প্রধান মন্ত্রী শ্রী নরেন্দ্র মোদীনা মে ১৮দা নই দিল্লীদা ইন্তর্নেস্নেল ম্যুজিয়ম এক্সপো ২০২৩ হৌদোক্কনোই। মসি ঙসি নই দিল্লীদা পাঙথোকখিবা প্রেস কনফরেন্স অমদা কলচর, তুরিজম অমসুং দোনরগী কেন্দ্র মন্ত্রী, শ্রী জি.কে. রেদ্দীনা লাউথোকখিবনি। মন্ত্রীনা হায়খি এক্সপো অসি মখল অসিগী ওইনা অহানবা ওইরি, মসি পুম্নমক শুনা য়াওবা নুমিৎ হুমনিগী ইন্তর্নেস্নেল ম্যুজিয়ম এক্সপো অমনি।

থৌরম অসিদা ৱা  ঙাংলদুনা শ্রী জি কিশন রেদ্দীনা হায়খি, “প্রগতি মৈদান্দা পাঙথোক্কদৌরিবা নুমিৎ হুমনিগী ইন্তর্নেস্নেল ম্যুজিয়ম এক্সপো ২০২৩ অসি পুৱারী ওইরবা থৌরম অমা ওইরগনি মরমদি মসিদা ম্যুজিয়মশিংগীদমক সরকারনা অনৌবা তেক্নোলোজী অমসুং থৌশিলশিং উৎকদৌরি। ম্যুজিয়ম দিবেলপমেন্ত, এক্সপর্তশিং অমসুং সিনিয়ন ওফিসরশিং য়াওনা তোঙান-তোঙানবা বিভাগশিংগী তেংবাংগা লোয়ননা ভারতকী ফজরবা কলচরেল হেরিতেজ উৎকনি। কলচর মন্ত্রালয়না হৌজিক ফাওবদা ম্যুজিয়ম ৩৮৩ লিংখৎখ্রে অমসুং প্রধান মন্ত্রী শ্রী নরেন্দ্র মোদীগী লুচিং মখাদা হৌখিবা চহি ৯ অসিদা মসিগী মনুংদা ১৪৫ কম্মিসন তৌখ্রে হাংদোকখ্রে। ইন্তর্নেস্নেল ম্যুজিয়ম এক্সপো ২০২৩ অসি মখল অসিদা খ্বাইদগী চাউবা ওইরি, মসিনা ভারতকী প্রোফেস্নেলশিং বর্তন তৌবা খক্তা নত্তনা মালেম শিনবা থুংবদগী এক্সপর্তশিং বু ৱার্কশোপশিং অমসুং মাস্তর ক্লাসশিংদা শরুক য়ানবা বর্তন তৌরি।

থৌরম অসিদা ৱা ঙাংলদুনা শ্রীমতি মীনাক্ষি লেখিনা হায়খি ২০১৪দগী হৌদুনা মীয়ামবু মরু ওইনা নহাশিংবু মখোয়গী কলচর অমসুং হেরিতেজকা কন্নেক্ত তৌনবা তায়র ২গী সহরশিংদা অনৌবা ম্যুজিয়মশিং হাংদোক্লি। মহাক্না মখা তারদুনা হায়খি ইন্তর্নেস্নেল ম্যুজিয়ম এক্সপোনা ভারতকী সোফ পাৱর উৎপা খক্তা নত্তনা মসিনা ইকনোমী অমসুং নোলেজকী মরক্তা লৈরিবা অৱাৎপা মেনখৎনবা পাম্বৈ অমা ওইরগনি।

থৌরম অসিদা ব্রোচর অমসু ফোঙখি। দিগনিতরীশিংনা এৱের্নেস পীনবগীদমক মোবাইল বেন “ম্যুজিয়ম ওন হ্বীল্স” লমথাখি।

এক্সপো অসিনা হোলিস্তিক কনভর্জেসন অমা তৌনবা অমসুং লৈবাক শিনবা থুংবদা লৈরিবা তোঙান-তোঙানবা ম্যুজিয়মশিংনা উৎপা তোঙান-তোঙানবা কলচরেল হেরিতেজ উৎনবা পান্দম থমখি। নুমিৎ হুমনিগী থৌরম অসি নই দিল্লীগী প্রগতি মৈদান্দা মে ১৮দগী ২০ ফাওবা পাঙথোক্কনি।

থৌশিল অসি আজাদী কা অমৃত মহোৎসবকী অনিশুবা তাঙ্কক্কী শরুক ওইনা ৪৭শুবা ইন্তর্নেস্নেল ম্যুজিয়ম দে  পালন তৌনবা পাইখৎখিবনি। থৌরম অসিনা ম্যুজিয়ম প্রোফেস্নেলশিং অমসুং লম অসিদা থৱায় য়াওবা মীওইশিংগীদমক ৱাখল্লোন অমদি লৌশিং একচেঞ্জ তৌনবা অমসুং ক্রোস-কলচরেল লর্নিং অমসুং অন্দরস্তেন্দিং প্রমোৎ তৌনবা কম্প্রিহেন্সিব প্লেৎফোর্ম অমা পীগনি।

ভারতকী প্রধান মন্ত্রী, শ্রী নরেন্দ্র মোদী য়াওনা অতোপ্পা সরকারগী ফঙ্কসনরীশিং, ম্যুজিয়ম প্রোফেস্নেলশিং অমসুং এলাইন সর্ভিস-তেক্নোলোজী প্রোভাইদরশিং, একাদেমিসিয়মশিং, লৈবাক অমদি কম্ম্যুনিতী থাক্কী স্কুল অমসুং কোলেজকী মহৈরোয়শিংগা লোয়ননা মশক নাইবা মীওইশিংনা থৌরম অসিদা শরুক য়াগনি।

নুমিৎ হুমনিগী ইন্তর্নেস্নেল ম্যুজিয়ম এক্সপো অসিনা তোঙান-তোঙানবা থিমগী ম্যুজিয়মশিংদা মীৎয়েং চংগনি, মখোয় অসিবু ৱার্কশোপশিং, সেমিনারশিং, মাস্তর ক্লাসশিং, পেনেল দিস্কসনশিং অমসুং অতোপ্পা ইভেন্তশিংগী খুত্থাংদা এক্সপ্লোর তৌগনি। ক্রোস-দিসিপ্লিনরী লর্নিং অমসুং কোল্লাবোরেসনগীদমক অখন্নবা খুদোংচাবা অমা পীরিবা এক্তিবিতীশিং অসিদা ইন্তর্নেস্নেল ম্যুজিয়ম প্রোফেস্নেলশিং, দিপ্লোমেৎশিং, ক্যুরেতরশিং, কনসল্তেন্তশিং, একাদেমিসিয়নশিং অমসুং মালেমগী তোঙান-তোঙানবা লমশিংদগী মহৈরোয়শিংনা শরুক য়ানবা বর্তন তৌখি।

প্রেস কনফরেন্স অসিদা ৱাংলদুনা কলচর মন্ত্রালয়গী জোইন্ত সেক্রেতরী, মুগধা সিনহানা হায়খি, “ম্যুজিয়মগী মতাংদা পোলিসী শেম্বদা রিকম্মেন্দেসনশিং ইনকোর্পোরেৎ তৌনবা  পাম্বৈ অমা ওইনা ম্যুজিয়ম স্তেকহোল্দরশিং অমসুং প্রোফেস্নেলশিংগা লোয়ননা ওল-রাউন্দ কনভর্জেসন অমা হৌনবা অমসুং সিনর্জিস্তিক অমদি কম্প্রিহেন্সিব ওইবা মওং অমদা পিপল প্রোগ্রামিং অমসুং ম্যুজিয়ম প্রোফেস্নেলশিংদা য়ুম্ফম ওইরগা ম্যুজিয়মশিং শেমগৎনবা ইন্তর্নেস্নেল ম্যুজিয়ম এক্সপো অমা শিনবা ঙম্বা অসি অচৌবা খুদোংচাবা অমনি”।

এক্সপো অসিগী মরু ওইবা ফীচরশিংগী মনুংদা মাস্তরক্লাস ৭ অমসুং পেনেল দিস্কসন ১১ নুমিৎ হুমনি অসিদা পাঙথোক্কনি। মাস্তরক্লাসশিং অসিনা লেক-দেম ফোর্মেৎ অমদা গ্লোবেল এক্সপর্তশিংনা লমজিংদুনা ম্যুজিয়ম স্পেসশিং মথৌ তৌবগা মরী লৈনবা অখন্নবা হীরমশিংদা ৱা ঙাংগনি। পেনেল দিস্কসন অসিদা ভারত অমসুং ইন্তর্নেস্নেল ম্যুজিয়ম এক্সপর্তশিং অমসুং কনসল্তেন্তনা অনকনভেনস্নেল ম্যুজিয়মশিং, ম্যুজিয়মশিংগী ফাইনান্সিএল অমসুং এনভাইর্নমেন্তেল সস্তেনেবিলিতীগুম্বা হীরমশিং খন্নগনি। রাজ্যগী কলচর মন্ত্রী ১২না বিজন ২০৪৭ হায়না মীংথোনবা মিনিস্ত্রিএল পেনেল অমদা মখোয়গী রাজ্যদা ম্যুজিয়মশিং চাউখৎহন্নবগী মখোয়গী বিজনগী মতাংদা খন্নগনি। মসিগী মথক্তা সেক্রেতরিএল পেনেল অসিদা ম্যুজিয়মগী ফন্দ, ক্যুরেৎ অমসুং দিবেলপ তৌবা অতোপ্পা মন্ত্রালয়/বিভাগশিংদগী জি.ও.আই. সেক্রেতরী নত্ত্রগা সেক্রেতরীগা থাক মান্নবা ৯না শরুক য়াবা উবা ফংগনি।

এক্সপোগী অখন্নবা কম্পোনেন্ত অমা ওইরিবা তেক্নো মেলা অসি ম্যুজিয়মশিইং অমসুং স্পেসিএলাইজ সর্ভিসশিং পীরিবা তেক্নিকেল ভেন্দরশিংগী মরক্তা বি২বি নেৎৱার্কিং শেম্নবা দিজাইন তৌখি। হীরমশিং অসিদা লাইতিং অমসুং তেক্নিকেল ইক্বিপমেন্ত ভন্দরশিং য়াওগনি লোয়ননা জাতিগী থাক্তগী কম্ম্যুনিতী থাক ফাওবদা লৈরিবা ম্যুজিয়মশিং উৎকনি। ভেন্দর/ইন্সতিত্যুসন ৫৫+গী মনুংদা সেগমেন্ত অসিদা শরুক য়ারিবা মরু ওইবা পার্তিসিপেন্তশিংদা ইন্দিয়ন নেভী, নেস্নেল রেল ম্যুজিয়ম, আই২আই কনসল্তিং, অত্তাহ ইনফোরেক, ভারাহা, লায়ন ইন্দিয়া গোদ্রেজ, দিকোন লাইতিং য়াওরি।

অরোইবদা মহৈরোয় ১০০+না নুমিৎ ৩গী ইন্তেন্সিব ওন কনজর্বেসনগীদমক সাইন অপ তৌরকখি, মসিদা মখোয়না পেপর, তেক্সতাইল্স, পেপর অমদি তেক্সিদর্মীগী প্রিবেন্তিব কনজর্বেসনগী মতাংদা তমশিনগনি। মখোয়বু লম অসিদা লৈরিবা কেরিয়রগী খুদোংচাবা অমসুং এমপ্লোয়রশিংগী মতাংদসু খঙহনগনি।

******