অৱাং নোংপোক লমদমগী চাউখৎ-থৌরাং মন্ত্রালয়
দোনর মন্ত্রালয়না এম্বাসেদরশিংগী মীফমদা চাওখৎপগী অনৌবা ইঞ্জিন ওইনা অৱাং নোংপোক লমদমদা লৈরিবা মতিং পুথোক্তুনা মালেমগী ওইনা খুৎশম্ননা চৎমিন্নবগী ৱাফম থমখ্রে
Posted On:
24 MAY 2023 8:46PM by PIB Imphal
নোর্থ ইস্ত গ্লোবেল ইনভেস্তর্স সম্মিতকী শেম শাবা ওইনা দোনর মন্ত্রালয়না শিন্দুনা পাঙথোকপা মীফম অমদা মন্ত্রী জি. কিসন রেদ্দীনা এম্বাসেদর অমদি হায় কম্মিস্নরশিংগী মফমদা ৱা ঙাঙখ্রে। মীফম অদুদা অৱাং নোংপোক লমদমদা থোরক্লিবা পোজিবিলিতীশিং অমদি ওপোর্চুনিতীশিং লোয়ননা, খুৎশম্ননা চৎমিন্নবা অমদি গ্লোবেল ইনভেস্তমেন্তকী মতিংগী মরমদা খন্নখি।
মন্ত্রীনা ভারতকী চাওখৎপগী অনৌবা ইঞ্জিন ওইরকপদা লমদম অসিদা লৈরিবা মতিংগী মতাঙদা মরুওইবা ৱাফমশিং থমখি অমদি ইনভেস্তমেন্ত সম্মিত অসি অসিনা চাওখৎপগী লম্বীদা মশক থোকপা পন্দোল অমা ওইগনি হায়খি। মহাক্না মালেমগী ইনভেস্তরশিংদা ফংহল্লিবা খেন্নবা ৱাফমশিং থমখি অমদি পোলিসীশিং হার্মোনাইজ তৌনবা অমদি ইজ ওফ দুইং বিজিনেসকী ফীভম ফগৎহন্নবা মন্ত্রালয়না হোৎনরিবশিংগী মতাঙদা ৱাফম কয়াসু থমখি।
মন্ত্রালয়না লমদম অসিদা মরাঙ কায়না লৈরিবা মহৌশাগী রিসোর্সশিং, লৌউ-শিংউগী মতিং, মিনরেলগী লন, অমদি রিনিউএবল ইনর্জী সোর্সশিংগী মতাঙদসু ফোঙদোকখি। অৱাং নোংপোক লমদমগী খেন্নবা নাৎ অমদি স্ত্রেতেজিক ওইবা মফম অসিনা লমদমসিবু লল্লোন ইতিক্কী, মরুওইনা খা-নোংপোক এসিয়াগী মফমশিংদা, অফবা হোজঙ অমা ওইহল্লি হায়বা ৱাফম মহাক্না থমখি।
ইনফ্রাস্ত্রকচর শেমগৎপা অমদি নিচ তুরিজম ওফরিংশিং য়াওনা তুরিজম সেক্তরদা খুৎশম্ননা চৎমিন্নবগী ৱাফম মন্ত্রী রেদ্দীনা পুক্নিং থৌগৎখি। মহাক্না হৌখিবা চহি মাপনসিদা, এয়রপোর্ত, লম্বী অমদি রেলৱেনচিংবা মালেমগী থাক্কী ইনফ্রাস্ত্রকচরশিংদা লুপা করোর লাখ ৫ হেনবগী মশক থোকপা ইনভেস্তমেন্ত তৌদুনা চঙশিল্লিবা খোঙজেল অসিবুসু পুথোকখি।
ইনোভেসন, স্তার্ত-অপ অমদি ওন্ত্রপ্রিন্যুরসিপ্তা ঙাক্লৌ পীবা ইকোসিস্তেম অমা পুরক্নবা লৈঙাক্না লেপ্লিবা খোঙফম মন্ত্রীনা ফোঙদোকখি। লমদম অসিগী ইনাক খুল্লবা বাইওদাইভর্সিতী য়োকখত্তুনা থম্নবগীদমক তুং কোইগদবা দিভেলপমেন্তকী থৌওং য়োকখৎপগী মরুওইবা ৱাফমশিংসু মহাক্না থমখি। মন্ত্রী রেদ্দীনা এম্বাসেদরশিং অমদি হায় কম্মিস্নরশিংগী মফমদা অৱাং-নোংপোক লমদমদা ফংলিবা খেন্নবা খুদোংচাবশিং অসি থিদুনা নৈননবা ৱাফম থমখি। এম্বাসেদরশিংনা লমদম অসিদা লৈরিবা খুদোংচাবশিংদা পুক্নিং চৎবা মতৌ ফোঙদোকখি অমদি ইনভেস্তর্স সম্মিত অসিনা তুরিজম, লৌউ-শিংউ, অমদি তেক্সতাইলনচিংবা অনৌবা অমদি মচিন তুমখৎলক্লিবা সেক্তরশিংদা চৎশিন্নবা ফম্পাক অমা পীগনি হায়বগী থাজবসু ফোঙদোকখি।
এম.ও.এস. কম্মর্স, শ্রী সোম প্রকাস, এম.ও.এস. ফাইনান্স, শ্রী পঙ্কজ চৌধরী, এম.ও.এস. এম.ই.এ., শ্রী রাজকুমার রঞ্জন অমদি এম.ও.এস. দোনর, শ্রী বি.এল. বর্মাসু থৌরমদুদা শরুক য়াখি।
***
(Release ID: 1928525)
Visitor Counter : 83