পর্লিয়ামেন্তরি এফেয়ার্স মিনিস্ত্রিনা শীন্দুনা মে ২৪দগী মে ২৫,২০২৩দা নিউ দিল্লিদা নেসনেল ই-বিধান এপ্লিকেসন (নেভা)গী নুমিৎ নিনীগী নেসনেল ৱার্কশোপ পাংথোক্কনি। মসি নেভাগী অনিশুবা নেসনেল ৱার্কশোপনি। অহানবা নেসনেল ৱার্কশোপ সেপ্তেম্বর ২০১৮দা পাংথোকখ্রে। 

নেসনেল ই-বিধান এপ্লিকেসন (নেভা)গী নুমিৎ নিনীগী নেসনেল ৱার্কশোপ অসি রাজ্য সভাদা হাওসকী লুচিংবা অমসুং কম্মর্স অমসুং ইন্দস্ত্রি অমসুং কঞ্জুমর্স এফেয়ার্স, ফুদ অমসুং পব্লিক দিস্ত্রিবিউসন অমসুং তেক্সতাইলগী য়ুনিয়ন মিনিস্তর শ্রী পিয়ুস গোয়াল অমসুং পর্লিয়ামেন্তরি এফেয়ার্স, কোএল অমসুং মাইন্সকী য়ুনিয়ন মিনিস্তর শ্রী প্রালহাদ জোসিনা মে ২৪গী অয়ুক পুং ১০:৩০ তাবদা নিউ দিল্লিগী হোতেল অশোক্কী কনভেন্সন হোলদা হৌদোক্কনি। নেসনেল ৱার্কশোপ হৌদোকপা থৌরম অদুদা পর্লিয়ামেন্তরি এফেয়ার্স অমসুং এক্সতর্নেল এফেয়ার্সকী রাজ্য মন্ত্রী শ্রী ভি মুরালিধারন, মৈতিগী সেক্রেতরি শ্রী অলকেস কুমার শর্মা, মোপাগী সেক্রেতরি শ্রী গুদে শ্রীনিভাস অমসুং মোপাগী এদিসেনেল সেক্রেতরি শ্রী সভ্য প্রকাস শরুক য়াগনি।

ৱার্কশোপ অদুদা স্তেৎ এশেমব্লিশিং অমসুং রাজ্য সরকারশিংগী সেক্রেতরিশিং অমসুং অতোপ্পা অৱাংবা থাক্কী ওফিসিএলশিং য়াওনা নেভা প্রোজেক্কী মরী লৈনবা খুদিংমক অমসুং অতোপ্পা শক্নাইরবশিং শরুক য়াগনি।

ৱার্কশোপ অসিগী মরুওইবা পান্দমদি স্তেৎ লেজিসলেচরশিং নেভা প্লেতফোর্মদা লাক্নবা পুক্নিং থৌগৎপা অমসুং তেক্নোলোজি শীজিন্নদুনা মখোয়না হাওসকী বিজিনেস পাংথোকপদা অরোন-অথুপ লৈহন্দবা, মরম চানা থবক তৌহনবা অমসুং মথৌ পাংথোকহনবনি।

নেসনেল ই-বিধান এপ্লিকেসন(নেভা) অসি ভারত সরকারগী “দিজিতেল ইন্দিয়া প্রোগ্রাম”গী মখাদা পায়খৎপা মিসন মোদ প্রোজেক ৪৪গী মনুংদা অমনি অমসুং মসিনা রাজশিংগী লেজিসলেচর খুদিংমক চে শীজিন্নদনা থবক তৌহন্দুনা মখোয় ‘দিজিতেল হাওস’ ওন্থোক্নবা পান্দম থম্লি। হৌজিক ফাওবদা, নেভা প্রোজেক থবক ওইনা পায়খৎনবা রাজশিংগী লেজিসলেচর ২১ এম.ও.য়ু খুৎয়েক পীনরে অমসুং লেজিসলেচর ১৭গী প্রোজেক সেঙ্কসন তৌরে অমসুং প্রোজেক থবক ওইনা পায়খৎনবা মখোয়দা ফন্দ থাদোকখ্রে। মখোয়গী মনুংদা, লেজিসলেচর ৯ মাঙজৌন্না মপুংফানা দিজিতেল ওইখ্রে অমসুং নেভা প্লেফোমর্দদা য়াওরে। মখোয়গী মখোয়গী বিজিনেস দিজিতেল ওইনা চে য়াওদনা পাংথোক্লে।

নুমিৎ নিনীগী নেসনেল ৱার্কশোপ অদু সেসন তরুক লৈগনি। অহানবা সেসন “দিজিতেল হাওসকী প্লেতফোর্ম অমা ওইনা নেভা” হায়বা হিরম অসিদা এদিসনেল সেক্রেতরি অমসুং নেভা প্রোজেক্কী মিসন লিদর শ্রী সত্য প্রকাসনা ৱা ঙাংগনি। অনিশুবদা সেসন্দা নেভাগী খুৎথাংদা লাইভ লৈরবা লেজিসলেচর ৯গী মীহুৎশিংনা মখোয়না ফংলকপা লৌশিং পাউদমগনি। ৱার্কশোপকী অহানবা নুমিৎকী অরোইবা সেসন্দা সি.পি.এম.য়ু, নেভা তিমনা “নেভা থবক ওইনা পায়খৎনবা পায়খৎকদবা দরকার ওইবা থবকশিং” হায়বা হিরমদা ৱা ঙাংগনি।

নেসনেল ৱার্কশোপকী নিনীচনবা নুমিৎকী অহানবা সেসন্দা, “নেভা: অফবা লৈঙাক পুরক্নবা নৌনা পুথোরকপা তেক্নোলোজিশিং শীজিন্নবা” হায়বা হিরম থমগনি। হিরম অসিদা পর্লিয়ামেন্তরি এফেয়ার্স মিনিস্ত্রিগী সেক্রেতরি, শ্রী গুদে শ্রীনিভাসনা ৱা ঙাংগনি। দি.এ.আর.পি.জিগী সেক্রেতরি, শ্রী ভি. শ্রীনিভাসনা “চাউখৎ-থৌরাংগীদমক দিজিতেল ইনফ্রাস্ত্রেক শেমগৎপা” হায়বা হিরমদা ৱা ঙাংগনি। গুগল, মাইক্রোসোফ অমসুং আই.বি.এমগী তেক্নিকেল এক্সপার্ত অহুম্না নেভা থবক ওইনা পাংথোকপদা অনৌবা তেক্নোলোজিশিংনা কমদৌনা লমজিংগনি অমসুং মখোয়গী ওইবা ৱাখল্লোনশিং ফোঙদোক্কনি । তুংদা নেভাগী সি.পি.এম.য়ু কাংবুনা নেভা মোদুল সোফৱায়রশিং হায়বদি দিজিতেল হাওস, বিল মোদুল, ক্বেসন মোদুল, কম্মিতি মোদুল অসিনচিংবগী মতাংদা শন্দোক্না তাক্কনি। পর্লিয়ামেন্তরি এফেয়ার্স মিনিস্ত্রিগী সেক্রেতরি অমসুং পর্লিয়ামেন্তরি এফেয়ার্স মিনিস্ত্রিগী এদিসনেল সেক্রেতরিনা ৱাহং-পাউখুমগী সেসন অমা পাংথোক্কনি।

লোইশিনবগী থৌরম অমগা লোয়ন্না নেসনেল ৱার্কশোপ লোইশিনগনি। লো অমসুং জর্জতিসকী রাজ্য মন্ত্রী(মনিংতম্বা) অমসুং পর্লিয়ামেন্তরি এফেয়ার্স অমসুং কলচরগী রাজ্য মন্ত্রী শ্রী অর্জুন রাম মেঘৱাল, পর্লিয়ামেন্তরি এফেয়ার্স মিনিস্ত্রিগী সেক্রেতরি শ্রী গুদে শ্রীনিভাস, রাজ্য সভা সেক্রেতরিয়েতকী সেক্রেতরি অমসুং সংসদ তি.ভিগী সি.ই.ও শ্রী রজিত পুনহানি, নেভাগী মিসন লিদর অমসুং এদিসনেল সেক্রেতরি শ্রী সত্য প্রকাস শরুক য়াগনি।

 (নেসনেল ৱার্কশোপকী লাইভ ৱেবকাস্ত লিঙ্ক: https://webcast.gov.in/mpa)

 

***

(Release ID: 1927127) Visitor Counter : 72