مرکزی وزیر مملکت (آزادانہ چارج) سائنس اور ٹیکنالوجی؛ وزیر مملکت (آزادانہ چارج) ارضیاتی سائنسز؛ وزیر اعظم کے دفتر، عملہ، عوامی شکایات، پنشن، ایٹمی توانائی اور خلائی امور کے  وزیر  ڈاکٹر جتیندر سنگھ نے آج کہا کہ وزیر اعظم جناب نریندر مودی کے ذریعہ شروع کیے گئے ‘‘مشن کرم یوگی’’ نے صلاحیت سازی کے عمل کو ادارہ جاتی بنایا ہے، خاص طور پر سرکاری ملازمین کے فائدے کے لیے، جس کا مقصد 2047 کی صدی کے ہندوستان کی  تشکیل کرنا ہے۔

آئی جی او ٹی کرمشالہ 2023 – ایک مشاورتی ورکشاپ سے خطاب کرتے ہوئے، ڈاکٹر جتیندر سنگھ نے کہا، وزیر اعظم نریندر مودی کے نئے ہندوستان کے ہدف کو پورا کرنے اور اس کی خواہشات پر پورا اترنے کے لیے حکومت  میں ‘‘حکمرانی’’ سے‘‘کردار’’  میں تبدیلی کی ناگزیر ضرورت ہے۔ انہوں نے مزید کہا کہ اس  پورے  نقطہ نظر کے ذریعہ  گورننس کو نئی ثقافت دینے کی کوشش کی گئی ہے۔

وزیر موصوف  نے کہا کہ مشن کرم یوگی وزیر اعظم نریندر مودی کے اصلاح شدہ سول سروس کے وژن کے لیے پرعزم ہے جو ترقی یافتہ بھارت  کے لیے راہ ہموار کرے گا، مشن کرم یوگی ایک ایسی انتظامیہ کی تشکیل میں تبدیلی کا کردار ادا کر رہا ہے جو چست، جوابدہ، موثر اور لوگوں کی ضروریات کو پورا کرنے کے لیے بہتر طریقے سے لیس ہو۔ مشن کرم یوگی نے ،  جو ایک جامع پروگرام کے طور پر ڈیزائن کیا گیا ہے جو سرکاری ملازمین کو تیزی سے ترقی کرتی ہوئی دنیا میں اعلیٰ معیار کی عوامی خدمات فراہم کرنے کے لیے ضروری مہارتوں، علم اور صلاحیتوں کو حاصل کرنے کے قابل بنانا چاہتا ہے، انہوں نے مزید کہا کہ صلاحیت سازی کمیشن کی ماہرانہ کمیٹی کے تحت مشن کرم یوگی نےگزشتہ چند سالوں میں بڑی پیش رفت کی ہے۔

محترمہ رادھا چوہان، سکریٹری، ڈی او پی ٹی نے کہا کہ جب سے مشن کرم یوگی کو متعارف کرایا گیا ہے تربیت اور صلاحیت کی تعمیر کے بارے میں  طرز فکر میں تبدیلی آئی ہے۔ جس لمحے ہمارے پاس سیاسی قیادت کی طرف سے ایک واضح وژن سامنے آیا، سرکاری ملازمین کے اندر اپنی ذمہ داریوں کو پورا کرنے کی خواہش پیدا ہوئی۔

عادل زینُل بھائی، چیئرمین سی بی سی نے کہا کہ مشن کرم یوگی کے تحت دو ادارے ہیں جنہیں مشن کرم یوگی  کے کام کاج کو  انجام دینے کی ذمہ داری سونپی گئی ہے، یعنی کرم یوگی بھارت اور صلاحیت سازی کمیشن، تمام سرکاری ملازمین کے لیے سیکھنے کو تیز کرنے کے لیے مل کر کام کر رہے ہیں۔ انہوں نے  صلاحیت سازی کمیشن کی طرف سے کئے گئے کام کی مزید وضاحت کی۔

کرم یوگی بھارت کے چیئرمین ایس رامدورائی نے کہا کہ آئی جی او ٹی کرم یوگی پلیٹ فارم، جس کا انتظام کرم یوگی بھارت کے ذریعے کیا جاتا ہے- ایک ایس پی وی جو ڈی او پی ٹی کے تحت قائم کیا گیا ہے، سرکاری ملازمین کو جدید ترین ڈیجیٹل طریقے سے سیکھنے کا تجربہ فراہم کر رہا ہے۔ مواد فراہم کرنے والے بہت سے افراد کی طرف سے، تمام سطحوں پر سرکاری اہلکاروں کی سیکھنے کی ضروریات کی حمایت میں، مختلف  مراکز ، جیسے- ڈسکشن ہب، ایونٹس ہب، اور نیٹ ورک ہب، کو بھی ایک حقیقی باہمی گفتگو کے تجربے کے لیے دستیاب کرایا گیا ہے، اس طرح مجموعی پیشہ ورانہ اور ذاتی ترقی کو فروغ دینے میں مدد ملتی ہے۔

تمام سیکھنے والوں کو کسی بھی وقت، کہیں بھی اور کسی بھی ڈیوائس پر اعلیٰ معیار کے سیکھنے کے وسائل فراہم کرنے کے علاوہ ان کی مہارت، علم اور قابلیت کو بڑھانے کے لیے،  آئی جی او ٹی پورٹل خود رفتار، مسلسل سیکھنے کی ثقافت کو فروغ دینے کی کوشش کرتا ہے، جبکہ سرکاری اہلکاروں کے درمیان علم کے اشتراک کے ذریعے کمیونٹی کا احساس بھی پیدا کرتا ہے۔

تمام صارفین کے لیے موبائل کے ذریعہ تعلیم  کے نظام کو  فعال کرنے کے لیے، آئی جی او ٹی کرم یوگی  ایپ کو اینڈرائیڈ (دسمبر، 2022 میں) اور آئی او  ایس (جنوری، 2023 میں) پلیٹ فارمز کے لیے لانچ کیا گیا تھا۔ ایپ کے استعمال کے ذریعہ  پچھلے چند مہینوں میں سیکھنے والوں میں حوصلہ افزا اضافہ ریکارڈ  دیکھنے میں آیا  ہے۔

وزیر موصوف نے آئی جی او ٹی کرم یوگی پلیٹ فارم پر نئی خصوصیات جیسے کہ سروے ٹول، کورس کے  اختتام پر لیا جانے والا جائزہ  ، اور ڈیش بورڈ کا افتتاح کیا جن سے توقع کی جاتی ہے کہ وہ  آئی جی او ٹی  کو ایک بہترین پلیٹ فارم کے طور پر تشکیل دینے میں اہم کردار ادا کریں گے۔ نئی خصوصیات سے متعلق معلومات حاصل کرنے والوں کی طالب علم کی  سطح کی نگرانی اور تشخیص کو بہتر بنانے میں بھی معاون ثابت  ہوں گی۔

ڈاکٹر جتیندر سنگھ نے اعلیٰ درجے کے سیکھنے والوں اور اعلیٰ وزارتوں/محکموں کو بھی مبارکباد پیش کی جنہوں نے آئی جی او ٹی کرم یوگی پلیٹ فارم میں فعال طور پر حصہ لیا۔

وزیر موصوف نے کہا کہ گزر بسر میں  آسانی اور کاروبار کرنے میں آسانی کے معاملے میں بڑی پیش رفت کرنے کے مقصد سے، 1.4 بلین لوگ ایک ‘اسٹیل فریم’ پر انحصار کریں گے جو کہ اسمارٹ، قابل، مستقبل کے لیے تیار، اور شہریوں کے لیے دوستانہ ہو جیسا کہ ہندوستان شروع کر رہا ہے۔ انہوں نے یہ نتیجہ اخذ کیا کہ امرت کال میں ‘ترقی یافتہ   بھارت’ کے معمار کے طور پر، ہم مشن کرم یوگی کے ذریعے پروان چڑھنے والے سرکاری ملازمین کی ایک نئی نسل میں اپنا اعتماد بحال کرتے ہیں، اور آئی جی او ٹی پلیٹ فارم کے ذریعے بااختیار بنتے ہیں، تاکہ ہماری قوم  میں  ایک سرے سے دوسرے سرے تک  بہتر طرز حکمرانی  فراہم کی جا سکے۔

ابھیشیک سنگھ، سی ای او، کرم یوگی بھارت، سکریٹری، ٹیلی کمیونیکیشن ڈیپارٹمنٹ، سکریٹری، بندرگاہوں، جہاز رانی اور آبی گزرگاہوں کی وزارت، ڈائریکٹر جنرل، انڈو تبت بارڈر فورس،  جناب  ہیمانگ جانی، سکریٹری سی بی سی، پروفیسر آر بالاسوبرامنیم، رکن  صلاحیت سازی کمیشن،  جناب   پنکج بنسل، رکن، ایس پی وی،  جناب  ایس ڈی شرما، جوائنٹ سکریٹری، ڈی او پی ٹی اور دیگر سینئر افسران، ممتاز پینلسٹس، نوڈل افسران اور حکومت ہند کی وزارتوں اور محکموں کے نامزد افراد، مرکزی تربیتی اداروں اور انتظامی تربیتی اداروں کے سربراہان اور نمائندے اس  غوروخوض کے پروگرام میں شامل ہوئے۔

*************

ش ح ۔ س ب ۔ رض

U. No.4775