ঙসি প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ইন্সিতিতুৎ ওফ চার্তর একাউন্তেন্তস ওফ ইন্দিয়া (আই সি এ আই) অমসুং চার্তর একাউন্তেন্তস ওফ মালদিবস (সি এ মালদিবস) অনিগী মরক্তা মেমোরেন্দম ওফ অন্দর্সতেন্দিং খুৎয়েক পীনবা অয়াবা পীরে।

অকুপ্পা মরোলশিং:

ইন্সিতিতুৎ ওফ চার্তর একাউন্তেন্তস ওফ ইন্দিয়া অমসুং চার্তর একাউন্তেন্তস ওফ মালদিবসনা একাউন্তিংগী লৌশিং হেনগৎহন্নবা, শীনফম অসি ফগৎনবা, মখোয় মখোয়গী মেম্বরশিংগী য়াইফনবা থবক তৌনবা অমসুং মালদিবস অমসুং ভারত্তা একাউন্তেন্সিগী শীনফম চাউখৎনবা অমনা অমগী মতেং পাংন্নবা পান্দম থম্লি।

ইথিল:

এম.ও.য়ু অসিনা সি.এ মালদিবস মতেং পাংবগী মথক্তা অতেনবা মতমদগী হৌরগা অশাংবা মতম ফাওবদা আই.সি.এ.আই মেম্বরশিং মালদিবসতা থবক তৌনবগী খুদোংচাবা পীবদা মতেং পাংগনি। এম.ও.য়ু অসিগা লোয়ন্না, একাউন্তিং শীনফম অসিদা মালদিবসকী মতেং পাংবা হেনগৎহনগনি অমসুং লৈবাক শীনবা থুংনা লৈরিবা তোঙান-তোঙানবা লুপশিংদা আই.সি.এ.আই মেম্বরশিংনা ময়াইদগী হৌরগা মকোক থোংবা ফমশিং পায়রি অমসুং মসিনা লৈবাক অমগী লুপ অমগী ৱারেপ লৌবা/থৌশিল শেম্বদা ইথিল পীবা ঙমগনি।

কান্নবশিং:

এম.ও.য়ু অসিনা আই.সি.এ.আই মেম্বরশিং মখোয়গী শীনফম পাকথোক-চাউথোক্নবা খুদোংচাবা অমা পীগনি অমসুং অতোপ্পা লৈবাকশিংদা কেপাসিতি বিল্দিংগী থবক হেনগৎহনবদা আই.সি.এ.আইদা ইনোৎ পীগনি। এম.ও.য়ু অসিনা ভারত অমসুং মালদিবসকী মরক্তা থবক তৌমিন্নবগী মরী মপাঙ্গল কনখৎহনগনি। য়ানবা অসিনা লৈবাক অনিগী মরক্তা শীনফম অসিগী মীওইশিং চৎথোক-চৎশিন তৌবা হেনগৎহনগনি অমসুং মালেমগী ললোন-ইতিক্কী থবক্তা অনৌবা মাইওন অমা উবা ফংগনি।

লাল্লোংশিং অমসুং পান্দমশিং থবক ওইনা পাংথোকপা:

প্রোফেসনেল একাউন্তেন্সি ত্রেনিং, প্রোফেসনেল ইথিক্স, তেক্নিকেল রিছার্স, একাউন্তেন্তশিং শীনফম অসিদা ফগৎনবা হিরমশিংদা ইন্সিতিতুৎ ওফ চার্তর একাউন্তেন্তস ওফ ইন্দিয়া অমসুং চার্তর একাউন্তেন্তস ওফ মালদিবসনা মতেং পাংনবা হেনগৎহন্নবা এম.ও.য়ু অসিনা পান্দম থম্লি। অমনা অমগী ৱেবসাইতশিং শম্নদুনা, সেমিনারশিং, কনফরেন্সশিং অমসুং মহৈরোয়শিং একচেঞ্জ প্রোগ্রামশিং পাংথোক্তুনা অমসুং ইন্সিতুতুৎ অনিমক কান্নবা ফংগদবা অতোপ্পা অপুনবা থবকশিং পাংথোক্তুনা মতেং পীনবা হেনগৎহন্নবা এম.ও.য়ু অসিনা পান্দম থম্লি। ভারত অমসুং মালদিবসতা একাউন্তেন্সি শীনফম অসি চাউখৎনবা মতম মতমগী অনৌবা লৌশিং হেনগৎহন্নবা খুদোংচাবা এম.ও.য়ু অসিনা পীগনি। লৈবাক ১৩৫দা মেম্বর ১৮০ হেন্না লৈরিবা একাউন্তেন্সি শীনফম অসিদা মালেমগী ওইনা মাঙজিল থারিবা ইন্তরনেসনেল ফেদেরেসন ওফ একাউন্তেন্তস(আই এফ এ সি)গী মেম্বর অমা ওইবা সি.এ মালদিবসনা পাম্লি। সি.এ মালদিবস আই.এফ.এ.সিগী মেম্বর অমা ওইনবা আই.সি.এ.আইনা সি.এ মালদিবসকী তেক্নিকেল ওইবা থবকশিং মতেং পাংগনি।

নুঙগীৱারোল:

ভারত্তা চার্তর একাউন্তেন্তসকী শীনফম অসিগী কাংলোন শেম্নবা চার্তর একাউন্তেন্তস এক্ত,১৯৪৯গী মখাদা স্তেচুতোরি বোদি অমা ওইনা ইন্সিতিতুৎ ওফ চার্তর একাউন্তেন্তস ওফ ইন্দিয়া লিংখৎখিবনি। চার্তর একাউন্তেন্তসকী শীনফম অসি মখা তানা ফগৎনবা তাকপী-তম্বীবা, শীনফম অসি চাউখৎহনবা, একাউন্তিং, ওদিতিং অমসুং ইথিকেল স্তেন্দার্দশিং অৱাংবা থাক্তা থম্নবা হিরমদা ইন্সিতিতুৎ ওফ চার্তর একাউন্তেন্তস ওফ ইন্দিয়ানা য়াম্না চাউবা থৌদাং লৌরি।

****