প্রধানমন্ত্রীগী লোইশঙ
ইন্তর্নেস্নেল ম্যুজিয়ম এক্সপো-2023দা প্রধান মন্ত্রীনা থমখিবা ৱারোলগী মনিপুরী ৱাহন্থোক
Posted On:
23 MAY 2023 12:51PM by PIB Imphal
কেবিনেত্তা লৈরিবা ঐহাক্কী মরুপ, জি. কিশন রেদ্দীজী, মিনিক্ষি লেখিজী অমসুং অর্জুন রাম মেঘ্বালজী, লুব ম্যুজিয়মগী দাইরেক্তর মানুএল রাবাতেজী, মালেমগী তোঙান-তোঙানবা লৈবাকশিংদগী লাক্লিবা মীথুংলেনশিং, অতোপ্পা ইকায় খুম্নরবশিং, ইবেম্মা অমসুং ইবুংঙোশিং! ঐহাক্না মীয়াম খুদিংগী মফমদা য়াইফরবা ম্যুজিয়ম নুমিৎকী য়াইফ পাউজেল পীজরি। ঙসিগী থৌরম অসিসু য়াম্না অখন্নবা অমনি, মসিগী মরমদি ভারতনা নিংতম্বগী চহি 75 মপুং ফাবগীদমক্তা ভারতনা অমৃত মহোৎসব পাংথোক্লি।
ইন্তর্নেস্নেল ম্যুজিয়ম এক্সপো অসিদা মোদর্ন তেক্নোলোজীগী খুত্থাংদা পুৱারীগী তোঙান-তোঙানবা তাঙ্কক কয়া নৌনা হিংগৎলক্লি। ঐখোয়না ম্যুজিয়ম অমদা চৎপা মতমদা, ঐখোয়বু হৌখ্রবা মতম, মদুগী য়ুগ অদুদা পুদুনা ঐখোয়বু শক্তাক্লি হায়না খনহল্লি। ম্যুজিয়ম অসিদা উরিবশিং অসি তসেংবা ৱাফম কয়াদা য়ুম্ফম ওইবা ঙাক্তনি। ঐখোয়না ম্যুজিয়মদগী ইথিলসু ফংই, ঐখোয়গী তুংগী থৌদাংশিংসু খঙবা ঙম্মি।
অদোমগী থীম –‘সস্তেনেবল ওইবা অমসুং নুংঙাই য়াইফনা হিংবা’ – অসিনা ঙাসিগী মালেমগী প্রাইওরিতী তাক্লি অমসুং থৌরম অসিবু হেন্না চুশিন্নহল্লি। অদোমগী হোৎনজমনশিংনা নহা ওইরিবা চারোন শুরোনশিংবু ম্যুজিয়মগী মাইকৈদা পুক্নিং চিংশিনগনি অমসুং ঐখোয়গী হেরিতেজতা শক্তাক্কনি হায়বগী ঐহাক্না থাজবা থম্মি। ঐহাক্না হোৎনজমন কয়া অসিগীদমক্তা অদোম্বু থাগৎচরি।
ঐহাক্না মফমসিদা লাক্ত্রিঙৈদা, ম্যুজিয়মদা মতম খরা লেঞ্জবগী খুদোংচাবা ফংজখি। ঐখোয়না সরকার অমসুং চাউখৎ থৌরাংগী থৌরম কয়াদা শরুক য়াবগী খুদোংচাবা তত্তনা ফংই, অদুবু থৌরাং য়াৎপা অমসুং থবক পাংথোকপগী থবক কয়ানা মীয়ামগী পুন্সিদা অচৌবা শাফু অমদি পীবা ঙমখি হায়না চাউথোকচনা হায়বা ঙমগনি। অদুগা, ঙসিগী থৌরম অসিনা ভারতকী ম্যুজিয়মগী মালেমগী ওইনা অচৌবা তর্নিং পোইন্ত অমা ওইগনি হায়বগী থাজবা থম্মি। মসি ঐহাক্কী অচেৎপা থাজবনি।
মরুপশিং,
চহি চা কয়া মতম শাংনা মীখা পোন্দুনা লাকখিবনা ভারত্তা অচৌবা অমাঙবা পীখি, ঐখোয়গী ইথোক্তুনা থম্বা অমসুং ইথোক্তবা হেরিতেজ কয়া মাঙখি। মেনুস্ক্রিপ অমসুং লাইব্রেরী কয়া মীখা পোনবা মতমসিদা মাঙহন তাকহনখি অমসুং মৈ থাখি। মসি ভারত খক্তগী মাঙজবা নত্তনা মালেম পুম্বা অমসুং মীওইবা খুন্নাইগীসু অচৌবা অমাঙবা অমনি। লাইবক থীবদি, নিংতম্বা ফংলবা মতুংদা ঐখোয়গী হেরিতেজ ঙাক শেন্দুনা থম্বগী থবকশিং মতিক চানা পাংথোকখিদে।
মীয়াম্না হেরিতেজকী মতাংদা খঙবা ৱাৎপনা হেন্না মাঙজহনখি। মরম অদুনা, লৈবাক অসিনা ‘নিংতম্বগী অমৃত কাল’দা লৌখিবা ‘পঞ্চ প্রন’ (ৱাশক মঙা)গী মনুংদা অমা ওইরিবা, ‘ইশাগী হেরিতেজকীদমক্তা চাউথোকচবা’ অসিগী য়াম্না মরু ওইবা লৈ। ভারতকী হেরিতেজ ঙাক শেনবতা নত্তনা, ঐখোয়না ‘অমৃত মহোৎসব’কী মনুংদা কলচরগী ইনফ্রাস্ত্রকচর কয়াসু নৌনা শেমগৎলি। মসিদা নিংতম লানগী পুৱারী লিবগা লোয়ননা লৈবাক্কী চহি লিশিং কয়া শুরবা হেরিতেজপুসু য়োকখৎপগী মতৌ কয়া য়াওরি।
অদোম্না লোকেল অমসুং খুঙ্গংগী ম্যুজিয়মশিংদা অহেনবা মরু ওইবা কয়া পীরি হায়না ঐহাক্কী ইফমদা পাউদম্লে। ভারত সরকারনা লোকেল অমসুং খুঙ্গংগী ম্যুজিয়ম য়োকখৎনবা অখন্নবা কেম্পনে খরসু চলায়রি। ঐখোয়গী রাজ্য খুদিং, লমদম খুদিং অমসুং খুন্নাইগী পুৱারী খুদিংবু ঙাক শেনবগী থৌওং অমসু পায়খৎলি। ঐখোয়গী নিংতম লান্দা ত্রাইবেলশিংনা শরুক তমখিবা কয়াবু ওমোর ওইদুনা থম্নবগীদমক্তা ঐখোয়না অখন্নবা ম্যুজিয়ম 10সু শারি।
মসিদি ত্রাইবেলগী দাইবর্সিতীবু ময়েক শেংনা তাকপা ঙম্বা মালেমগী ওইবা তোপ তোপ্পা খোঙথাংনি হায়না ঐহাক্না খল্লি। মহাত্মা গান্ধীনা থুমগী সত্যগ্রহা মনুংদা চৎখিবা দান্দীগী লম্বীসু হৌজিক নিংথীনা ঙাক শেন্দুনা থম্লে। গান্ধীজীনা থুমগী আইন থুগায়খিবা মফমদসু নিংথীরবা মেমোরিএল অমা শেয়ার। ঙসিদি, মালেম পুম্বগী মীওইনা দান্দি কুতির য়েংনবগীদমক্তা গান্ধীনগরদা লাক্লি।
ঐখোয়গী সংবিধানগী মকোক থোংবা আর্কিতেক, বাবাসাহেব অম্বেদকরগী মহাপরিনির্ভানা লৈরিবা মফম অসি মতম কয়াদগী কিন্থদুনা লৈরম্লবনি। ঐখোয়গী সরকারনা মফম অসিবু, দিল্লীদা লৈবা 5 অলিপোর রোদ অসিবু নেস্নেল মেমোরিএল ওন্থোক্লে। মহাক্কী পুন্সিগা মরী লৈনবা ‘পাঞ্চ তীর্থ’ অসিসু, মহাক পোকখিবা মহাও, মহাক্না লৈরম্বা লন্দন, মহাক্না ইনিসিএসন তৌখিবা নাগপুর অমসুং মুম্বাইগী চৈত্যভুমীদা লৈবা মহাক্কী ‘সমাধী’দা শাগৎলি। নিংথৌ পানবা রাজ্য 580 হেনববু ভারত্তা তিলহনখিবা সর্দার সাহেবকী ৱাংলবা মীতম, স্তেচ্যু ওফ য়ুনিতী অসি ঙসিদি ভারতকী চাউথোকচনিংঙাই ওইরি। স্তেচ্যু ওফ য়ুনিতী অসিগী মনুংদসু ম্যুজিয়ম অমা লৈরি।
পঞ্জাবকী জালিয়ানৱালা বাঘ ওইরো, গুজরাতকী গোবিন্দ গুরুজীগী মেমোরিএল ওইরো, উত্তর প্রদেশকী ভরানসীদা লৈবা মন মহল ম্যুজিয়ম ওইরো, অমসুং গোৱাদা লৈবা খৃস্তিয়ন আর্তকী ম্যুজিয়ম ওইরো, মসিগুম্বা মফম কয়াবু ঐখোয়না ঙাক শেল্লি। ম্যুজিয়মগা মরী লৈনবা তোপ তোপ্পা থবক অমসু ভারত্তা পায়খৎলি। ঐখোয়না লৈবাক্কী হান্না প্রধান মন্ত্রী ওইরম্বশিংগী পুন্সি খোঙচৎ অমসুং মখোয়না তম্লম্বা শরুকশিংবু উৎপগী ম্যুজিয়ম অমা দিল্লীদা হাংলে। ঙসিদি, লৈবাক্কী মফম কয়াগী মীওইশিংনা ভারতকী নিংতম্বা মতুংগী খোঙচৎ অসিবু য়েংনবা লাক্নরি। ঐহাক্না ঙসিগী মীথুংলেনশিংনা ম্যুজিয়ম অসিবু অমুক্তং ওইরবসু য়েংবীনবা পাউজেল পীজরি।
মরুপশিং,
লৈবাক অমনা মশাগী হেরিতেজ ঙাক শেনবা হৌরকপা মতমদা, মসিগী অতোপ্পা নাকল অমসু মপান থোক্লকই। মসিদি লৈবাক নুংশিবগী মতৌ অদুবুনি। খুদম ওইনা হায়রবদা, ভগ্বান বুদ্ধগী মহাপরিনির্ভানাগী মতুংদা মহাক্কী রেলিক কয়াবু ঐখোয়না চারোন কয়াদগী ঙাক শেন্দুনা লাক্লি। ঙসিদি, রেলিকশিং অসিনা ভারত খক্তদা নত্তনা মালেম পুম্বগী বুদ্ধিস্ত লাইনীংবশিংবু অমত্তা ওইহল্লি। ঐখোয়না মমাংগী চহিগী বুদ্ধ পুর্নিমাদা মোঙ্গোলিয়াদা সেংলবা রেলিক মরি থাখি। মদুগী থৌদোক অদুনা মোঙ্গোলিয়া মীয়ামগী য়াম্না নুংঙাইবা অমসুং অচৌবা থৌরম অমা ওইখি।
মরুপশিং,
ঐখোয়না ইমুংগীদমক্তা তুংগী রিসোর্স হাপচিনবগুম্না, ঐখোয়না পৃথিবীগীদমক্তা ঐখোয়গী রিসোর্স কন্দুনা থমগদবনি। মসিগুম্বা মালেমগী হোৎনজমন কয়াদা ঐখোয়গী ম্যুজিয়মশিংসু থৱাই য়াওনা শরুক য়াফম থোকই হায়না ঐহাক্না খল্লি। ঐখোয়গী পৃথিবীনা মমাংগী চহি চা কয়াদা খুদোংথীবা কয়া নংখ্রে। মখোয়গী ৱারী অমসুং খুদমশিং ঙসি ফাওবদা লৈরি। মসিগুম্বা খুদম অমসুং মমি কয়াগী গেল্লরী কয়াবু ম্যুজিয়ম কয়াদা থম্বগী ৱাফমসু ঐখোয়না খন্নফম থোকই।
তোঙান-তোঙানবা মতমশিংদা পৃথিবীদা অহোংবা লাকখিবগী মতৌশিংসু ঐখোয়না উৎপা য়াই। মসিনা লাক্কদৌরিবা মতমশিংদা মীয়ামদা অকোয়বগী ফিভমগী মতাংদা এৱিয়র্নেস লৈবসু হেনগৎহনগনি। এক্সপো অসিদা গেস্ত্রোনোমিক এক্সপেরিএন্স ফংহন্নবা মফম খাক্লি হায়না ঐঙোন্দা পাউদম্লে। মীয়াম্না মফমসিদা অয়ুর্বেদ অমসুং মিল্লেত (হায়বদি শ্রী অন্না)দা য়ুম্ফম ওইবা মথেল কয়াসু চাবা ফংগনি।
ভারতকী হোৎনজমনগী মরম ওইদুনা, অয়ুর্বেদ অমসুং মিল্লেতনা মালেমদা ইহৌ অমা শাগৎপা ঙম্লে। ঐখোয়না শ্রী অন্না অমসুং ফ্লোরা মখল কয়াগী চহি লিশিং কয়াগী খোঙচৎকী মতাংদা অনৌবা ম্যুজিয়ম কয়া শেমগৎপা য়াই। মসিগুম্বা খোঙথাংশিংনা হায়রিবা লৌশিংগী পথাপ অসিবু তুংগী চারোন শুরোনশিংদা অমুক্কা য়ৌহন্দুনা ওমোর ওইহনবা য়াগনি।
মরুপশিং,
পুৱারীগী পোৎলমশিংবু ঙাক শেনবগী মতৌ অসিবু মহৌশাগী মতৌ ওইহনবা মতমদা ঐখোয়না হায়রিবা থৌওংশিং অসিদা মায় পাকপা ঙমগনি। মসি মতৌ করম্বা ওইহনগনি হায়বসি ৱাহং অমনি। ঐহাক অপীকপা খুদম অমা পীজগে। ভারতকী ইমুং খুদিংনা মশাগী ময়ুমদা অপীকপা ম্যুজিয়ম অমা শাবা য়াদবরা? মসিদি মখোয়গী য়ুমগী মীওই অমসুং ইমুংদুগী মীওইশিংগী ই-পাউ তাকপা ওইগদবনি। অহল লমনশিংগী অরিবা পোৎলমশিং নিংথীনা ঙাক শেন্দুনা থম্বা য়াই। মসিনা ঐখোয়দা কয়া য়াম্না তুংদা মতেং পাংবগে য়েংশি।
লৈবাক্কী তোঙান-তোঙানবা শহরশিংনা মোদর্ন ফোর্মদা সিতী ম্যুজিয়মগী প্রোজেক্ত কয়া পায়খৎপা য়াই। শহর অদুগা মরী লৈনবা পুৱারীগী পোৎলম কয়া মদুদা থম্বা য়াই। রেকোর্দ শেন্নদুনা থম্বগী অরিবা চৎনবী অসিনসু ঐখোয়বু মাইকৈ অসিদা তেংবাংবা ঙমগনি।
মরুপশিং,
ম্যুজিয়মশিং অসিনা ঙসিদি মীয়ামগী কোইফম ওইবতা নত্তনা মসিনা নহাশিংগী কেরিয়র অমসু ওইরকপা অসিদা ঐহাক্না নুংঙাইবা ফাওই। ম্যুজিয়মদা থবক তৌবখক্কী মিৎয়েংদগী ঐখোয়না নহাশিংদা য়েংলোইদবনি হায়বসিসু ঐহাক্না হায়জনিংই। নহাশিং অসিনা পুৱারীগী হীরম কয়াগা মরী লৈনদুনা গ্লোবেল কলচরেল এক্সচেঞ্জকী পাম্বৈ অমসু ওইবা য়াই। নহাশিং অসিনা অতোপ্পা লৈবাকশিংদা চত্তুনা ভারতকী কলচরগী মতাংদা পাউদম্বা য়াই। থাইনগী মতমগা মখোয়না শম্নবা অমসুং মদুদগী ফংবা এক্সপেরিএন্সশিংনা লৈবাক্কী হেরিতেজ য়োকখৎপদা চাউনা মতেং পাংবা ঙমগনি।
মরুপশিং,
ঙসি, ঐখোয়না কম্মন হেরিতেজকী মতাংদা ৱারী শারিবা অসিদা, ঐহাক্না পুম্নমক্না থেংনবা শিংনবা অমগী মতাংদা হায়জনিংই। মসিগী শিংনবা অসিদি অরিবা পোৎলমশিংগী স্মগলিং তৌনরিবা অসিনি। অরিবা কলচর লৈবা লৈবাক কয়ানা মসিগুম্বা শিংনবা অসিগা তত্তনা মাইয়োক্নদুনা লাক্লি। ঐখোয়গী লৈবাক্তগী অরিবা পোৎলম কয়া কাঙলোনগী ৱাংমদা লৌবীখ্রে। ঐখোয়না মসিগুম্বা ক্রাইম অসিবু থিংনবা অমত্তা ওইনা হোৎনমিন্নবা তাবনি।
লৈবাক কয়ানা ঐখোয়গী হেরিতেজপু অমুক হন্না ঐখোয়দা পীথোকপা হৌরক্লিবা অসিদা ঐহাক্না য়াম্না নুংঙাইবা ফাওই। ঐখোয়গী লৈবাক্কী মিংচৎ হেনগৎলকপা মতমসিদা মসি ওইথোক্লি। বনারসতগী হুরানখিবা ইমা অন্নপুর্নগী মীতম, গুজরাত্তগী হুরানখিবা মহিশশুরা মার্দিনিগী মীতম, নত্ত্রগা চোলা নিংথৌরেল লৈঙাক্কী মতমদা শাখিবা নতরাজাগী মীতম গুম্বা অরিবা আর্তিফেক্ত চাউরাক্না 240 অসি ভারত্তা অমুক য়ৌরকখ্রে। অদুবু, মদিগী মশিং অসি দিকেদ কয়াগী মমাংদা শুপ্নগী 20 ফাওবা য়ৌরমদবনি। ভারত্তগী আর্তিফেক্ত স্মগল তৌবগী থবকসু মমাংগী চহি মাপন্দা য়াম্না হন্থরে।
মালেম পুম্বগী আর্তপু পামজবা মীওইশিং, মরু ওইনা ম্যুজিয়মগা মরী লৈনবা মীওইশিংদা ঐহাক্না হীরম অসিগী মতাংদা তেংবাংনবা হেনগৎনবা হায়জরি। কাংলোনগী ৱাংমা লান্না লৈবাক অমদা লাকখিবা আর্তিফেক্ত অমত্তা ম্যুজিয়ম অমত্তদা থম্লোইদবনি। মসি ঐখোয়গী মোরেল কম্মিতমেন্তনি হায়না লৌগদবনি।
মরুপশিং,
মমাংগী মতমগা মরী থমদুনা ঐখোয়না তুংগীদমক্তা অনৌবা ৱাখল্লোন কয়া পুরক্নবা হোৎনগনি হায়বগী ঐহাক্না থাজবা থম্মি। ঐখোয়না হেরিতেজসু ঙাক শেনগনি অমসুং অনৌবা হেরিতেজসু শেমগৎকনি। মসিগা লোয়ননা, ঐহাক্না মীয়াম পুম্নমকপু থম্মোই শেংনা থাগতচরি।
*****
(Release ID: 1926577)
Visitor Counter : 99
Read this release in:
Tamil
,
Assamese
,
Bengali
,
English
,
Urdu
,
Hindi
,
Marathi
,
Punjabi
,
Gujarati
,
Odia
,
Telugu
,
Kannada
,
Malayalam