ارضیاتی سائنسز کے مرکزی وزیر جناب کرن رجیجو نے آج پولر اور سمندری تحقیق کے قومی مرکز (این سی پی او آر) کا دورہ کیا۔ اس دورے سے انہیں این سی پی او آر کی جانب سے کئے گئے اقدامات اور خاطر خواہ سرگرمیوں کے بارے میں معلومات فراہم ہوئی۔ پورے دن معلوماتی اور دیگر پروگرام کے سلسلوں کا اہتمام کیاگیا تاکہ ادارے کی جانب سے کئے گئے اہم کام کو نمایاں کیا جاسکے۔ اِس دورے کی کلیدی بات یہ رہی کہ ایک انٹرایکٹو اجلاس منعقد ہوا، جہاں وزیر موصوف نے انٹارٹیکا میں بھارتی اسٹیشن میں کام کرنے والے سائنسدانوں کی ٹیم کے ساتھ ورچوئلی طور پر گفتگو کی اور ان کے ساتھ وابستہ رہے۔

این سی پی او آر کے سائنسدانوں اور عملے سے خطاب کرتے ہوئے ارضیاتی سائنسز کے مرکزی وزیر جناب کرن رجیجو نے  سائنسدانوں اور عملے کے انتھک اور لگن سے کام کرنے کے لئے ان کی تعریف کی اور مرکز کی زبردست صلاحیت اور اہمیت کو تسلیم کیا۔ انہوں نے ہندوستانی عوام کی بڑھتی ہوئی امنگوں کو اجاگر کیا اور عالمی سطح پر ہندوستان کی بڑھتی ہوئی اہمیت کو بھی نمایاں کیا۔

سائنسی سطح پر پیش رفت کے لئے این سی پی  او آر کی خدمات کو تسلیم کرتے ہوئے وزیر موصوف نے انٹارٹیکا میں قیام پذیر کامیاب مہماتی ٹیم کی تعریف کی اور ان کی واپسی پر ان سے بات چیت کرکے اپنی گرمجوشی کا اظہار کیا۔ انہوں نے ہمالیائی خطے میں خاص طور پر تحقیقی سرگرمیاں بڑھانے کی ضرورت پر زور دیا، جن کے بارے میں وہ سمجھتے ہیں کہ مزید کھوج کی زبردست صلاحیت ہے۔

مرکزی وزیر نے سائنس کی بدلتی ہوئی طاقت میں اپنے اعتماد کا یہ بھی اظہار کیا اور چیلنجوں سے نمٹنے میں ایک معقول پسندانہ طریقہ کار کی ضرورت پر زور دیا۔ انہوں نے ضروری وسائل ، پالیسیوں اور سائنسدانوں کے مقاصد کے حصول کے لئے ان کو تعاون دینے کے لیے سائنسی برادری کو اپنے عزم کا یقین دلایا۔  اس کے علاوہ انہوں نے محققین کی جانب سے کئے گئے کام کے لئے بیداری پیدا کرنے کی اہمیت پر زور دیا  اور اِس بات کی ضرورت پر زور دیا کہ سائنسی کوششوں میں عوام کی شمولیت بڑھائی جائے اور انہوں نے سائنسی کوششوں کی تعریف بھی کی۔

این سی پی او آر کے ڈائریکٹر ڈاکٹر تھم بن میلوتھ نے ارضیاتی سائنسز کے مرکزی وزیر کے دورے کے لئے ان کا شکریہ ادا کیا۔ ڈائریکٹر موصوف نے اس بات پر زور دیا کہ قطبی خطوں میں سائنسی تحقیق کرنے کے لئے پیچیدہ لاجسٹکس میں غیر معمولی ہنرمندی کی ضرورت ہے اور سرکاری اداروں، ایجنسیوں اور محکموں  کے درمیان تال میل کی بھی ضرورت ہے۔ انہوں نے اِس اعتماد کا اظہار کیا کہ این سی پی او آر وزیر موصوف کی قیادت میں قطبی اور سمندری تحقیق میں ہندوستان کی شہرت کو مزید چار چاند لگائی۔

مرکزی وزیر کرن رجیجو کے دورے میں انٹارٹیکا خطے کا ایک ورچوئل حقیقی شو بھی شامل تھا اور آئس کور لیب اور جدید ترین انسٹومینٹیشن سہولت کا دورہ بھی شامل تھا، جہاں این سی پی او آر کے سائنسدانوں کی جانب سے جدید تحقیقی بنیادی ڈھانچہ اور استعمال کی گئی تکنیک کو نمایاں کیاگیا تھا۔

**********

ش ح ۔  ح ا ۔ ع ر

U. No.5576

(Release ID: 1928020) Visitor Counter : 72