আয়ুশ

ব্যুরো ওফ ইন্দিয়ন স্তেন্দার্দসনা আয়ুশকী হিদাক লাংথক্কী ওইবা পাম্বিশিং অমসুং পোত্থোকশিংগা মরি লৈনবা ইন্দিয়ন স্তেন্দার্দ ৩১ খঙহনখ্রে


আয়ুশ মন্ত্রালয়না মসিগী অনৌবা থৌরাং অসিবু থাগৎপা ফোংদোকখি; “আয়ুশকী স্তেন্দার্দশিং দেবেলপ তৌবা অমসুং সর্তিফিকেশন তৌবনা ইন্তর্নেস্নেল ত্রেদ ফগৎহল্লগনি অমসুং কঞ্জুমরশিংদশু কান্নহল্লগনি”

ব্যুরো ওফ ইন্দিয়ন স্তেন্দর্দসনা আয়ুশতা অখন্নবা মিৎয়েং থমদুনা অহেনবা দিপার্তমেন্ত অমসুং লিংখৎখ্রে

Posted On: 01 JUN 2023 6:34PM by PIB Imphal

ব্যুরো ওফ ইন্দিয়ন স্তেন্দার্দস (বি.আই.এস.), স্তেন্দার্দাইজেশন, মার্কিং অমসুং ক্বালিতী সর্তিফিকেশনগী থবক-থৌরমশিং দেবেবেলপ তৌনবগীদমক্তা তৌনবা মেন্দেত অমগী মখাদা ওথরাইজ তৌরবা ভারতকী নেস্নেল স্তেন্দার্দ বোদী অসিনা আয়ুশকী লমদা স্তেন্দর্দাইজেশন তৌনবগীদমক্তা মরু ওইবা খোংথাং অমা লৌখ্রে।  বি.আই.এস.না আয়ুশকা মরি লৈনবা ইন্দিয়ন স্তেন্দর্দ  ৩১দা খঙহনখ্রে, মসিদা হিদাক লাংথক্‌কী ওইবা পাম্বি ৩০ অমসুং প্রোদক্ত (স্তেনলেস সতীল নেতি পোত) য়াওরি। মসিগী স্তেন্দর্দশিং অসি গেজেত নোতিফিকেশনগী খুত্থাংদা হন্দক্তা ফোংখি। বি.আই.এস.না আয়ুশকী মতাংদা অখন্নবা মিৎয়েং থম্বা ঙম্নবা বি.আই.এস.দা অহেনবা দিপার্তমেন্ত অমশু শেমখ্রে।

আয়ুশ মন্ত্রালয়না মশিগা খোংথাং অসিবু থাগৎপা ফোংদোকখি অমসুং আয়ুশকী স্তেন্দার্দশিং দেবেলপ  অমসুং এক্রিদিতেশন/সর্তিফিকেশন তৌনবগীদমক্তা মসিগী অনৌবা থৌরাং অসিনা প্রোদক্তশিং অমসুং সর্বিসশিং ক্বালিতী লৈহন্দুনা, মেন্যুফেকচররশিংদা থাজবা পীদুনা অমসুং কঞ্জুমরশিংদা মমল হন্থহনবগী মতাংদা, পর্ফোর্মেন্স হনগৎ্নবদা অমসুং সেফতী হেনগৎহনবদা কঞ্জুমরশিংদা কান্নবা পুরক্কনি।  

হন্দক্তা, বি.আই.এস.না আয়ুশকী মতাংদা অখন্নবা মিৎয়েং থম্বা ঙম্নবা বি.আই.এস.দা অহেনবা দিপার্তমেন্ত অমশু শেমদুনা ভারত্তা স্তেন্দর্দাইজেশনগী চাউরবা স্ত্রকচরদা অতোপ্পা বুম্বি অমসু হাপখ্রে। মসিগী খোংথাং অসিনা স্তেন্দর্দাইজেশনগী থৌওংদা অনৌবা ইনোৎ অমা হাপ্পদা নত্তনা আয়ুশ মন্ত্রালয়গী থাক খুদিংমক্তা আয়ুশকী পোত্থোকশিং অমসুং সর্বিসশিংগী খ্বালিতী লেহন্নগী পান্দম অদুবুশু মতেং পাংলগনি।

বি.আই.এস.না ইন্তর্নেস্নেল ওর্গনাইজেশন ফোর স্তেন্দর্দাইজেশন (আই.এস.ও.)গা খুৎশম্নদুনা ইন্তর্নেস্নেল স্তেন্দর্দশিং শঙম্নবা অনৌবা খোংথাং অমসু লৌখৎখ্রে। বি.আই.এস.কী পাউতাক মখাদা, ‘ত্রেদিস্নেল মেদিসিনগী মতাংদা ৱার্কিং গ্রুপ (দবল্যু/জি.-১০) অমা আই.এস.ও./তি.সি.-২১৫ (হেল্ধ ইনফোর্মেতিক্স)তা শেমখ্রে।

মমাংঙৈদগী ইপা-ইপুশিংনা শিজিন্নরম্বা হিদাক-লাংথকশিংগী সীস্তেম্বু গ্লোবেলাইজেশন তরকপা অমসুং শিজিন্নবা হেনগৎলকপা, আয়ুশ সীস্তেমশিংগীদমক্তা নেস্নেল অমসুং ইন্তর্নেস্নেল স্তেন্দার্দশিং তঙাইফদবা লৈরকপা অসি য়াম্না মরু ওইরক্লি। আয়ুশ মন্ত্রালয়না লাল্লোন-ইতিক্কী ওইবা য়াম্না ফবা ক্বালিতী লৈবা ইকোসীস্তেম শেম্নবা অমসুং নেস্নেল অমসুং গ্লোবলগী থাক্তা ক্বালিতি লৈবা প্রোদক্তশিং অমসুং সর্বিসশিং মরাং কাইনা লৈহন্নবগীদমক্তা লেপ্তনা হোৎনরি।

*****



(Release ID: 1929296) Visitor Counter : 86


Read this release in: English , Urdu , Hindi , Telugu