কেন্দ্রগী অয়ুস অমদি পোর্ত, সিপ্পিং অমসুং ৱাতরৱেজ মন্ত্রী শ্রী সর্বনন্দ সোনোৱালনা নোর্থ ইস্তর্ন ইনস্তিত্যুৎ ওফ অয়ুর্বেদ এন্দ হোমিওপেথী (এন.ই.আই.এ.ঐচ.)গী কেপাসিতী হেনগৎহন্নবগীদমক প্রোজেক্ত ২গী শরুক অমা ওইনা অনৌবা বিল্দিং তরুক শঙ্গাখ্রে‍। হায়রিবা অনৌবা বিল্দিংশিং অসি শাবগী শেনফম লুপা করোর ৬০ হেল্লি‍।

থৌরমদুদা ৱা ঙাঙলদুনা, শ্রী সর্বনন্দ সোনোৱালনা মকোক থোংবা ইনস্তিত্যুৎ অসি পাকথোক চাউথোকহনবনা লমদম অসিদা মহৌশাগী লায়েং পথাপকী শক্লোন হেন্না পাকথোক চাউথোকহনবদা মরুওইবা থৌদাং লৌগনি হায়খি‍। লাক্কদৌরিবা চহিশিংদা ঐখোয়না লৈবাকসিগী হেল্থকেয়র সোলুসন দেলিভরী সিস্তেমদা ইন্তিগ্রেতিব মেদিসিনগী অচৌবা শক্লোন উবা ফংই‍। হায়রিবা অনৌবা বিল্দিংশিং অসিগী খুত্থাঙদা লৈঙাক্না শেল থাদরিবা অসিনা লৈবাক অসিগী লমদম অসোমদা মহৌশাগী লায়েং পথাপ অমুক হিঙ্গৎহন্নবগী ঐখোয়গী থৌরাং হেন্না চেৎশিনহল্লগনি‍। এন.ই.আই.এ.ঐচ.না মশাগী ওইবা এম্বুলেন্স সর্ভিসসু অথুবা মতমদা হৌদোক্লগনি হায়না মন্ত্রীনা লাউথোকখি‍।

মহৌশাগী লায়েং পথাপ্তা অৱাং নোংপোক্কী থৌদাংগী মরমদা ৱা ঙাঙলদুনা, “ঐখোয়গী অৱাং নোংপোক অসি ঐখোয়বু মাগী মহৌশাগী ওইবা লনশিংনা মীরোল কয়া লায়েংদুনা লাক্লিবা মালেম ইমানা লনকুবিবা লমদম্নি‍। মসিনা মীওই কয়া অমবু মতেং পাংনবা অমদি মখোয়বু হেন্না ফবা পুন্সি মহিং অমা ফংহনবদা মতেং পাংনবগীদমক ঐখোয়না থৌওং অসিবু মাঙদা পুখৎপা পাম্মী‍। প্রধান মন্ত্রী মোদী জীগী মঙলানদি কান্নবা অমদি মতিং লৈবা হেল্থকেয়র দেলিভরী সিস্তেম অমা শেমগৎপনি‍। মহৌশাগী হিদাক কাঙলোনগী মরমদা থিজিনবগী মঙম পাকথোক চাউথোকহন্নবা অমদি সাইন্তিফিক ওইবা য়ুম্ফম অমা শেমগৎনবগী লমদা লেপ্পা লৈতনা হোৎনদুনা, ঙসি শঙ্গারিবা অনৌবা বিল্দিং তরুক অসিনা এন.ই.আই.এ.ঐচ.না হায়রিবা পান্দম অসি ফংনবগী মায়কৈদা মরুওইবা থৌদাং অমা লৌগনি হায়না ঐনা থাজৈ,” হায়না সর্বনন্দ সোনোৱালনা মখা তাখি‍।

এন.ই.আই.এ.ঐচ. অসিদা মীয়াম্না হেন্না ফবা মহৈ অসুম অসুম হেন্না ফংলকপগা লোয়ননা লায়েংশঙ অসিদা লাকপা অনাবা মশিং তপ্না তপ্না হেনগৎলকপা উরি‍। শেনবা চহি ২০২২-২৩দা, লায়েংশঙ অসিগী ও.পি.দি. ক্লিনিক্তা অনাবা মীওই ৫২,০৮৮ লাকখি অদুগা লায়না কোক্নবা অমদি ফগৎলক্নবগীদমক আই.পি.দি.দা অনাবা মীওই ৫০৪ এদমিত তৌরকখি‍। অয়ুর্বেদকী লমদা, এন.ই.আই.এ.ঐচ.গী ও.পি.দি. ক্লিনিক্তা অনাবা মীওই ৩৬,৬৮৩ অমদি য়ুনিভর্সিতী অসিগী আই.পি.দি. সেক্সন্দা অনাবা মীওই ৪৮২ মিং চল্লকখি‍। হোমিওপেথীগী ও.পি.দি. ক্লিনিক্তা লাকখিবা অনাবা মীশিংনা ১৯,৩৯৭ অদুগা অনাবা মীওই ২২না মিং চল্লকখি‍। হায়রিবা মতমসিদা এন.ই.আস.এ.ঐচ.না হেল্থ কেম্প ৩৫ অমদি সি.এম.ই. (কন্তিনুইং মেদিকেল এজুকেসন) ৪ পাঙথোকখি‍।

অনৌবা বিল্দিং তরুক অসিদা মীওই ১০৪ লৈবা চনবা নুপামচাশিংগী হোস্তেল অমা, মীওই ১০৪ লৈবা চনবা নুপীমচাশিংগী হোস্তেল অমা, তাইপ ৩ ক্বার্তর য়ুনিৎ ৮, তাইপ ৪এ ক্বার্তর য়ুনিৎ ৬, তাইপ ৪বি কম দাইরেক্তর্স রেসিদেন্স য়ুনিৎ ৭, য়ুনিৎ ২৫ লৈবা সেনিয়র রেসিদেন্ত হোস্তেল অমা, অমদি কা ১৯ অমসুং সুইত ২ লৈবা গেস্ত হাউস অমা য়াওরি‍। বিল্দিংশিং অসি চাউরাক্না লুপা করোর ৬০.১৬ চঙনা শাখিবনি‍।

থৌরম অদুদা গেস্ত ওফ ওনর ওইনা দোক্তর মেজেল অম্বারীন লিংদোহ, হকশেল অমদি য়াইফ য়ুম্বাল মন্ত্রী, মেঘালয় লৈঙাক লোয়ননা এ.এল. হেক, এনিমেল হজবেন্দ্রী অমদি ভেতিরিনরী মন্ত্রী, মেঘালয় লৈঙাক্না শরুক য়াখি‍। প্রোফেসর প্রভা সঙ্কর সুক্লা, ভাইস চাঞ্চেলর, নোর্থ ইস্তর্ন হীল য়ুনিভর্সিতী (নেহু); প্রোফেসর (দোক্তর) নলিন মেহতা, দাইরেক্তর, নোর্থ ইস্তর্ন ইন্দিরা গান্ধী রীজনেল ইনস্তিত্যুৎ ওফ হেল্থ এন্দ মেদিকেল সাইন্সেস (নৈগ্রিম্স) অমদি দোক্তর নীতা মহেসেকর, দাইরেক্তর, এন.ই.আই.এ.ঐচ.সু থৌরমদুদা শরুক য়াখি‍।

একাদমিক্কী লমদা, এন.ই.আই.এ.ঐচ.না বেচেলর ওফ অয়ুর্বেদ মেদিসিন এন্দ সর্জরী (বি.এ.এম.এস.) অমদি বেচেলর ওফ হোমিওপেথিক মেদিসিন এন্দ সর্জরী (বি.ঐচ.এম.এস.)তা অন্দরগ্রেজুএত বেত্চ তরুক হান্ননা লৌখ্রে‍। ২০১৬-১৭দা মহৈরোয় ৫০ লৈরম্বদগী, হৌজিক বেত্চ অমমমদা মহৈরোয় লৌশিনবগী চাং ৬৩দা হেনগৎলে‍। কোর্সশিং অসি নোর্থ ইস্তর্ন হীল য়ুনিভর্সিতী (নেহু), সিলোং, মেঘালয়দা এফিলিএত তৌবনি‍।

নোর্থ ইস্তর্ন ইনস্তিত্যুৎ ওফ অয়ুর্বেদ এন্দ হোমিওপেথী (এন.ই.আই.এ.ঐচ.) অসি ভারত লৈঙাক্কী অয়ুস মন্ত্রালয়গী মখাদা লৈবা মনিং মখা তম্বা ইনস্তিত্যুৎ অমনি‍। এন.ই.আই.এ.ঐচ. অসি অয়ুর্বেদ অমদি হোমিওপেথী সিস্তেম ওফ মেদিসিনগী মখাদা অৱাং নোংপোক লমদম অমদি সিক্কিমগী মীয়ামদা হকশেলগী খুদোংচাবশিং ফংহন্নবগীদমক লিংখৎখিবনি‍। ইনস্তিত্যুৎ অসিনা হৌজিক মাগী এতেচ হোস্পিতাল অসিগা লোয়ননা অয়ুর্বেদকী কলেজ অমা অমদি হোমিওপেথীগী কলেজ অমা চলাইরি‍। ইনস্তিত্যুৎ অসিনা হৌজিক ফমুং ৬০ লৈবা অয়ুর্বেদিক অমদি ফুং ২০ লৈবা হোমিওপেথিক হোস্পিতাল অমমম চলাইরি‍।

এন.ই.আই.এ.ঐচ. কেম্পসতা লৈরিবা লায়েংশঙ অসি প্রাইভেৎ ৱার্দ, লেবর রুম, ওপরেসন থিএতর, য়োগ সেন্তর, ফিজিওথেরাপী য়ুনিৎ, পঞ্চকর্ম য়ুনিৎনচিংবশিং মতিক চানা লৈ‍। ই.সি.জি., য়ু.এস.জি., এক্স-রে, লেবোরেতরী, নারী তরঙ্গনিনচিংবা ইনভেস্তিগেসন ফেসিলিতীশিংসু ইনস্তিত্যুৎ অসিদা ফংলি‍। ইনস্তিত্যুৎ অসিদা অয়ুর্বেদকী ও.পি.দি. ৭ অমদি হোমিওপেথীগী ও.পি.দি. ৫ লৈ‍। মফমসিদা অয়ুর্বেদকী ফমুং ৬০ অমদি হোমিওপেথীগী ফমুং ২০ লৈবা মপুং ফাবা আই.পি.দি. অমসু লৈরি‍। ইনস্তিত্যুৎ অসি লম একর ২০ পাক চাউবা মফম অমদা লৈবনি‍।

*******

(Release ID: 1925712) Visitor Counter : 90