خوراک   کی ڈبہ بندی کی  صنعت  (ایف پی آئی) کی سکریٹری محترمہ انیتا پروین نے 16 مئی 2023 بروز منگل نئی دہلی میں وزارتوں / محکموں/ بورڈوں کے سینئر نمائندوں کے ساتھ پہلی بین وزارتی کمیٹی کی میٹنگ کی صدارت کی ۔ کمیٹی کی میٹنگ کا ایجنڈا تھا کہ ورلڈ فوڈ انڈیا 2023 کے لئے اب تک کی گئی تیاریوں کے بارے میں عہدیداروں کو مطلع کیا جائے اور اس تقریب میں متعلقہ وزارتوں / محکموں/ اداروں کی شرکت پر تبادلہ خیال کیا جائے ۔ یہ میٹنگ آنے والے ورلڈ فوڈ انڈیا 2023 کے لئے وزارت کے ایکشن پلان سے متعلق تبادلہ خیال کے سلسلے کو جاری رکھنا اور اشتراک کے امکانی شعبوں پر تبادلہ خیال کرنا ہے۔ اس میٹنگ میں مرکزی حکومت کی کلیدی وزارتوں اور محکموں کے سینئر عہدیداروں نے شرکت کی۔

 

ایف پی آئی کی سکریٹری نے اپنے خطاب کے دوران عہدیداروں سے درخواست کی کہ وہ خوراک کی اس وسیع تقریب میں ، جو 3 اور 5 نومبر کے درمیان نئی دہلی میں منعقد کی جارہی ہے، اپنی شرکت / ساجھیداری کے بارے میں اپنے منصوبوں کے بارے میں مطلع کریں ۔

تمام مرکزی وزارتوں اور محکموں سے درخواست کی گئی  کہ وہ ورلڈ فوڈ انڈیا کے منصوبہ بند اجلاسوں کے لئے  اپنے مشورے پیش کریں اور  سرگرمی کے ساتھ اس میں شرکت کریں اور اس کے ساتھ محکمہ کے سوشل میڈیا ہینڈلز پر بیداری پیدا کرنے میں وزارت کی مدد کریں ،  سینئر پالیسی سازوں، صنعت کے ارکان، خود امدادی گروپوں اور تمام متعلقہ فریقوں کی شرکت کو یقینی بناکر اس تقریب کو ایک عظیم کامیابی میں تبدیل کریں۔

اس کے علاوہ شرکت کرنے والے عہدیداروں نے تکنیکی/شعبہ جاتی اجلاسوں ، سفیروں  اور ہائی کمشنروں کے ساتھ سرمایہ کاری سے متعلق اجلاسوں، خریداروں اور فروخت کاروں کی میٹنگوں / آر بی ایس ایمز، اسٹارٹ اپس / آئی پی آر/ او این ڈی سی کے ساتھ تعلقات ، آیوش آہار مصنوعات اور جی آئی مصنوعات  کے فروخت کے ذریعہ   خوراک کی ڈبہ بندی کی صنعت  کی وزارت  (ایم او ایف پی آئی )کے تعاون کی  یقین دہانی کرائی۔  عہدیداروں کے ذریعہ دیئے گئے کچھ مشوروں / سفارشوں میں متعلقہ بورڈوں کے ساتھ منسلک  برآمدکاروں کی شرکت کو یقینی بنانے کو بھی کہا گیا ۔

ایف پی آئی کی سکریٹری  نے اپنے اختتامی کلمات میں تمام فریقوں  پر زور دیا کہ وہ اپنی قوت اور اضافی مدد فراہم کرکے اس تقریب کو کامیاب بنانے میں تعاون کریں۔ مختلف فریقوں کی ساجھیداری / شرکت  کو آخری شکل دینے کے لئے بین وزارتی کمیٹی کی اگلی میٹنگ جون 2023 میں منعقد ہونے کی امید ہے۔

اس کے علاوہ سرمایہ کاری میں سہولت کے شعبے (انویسٹ انڈیا) اور اس تقریب کے ساجھیدار (فکّی) کو ہدایت دی گئی کہ وہ  پیش کئے گئے ایکشن پلان  میں سہولت فراہم کرنے اور سرکاری اداروں سے ضروری امداد حاصل کرنے کے خاطر متعلقہ وزارتوں اور محکموں کے ساتھ تال میل کریں۔

************

ش ح۔و ا      ۔ م  ص

 (U: 5871 )

(Release ID: 1930175) Visitor Counter : 132