Ka jingshngain jong ki nongpyndonkam kalong ka bynta ba kongsan jong ka thong Digital India jong u Myntri Rangbah duh, u Narendra Modi. Ban pynurlong ia kane ka thong, u Ashwini Vaishnaw, Myntri sorkar pdeng ba dei khmih ia ki Tnat Communications, Railways and Electronics & IT, u la pyllait ia ka rynsan Sanchar Saathi mynta ka sngi.

Ha ka jingai jingkren ha ka jingialang, u Ashnini Vaishnaw u la ong ba la wanrah lai tylli ki jingpynkylla mynta ka sngi ban pyniar shuh shuh ia ka thong jong u Myntri Rangbah duh:

1. CEIR (Central Equipment Identity Register) – ban block ia ki mobile ba jah/ shah tuh.
2. Know your mobile connections – ban tip ia ki connection mobile hapoh ka kyrteng jong phi.
3. ASTR (Artificial Intelligence and Facial Recognition powered Solution for Telecom SIM Subscriber Verification) – ban ithuh ia ki subscriber thok.

U Myntri u la ong ba ki kam thok bapher bapher kum ka jingithuh ia ki kyrteng briew, ka KYC ba thok, ki jingthok ba iadei bad ki kam bank ki lah ban jia da kaba pyndonkam bakla ia ki mobile phone. La shna ia kane ka rynsan ban iada na kum kine ki kam thok. U la ong ba ka jingshngain jong ki nongpyndonkam kalong ka bynta ba kongsan ruh jong ka draft Telecom bill.

Da kaba pyndonkam ia ka rynsan Sanchar Saathi, la lah ban ithuh palat 40 lak ki connection thok bad palat 36 lak kum kine ki connection la weng noh haduh mynta.

U Ashwini Vaishnaw u la kyntu ia ki nongpyndonkam ban peit ia ka rynsan bad shim ia ki jingshakri. Ka Link jong ka rynsan kalong (https://sancharsaathi.gov.in).

Katto katne shaphang ka rynsan Sanchar Saathi kalong kumne harum.

Katto katne shaphang ka sienjam Sanchar Saathi

Lyngba 117 klur ki nongiashim bynta, ka India ka la long kaba ar ka jingiar ha ki kam telecom ha kylleng ka pyrthei. Nalor ka jingiakren, la pyndonkam ia ki mobile phone na ka bynta ki kam bank, ki kam pynbyrnia, e-learning, ki kam ai jingsumar, ka jingioh ia ki jingmyntoi na ka sorkar bad kiwei kiwei.

Kumta kalong kaba kongsan ban iada ia ki nongpyndonkam na ki kam thok bapher bapher kum ka jingthuh ia ki kyrteng briew, ka KYC ba thok, ka jingtuh ia ki mobile phone, ka jingthok ha ki kam ba iadei bad ka bank bad kiwei kiwei.

Ban iada ia ki nongpyndonkam, ka Tnat Telecom ka la shna ia ka rynsan kaba iadei bad ki paidbah ba la tip kum ka Sanchar Saathi, ka ailad ia ki nongshong shnong ban:

• Peit ia ki connection hapoh ka kyrteng jong ki
• Ban pyntip ia ki kam thok lane ki connection bym donkam
• Ban block ia ki mobile phone kiba la shah tuh/jah
• Ka jingpeit ia ka jingthikna ka IMEI hashuwa ban thied ia ka mobile phone

La saindur ia ka rynsan baroh kawei da ka Tnat Telecom. Ka don ia kine ki module harum.

Centralized Equipment Identity Register (CEIR):

• Haba jah ne shah tuh mobile, u trai u lah ban ai ia ka IMEI ha kane ka rynsan.
• Hadien kane la pynshisha ia ka jingai jingtip ha ryngkat ka kot ai jingujor sha ki pulit.
• Kane ka rynsan ka iasoh bad ki Telecom Service Provider bad ki kynhun kiba peit ia ka jingpyntreikam ia ka ain.
• Shisien ba la pynshisha ia ki jingai jingtip, ka rynsan ka khang ia ki mobile ba shu tuh bad ym lah ban pyndonkam ia ki ha ki network ka India.
• Haba don mano mano ba pyrshang ban pyndonkam ia ka mobile ba shu tuh, kane ka rynsan ka plié lad ia kito kiba peit ia ka jingpyntreikam ia ka ain ba kin buddien ia ka mobile.
• Haba ioh biang ia ka mobile ba la jah ne shah tuh, lah ban weng noh ia ka jingkhang lyngba kane ka rynsan.
• Kane ka rynsan ka iada na ka jingpyndonkam ia ki mobile ba la jah ne shah tuh.
• Ka khang ruh ia ki mobile bym biang IMEI ba kin treikam ha ki network ba don ha India.

Tip shaphang ka mobile jong phi

• Ka plié lad ia ki briew ba kin pynthikna ia ka IMEI jong ki mobile jong ki.

Telecom Analytics for Fraud Management and Consumer Protection (TAFCOP)

• Ka plié lad ia ki briew ba kin peit ia ki connection mobile ba la shim hapoh ka kyrteng jong ki da kaba pyndonkam ia ki kot ki sla.
• Ki briew ki ai ka mobile number jong ki ha ka rynsan bad ki pynshisha lyngba u OTP.
• Ka rynsan ka pyni katno tylli ki connection ki don hapoh ka kyrteng jong u briew da kaba pyndonkam ia ki kot ki sla (kum ka Aadhar, passport bad kiwei kiwei.)
• Kane ka rynsan ka plié lad ia ki briew ban ai jingtip shaphang ka jingshim thok ia ki connection.
• Ka plié lad ruh ia ki briew ba kin khang ia ki connection bym donkam.
• Shisien ba la ai jingtip da ki briew, ka rynsan ka sdang ia ka kam pynshisha bad hadien kane sa pynduh ia ki connection.

ASTR (Artificial Intelligence and Facial Recognition powered Solution for Telecom SIM Subscriber Verification)

• Ki Mobile connection ba la ioh da kaba ai ia ki kot ki sla ba thok kiba la pyndonkam pat ban leh ia ki kam beain.
• Ban tehlakam ia kane, ka tnat Telecom ka la saindur ia ka atiar ba iaid da ka AI – ASTR ban ithuh ia ki SIM ba la ai da kaba pyndonkam da ki kot ki sla ba thok.
• Ka ASTR ka pyndonkam ia ki rukom treikam bapher bapher kiba iadei bad ka jingithuh dur khmat bad ka data analytics.
• Ha ka bynta kaba nyngkong la peit ia ki connection ba la ai da ki kot ki sla ha ka KYC.

Ki jingjop haba pyndonkam ia ka ASTR

• Ha ka bynta kaba nyngkong, la peit ia palat 87 klur ki mobile connection.
• Na ka bynta kane ka kam kaba iar bha, la pyndonkam da ka Param-Sidhhi Supercomputer.
• La lap shibun ki por ba la pyndonkam tang kawei ka dur ban ioh da ki spah tylli ki connection.
• La lap ia 40.87 lak tylli ki mobile connection ba don jingsuba.
• Hadien ka jingpynshisha, la pynduh haduh 36.61 Lak tylli ki connection. Dang peit ia kiba dang sah.
• 40,123 tylli ki Point of Sale (PoS) kiba iadon kti bad ka jingdie ia kum kine ki mobile connection, ki dei kiba la shah kyntait da ki service provider bad la ai jingujor palat 150 tylli ki FIR ha baroh kawei ka India.
• Ia ki jingtip shaphang ki mobile number ba la shah pynsangeh la iasam bad ki bank, ki payment wallet bad ki rynsan social media khnang ba kin weng noh ia kine ki number na ki account jong ki.

******