সিবিল এবিয়েসন মন্ত্রালয়

সিভিল এভিএসন মন্ত্রালয়না উরান ৫.০ হৌদোকখ্রে

Posted On: 21 APR 2023 7:31PM by PIB Imphal

বিদ্দিংগী মরিশুবা মায়পাকপা রাউন্দগী মতুংদা সিভিল এভিএসন মন্ত্রালয়না লৈবাক্কী মনুং হুঞ্জিনবা অমসুং রিজনেল এরিয়াশিংদা কনেক্তিবিতী মখা তানা হেনগৎহন্নবা অমদি অরোইবা মাইল ফাওবা কনেক্তিবিতী ফংনবগীদমক রিজনেল কনেক্তিবিতী স্কিম (আর.সি.এস.) – উরে দেশ কা আম নাগরিক (উরান)গী ৫শুবা রাউন্দ হৌদোকখ্রে।

উরান ৫.০গী মরুওইবা ফীচর মখাদা লৈরে:

  • উরানগী রাউন্দ অসিনা কেতেগোরী -২ (২০-৮০ সিত) অমসুং কেতেগোরী -৩ (>৮০ সিত)দা ফোকস তৌরি।
  • মমাংগী স্তেজগী কিলোমীতর ৬০০কী অশাংবা অকক্নবা অদু লৌথোক্লে অমসুং ফ্লাইতকী হৌরকফম অমসুং পন্থুংগী মরক্তা লৈরিবা অরাপ্পদা অথিংবা লৈত্রে।
  • ফংহনগদৌরিবা ভাইবিলিতী গেপ ফন্দিং (ভি.জি.এফ.)বু প্রায়োরিতী অমসুং নন-প্রায়োরিতী এরিয়া অনিমক্কীদমক স্তেজ লেংথ কিলোমীতর ৬০০দা লেপলগনি মদু মমাংদা কিলোমীতর ৫০০দা লেপখি।
  • প্রেদিতরমাইন রুত ওফর তৌরোই। এয়রলাইনসনা প্রপোজ তৌবা নেতৱার্ক অমসুং ইন্দিবিজুএল রুত খক্তমক কন্সিদর তৌগনি।
  • এয়রলাইনশিংনা এল.ও.এ. ইসু তৌবদগী থা ২গী মতুংদা এক্সন/বিজিনেস প্লান অমা লানখৎপা মথৌ তাই, মদুদা তেক্নিকেল প্রপোজেলগী মতমদা মখোয়গী এয়রক্রাফ এক্বিজিসন প্লান/এভাইলেবিলিতী ওফ এয়রক্রাফ, ক্রিয়ু, স্লোত অসিনচিংবা লানখৎলি।
  • চপ মান্নবা রুত অদু সিঙ্গল এয়রলাইন অমদা অমুক্তগী হেন্না পীরোই, মদুনা তোঙান তোঙানবা নেতৱার্কশিং নত্রগা চপ মান্নবা নেতৱার্ক্তা ওইরবসু।
  • রুত অমদা মোনোপোলিগী এক্সপ্লোইতেসন ঙাকথোক্নবগীদমক থংনবা ক্বারতর মরিগীদমক করিগুম্বা এভরেজ ক্বাতরলী পি.এল.এফ. অসি চাদা ৭৫গী হেল্লগদি এক্সক্লুসিবিতী লৌখোক্কনি।
  • ক্বিক ওপরেস্নেলাইজেসন মখা তানা ইন্সেন্তিবাইজ তৌনবগীদমক থা ৪ ফাওবা থেংথবা মতমদা থা খুদিংগী ওইনা পর্ফোমেন্স গরেন্তীগী চাদা ২৫ এনকেস তৌগনি।
  • এয়রলাইনশিংনা রুত ফংলবা মতুং থা ৪গী মনুংদা ওপরেসনশিং হৌবা মথৌ তাই। মমাদা দেদলাইন অসি থা ৬ ওইরম্মি।
  • স্কিম অসিগী মখাদা রুতশিং অথুবা মতমদা মথৌ তৌবা য়াহন্নবা ওপরেসনগীদমক থৌরাং লোইরবা নত্রগা ওপরেসনগীদমক অথুবা মতমদা থৌরাং লোইরগদবা এয়রপোর্তশিংগী পরিং অমা স্কিম অসিদা য়াওরি।
  •  ওপরেতর অমদগী অতোপ্পা ওপরেতর অমদা রুতশিংগী নোভাসন প্রোসেস লাইথোকহল্লে অমসুং পুক্নিং থৌগৎলে।

উরান ৫.০ হৌদোকপদা ৱা ঙাংলদুনা সিভিএ এভিএসন অমসুং স্তিলগী মন্ত্রী শ্রী জ্যোতিরদিত্য সিনদিয়ানা হায়খি, “উরান লমদম কয়াগী হিংনবগী মচাক অমা ওইরি, মদুনা লৈবাক্কী মফম কয়াগা লোয়ননা নিংথিজনা শম্নহল্লে। স্কিম অসিগী অনৌবা অমসুং হেন্না কনবা ভর্জন অসিনা মোমেন্তম হেনগৎলগনি, অনৌবা রুতশিং শম্নরগনি, অমসুং ঐখোয়বু তুংদা অথুবা মতমদা রুত ১০০০ অমসুং এদিস্নেল এয়রপোর্ত ৫০, হেলিপোর্ত অমসুং ৱাতর এরোদ্রোমশিং মথৌ তৌনবা পান্দম অদু নকশিলহল্লে। হৌজিক লৈবাক্কী মীচম প্রজা পুম্নমক পাইদুনা চৎলগনি।”

উরান স্কিমনা স্তেকহোল্দরশিংগী অচৌবা কাংলুপ অমবু কানবা ফংহল্লে। পেসেঞ্জরশিংনা এয়র কনেক্তিবিতীগী কানবশিং ফংলে, এয়রলাইনশিংনা রিজনেল রুতশিং ওপরেত তৌবগীদমক কন্সেসনশিং ফংলে, অনসর্ব রিজনশিংনা মখোয়গী ইকোনোমিক দিবলপমেন্তগীদমক এয়র কনেক্তিবিতীগী দাইরেক্ত অমসুং ইনদাইরেক্ত কানবশিং ফংলে। মসি মমল হোংবা অমসুং সবসিদাইজ এয়রফেয়রদা মীচম প্রজা নোংথক্তা পাইদুনা চৎথোক চৎশিন তৌনবা প্রধান মন্ত্রীগী মিৎয়েংগী মায়কৈদা অতোপ্পা খোংথাং অমনি।

***



(Release ID: 1920665) Visitor Counter : 119


Read this release in: English , Urdu , Hindi , Marathi