নহারোল অমসুং শান্ন-খোৎনবগী মন্ত্রালয়
বারানসিদা খেলো ইন্দিয়া য়ুনিবর্সিতী গেম্স 2022 লোইশিনখিবা
পঞ্জাব য়ুনিবর্সিতীনা মেদল 69গা লোয়ননা ৱিনর ওইখ্রে
“য়ু.পি.না হৌজিক ফাওবগী খ্বাইদগী ফবা খেলো ইন্দিয়া য়ুনিবর্সিতী গেম্স শিনখ্রে” : শ্রী অনুরাগ সিংহ থাকুর
Posted On:
03 JUN 2023 9:40PM by PIB Imphal
ঙসি ভারতকী স্পিরিচুএল কেপিতেল বারানসিদা ইন্দিয়ন ইন্সতিত্যুত ওফ তেক্নোলোজী (আই.আই.তি.)-বানারস হিন্দু য়ুনিবর্সিতী কেম্পসদা অহুমশুবা খেলো ইন্দিয়া য়ুনিবর্সিতী গেম্স (কে.আই.য়ু.জি.) 2022 উত্তর প্রদেশ অচম্বা অমসুং ইং তপ্পা মওং মতৌ অমদা লোইশিনখ্রে।
থৌরম অসিদা শরুক য়াখিবশিংগী মরক্তা য়ুথ এফিয়ার্স অমসুং স্পোর্তসকী কেন্দ্র মন্ত্রী শ্রী অনুরাগ সিংহ থাকুর অমসুং য়ু.পি.গী মুখ্য মন্ত্রী শ্রী য়োগী অদিত্যনাথ অমসুং য়ুথ এফিয়ার্স অমসুং স্পোর্তস মন্ত্রালয়গী রাজ্য মন্ত্রী শ্রী নিসিথ প্রমানিক য়াওখি।
থৌরম অসিদা ওরিশাদা থোকখিবা রেলগী লাইবকথিবা থৌদোক্তা খুদোংথিবা নংখ্রবশিংবু নিংশিংখি। পুম্নমক্না ঙরাংগী লাইবকথিবা থৌদোক্তা লৈখিদ্রবশিংগী মফমদা মিনিৎ অনি তুমিন্না লেপতুনা শ্রদ্ধাঞ্জলী কৎখি। থৌরম অসি গনেশ বন্দনাগা লোয়ননা হৌদোকখি মদুগী মতুং য়োগাসন পর্ফোমেন্স পাংথোকখি।
কে.আই.য়ু.জি. 2022 উত্তর প্রদেশ হায়র এজুকেসন থাক্তা ভারতকী খ্বাইদগী চাউবা মল্তি-স্পোর্তস থৌরমগী অহুমশুবা এদিসন্নি, মদুদা য়ুনিবর্সিতী 200 হেনবদগী এথেলেৎ 4000 হেনবনা স্পোর্তিং দিসিপ্লিন 21দা নুমিৎ 12 চাংয়েংনখি। লোইশিনলকপদা পঞ্জাব য়ুনিবর্সিতী, চান্দিগর (পি.য়ু.সি.)বু গোল্দ 26, সিলভর 17 অমসুং ব্রোঞ্জ মেদল 26কা লোয়ননা ওবরওল চেম্পিয়ন ওইনা লাউথোকখি, মদুনা ওরিশাদা পাংথোকখিবা হৌদোকপগী এদিসন্দা চেম্পিয়ন ওইখ্রবা মতুং অনিশুবা এদিসন্দা জৈন য়ুনিবর্সিতীগী খুৎতা মায়থিবা ফংখিবা অদু অমুক হঞ্জিনবা ঙমলে। থৌরম অসিদা অনিশুবা তাখিবা গুরু নানক দেব য়ুনিবর্সিতী, অমৃতসর (জি.এন.দি.য়ু.) (গোল্দ 24, সিলভর 27, ব্রোঞ্জ 17) অমসুং অহুমশুবা তাখিবা জৈন য়ুনিবর্সিতী, কর্নাতকা (গোল্দ 16, সিলভর 10, ব্রোঞ্জ 6)দা ৱিনর ত্রোফীশিং লান্থোকখি।
থৌরমসিদা তিনখিবা মীয়ামদা ৱা ঙাংলদুনা শ্রী য়োগী অদিত্যনাথনা হায়খি, “ঐহাক্না ঙরাংগী ওরিশাগী বালাসোরদা থোকখিবা রেল এক্সিদেন্তদা লৈখিদ্রবশিংগী মফমদা ইকায় খুম্নবা উৎচরি। হৌখিবা চয়োল অনিদা ঐখোয়না ভারত পুম্বদগী থোইদোক হেন্দোকপা স্পোর্তসমেনশিপ উৎখিবা এথেলেৎ 4000 হেন্না হোস্ত তৌবগী ইকায় খুম্নবা ফংজখি। ঐখোয়গী লৈবাক্তা প্রধান মন্ত্রী শ্রী নরেন্দ্র মোদীগী মীৎয়েং মখাদা স্পোর্তস অসি অনৌবা অৱাংবা থাক অমা য়ৌরে। ঐখোয়না হৌখিবা চহি মাপলদা হান্নদগী হেন্না মেদলশিং ফংলে অমদি স্পোর্তস ইনফ্রাস্ত্রকচরদা ইমপ্রুবমেন্ত অসি চাউথোকচনিংঙাইনি।
অঙাংশিংবু স্পোর্তসকীদমক মপাঙ্গল কনখৎহন্নবা অমসুং পুক্নিং থৌগৎনবগীদমক রুরেল অমসুং অর্বান এরিয়াশিংদা স্পোর্তস গ্রাউন্দশিং অমসুং স্তেদিয়মশিং শেমগৎলে। রাজ্য অসিদা হান্ননা স্পোর্তস কীত লিশিং 65 হেন্না ফংহনখ্রে। খেলো ইন্দিয়া য়ুনিবর্সিতী গেম্স অসি ভারতপু স্পোর্তিং সুপরপাৱর অমা ওইহন্নবা প্রধান মন্ত্রী শ্রী নরেন্দ্র মোদীগী মংলান অদু মংফাওনবগী খুদম অমনি। ঐখোয়না তুর্নামেন্ত অসি প্রধান মন্ত্রীগী কন্সতিত্বেন্সীদা মওংতানা পাংথোকপা পামখি অদুবু ওরিশাদা থোকখিবা লাইবকথিবা থৌদোক অদুনা মরম ওইদুনা অদুম্না পাংথোক্তনবা ৱারেপ লৌখি।”
শ্রী অনুরাগ সিংহ থাকুরনা মহাক্কী ৱারোলদা হায়খি, “অহানবদা ঐহাক্না ঙরাংগী লাইবকথিবা রেল এক্সিদেন্তদা লৈখিদ্রবশিংগী মফমদা ইকায় খুম্নবা উৎচরি। ঐহাক্না হায়জনিংবদি উত্তর প্রদেশনা হৌজিক ফাওবগী খ্বাইদগী ফবা খেলো ইন্দিয়া য়ুনিবর্সিতী গেম্স পাংথোক্লি। রাজ্য অসিদা স্পোর্তস অমসুং স্পোর্তসপর্সনশিংদা মরুওইবা কয়া অমা পীরি। প্রধান মন্ত্রী শ্রী নরেন্দ্র মোদী জী অমসুং মুখ্য মন্ত্রী শ্রী য়োগী অদিত্যনাথ জীগী লুচিং মখাদা উত্তর প্রদেশনা কে.আই.য়ু.জি.য়ু.পি.2022 মায় পাক্না শিনলাংবা ঙমলে।”
“ঐহাক্না য়ু.পি. সলরকারগী অপুনবা তিম অমসুং য়ুমবু ওইরিবা য়ুনিবর্সিতী পুম্নমকপু থাগৎপা ফোংদোকচরি অমসুং তৌবিমল খংবা উৎচরি। য়ু.পি. সলরকারনা ঐখোয়গী এথেলেৎশিংগী য়াইফনবগীদমক হোৎনবা য়াবা পু্নমক হোৎনখি অমসুং ঐহাক্না য়ু.পি. সরকারবু ভারত সরকারগী মায়কৈদগী থাগৎপা ফোংদোকচরি। ঐখোয়না অথুবা মতমদা ভারতপু স্পোর্তস সুপরপাৱর অমা ওইহল্লগনি।”
থৌরম অদুদা শরুক য়াখিবা অতোপ্পা শক্নাইরবশিংদা উত্তর প্রদেশকী স্পোর্তস মিনিস্তর শ্রী গিরিশ চন্দ্র য়াদব, উত্তর প্রদেশকী ফিসরিজ মিনিস্তর শ্রী সঞ্জয় নিশাদ, উত্তর প্রদেশ সরকারগী চুফ সেক্রেতরী দি.এস. মিশ্রা, নবনীত সেহগল, এদিস্নেল চিফ সেক্রেতরী, স্পোর্তস বিভাগ, উত্তর প্রদেশ শ্রী সন্দিপ প্রধান, দি.জি., স্পোর্তস ওথোরিতী ওফ ইন্দিয়া অমসুং শ্রী ভিরাজ সাগর দাস, প্রসিদেন্ত, বি.বি.দি. গ্রুপ য়াওখি।
*****
(Release ID: 1930192)
Visitor Counter : 113