সাইন্স অমসুং তেক্নোলোজীগী কেন্দ্রগী রাজ্য মন্ত্রী (ইন্দিপেন্দেন্ত চার্জ), এম.ও.এস. পি.এম.ও., দিপার্তমেন্ত ওফ এতোমিক ইনর্জী অমসুং দিপার্তমেন্ত ওফ স্পেস, অমসুং এম.ও.এস. পর্সনেল, পব্লিক গ্রিভান্সেস এন্দ পেনসন্স, দা. জিতেন্দ্র সিংহনা হায়খি ঙসি প্রধান মন্ত্রী নরেন্দ্র মোদীগী মখাদা এদমিনিস্ত্রেতিব রিফোর্মশিং পুরকপগী চহি মাপন শুরকপা অসিনা সোসিও-ইকনোমিক ত্রান্সফোর্মেসন পুরকপদা পান্দম থমখি।

নই দিল্লীদা পাঙথোকপা এদমিনিস্ত্রেতিব রিফোর্মস (২০১৪-২০২৩) হায়বা ৱেবিনার অমগী হৌদোকপগৌ ৱারোল পীবদা দা. জিতেন্দ্র সিংহনা হায়খি তেক্নোলোজী পাকশন্না শীজিন্নবা অমসুং ইন্তিগ্রেসন এপ্রোচ অসি হৌখিবা চহি মাপন্দা পাইখৎখিবা অওনবা পুরক্লিবা গভর্নান্স রিফোর্মশিংগী চপ মান্ননা মরু ওইবা য়ুম্বী অনি ওইরি। থৌরম অসিদা মহাক্না প্রধান মন্ত্রী নরেন্দ্র মোদীনা লুচিংবা সরকারনা চহি ৯ মপুং ফারকপা ওইনা ৯ ইয়র্স ওফ এদমিনিস্ত্রেতিব রিফোর্মস (২০১৪-২০২৩)গী মতাংদা বুকলেৎ অনি অমসুং ফ্লায়র অমা অমসুং মাগী ই-ভর্জন ফোঙখ্রে।

এদমিনিস্ত্রেতিব রিফোর্মশিংগী মতাংদা পল্লদুনা দা. জিতেন্দ্র সিংহনা হায়খি, নরেন্দ্র মোদীনা ২০১৪দগী হেক শক্তি পাইবদগী হৌদুনা প্রধান মন্ত্রীনা ঐখোয়দা ‘মিনিমম গভর্নমেন্ত – মেক্সিমম গভর্নান্স’ হায়বা মন্ত্র পীবিখি – মসিগী ৱাহন্থোক্তি সরকারনা ইন্তিমিদেতর ওইবগী মহুৎ ফেসিলিতেতর অমা ওইবনি। ঐখোয়না সরকার অমগী মতাংদা অসুম্না ৱারী শাবা হায়বা অসি ত্রান্সপরেন্সী হেনগৎহনবনি, একাউন্তেবিলিতী হেনগৎহনবনি অমসুং প্রজানা শরুক য়াবা হেনগৎহনবনি।

গভর্নান্সতা ত্রান্সপরেন্সী অমসুং একাউন্তেবিলিতীগী মরমদা ৱা ঙাংলদুনা, শ্রী সিংহনা হায়খি অচুম্বা অমসুং অফবা সরকারগী বেঞ্চমার্ক অসি শক্তি লৈবা গ্রিভান্স রিদ্রেসেল মেকানিজমনা ওই। দিস্পোজেল হেনগৎহন্নবা অমসুং তাইম লাইন হন্থহন্নবা সি.পি.জি.আর.এ.এম.এস. রিফোর্মশিংগী স্তেপ ১০গী প্রোসেস অমা পাইখ*খি মসিনা চয়োলগী দিস্পোজেল রেৎ অসি ৯৫দগী ১০০% য়ৌবা ঙমহনখি। কেন্দ্রগী মন্ত্রালয়/বিভাগশিংগী দিস্পোজেল তাইমগী চাংচৎ অসি ২০২১দা নুমিৎ ৩২ ওইরম্বদগী ২০২২দা নুমিৎ ২৭ অমসুং ২০২৩গী এপ্রিলদা নুমিৎ ১৭ ওইবা ঙমখি। ২০২৩গী এপ্রিলদা খুমাং চাউশিনবা অসিনা কেস ৬৭,৯৩২গী পেন্দেন্সী লেবেলগা লোয়ননা কেন্দ্রগী মন্ত্রালয়/বিভাগশিংনা গ্রিভান্স ১,০৬,৮৪৭ রিদ্রেস তৌখি হায়না তাকখি। দই.এ.আর.পি.জি.না রিদ্রেসেলগী কমপ্লেন্ত লাক্লবা মতুংদা কমপ্লেনেন্ত অদুদা ফোন তৌদুনা বি.এস.এন.এল. ফীদবেক কোল সেন্তর অমগী খুত্থাংদা অপেনবা পোকপগী চাং খঙদোক্নবা মেকানিজম অমা শেমখি। সি.পি.জি.আর.এ.এম.এস. অসো কম্মন সর্ভিস সেন্তর (সি.এস.সি.) পোর্তেলগা লোয়ননা ইন্তিগ্রেদ তৌই অমসুং মসি ভিলেজ লেবেল ওন্তপ্রিনোর লাখ ২.৫গা লোয়ননা থবক তৌরিবা সি.এস.সি. লাখ ৫ হেনবদা ফংলি। মসিগী ইন্তিগ্রেসন অসিনা লৈবাক্কী মনুং হঞ্জিনবা মফমশিংদা সি.পি.জি.আর.এ.এম.এস.কা মরী লৈনবা সর্ভিসশিং প্রজাশিংদা ফংহনবদা মতেংসু পাংলি।

এদমিনিস্ত্রেতিব রিফোর্মশিংগী মতাংদা দা. জিতেন্দ্র সিংহনা চহিচা কয়া শুরবা গেজেতেদ ওফিসর অমনা চে-চাং এতেস্ত তৌবগী চৎনবী অসি মুৎথৎতুনা সেল্ফ-এতেস্তেসন্না মহুৎ শিনবা, ২০১৬তগী হৌনা কেন্দ্র সরলকারগী গ্রুপ-বি (নন-গেজেতেদ) অমসুং গ্রুপ-সি পোস্তশংগী ইন্তর্ভ্যু লৌথোকখিবা, এসিস্তেন্ত সেক্রেতরী ওইনা অনৌবা আই.এ.এস. ওফিসরবু থা অহুম থম্বা, পিএম এৱার্দস ফোর এক্সিলেন্স ইন পব্লিক এদমিনিস্ত্রেসন্দা স্ত্রকচরেল রিফোর্মশিং পুরকপা অমসুং সরকারগী কাংলোন ১৪৫০রোম মুৎথৎখিবা অসিগুম্বা থবক কয়া তৌখি হায়না ফোঙদোকখি।

সিভিল সর্বেন্তশিংনা লৌখৎখিবা খোঙথাংশিং অমসুং থোইদোক-হেন্দোকপা থবক অসিবু খঙবীরদুনা দা. জিতেন্দ্র সিংহনা হায়খি পিএম এৱার্দস ফোর এক্সিলেন্স ইন পব্লিক এদমিনিস্ত্রেসন্না শীংথানীংঙাই ওইবা থৌদাং অমা লৌখি অমসুং ২০১৪গী মতুংদা পিএম এক্সিলেন্স এৱার্দসকী সেলেক্সনগী থৌওং অসি ইন্সতিত্যুস্নেলাইজ তৌখি অমসুং হৌজিক মসি দিস্ত্রিক্ত কল্লেক্তর নত্ত্রগা সিভিল সর্বেন্ত অমগী মহুৎ দিস্ত্রিক্ত অমগী পরফোর্মেন্সতা য়ুম্ফম ওইহনখি। মহাক্না হায়খি অতোপ্পা ইমপ্রোবিজেসন অসিনা জিলাদা লৈরিবা ফ্লেগশিপ স্কিমশিংগী ইমপ্লিমেন্তেসন তৌবগী স্কেল অমসুং রেতিং এক্সেস তৌবনি। হৌখিবা চহি খরা অসিদা জিলাশিংদগী নোমিনেসনশিং তৌবা অসি চাউনা হেনগৎলকখি। এৱার্দশিংনা অনৌবা প্রেক্তিস অমসুং ইন্নোবেসন তৌবা য়াহনবা খক্তা নত্তনা ভারতকী তোঙান-তোঙানবাশরুকশিংদা ইন্নোবেসন অমসুং খ্বাইদগী ফবা প্রেক্তিসশসিংগী দিসিমিনেসন তৌনবগী পাম্বৈ অমসু ওইখি অদুম্না ভারতকী প্রজাশিংগী য়াইফনবা হোৎনবদা চাউনা শরুক তম্মি। প্রাইম মিনিস্তর্স এৱার্দস ২০২২গীদমক মপুং ফারবা এপ্লিকেসন ২৫২০ অমসুং পুন্না জিলা জিলা ৭৬৩গী মনুংদা জিলা ৭৪৩না রেজিস্তর তৌরকখি। প্রাইম মিনিস্তর্স এৱার্দস স্কিম ২০১৬ অমসুং ২০১৭কী ওইনা এৱার্দ ১২-১২ পীখি। ২০১৮, ২০১৯, ২০২০ অমসুং ২০২১দা স্কিম অসিগী মখাদা মথং শিৎনা ১৫, ১৬, ১৫ অমসুং ১৬ পীখি। এপ্রিল ২১, ২০২৩দা ১৬শুবা সিবিল সর্ভিস দেদা পি.এম. এৱার্দস স্কিম, ২০২২গী মখাদা এৱার্দ ১৫ প্রপোজ তৌখি।

গভর্নান্স হেনগৎহন্নবা থৌশিলশিংগী মতাংদা ফোঙদোক্লদুনা দা. সিংহনা হায়খি রাজ্যশিংগী পরফোর্মেন্স য়েংশিন্নবা ইন্দেক্স অমা শেমখি। গুদ গভর্নান্স দে, দিসেম্বর ২৫, ২০১৯দা দি.এ.আর.পি.জি.না গুদ গভর্নান্স ইন্দেক্স ফ্রেমৱার্ক লোঞ্চ তৌখি অমসুং রাজ্য/য়ু.তি.শিংগী রেঙ্কিং ফোঙখি। মসিনা গভর্নানান্সতা পরফোর্মেন্স হেনগৎহনবা ঙমখি অমসুং জি.জি.আই. ২০২১গী মখাদা রাজ্য ২০না মখোয়গী কম্পোজিৎ জি.জি.আই. স্কোরশিং ফগৎহনখি। চপ মান্নবা মওংদা জিলাগী থাক্তা গভর্নান্সকী মওং অদু ওন্নবা দি.এ.আর.পি.জি.না দিস্ত্রিক্ত গুদ গভর্নান্স ইন্দেক্স সিজাইন তৌখি। মসিনা জনুৱারী ২০২২দা অহানবা দি.জি.জি.আই. ফোঙনবা জে অমসুং কে এদমিনিস্ত্রেসনগা খুৎশম্নখি। মসিগী মতুংদা গুজরাত, য়ু.পি. অমসুং অরুনাচল প্রদেশকী দি.জি.জি.আই. শেমখি অমসুং মহারাস্ত্রগী দি.জি.জি.আই. শেম্বগী থবক চত্থরি।

“রুল তু রোল”দা চংশিল্লিবা মিসন কর্ময়োগীগী মপুং ওইবা মন্ত্রগী মতাংদা পল্লদুনা দা. জিতেন্দ্র সিংহনা হায়খি সিবিল সর্ভেন্তশিং অসিনা অনৌবা অমসুং শীংন্নীংঙাই ওইবা থবক খুদম ওইনা ইন্নোবেতিব তেক্নোলোজীদা চাউনা য়ুম্ফম ওইবা সরকারগী ফ্লেগশিপ স্কিমগীদমক মখোয় মশাবু ত্রেন তৌজগদবনি”।

দা. সিংহনা দি.এ.আর.পি.জি. তীমবু স্বচ্ছতা ১.০ অমসুং ২.০ কেম্পনশিং মাইপাক্না পাঙথোকপগীদমক থাগৎখি। অহানবা ওইনা স্বচ্ছতানা শেল লাকহনবা য়াই হায়বা ফাওহনখি। স্বচ্ছরা কেম্পেন ২.০ অসি ওফিস লাখ অমা হেনবদা পাঙথোকখি, লম স্ক্বার ফীৎ লাখ ৮৯.৮৫ কোমথোকহনখি অমসুং ইলেক্ত্রোনিক স্ক্রেপ য়াওনা ওফিস স্ক্রেপ দিস্পোজেল তৌবদগী রিভেন্যু লুপা করোর ৩৭০.৮৩ তানবা ঙমখি।

দিজিতেল ত্রান্সফোর্মেসনগী মতাংদা ঙাংলদুনা মন্ত্রীনা হায়খি ই-ওফিস ভর্জন ৭.০. অসি সেন্ত্রেল সেক্রেতরিএৎকী মন্ত্রালয়/বিভাগ ৭৫মক্তা চৎনহনখি। সেন্ত্রেল সেক্রেতরিএৎতা ঙসি ফাইল পুম্নমক্কী চাদা ৮৯.৬ অসি ই-ফাইল ওইনা প্রোসেস তৌরি। ২০২২দা দি.এ.আর.পি.জি.না সরকারগী প্রোসেস অমসুং প্রোসিজরশিংদা সিমপ্লিসিতী, ইফিসিএন্সী অমসুং ত্রান্সপরেন্সী পুরক্তুনা রেস্পোন্সিব অমসুং একাউন্তেবল গভর্নান্স পুরকপা ঙম্নবা সেন্ত্রেল সেক্রেতরিএৎ মেন্যুএল ওফ ওফিস প্রোসিজর (সি.এস.এম.ও.পি.) শেমখি।

নেস্নেল ই-গভর্নান্স সর্ভিস দেলিবরী এসেসমেন্ত (এন.ই.এস.দি.এ.)গী মতাংদা পল্লদুনা দা. সিংহনা হায়খি মদুদি ২০২১দা রাজ্য/য়ু.তি. পুম্নমক্তা সর্ভিসেস ১৪০০ হেন্না ইভেল্যুএৎ তৌখি। হৌজিক্কী ওইনা ওইথোকপা য়াবা মেন্দতরী ই-সর্ভিসশিংগী চাদা  ৬৯ রাজ্য/য়ু.তি.শিংনা দেলিবর তৌখ্রে অমসুং মসিগী সিতিজেন সেতিস্ফেক্সন অসি চাদা ৭৪ রোম ৱাংখি হায়না খঙবা ঙমখি।

স্তেৎ এদমিনিস্ত্রেসন্দা রিফোর্মশিং পুরকপগী দি.এ.আর.পি.জি.গী থৌদাংবু থাগৎলদুনা এম.ও.এস. (পি.পি.)না হায়খি ২০১৪ অমসুং ২০২৩গী মরক্তা রিজনেল কনফরেন্স ২৩দা খ্বাইদগী ফবা দিসিমিনেসন তৌখি। পব্লিক সর্ভিস দেলিবরী ফগৎহন্নবগীদমক রাজ্য সরকারসিংগী লোয়ননা চুংশিন্ননবা দি.এ.আর.পি.জি.না স্তেৎ কোল্লাবোরেতিং স্কিমগী মখাদা প্রোজেক্ত ৭৭তা ফাইনান্সিএল এসিস্তেন্স পীখি। চপ মান্ননা দি.এ.আর.পি.জি.না লৈবাক কয়াগী অফবা গভর্নান্স প্রেক্তিসশিং পাইখৎনবা ইন্তর্নেস্নেল ওর্গনাইজেসনশিংগা লোয়ননা এম.ও.য়ু. তরুকসু খুৎয়েক পীনখি। দি.এ.আর.পি.জি.না সেবোত্তম স্কিমগী মখাদা পব্লিক সর্ভিস দেলিবরীদা ক্বালিতী-বেজ ইমপ্রুবমেন্তগীদমক স্তেৎ এ.তি.আই. ১০ ফন্দিং তৌখি।

দা. জিতেন্দ্র সিংহনা হায়খি মদুদি প্রধান মন্ত্রী মোদী অসি গভর্নান্সতা ইন্নোবেসন কয়া পুথোকপা মীশক অমনি অমসুং চিন্তন শিবিরনা অমৃত কালগী মতমদা অচৌবা এদমিনিস্ত্রেতিব রিফোর্মশিং পুরক্লিবা গভর্নান্সকী ফ্যুচরিস্তিক মোদেল অমা শেমখি। চিন্তন শিবিরনা দি-সিলোইজেসন তৌবা অমসুং ৱাখল্লোনশিং অপনবা লৈতনা ফোঙদোকপা য়াহল্লিবা খ্বাইদগী ফবা প্রেক্তিসকী এদমিনিস্ত্রেসনগী মশক তাক্লি। চাংচৎ ওইনা পুং ৪৮ – ৭২ ওইবগা লোয়ননা চিন্তন শিবিরদা ভর্তিকেল সিলোসশিং থুগাইরিবা তীম বিল্দিং এক্সর্সাইজশিং কনসেপচুএলাইজ তৌখি। মন্ত্রীনা মন্ত্রালয় খুদিংমক্তা ২১শুবা চহিচাগী গভর্নান্স মোদেলশিংগী চুন্নবা ইন্সতিত্যুস্নেল দাইনামিক্সতা অওনবা পুরক্নবা চিন্তন শিবির পাঙথোক্নবা হায়খি।

দা. সিংহনা হায়খি মদুদি ঐখোয়গী লৈয়াক্না মীপাল তাংদবা ভারত অমা শেমগৎনবা মাইকৈদা খোঙচৎ অসি মাংদা হেন্না চংশিল্লিবা অসিদা ঐখোয়গী প্রজাশিংদা শক্তি পীবা অমসুং অরোইবা পরিংদা লেপ্পীবা অরোইবা মীশক অদু ফাওবা য়ৌশিনবদা মীৎয়েং চংবা য়াম্না মরু ওই। প্রধান মন্ত্রী মোদীনা তোইনা হায় – ঐখোয়গী প্রজাশিংদা শক্তি পীবা হায়বা অসি ঐখোয়গী লৈবাক্তা লৈরিবা মীপুম খুদিংমক্তা হেল্থকিয়র, এজুকেসন অমসুং এমপ্লোইমেন্ত অসিগুম্বা তঙাই ফদবা মথৌ তাবশিং অসি ফংহনবনি। মসি প্রজা খুদিংমক্না মখোয়গী মপুং ফাবা মতিক-ময়াই পুথোকপা ঙম্নবা মখোয়দা খুদোংচাবা পীরিবা এনভাইর্নমেন্ত অমা শেম্বা হায়বনি। পান্দম অসি থুংহন্নবা হোৎনবদা বিজন ২০৪৭কী মাইকৈদা থবক তৌবা তাই, মসিদা তেক্নোলোজিকেল এনহেন্সমেন্তশিংগী মরু ওইবা শরুকশিং অমসুং ওপ্তিমম সোল্যুনশিং পুরকপা য়াওরি।

<><><><><>