(آزادانہ چارج) سائنس اور ٹیکنالوجی ، (آزادانہ چارج) ارضیاتی  سائنسز؛ پی ایم او، عملہ، عوامی شکایات، پنشن، ایٹمی توانائی اور خلا کے مرکزی وزیر مملکت ڈاکٹر جتیندر سنگھ نے آج کہا کہ ٹیکنالوجی پر مبنی حکمرانی مودی حکومت کے 9 برسوں کی پہچان رہی ہے۔

مسوری میں لال بہادر شاستری نیشنل اکیڈمی آف ایڈمنسٹریشن (ایل بی ایس این اے اے)میں آئی اے ایس افسران کے لیے مڈ کیرئیر ٹریننگ پروگرام کے شرکاء سے کلیدی خطاب کرتے ہوئے وزیر موصوف  نے کہا کہ اس حکومت کے اقتدار میں آنے کے فوراً بعد، وزیر اعظم جناب  نریندر مودی نے ‘زیادہ سے زیادہ حکمرانی ، کم سے کم حکومت’ اور اسے ممکن بنانے کے لیے  ٹیکنالوجی کے بڑھتے ہوئے استعمال کو مسلسل آگے بڑھایا۔

ڈاکٹر جتیندر سنگھ نے کہا کہ ایک طرف مودی سرکار نے خود کی تصدیق یا انٹرویوز کو ختم کرتے ہوئے آسان حکمرانی کے توسط سے زندگی میں آسانی پیدا کرنے کی کوشش کی ہے، وہیں دوسری طرف حکومت بھی سرکاری ملازمین کے لیے کام کے ماحول  کو بہتر بنانے کی کوشش کر رہی ہے۔ ۔ مثال کے طور پر، انہوں نے بدعنوانی کی روک تھام کے ایکٹ 1988 کا حوالہ دیا، جس میں مودی حکومت نے 30 سال بعد 2018 میں ترمیم کی تھی جس میں رشوت لینے کے علاوہ رشوت دینے کے ایکٹ کو بھی مجرم قرار دینے سمیت متعدد نئی دفعات متعارف کرائی گئی تھیں اور افراد کے ساتھ ساتھ کارپوریٹ اداروں کی طرف سے اس طرح کی کارروائیوں کے لیے ایک مؤثر روک تھام کا عمل تیار کیا گیا ہے۔ انہوں نے کہا کہ اس کے ذریعے افسران کے بے جا ہراساں سے بچا جا سکتا ہے۔

اسی طرح افسران کو ان کے کردار کے بارے میں مزید پراعتماد بنانے کے لیے، ڈاکٹر جتیندر سنگھ نے کہاکہ مشن کرمایوگی اور آئی جی او ٹی پلیٹ فارم متعارف کرایا گیا تھا جس کے تحت کوئی بھی افسر نئی اسائنمنٹ لینے کے لیے اپنے اندر فطری صلاحیت پیدا کر سکے گا۔ اس کے علاوہ  آپ کے متعلقہ کیڈر میں جانے سے پہلے پہلی بار 3 ماہ کے اسسٹنٹ سیکرٹریز کا عہدہ متعارف کرایا گیا ہے۔ وزیر موصوف  نے کہا کہ اس طرح آپ کو مرکزی حکومت کی ترجیحات کو جاننے اور سرپرستوں کو تیار کرنے کا موقع ملے گا۔

ٹیکنالوجی پر مبنی حکمرانی کے مزید اقدامات پر روشنی ڈالتے ہوئے، ڈاکٹر جتیندر سنگھ نے کہاکہ توقعاتی  ضلع اسی نوعیت کا ایک اور تجربہ تھا جہاں حکومت نے سائنسی بنیادوں پر فہرست سازی  کا فیصلہ کیا۔ ہمارے پاس ایک ڈیش بورڈ ہے جسے حقیقی وقت میں اپ ڈیٹ کیا جاتا ہے اور مسلسل مقابلہ ہوتا رہتا ہے اور یہ بالکل معروضی ہے۔

ڈاکٹر جتیندر سنگھ نے کہا کہ ایک اور بڑا کام  شکایات کا ازالہ ہے۔ شفافیت اور جوابدہی کے معیارات میں سے ایک شکایات کے ازالے کا طریقہ کار ہے۔ جب ہم نے 2014 میں سی پی جی آر اے ایم ایس متعارف کرایا تو ہمارے پاس ملک بھر میں ہر سال تقریباً 2 لاکھ شکایات درج ہوتی تھیں، آج ہمارے پاس تقریباً 20 لاکھ شکایتیں آتی  ہیں، جو 10 گنا زیادہ ہیں۔ یہ شکایات کے ازالے میں لوگوں کے بڑھتے ہوئے اعتماد کا نتیجہ ہے۔

وزیر موصوف نے کہا کہ شہریوں کی شرکت شروع ہو چکی ہے اور اس کی سب سے نمایاں مثالوں میں سے ایک سوامتیہ اسکیم ہے۔ یہ دیہی آباد (آبادی) علاقوں میں جائیداد کی واضح ملکیت کے قیام کی طرف ایک اصلاحی قدم ہےجس کے تحت  ڈرون ٹیکنالوجی کا استعمال کرتے ہوئے زمین کے پارسلوں کی نقشہ سازی اور قانونی ملکیت کارڈ (پراپرٹی کارڈز/ٹائٹل) کے اجراء کے ساتھ گاؤں کے گھریلو مالکان کو حقوق کا ریکارڈ فراہم کرنا ہے۔

ڈیجیٹل تبدیلی کے بارے میں مزید بات کرتے ہوئے وزیرموصوف نے کہا کہ فروری 2023 کے آخر تک مرکزی سیکرٹریٹ کی تمام 75 وزارتوں/ محکموں میں ای-آفس ورژن 7.0 کو اپنا لیا گیا ہے۔ یہ ایک قابل ستائش کامیابی ہے کہ تمام فائلوں میں سے 89.6 فیصد کو مرکزی سیکرٹریٹ  میں  ای فائلوں کے طور پر پروسیس کیا جاتا ہے۔

اختتام پر ڈاکٹر جتیندر سنگھ نے کہا کہ اب آنے والے 25 سالوں میں چیلنج یہ ہوگا کہ ٹیکنالوجی اور انسانی انٹرفیس کے درمیان بہترین توازن کیسے قائم کیا جائے اور دونوں کو ملا کر بہترین نتائج حاصل کرنے کے لیے مصنوعی ذہانت اور انسانی ذہانت کے درمیان توازن  کیسے قائم کیا جائے۔

وزیر موصوف نے کہا کہ اس حد تک اکیڈمی کا ایک اہم کردار ہے کیونکہ اس کے پاس ایسے نوجوان سرکاری ملازمین کو تربیت دینے کا مینڈیٹ ہے جو اگلے 25 سال تک سرگرم خدمات انجام دیں گے اور2047 میں  انہیں آزادی کے 100 سال کا جشن منانے کا اعزاز حاصل ہوگاجب وہ حکومت ہند میں اعلیٰ عہدوں پر فائز ہوں گے۔

اپنے خطاب میں، لال بہادر شاستری نیشنل اکیڈمی آف ایڈمنسٹریشن (ایل بی ایس این اے اے  ) کے ڈائریکٹر شری کے سری نواس نے کہا کہ اکیڈمی مشن کرمایوگی کے مطابق ہو گئی ہے۔

*************

ش ح۔ع ح ۔ رم

U-4934