নগী ১০ খক্তা ওইরম্বা অদু স্তার্তঅপশিংনা হকথেংননা থবক মিলিয়ন কয়া অমসুং নাকোইননা অহেনবা কয়া পীখি হায়না মশানা রিপোর্ত তৌরকখি।

দা. জিতেন্দ্র সিংহনা হায়খি ভারতকী ঙসিগী নহারোলনা সরকারগী থবক থীবা হায়বা ৱাখল্লোন্দগী তপ্না-তপ্না থাদোরক্লি অমসুং নিচ সেক্তরশিংদা থবক পাইখৎনবা অমসুং অনৌবা খুদোংচাবশিং পীনবা শেম শারি মসিনা থবক্কী খুদোংচাবশিং পীবা হেনগৎহল্লি। কেন্দ্র সরকারগী স্কিমশিংগী নহা ওইরিবা বেনিফিসরীশিংগা উত্তর প্রদেশকী সমভালদা ৱারী শাবদা মহাক্না হায়খি হৌখিবা চহি ৯ অসিদা সরকারনা থবক পীবা খক্তা নত্তনা ওন্তপ্রিনোর্শিপ শেমগৎপদা মীৎয়েং চংখি।

দা. জিতেন্দ্র সিংহনা হায়খি স্তার্তঅপ ইন্দিয়াগী মথক্তা মোদী সরকারনা ত্রদিং, সর্ভিসেস নত্ত্রগা মেন্যুফেকচরিং সেক্তরদা গ্রীনফিল্দ এন্তর্প্রাইস অমা লিংখৎনবা বেঙ্ক ব্রাঞ্চ অমদা য়ামদ্রবদা সেদ্যুল্দ কাস্ত (এস.সি.) নত্ত্রগা সেদ্যুল্দ ত্রাইব (এস.তি.) অমসুং নুপী অমদা সেদ্যুল্দ কম্মর্সিএল বেঙ্কশিং (এস.সি.বি.শিং)দগী লুপা লাখ ১০দগী লুপা করোর ১গী বেঙ্ক লোন পীনবা স্তেন্দঅপ ইন্দিয়া স্কিম হৌদোকখি। স্কিম অসিনা য়ামদ্রবদা বোরোৱর লাখ ২.৫দা কান্নবা পীরবা য়াই। দা. জিতেন্দ্র সিংহনা হায়খি পি.এম. মোদীনা ঐখোয়গী নহারোলশিংবু অনৌবা ওন্তপ্রিনোর, অনৌবা প্রদ্যুসর ওইনবা অমসুং লৈবাক শিনবা থুংবদা অনৌবা ওন্তপ্রিনোরশিংনা মপুং ফাবা স্তার্ত-অপশিংগী নেৎৱার্ক শেম্বা পাম্মি। পি.এম. মোদীনা স্তার্তঅপকী লমদা ভারতপু নম্বর ৱান ওইনবা মঙলান মঙজখি। পি.এম. মোদীনা তুংদা লাক্কদৌরিবা মতমশিং “স্তার্ত-অপ ইন্দিয়া” অমসুং “স্তেন্দ-অপ ইন্দিয়া” লৈরগনি অমসুং লৈবাক্কী তুংলমচৎ শেম্লগনি হায়না চেৎনা থাজবা থম্মি।

দা. জিতেন্দ্র সিংহনা হায়খি ইন্দিয়ন স্তার্তঅপশিং অসি ২০২১দা বিলিয়ন দোলর ৪৪ হেনগৎলকখি লোয়ননা বিলিয়ন দোলর ৩৩ হেনবনা মিলিয়ন দোলর ৫ হেনবগী দিলশিং তৌনবা মাইকৈদা চংশিল্লি। ভারত্তা মখোয়গী মার্কেৎ, পর্সনেল অমসুং ফাউন্দর লৈজরবসু ইন্দিয়ন স্তার্তঅপ কয়া ভারতকী মপান্দা দোমিসাইল ওইরি। মসিগী “এক্সতর্নেলাইজ” নত্ত্রগা “ফ্লিপ” স্তার্তঅপশিং অসিদা মশিং য়াম্লবা য়ুনিকোর্নশিং য়াওরি।

দা. জিতেন্দ্র সিংহনা হায়খি পি.এম. মোদীনা স্পেস সেক্তরগী থোংশিং প্রাইবেৎ সেক্তর পার্তিসিপেসনগীদমক হাংখি মসিনা মরম ওইদুনা ঙসি ইস্রোনা প্রাইবেৎ স্তার্তঅপ ১৫০গী ময়াগা থবক তৌরি। মতৌ অসুম্না ২০১৪গী মমাংদা ভারতকী বাইও-ইকনোমী অসি দোলর বিলিয়ন ১০ ওইরমখিবা অদু হৌজিক বিলিয়ন দোলর ৮০ হেল্লে। ২০১৪দা শুপ্নগী ৫২ লৈরম্বদগী ২০২২দা ৫,৩০০ প্লস ওইদুনা বাইতেক স্তার্তঅপশিং অসি হৌখিবা চহি ৮দা শরুক ১০০রোম হেনগৎলকখি।

দা. জিতেন্দ্র সিংহনা হৌগৎলক্লিবা স্তার্তঅপ ওন্তপ্রিনোরশিংদা আই.তি., কম্প্যুতর অমসুং কম্ম্যুনিকেসন সেক্তরশিংগী ৱাংমা লান্দুনা এক্সপ্লোর তৌদ্রিবা অমসুং খ্বাইদগী শেল পাইবা ফার্ম সেক্তরদা চংশিন্নবা পাউতাক পীখি, গ্রীন রিভোল্যুসনগী মথংদা অচৌবা তেক রিভোল্যুসন্না ঙাইদুনা লৈরি। অচৌবা মওংদ এগ্রি-তেক স্তার্তঅপশিং প্রমোৎ তৌনবা হায়রদুনা মন্ত্রীনা হায়খি লৌউ-শিংউ অসি ভারতকী ইকনোমীগী মরু ওইবা য়ুম্বীশিংগী মনুংদা অমনি মরমদি ভারতকী মীশিংগী চাদা ৫৪না লৌউ-শিংউদা হকথেংননা মীপাল তাংলি অমসুং মসিনা জি.দি.পি.গী চাআ ২০রোম ওইরি। মহাক্না হায়খি ২০১৪গী মমাংদা কনাগুম্বা অমত্তনা এরোমা মিসন নত্ত্রগা পর্পল রিভোল্যুসনগী মরমদা খঙলমদে। অদুবু ঙসি লেবেন্দর থাবনা এগ্রি তেক স্তার্তঅপশিং ময়োল চোংহল্লি। কেন্দ্র সরকারগী এরোমা মিসন অসি সি.এস.আই.আর.না তেংবাংদুনা মসিনা লৌমীশিংগী ৱাখল্লোন্দা অহোংবা পুরক্লি অমসুং মখোয় কয়ানা লেবেন্দর লেমন গ্রাস, গুলাপ অমসুং শন্নারৈগুম্বা এরোমা ক্রোপশিং থাদুনা ইন্দস্ত্রী কয়াদা শীজিন্নবা মমল তাংবা থাওশিং পুথোক্লি।  মহাক্না হায়খি, লিতর অমদা লুপা ৯,০০০দা য়োনবা থাওশিং অসি ধুপ শাবদা অমসুং রুম স্প্রেশিং, কোস্মেতিক্স অমসুং থেরাপ্যুতিক্সতা শীজিন্নরি।

দা. জিতেন্দ্র সিংহনা হায়খি এরোমা মিসন্না লৈবাক শিনবা থুংবদগী স্তার্ত-অপশিং অমসুং এগ্রিকলচরিস্তশিংগী মীৎয়েং চীংশিল্লি অমসুং ফেস-১ সি.এস.আই.আর. মনুংদা লম হেক্তর ৬,০০০দা কলতিবেসন তৌবদা মতেং পাংখি অমসুং মসিনা লৈবাক্কী এস্পিরেস্নেল দিস্ত্রিক্ত ৪৬ কবর তৌখি। মীওই ৪৪,০০০ হেন্না ত্রেন তৌখ্রে অমসুং লৌমী করোর কয়াগী রিভেন্যু লাকহনখি। এরোমা মিসনগী অনিশুবা ফেসতা মসিনা লৈবাক অসিদা লৈরিবা লৌমীগী ইমুং ৭৫,০০০ হেনবদা কান্নবা পীনবা পান্দমগা লোয়ননা স্কিল লৈরবা হ্যুমেন রিসোর্স ৪৫,০০০গা এঙ্গেজ তৌনবা প্রপোজ তৌখি।

এগ্রিকলচর বজেৎ, ২০১৪দা লুপা করোর ২৫,০০০দগী তারমখিবা অসি হৌজিক লুপা করোর লাখ ১.২৫ হেন্না হেনগৎহনখ্রে। এগ্রিকলচর অমসুং এলাইদ সেক্তরগী হৌগৎলক্লিবা মতিক ময়াই অসি পুথোক্নবা সরকারনা এগ্রিকলচর ইনফ্রাস্ত্রকচর ফন্দ লুপা করোর লাখ ১ পুথোকখি। মসি পোস্ত-হর্বেস্ত মেনেজমেন্ত ইনফ্রাস্ত্রকচর অমসুং কম্ম্যুনিতী ফার্ম এসেৎশিং শেম্নবা ২০২০-২১দগী ২০৩২-৩৩ ফাওবা ওপরেস্নেল ওইগদবা ফাইনান্সিং ফেসিলিতী অমনি।চহি অসিগী বজেৎ অসিনা এগ্রি-তেক স্তার্তঅপশিংগীদমক এসেলেরতর ফন্দশিংগী প্রোবিজনগী মতাংদা মরু ওইবা ৱাফম অমা লাউথোকখি, ঐখোয়না দিজিতেল ইনফ্রাস্ত্রকচর শেমগৎপা খক্তা নত্তনা ফন্দিং এভেন্যুশিংসু শেম-শারি। হৌজিক ঐখোয়গী নহা ওন্তপ্রিনোরশিংনা থৱায় য়াওনা মাংদা চংশিন্দুনা মখোয়গী পান্দমশিং ফংনবা হোৎনগদবনি। খঙজিনগদবদি চহি ৯গী মমাংদা লৈবাক অসিদা এগ্রি স্তার্তঅপশিং খরা খক্তমক লৈরমখিবা অদু ঙসিদি ৩,০০০ হেন্না লৈরে। প্রোগ্রাম অসিগী মখাদা সপ্পোর্ত তৌখিবা এগ্রি-স্তার্ত-অপশিং অসি আইদিয়া ইমপ্লিমেন্ত তৌবদগী স্কেলিং অমসুং গ্রোথ স্তেজকী তোঙান-তোঙানবা তাঙ্ককশিংদা লৈরি। এগ্রি-স্তার্তঅপশিং অসিনা প্রিসিজন এগ্রিকলচর, ফার্ম মেকনাইজেসন, এগ্রি লোজিস্তিক্স অমসুং সপ্লাই চেন, ৱেস্ত তু ৱেল্থ, ওর্গানিক ফার্মিং, এনিমেল হসবেন্দরী, দাইরী অমসুং ফিশরীজ অসিগুম্বা ফার্মিং প্রেক্তিসশিং হেনগৎহন্নবা এগ্রিকলচর অমসুং এলাইদ সেক্তরশিংগী তোঙান-তোঙানবা লমশিংদা থবক তৌরি।

দা. জিতেন্দ্র সিংহনা হায়খি হৌখিবা চহি মাপন অসিদা মোদী সরকারনা ভারত মচা খুদিংমক শক্তি পীনবা তোঙান-তোঙানবা য়াইফ থৌরাংগী স্কিম লোঞ্চ তৌখি অমসুং ইমপ্লিমেন্ত তৌখি। অসিগুম্বা থৌওং অসিগী ফলশিং অসি মুদ্রা য়োজনা অমসুং স্তেন্দ অপ ইন্দিয়াগুম্বা প্রোগ্রামশিংদা উবা ফংখি, মখোয়না শোত্থরবা কাংলুপশিংদগী নহা ওন্তপ্রিনোরশিংগী অচৌবা পুল অমা শেমখি। মুদ্রাগী মখাদা পীখিবা লোন করোর ৪০গী তঙ্খাই হেনবদি এস.সি./এস.তি./ও.বি.সি. ওন্তপ্রিনোরশিংদা পীখি।

দা. জিতেন্দ্র সিংহনা হায়খি পি.এম. স্বানিধিগী খুত্থাংদা স্ত্রীৎ ভেন্দর লাখ ৩৪.৫রোমনা লোনশিং ফংখি অমরোমদা স্তেন্দ অপ ইন্দিয়া স্কিমগী মখাদা এস.সি. অমসুং এস.তি. বেনিফিসরীশিংদা লুপা করোর ৭,৩৫১ হেনবগী লোনশিং পীথখি।

মোদী সরকারনা নহাগীদমক অনৌবা ফোর্মেল জোবশিং পীবদা মীৎয়েং চংলিবা অসিগী মাইপাকপা অসি অনৌবা এমপ্লোইয়ী প্রোবিদেন্ত ফন্দ ওর্গনাইজেসন একাউন্তশিংদা মশিং চাউনা হেনগৎলকপা অসিদা উবা ফংখি। ভারতপু অচৌবা ইনভেস্তমেন্ত হব ওইহন্নবা এম.এস.এম.ই.শিং মতেং পাংবা অমসুং দোমেস্তিক প্রদক্সনগীদমক প্রদক্সন লিঙ্ক ইন্সেন্তিব স্কিমগুম্বা প্রোগ্রামশিংনা নহা ওইরিবা ভারত মচাশিংগগীদমক থবক্কী খুদোংচাবশিং পীবদা শরুক তমখি। ২০১৭ অমসুং জনুৱারী ২০২৩গী মনুংদা অনৌবা ই.পি.এফ.ও. সবস্ক্রাইবর করোর ৪.৭৮ হাপচিনখি - মসিদা অমমমনা ফোর্মেল জোব অমা ওইরি, লাইচৎ লৈজরবসু ২০২১-২২দা অনৌবা ই.পি.এফ.ও. একাউন্ত করোর ১.২ হাংবা য়াওরি।

নীংতম্বগী চহি ৭৫ শুরকপগী অমৃত কালদা ভারতনা চংলকপা অসিদা দা জিতেন্দ্র সিংহনা হায়খি অমৃত-পীধিদা শক্তি পীদুনা মোদী সরকারনা নহাশিংনা মরু ওইবা মীৎয়েং চংখি। ২০২০গী নেস্নেল এজুকেসন পোলিসী (এন.ই.পি.)না চহি ৩০গী মতুংদা হান্না লৈরিবা এজুকেসন সিস্তেম ওভরহোল তৌখি। মসি হেক লোঞ্চ তৌখিবদগী নহারোল করোর ১.৩৭ হেনবনা পি.এম. কৌশাল বিকাস য়োজনাগী মখাদা স্কিল ত্রেনিং ফংখি, মসিনা মখোয়গী থবক ফংবগী লম্বী হেনগৎহনখি। স্তেন্দ-অপ ইন্দিয়া প্রোগ্রামগী মখাদা এস.সি. অমসুং এস.তি. বেনিফিসরীশিংদা লুপা করোর ৭,৩৫১ হেনবগী লোনশিং পীথখি। ২০১৭-২১দা তেক স্তার্তঅপশিংনা দাইরেক্ত অমসুং ইনদাইরেক্ত জোব লাখ ২৩ পীখি। সরকারনা কেন্দ্র সরকারগী থবক লাখ ১০ পীনবা রিক্রুৎমেন্ত দ্রাইব, রোজগার মেলা হৌদোকখি। অগনিপথ স্কিমগী মখাদা আর্মদ ফোর্সেসতা থবক তৌনবগী খুদোংচাবা অমা নহাশিংদা পীরি।

মহাক্না হায়খি, “মীৎয়েং চংলিবা অসি শুপ্নগী থবক পীবা খক্তা নত্তনা ওন্তপ্রিনোরশিপ শেমগৎপা, নহাশিংবু থবক থীরিবা মীশক ওইরম্বদগী থবক পীরিবা মীশক অমা ওইহনবা অসিনি”।

<><><><><>