হন্দক্কী চহি অসিদা শিজিন্নবা হৌবগী থৌরাং য়াৎলিবা ইন্দিয়ন নেভীগী প্রোজেক্ত 15B ক্লাসকী লমদমসিদা শাজবা অহুমশুবা স্তেল্থ দেস্ত্রোয়র, ইম্ফালনা অহানবা সী সোর্তীগীদমক্তা থোকখ্রে। জহাজ অসিদা নিচ তেক্নোলোজী কয়া অমা অমসুং লমদমসিদা শাজবা পোৎলম য়াম্না য়াওরি। নেভীগী ৱারশিপ দিজাইন ব্যুরো মশানা দিজাইন তৌবা অমসুং মাজাগোন দোক লিমিতেদ (MDL)না শাবা জহাজ অসিনা লৈবাক্কী ‘আত্মানির্ভর ভারত’কী পান্দম অমসুং ‘মেক ইন ইন্দিয়া’ খোঙথাংদা ইন্দিয়ান নেভীনা শৌগৎপগী চাউথোকচিংঙাই ওইরবা খুদম অমা ওইনা লেপ্লি।

ইম্ফাল অসিনা অৱাং নোংপোক ভারতকী শহরগী মিং লৌদুনা মিংথোনবা খ্বাইদগী চাউবা অমসুং এদভান্স ওইবা দেস্ত্রোয়র অমা ওইবগী তোপ-তোপ্পা শক্তাক অমা শাগোন্নরগনি। অৱাং নোংপোক লমদম অমসুং মনিপুরনা লৈবাক্কী সেক্যুরিতী অমসুং চাউখৎ থৌরাংদা মরু ওইবা হেনগৎলক্লিবা অমসুং মশাগী শরুক তম্লিবা অসিগী মতিক চাবা খুদম অমা ইম্ফালনা ওইরগনি।

ইম্ফালনা ইন্দিয়ন নেভীগী লান্থেংনবা ঙম্বগী মতিক মতৌবু মশক থোক্না হেনগৎহনগনি। মহাক্কী মমাংগী জহাজ, INS মোর্মুগাওবু দিসেম্বর 2022দা অমসুং প্রোজেক্ত 75কী মঙাশুবা সবমেরিনা INS ভাগিরবু জনুৱারী 2023দা হন্দক্তা শিজিন্নবা হৌখিবগা লোয়ননা ইম্ফালগী সী ত্রাইএল পাংথোকপা হৌবা অসিদি MDLনা মপাঙ্গল লৈবা, মতমগা চুনবা অমসুং মরোমদোম লেপচবা ঙম্বা ভারত অমা ওইহনবদা লেপ্তনা শরুক য়ারিবা অসিগী মশক থোকপা অতোপ্পা মায় পাকপা অমা ওইরে।

****

(Release ID: 1920643) Visitor Counter : 99