জল শক্তিগী কেন্দ্র মন্ত্রী, শ্রী গজেন্দ্র সিংহ সেখাৱতনা ঙসি জল জীবন মিসনগী মখাদা লৈরিবা খোঙজেলগী রিপোর্ত: স্বছ্চ জল সে সুরক্সা (এস.জে.এস.এস.) কেম্পেনগী রিপোর্ত ফোঙখ্রে‍। কেম্পেন অসি ‘অফবা ঈশিং পীবা’ হায়বসিনা জে.জে.এম.গী মখদা লৈরিবা মরুওইবা ৱাফমশিংগী মরক্তা অমা ওইবা মরম্না স্তেত/য়ু.তি.শিংদা ৱাতর ক্বালিতী মোনিতরিং অমদি সর্ভিলেন্সকী থবকশিং পুন্না পায়খৎহন্নবগীদমক ওক্তোবর ২, ২০২২দগী মার্চ ১, ২০২৩ ফাওবা পাঙথোকখিবনি‍। কেম্পেন অসিগী মখাদা কেমিকেল পেরামিতরশিং অমদি বেক্তরিওলোজিকেল পেরামিতরশিং (নোংজু মতুংগী) খঙদোক্নবগীদমক খুঙ্গং পুম্নমক্তা পি.দব্লিউ.এস. সোর্সশিং তেস্ত তৌবা; খুঙ্গংশিংদা য়ুমথোঙগী থাক্তা ঈশিংগী ক্বালিতী চাংয়েং তৌবা; স্কুল অমদি অঙ্গনৱাদী সেন্তরশিংদা ঈশিং ক্বালিতী চাংয়েং তৌবা; মোৎশিল্লবা সেম্পলগী রিমিদিএল এক্সন; অমদি খুঙ্গংগী থাক্তা এফ.তি.কে./ঐচ২এস শীজিন্নদুনা ঈশিং ক্বালিতী চাংয়েং তৌবগী ত্রেনিং নুপীশিংদা পীবা য়াওনা তোঙান তোঙানবা থবক থৌরমশিং পায়খৎখি‍।

কেম্পেন মনুংদা ঈশিং ক্বালিতী মোনিতরিং অমদি সর্ভিলেন্সকী মতাঙদা স্তেত/য়ু.তি.শিংনা পুন্না হোৎনমিন্নবা অমদি দ্লিউওক্যুওএম.আই.এস. পোর্তেলদা থাগৎলকপা প্রোগ্রেসনা মরম ওইরগা ফংলকপা থবক থৌরমশিংগী ওইবা অপুনবা প্রোগ্রেস মখাদা পীরি:

ঈশিং ক্বালিতী চাংয়েং তৌবগী থবক কেমিকেলগী ওইনা খুঙ্গং লাখ ৫.৩৯দা (৮৯.৬৯%) অমদি বেক্তরিওলোজিকেল কন্তামিনেসনগী ওইনা (নোংজু মতুংগী) খুঙ্গং লাখ ৪.৪৭তা (৭৪.৪৬%) পাঙথোকখ্রে‍।

স্কুল লাখ ৬.৫৮দা (৬৭.৬৩%) অমদি অঙ্গনৱাদি সেন্তর লাখ ৭.১৬তা (৬৭.৪৩%) থক্নবা ঈশিংগী সেম্পল চাংয়েং তৌখ্রে‍।

খুঙ্গং লাখ ৪.৫৯দগী নুপী লাখ ২১.৮০বু ফীল্দ তেস্তিং কিত (এফ.তি.কে.) শীজিন্নদুনা ঈশিং ক্বালিতী চাংয়েং তৌবগী ত্রেনিং পীখ্রে‍।

রিপোর্ত তৌরকপা মোৎশিল্লবা সেম্পলগী ৯০.৩৪%গী রিমিদিএল এক্সন পায়খৎখ্রে‍।

কেম্পেন অসিগী মনুংদা স্তেত/য়ু.তি.শিংগী পর্ফোর্মেন্সশিং ওনখি‍। কেম্পেন অসিগী মনুংদা তামিল নাদু, অন্ধ্র প্রদেশ, কর্নাতকা অমদি মধ্য প্রদেশনা খ্বায়দগী ফবা পর্ফোর্মেন্স পীখি‍।

জল জীবন মিসন (জে.জে.এম.) প্রধান মন্ত্রী শ্রী নরেন্দ্র মোদীনা ওগস্ত ১৫, ২০১৯দা খুঙ্গংগী য়ুমথোঙ খুদিংদা মরাং কায়না, চাং নাইনা অমদি মতম কুইনা অপীবা ক্বালিতীদা থম্নবা ঈশিং ফংহন্নবগীদমক লাউথোকখিবনি‍। শোয়দবা অমদি অফবা থক্নবা ঈশিং ফংবা হায়বসি পুন্সিগী তঙায় ফদনা চঙদ্রবা য়াদ্রবা অমনি‍। কেম্পেন অসিগী পান্দমদি থক্নবা ঈশিং ক্বালিতী লৈহনবা অমদি পঞ্চায়তি রাজ ইনস্তিত্যুসনশিংগী মীহুৎশিং অমদি খুঙ্গংগী মীয়ামদা মখোয় মখোয়গী খুঙ্গংশিংদা ফংলিবা থক্নবা ঈশিংগী ক্বালিতী, ঈশিং ক্বালিতীগা মরী লৈনবা ৱাফমশিং, ঈশিংদগী পোকপা লায়নাশিং অমদি হকশেলদা পীরিবা ইথিল অমদি ক্বালিতী ফত্তবা মফমদগী ঈশিং শীজিন্নবা লেপ্পনচিংবা হীরমশিংগী মতাঙদা পাক শন্নবা খঙহনবনি‍।

কেম্পেন অসিনা পামখিবা মহৈদি খুঙ্গং, দিস্ত্রিক্ত, স্তেতকী থাক্তা ৱাতর মীয়াম্না পাক শন্না শরুক য়াবা, ক্বালিতী তেস্তিং, থাজবা লৈহনবা অমদি মখোয়দা পীরিবা তোতি ঈশিংগী ক্বালিতীগী মরমদা মীয়ামগী মরক্তা পাক শন্না খঙহনবনি‍। স্তেত/য়ু.তি.শিংগী ‘নোদেল দিপার্তমেন্ত’ ওইরিবা পি.ঐচ.ই./আর.দব্লিউ.এস. দিপার্তমেন্তশিংনা মখোয় মখোয়গী স্তেতশিংদা গ্রাম পঞ্চায়ত অমদি/নৎত্রগা মখোয়গী সব-কম্মতীশিং/লোকেল কম্ম্যুনিতীনচিংবা স্তেকহোল্দর পুম্নমকপু য়াওহন্দুনা ঈশিং ক্বালিতী মোনিতরিং অমদি সর্ভিলেন্স অমসুং মীয়ামদা পাক শন্না খঙহন্নবগী থবক থৌরমশিং পায়খত্তুনা স্পছ্চ জল সে সুরক্সা কেম্পেন পায়খৎখিবনি‍।

*****

(Release ID: 1929889) Visitor Counter : 81