تعلیم اور ہنر مندی کے فروغ  نیز چھوٹے کاروبار کے  مرکزی وزیر جناب دھرمیندر پردھان نے آج سنگاپور کی نانیانگ ٹیکنالوجیکل یونیورسٹی کا دورہ کیا۔ وزیر موصوف نے بھارتی  طلباء سے  بات چیت کی اور اعلیٰ تعلیم، تحقیق، اختراع، کاروبار اور آموزش کو کلاس روم کی چار دیواری سے باہر لے جانے کےخاکے پر  گہرائی سے غور و خوض کیا۔

اجتماع سے خطاب کرتے ہوئے، جناب  پردھان نے این ای پی  اور علمی تعاون اور دو طرفہ نقل و حرکت کے لیے اس سے ملنے والے بے شمار موقعوں کے بارے میں بات چیت کی۔ انہوں نے کہا کہ بھارتی  یونیورسٹیاں اور نانیانگ ٹیکنالوجیکل یونیورسٹی عالمی موقعوں سے فائدہ اٹھانے کے ساتھ ساتھ دونوں ممالک کی فلاح و بہبود کے لیے خاص طور پر اے آئی، فن ٹیک، پائیداری، موسمیاتی ایکشن کے شعبوں میں شراکت داری کر سکتی ہیں۔

جناب پردھان نے زور دے کر کہا کہ 21ویں صدی بھارت  کی صدی ہوگی ۔ انہوں نے مزید کہا کہ عالمی معیار کی عالمی یونیورسٹیوں، جیسے این ٹی یو اور بھارتی  یونیورسٹیوں کو 21 ویں صدی کی ترغیب دینے کے لیے نئے ماڈل بنانے کے لیے اپنی مصروفیات میں اور بھی گہرائی پیدا کرنی چاہیے۔

جناب پردھان نے سنگاپور کے وزیر برائے امور خارجہ ایچ ای جناب ویوین بالاکرشنن سے بھی ملاقات کی۔ وزراء نے بھارت  - سنگاپور نالج پارٹنرشپ کو مستحکم بنانے اور ہنر کے فروغ اور تعلیم میں کثیر جہتی دو طرفہ تعاون کو مزید بلندیوں تک لے جانے پر نتیجہ خیز بات چیت کی۔

میٹنگ کے دوران جناب پردھان نے کہا کہ بھارت  اور سنگاپور کے درمیان مضبوط تاریخی، ثقافتی اور تہذیبی رشتے ہیں۔ آج ہماری دوستی باہمی اعتماداور احترام پر مبنی ہے۔ انہوں نے مزید کہا کہ علم، مہارت اور سرحدی علاقوں میں شراکت داری  میں اضافہ کرنا  اس سب سے ہماری دیرینہ دوستی میں نئی جہتیں شامل ہوں گی ۔

دونوں ممالک کے درمیان  دفاعی شراکت دری اور ثابت قدم دوستی کو مدنظر رکھتے ہوئے، دونوں وزراء نے باہمی فائدے کے لیے تعلیم اور ہنرمندی کی ترقی میں دوطرفہ تعاون کو مضبوط بنانے کے ساتھ ساتھ عالمی تقاضوں اور کام کی دنیا کے چیلنجوں سے نمٹنے پر اتفاق کیا۔

جناب پردھان نے سماجی پالیسیوں کے سینئر وزیر اور کوآرڈینیٹنگ وزیر ایچ ای جناب تھرمن شانموگرتنم سے بھی ملاقات کی۔ جناب تھرمن شانموگرٹنم مئی 2019 سے سنگاپور میں سینئر وزیر ہیں، کئی سال نائب وزیر اعظم اور وزیر خزانہ کے طور پر خدمات انجام دینے کے بعد جناب تھرمن نے ’اسکلس فیوچر‘پروگرام کی قیادت کی، جو 2014 میں شروع کیا گیا تھا جس کا مقصد سنگاپور کے باشندوں کے درمیان زندگی بھر  آموزش اور نوکریوں میں اضافے کے وسیع مواقع پیدا کرنا تھا۔

بعد میں، جناب پردھان نے انسٹی ٹیوٹ آف ٹیکنیکل ایجوکیشن سنگاپور کا بھی دورہ کیا، جو وزارت تعلیم، سنگاپور کے تحت ایک پوسٹ سیکنڈری ادارہ ہے۔

جناب  پردھان نے کہا کہ کام اور تجربہ کرکے جامع طور پر سیکھنے پر توجہ مرکوز کرتے ہوئے،  آئی ٹی ای طلباء اور بالغ طلبا کے لیے روزگار اور زندگی بھر آموزش کے لیے ہنر، علم اور اقدار حاصل کرنے کے موقعے پیدا کر رہا ہے۔ لازمی صنعت کی انٹرنشپ، کام اور مطالعہ کے درمیان نقل و حرکت اور مضبوط انڈسٹری-اکیڈمیا کنیکٹ آئی ٹی ای کے اہم پہلو ہیں۔

۔۔۔۔

 

ش ح۔ا س۔  ت ح ۔                                              

30.05.2023

U–5640

(Release ID: 1928440) Visitor Counter : 123