سائنس وٹیکنالوجی (آزادانہ چارج ) کے مرکزی وزیرمملکت ، وزیراعظم کے دفتر-پی ایم او، عملے ، عوامی شکایات ،  پینشن ، ایٹمی توانائی اورخلاء کے شعبوں کے وزیرمملکت ،ڈاکٹرجتیندرسنگھ اور ثقافت ، سیاحت اورشمال مشرقی خطے کی ترقی کے مرکزی وزیرجناب جی کشن ریڈی نے آج جموں وکشمیر کے شہرسری نگرمیں سیاحت سے متعلق ورکنگ گروپ کی تیسری میٹنگ کے شانہ بشانہ ،  ‘‘فلم سیاحت کے ذریعہ بے مثال بھارت کا فروغ ’’کے موضوع پرمنعقد ہ ایک دیگرتقریب سے خطاب کیا ۔ الگ سے منعقد ہوئی اس تقریب میں حکومت ہند کی اطلاعات ونشریات کی وزارت کے سکریٹری جناب اپوروا چندرا نے بھی شرکت کی ۔

سیاحت کے موضوع پر منعقد کی گئی اس تقریب کا مقصد فلم سے متعلق سیاحت کے شعبے کے دائرے کو مزید وسیع کرنا اور بے مثال بھارت کے سبھی پہلوؤں کواجاگرکرناتھا۔

اس تقریب کے دوران ڈاکٹرجتیندرسنگھ نے  کہاکہ بھارت میں فلم سازی کے لئے  سہولت فراہم کرنے سے متعلق عمل جیسی فلم سازی کی بہترین پالیسیاں  ہونے کے سبب، اب بھارت کو  اوسکارایوارڈ حاصل کرنے میں زیادہ دیرنہیں لگے گی ۔ بھارت میں گورودت اورستیہ جیت رے جیسے سرکردہ ناموں کے ساتھ فلم سازی کی صدیوں پرانی وراثت موجود ہونے کے سبب ، فلم سازی سے متعلق باصلاحیت افراد کی کوئی کمی نہیں ہے ۔ڈاکٹرجتیندرسنگھ امید ظاہرکی کہ کاروباری برادری ،سیاحت کی وزارت  اور اطلاعات ونشریات کی وزارت  کی جانب سے پہلے سے ہی شروع کی جاچکی کوششوں میں اضافہ کرنے کے لئے مددکریگی ۔

ڈاکٹرجتیندرسنگھ نے کہا فلم صنعت کی معاونت کے لئے ، فلم سازی کے عمل میں آسانی  پیداکرنے اورموجودہ اسٹوڈیوز کو جدید طرز پرڈھالنے کی غرض سے سخت کوششیں کرنی ہوں گی ۔ ڈاکٹرسنگھ نے مزید کہاکہ پورے بھارت میں فلم سازی کی حوصلہ افزائی کرنے کے مقصد سے اطلاعات ونشریات کی وزارت کو ریاستی قواعد وضوابط میں اصلاحات کرنی ہوں گی ۔

***********

(ش ح ۔ ع م۔ ع آ)

U -5428

(Release ID: 1926806) Visitor Counter : 229