য়ুমলৈ-কৈরৈ মন্ত্রালয়

মনিপুরগী খোংচৎকী নিনিশুবা নুমিত্তা, য়ুনিয়ন হোম অমসুং কোওপরেশন মিনিস্তর, শ্রী অমিত শাহনা ইম্ফালদা সিভিল সোসাইতী ওর্গনাইজেশনশীং, মীয়াম্না শকখঙনরবা মীশিং, অখঙ-অহৈশিং, রিতায়র তৌরবা আর্মী ওফিসরশিং অমসুং সিভিল সর্ভেন্তশিংগী গ্রুপ অমগা পাক-চাউরবা হিরম কয়া অমগী মতাংদা খন্ন-নৈনখি


হোম মিনিস্তরনা মনিপুর পুলিস, সি.এ.পি.এফ.শিং অমসুং ইন্দিয়ন আর্মীগী মকোক থোংবা ওফিসিয়েলশিংগা লোইননা হৌজিক লৈরিবা সেক্যুরিতীগী ফিভম য়েংশিনখি

মানিপুরগী শান্তি অমসুং নুংঙাই-য়াইফবনা ঐখোয়গী খ্বাইদগী হেন্না মরু ওইবানি, শান্তি লৈহনবদা অকাইবা পীরিবা থবক-থৌওংশিং অদুবু য়াম্না হকচিন্না থবক পাইখৎনবা ওফিসিয়েলশিংদা য়াথং পীরকখ্রে

মনিপুরগী খুনাইদা নুপীনা লৌরিবা থৌদাংশিং অদুগী মরু ওইবা অদুবু হন্ন-হন্না পল্লদুনা, শ্রী অমিত শাহনা হায়খি মদুদি ঐখোয়না পুন্না রাজ্য অসিদা তুংদা-লৈতাবা অমসুং নুংঙাই-য়াইফবা পুরক্নবা ঐখোয়না খোংফম চেৎনা লেপ্লি

য়ুনিয়ন হোম মিনিস্তরনা চুরচান্দপুরদা চৎখি অমসুং মীয়াম্না শকখঙনরবা মীওইশিং অমসুং সিভিল সোসাইতী ওর্গনাইজেশনশিংগী মীহুৎশিংগা মীফম অমা পাংথোকখি

মতুং তারকপদা নুমিদাংদা, য়ুনিয়ন হোম মিনিস্তর, অমিত শাহনা ইম্ফালদা পার্তী অপুনবগী ওইবা মীফম অমা পাংথোকখি

Posted On: 30 MAY 2023 8:49PM by PIB Imphal

মনিপুরগী খোংচৎকী নিনিশুবা নুমিত্তা, য়ুনিয়ন হোম অমসুং কোওপরেশন মিনিস্তর, শ্রী অমিত শাহনা ইম্ফালদা সিভিল সোসাইতী ওর্গনাইজেশনশিংগা পাক-চাউরবা হিরম কয়া অমগী মতাংদা খন্ন-নৈনখি। মহাক্না ইম্ফালদা নুপী লুচিংবশিং (মৈরা পাইবীশিং)গী মীহুৎশিংগা উনখি। মনিপুরগী খুনাইদা নুপীনা লৌরিবা থৌদাংশিং অদুগী মরু ওইবা অদুবু হন্ন-হন্না পল্লদুনা, ঐখোয়না পুন্না রাজ্য অসিদা তুংদা-লৈতাবা অমসুং নুংঙাই-য়াইফবা পুরক্নবা ঐখোয়না খোংফম চেৎনা লেপ্লি হায়না শ্রী অমিত শাহনা হায়খি।

য়ুনিয়ন মিনিস্তর অসিনা সিভিল সোসাইতী ওর্গনাইজেশনশিং খুদম ওইনা কোকোমি, অমুকো, এ.এম.ও.সি.ও.সি., এম.এম.দবল্যু., এস.তি.দি.এম., এফ.ও.সি.এস., ফোরম ফোর রেস্তোরেশন ওফ পীস অমসুং স্তুদেন্ত ওর্গনাইজেশনশিংগী মীহুৎশিংগশু উনখি।

মীহুৎশিং অদুনা শান্তিগীদমক্তা মখোয়গী কমিতমেন্ত অদু ফোংদোকখি অমসুং মনিপুরদা মহৌশাগুম্না হান্নগী পুন্সিদা হঞ্জিল্লক্নবা লম্বি শেম্বদা ঐখোয় ময়াম পুন্না শরুক য়ামিন্নগনি হায়না থাজবা পীরকখি। চুরচান্দপুরগীদমক্তা থাদোক্ত্রিঙৈগী মমাংদা, হোম মিনিস্তরনা মীয়াম্না শকখঙনরবা মীশিং, অখঙ-অহৈশিং, রিতায়র তৌরবা আর্মী ওফিসরশিং অমসুং সিভিল সর্ভেন্তশিংগী গ্রুপ অমগা পাক-চাউরবা হিরম কয়া অমগী মতাংদা খন্ন-নৈনখি। 

মীহুৎশিং অদুনায়ুনিয়ন মিনিস্তরদা শান্তি পুরক্নবা অমসুং মহৌশাগুম্না হান্নগী ফিভমদা হঞ্জিল্লক্নবা অরুবা ফিভম অসিবু ফগৎনবা খুৎ থিংজিন্নবা তকশিনখি।

য়ুনিয়ন হোম মিনিস্তর, শ্রী অমিত শাহনা চুরচান্দপুরদা চৎখি অমসুং মীয়াম্না শকখঙনরবা মীওইশিং অমসুং সিভিল সোসাইতী ওর্গনাইজেশনশিংগী মীহুৎকা মীফম অমা পাংথোকখি। মতুং তারকপদা নুমিদাংৱাইরমদা, শ্রী অমিত শাহনা ইম্ফালদা পার্তী অপুনবগী ওইবা মীফম অমা পাংথোকখি। হোম মিনিস্তরনা মনিপুর পুলিস, সি.এ.পি.এফ.শিং অমসুং ইন্দিয়ন আর্মীগী মকোক থোংবা ওফিসিয়েলশিংগা লোইননা হৌজিক লৈরিবা সেক্যুরিতীগী ফিভম য়েংশিনখি। মানিপুরগী শান্তি অমসুং নুংঙাই-য়াইফবনা ঐখোয়গী খ্বাইদগী হেন্না মরু ওইবানি হায়না মহাক্না হায়খি অমসুং শান্তি লৈহনবদা অকাইবা পীরিবা থবক-থৌওংশিং অদুবু য়াম্না হকচিন্না থবক পাইখৎনবা মখোয়দা য়াথং পীখি।

য়ুনিয়ন হোম মিনিস্তরনা হয়েং মনিপুরগী মোরে অমসুং কাংপোকপিগী মফমশিংদা চৎকনি। মহাক্না মোরেদা লৈরিবা লমদম অদুগী কাংলুপশিংগী মীহুৎশিংগা ৱারি শানগনি অমসুং মসিগী মতুং তারকপদা কাংপোকপিদা লৈরিবা সিভিল সোসাইতী ওর্গনাইজেশনশিংগা মীফম পাংথোক্লগনি। মতুংদা মহাক্না ইম্ফালদা সেক্যুরিতী রিভ্যু মীতিং অমা পাংথোক্লগনি।

***



(Release ID: 1928453) Visitor Counter : 100


Read this release in: English , Urdu , Marathi , Assamese