پہلے اے ایس آئی گووند سوروپ لائف ٹائم اچیومنٹ ایوارڈ کے سب سے زیادہ موزوں وصول کنندہ پروفیسر جینت وی نارلیکر ہیں، جو ایک ماہر فلکیات ہیں، آئی یو سی  اے اے  ، پونے کے بانی ڈائریکٹر اور اے ایس آئی کے سابق صدر بھی ہیں۔ اگرچہ ایوارڈ کا اعلان اس سال کے شروع میں آئی آئی ٹی اندور میں منعقدہ اے ایس آئی  کی 41  ویں میٹنگ میں کیا گیا تھا، پروفیسر نارلیکر اسے وصول کرنے کے لیے سفر کرنے سے قاصر تھے۔ اے ایس آئی کے صدر پروفیسر دیپانکر بنرجی ذاتی طور پر پروفیسر نارلیکر کو ایوارڈ دینے اور ان کی تعظیم کے لیے پونے میں تھے۔

اس موقع پر، پروفیسر بنرجی نے کہا،‘‘اگرچہ ان کے کام کے دائرے وسیع پیمانے پر مختلف تھے، لیکن پروفیسر سوروپ اور پروفیسر نارلیکر دونوں  نسلوں کی  تربیت کی سمت میں مثالی اداروں کی تعمیر اور تربیت کے لیے زبردست کوششیں کرتے ہوئے ملک میں فلکیات اور فلکی طبیعیات کی ترقی کے لیے پرعزم رہے۔ وہ دونوں آنے والی نسلوں کے لیے نمایاں رول ماڈل کے طور پر کام کرتے رہیں گے’’۔

  یہ ایوارڈ ہمارے پیارے استاد جینت کو دینا میرے لیے اعزاز کی بات ہے۔ این سی آر اے کے ساتھیوں نے بھی پروفیسر نارلیکر کو مبارکباد دی ہے اور خوشی ہے کہ یہ ایوارڈ، ان کے بانی کے نام سے منسوب، پروفیسر نارلیکر کو دیا گیا ہے، جو ساتھ ساتھ کام کرنےو الے ادارے آئی یو سی اے اے کے بانی ہیں۔

پروفیسر آر سریانند، ڈائریکٹر، آئی یو سی اے اےنے کہا، ‘‘ہمیں خوشی ہے کہ آئی یو سی اے اے  میں پروفیسر جینت نارلیکر کو سال 2022 کے لیے  اے ایس آئی  کے گووند سوروپ لائف ٹائم اچیومنٹ ایوارڈ سے نوازا گیا ہے۔ یہ واقعی ایک بہت ہی خاص لمحہ ہے۔ ایک نسل کے روشن ترین  وسائل  سازوں میں سے ایک کے نام سے منسوب یہ ایوارڈ اسی نسل کے سب سے متاثر کن ماہر آفاقیات( کاسمولوجسٹ) کو دیا گیا ہے۔ پروفیسر نارلیکر نے اپنی زندگی کائنات کے مطالعہ کے لیے وقف کر رکھی ہے، جس میں فلکی طبیعیات کے مختلف پہلوؤں بشمول نارلیکر ہوائل تھیوری میں اپنا کردار ادا کیا ہے۔ انہوں نے اپنی مقبول باتوں، فلموں اور کتابوں سے کئی نسلوں کو بھی متاثر کیا ہے۔

پروفیسر نارلیکر ہندوستان میں کاسمولوجی ریسرچ شروع کرنے والے پہلے لوگوں میں شامل تھے۔ انہوں نے ہندوستانی یونیورسٹیوں میں فلکیات کے نصاب اور تحقیق کو نیو کلیائی  بنانے اور پھیلانے کے لئے اس مقصد کے لئے وقف ایک مرکز بنانے کا خیال پیش کیا۔ ان کا خواب ان کی محنت سے آئی یو سی اے اے  کے قیام سے پورا ہوا۔ وہ کئی دہائیوں سے نوجوان خواہش مند ذہنوں کے لیے ایک تحریکی شخصیت رہے ہیں۔ سائنس اور  رابطہ کاری  میں ان کی مسلسل فعال شمولیت ہم سب کے لیے ایک تحریک ہے۔

سال 2022 میں، جیسا کہ اس نے اپنی گولڈن جوبلی منائی، ہندوستان کی فلکیاتی سوسائٹی (اے ایس آئی ) نے نامور ہندوستانی فلکیات دانوں کو ان کے کیریئر کے دوران ہندوستان میں فلکیات اور فلکی طبیعیات کے میدان میں دیے گئے تعاون کو تسلیم کرنے کے لیے گووند سوروپ لائف ٹائم اچیومنٹ ایوارڈ قائم کیا۔ . یہ ایوارڈ پروفیسر گووند سوروپ (1929-2020) کے اعزاز میں رکھا گیا ہے۔ پروفیسر سواروپ کو بڑے پیمانے پر ہندوستانی تابکاری  فلکیات کا بانی مانا جاتا ہے۔ انہوں نے اوٹی ریڈیو ٹیلی اسکوپ (او آر ٹی )  اور جائنٹ میٹرویو ریڈیو ٹیلی سکوپ (جی ایم آر ٹی)  کی تعمیر کا تصور پیش کیا اور اس کی قیادت ہندوستانی ماحول کے لیے بہتر بنائے گئے اختراعی، سرمایہ کاری مؤثر خیالات کا استعمال کرتے ہوئے کی۔ وہ ایک صاحب بصیرت شخص تھے  اور اسکوائر کلومیٹر ایرے(ایس کے اے) کے سب سے مضبوط ابتدائی حامیوں میں سے ایک تھے۔ وہ نیشنل سینٹر فار ریڈیو ایسٹرو فزکس(این سی آر اے) پونے کے بانی ڈائریکٹر تھے۔ سائنس ایجوکیشن انسٹی ٹیوٹ کا فریم ورک جسے انہوں نے پروفیسر وی جی بھیڈے کے ساتھ تیار کیا اور تجویز کیا تھا، انڈین انسٹی ٹیوٹ آف سائنس ایجوکیشن اینڈ ریسرچ(آئی آئی ایس ای آر) کی شکل میں سامنے آیا ہے جو اب پورے ملک میں قائم ہو چکے ہیں۔ ایوارڈ میں ایک توصیفی  سند ، لوح ، اور نقد انعام ہے۔ اے ایس آئی اس ایوارڈ کے لیے پروفیسر سوروپ کے خاندان کے فراخدلانہ تعاون کا اعتراف کرتا ہے۔

رابطے:

پروفیسر دیپانکر بنرجی (اے ایس آئی )  - dipu@aries.res.in، 94489 08461

پروفیسر نشانت سنگھ(آئی یو سی اے اے) - nishant@iucaa.in، 80806 22537

پروفیسر دیویا اوبرائے(این سیح آر اے ) - div@ncra.tifr.res.in، 94040 59818

پروفیسر جے وی نارلیکر کا ویب صفحہ - https://web.iucaa.in/~jvn/

*************

ش ح ۔ س ب ۔ رض

U. No.5126