কেন্দ্রগী য়ুমলৈ-কৈরৈ অমসুং কোওপরেশন মন্ত্রী, শ্রী অমিত শাহনা ঙসি নই দিল্লীদা অথোইবা মীথুংলেন ওইনা ‘নেস্নেল কনক্লেব: মন কী বাত@১০০’গী ভেলিদিক্তরী ফংশনদা ৱা ঙাংখি। শ্রী অমিত থৌরম অসিদা নিংশিং খুদম ওইবা স্তাম্প অমসুং শেলয়েকশু ফোংখি। কেন্দ্রগী ইনফোর্মেশন অমসুং ব্রোদকাস্তিং মন্ত্রী, শ্রী অনুরাগ থাকুর, কেন্দ্রগী রেলৱেজকী মন্ত্রী, শ্রী অশ্বিনি বৈস্নব, ফাইনান্সকী রাজ্য মন্ত্রী, শ্রী পঙ্কজ চৌধরী অমসুং ইনফোর্মেশন অমসুং ব্রোদকাস্তিং মন্ত্রালয়গী সেক্রেতরী, শ্রী অপুর্বা চন্দ্রনা অঙম-অথৌ কয়া অমগা লোইননা থৌরম অসিদা শরুক য়াখি।

শ্রী শাহনা মীয়ামদা ৱা ঙাংবা মতমদা মহাক্না হায়খি মদুদি ঙসি অসি মন কী বাতনা ১০০শুবা এপিসোদ শুবগী য়াম্না মরু ওইবা পুৱারী ওইহৌরগদবা নুমিৎনি, মসি ভারতগুম্বা অচৌবা লৈবাক অমগী খুমাং চাউশিনবদা মীয়াম্না লৌখিবা থৌদাং অদুবু মশক খঙবীনবা অমসুং গনতন্ত্রগী ফাউন্দেশনবু কনখৎহন্নবা প্রধান মন্ত্রী, শ্রী নরেন্দ্র মোদীগী য়াম্না শিংথংনিংঙাই ওইবা চাংয়েংনি। মহাক্না হায়খি মদুদি গনতন্ত্রদা মাস কম্যুনিকেশনগী মেদিয়ম ময়াম অমা লৈ অমসুং প্রধান মন্ত্রী, শ্রী নরেন্দ্র মোদীনা মন কী বাতকী খুত্থাংদা মীয়ামগা ৱারি ৱাতাই শাননবা ওল ইন্দিয়া রেদিয়োবু খনখি। মহাক্না হায়খি মদুদি ওল ইন্দিয়া রেদিয়ো অসি ভারতকী মীয়ামগী পুক্নিংগী খোঞ্জেলনি। শ্রী শাহনা হায়খি মদুদি মীয়াম্না হোংঙক্লিবা মতম অমসুং কম্যুনিকেশনগী তোঙান-তোঙানবা মেদিয়মশিংনা মরম ওইরগা ওল ইন্দিয়া রেদিয়ো অসিবু কাওথোক্লুরমগদৌরে অদুবু প্রধান মন্ত্রী, শ্রী নরেন্দ্র মোদীনা মন কী বাতকী খুত্থাংদা নহা ওইরিবা মীরোলশিংগা কনেক্ত তৌখি অমসুং ওল ইন্দিয়া রেদিয়োবু অনৌবা ময়োল অমা চোংহনখি। মহাক্না হায়খি মদুদি শ্রী মোদীনা ওল ইন্দিয়া রেদিয়োবু কম্যুনিকেশনগী মেদিয়ম অমা ওইহনখি অমসুং লৈবাক অসিগী য়ুমথোং খুদিং অমসুং খুঙ্গং খুদিংদা য়ৌহনখি।  

কেন্দ্রগী য়ুমলৈ-কৈরৈ অমসুং কোওপরেশনগী মন্ত্রীনা হায়খি মদুদি মসিগী শিংথানিংঙাই ওইরবা থৌরম অসিনা গনতন্ত্রগী য়ুমফম ওইরি অমসুং গনতন্ত্রগী খ্বাইদগী মরু ওইবা মগুনশিংগী মনুংদা অমা ওইরিবা অসি মীয়াম অমসুং লুচিংবগী মরক্তা ৱারি-ৱাতাই শানবনি, মসিগী ৱারি-ৱাতাই শানবা য়াম্না হেন্না লিংলিবমখৈ অমসুং নুংগী ৱাহন্থোক য়াম্না লৈরিবমখৈ, গনতন্ত্রগী য়ুমফম অসি য়াম্না কনগনি অমসুং য়াম্না হেন্না মাইপাকপা ওইগনি। মহাক্না হায়খি মদুদি গনতন্ত্রগী মহৈ লুচিংবা অমসুং মীয়ামগী মরক্তা ৱারি-ৱাতাই নিংথিনা শানবা মতমদতা ফংবা ঙমগনি। মসি য়াম্না তোপ-তোপ্পা থৌরম অমনি, মসিদা লৈবাক অমগী প্রধান মন্ত্রীনা চহি ৯ চুপ্না মীয়ামগা ৱারি-ৱাতাই শানদুনা পাউ ফাওনরি অদুবু মসিদা রাজনিতিগী মতাংদা ৱাফম অমত্তা ফাওবা পনখিদে। শ্রী মোদীনা মসিগী থৌরম অসিগী খুত্থাংদা লৈবাক অসিগী পোজিতিব ইনর্জী, ক্রিয়েতিব ইনর্জী অমসুং স্পিরিচুৱল পাৱরদা প্লেতফোর্ম অমা পীনবীরে। মহাক্না হায়খি মদুদি মসিগী শক্তিশিং অসিবু অমত্তা ওইনা চুংশিন্নদবা অমসুং নিংথিনা মশক খঙবীদবা লৈবাক অমদা গনতন্ত্রনা কৈদৌনুংদা মাইপাকপা ঙম্লোই। মহাক্না হায়খি মদুদি শ্রী মোদীনা মন কী বাতকী এপিসোদ ৯৯গী খুত্থাংদা গ্রাসরুতশিংদা দেমোক্রেসীগী মন্ত্রা অসি পুরকখি।

শ্রী শাহনা হায়খি মদুদি শ্রী মোদীনা পদমা এৱার্দশিং অসিবু দেমোক্রেতাইজ তৌখ্রে, হায়রিবা অসি হান্নদি রিকমেন্দেশনশিংগী মতুং ইন্না পাংথোকখি। মহাক্না হায়খি মদুদি প্রধান মন্ত্রী, শ্রী নরেন্দ্র মোদীনা গনতন্ত্রদা মসিগী অচৌবা অহোংবা অসি পুরকখি। মহাক্না হায়খি মদুদি মন কী বাতকী খুত্থাংদা, শ্রী মোদীনা খুনাই অসিগী মনুংদা চাংয়েং মচা-মচাশিং তৌবা, হিরম কয়া অমদা মরু ওইবা থৌদাং লৌখিবা, অফবা ৱাখল্লোনগা লোইননা খুনাইদআ মিৎয়েং থম্বা অমসুং খুনাই অমসুং মীয়ামদা অচুম্বা মাইকৈ তাকপীবা মীশিং অমসুং ওর্গনাইজেশনশিং খনখি। মহাক্না হায়খি মদুদি প্রধান মন্ত্রী, শ্রী নরেন্দ্র মোদীনা খুনাই অসিবু কনখৎহন্নবা অমসুং ওল ইন্দিয়া রেদিয়োদা অনৌবা পুন্সি অমা পীনবা মন কী বাত শিজিন্নখি।

কেন্দ্রগী য়ুমলৈ-কৈরৈ মন্ত্রীনা হায়খি মদুদি প্রধান মন্ত্রী, শ্রী নরেন্দ্র মোদীনা কম্যুনিকেশন স্কিলশিংবু ভারতকী রাজনিতিদা য়াম্না নিংথিনা পুনশিনখি। মহাক্না হায়খি মদুদি, প্রধান মন্ত্রী, শ্রী নরেন্দ্র মোদী অসি মপুং ফাবা কম্যুনিকেতরনি অমসুং মহাক্কুম্বা কম্যুনিকেশন স্কিলশিং লৈবা লুচিংবা অসি মালেম অসিদা য়াম্না অতাংবনি। মহাক্না হায়খি মদুদি মন কী বাতকী এপিসোদ ৯৯গী ৱারোলশিং অদুদা রাজনিতিগী ওইবা ৱাফম অমত্তা য়াওবা উদে অমসুং খুনাই অসিবু মপাঙ্গল কনখৎহন্নবগী পান্দমদনি। লৈবাক অসিগী লোল খুদিমক্তা ‘মন কী বাত’ থৌরম শন্দোকপা অসিনা লৈবাক অসিগী মীশিং করোর কয়া অমগীদমক্তা পুক্নিং থৌগৎনিংঙাই ওইবা মচাক অমা ওইরক্লি। মহাক্না হায়খি মদুদি লদাখ অমসুং লক্সদ্বীপতগী নোর্থিস্ত অমসুং পঞ্জাব ফাওবা, লৌমীশিংদগী সাইন্স ফাওবা, সেল্ফ হেল্প গ্রুপশিংদগী স্তার্তঅপশিং ফাওবা অমসুং কো-ওপরেতিবশিংদগী স্পেস ফাওবা, মসিগী থৌরম অসিগী খুত্থাংদা প্রধান মন্ত্রী, শ্রী নরেন্দ্র মোদীনা ইন্দিভিজুৱলশিং অমসুং ওর্গনাইজেশনশিংগা লোইন-লোইননা সেক্তর খুদিংমকপু মসিগী মনুং চলহন্নবা য়াম্না শিংথানিংঙাই ওইবা মওংদা মাইপাকপা পুরকপা ঙমখি। শ্রী শাহনা হায়খি মদুদি থবকশিং অসিনা মীয়ামদা য়াম্না পাক-শন্না অমসুং য়াম্না চাউরবা শাফু অমা পীখি।

শ্রী অমিত শাহনা হায়খি মদুদি ২০১৪গী ওক্তোবর ৩দা হৌখিবা মন কী বাতকী থৌরম অসি ওল ইন্দিয়া রেদিয়োগী রেদিয়ো স্তেশন ৫০১গী খুত্থাংদা লোল ২৩ অমসুং দাইলেক্ত ২৯গী মীশিংনা তানরি। মহাক্না হায়খি মদুদি প্রধান মন্ত্রী, শ্রী নরেন্দ্র মোদীনা মসিগী থৌরম অসিগী খুত্থাংদা খুত্থাংদা পব্লিক এৱেয়রনেস অমসুং সোসিয়েল চেঞ্জকা মরি লৈনবা অনৌবা থৌরাংশিং খুদম ওইনা স্বচছ ভারত, ফিৎ ইন্দিয়া, বেতি বচাও বেতি পর্হাও, ৱাতর কঞ্জর্বেশন, ভোকেল ফোর লোকেল, সেল্ফ-রেলায়েন্ত ইন্দিয়া, সুগন্যা ভারত মাইপাক্না পাংথোকপা ঙমহনখি অমসুং কলচরেল হেরিতেজ য়োকখৎপগী মতাংদা য়াম্না চাউনা মাইপাকপা ঙমহনখি। মহাক্না হায়খি মদুদি মসিগী থৌরমশিং অসিনা ভারতপু খুমাং চাউশিনবগী অমসুং খুনাইদা অওনবা অমা পুরক্নবগী মাইকৈদা পুখৎলি। আই.আই.এম.-রোহতক্না তৌখিবা সর্ভে অমা পন্দুনা শ্রী শাহনা হায়খি মদুদি মন কী বাত তারিবা মীশিংগী চাদা ৬২দি চহি ১৯দগীনা ৩৪গী চহি কাংলুপ্তা লৈ, লৈবাক অসিগী নহা ওইরিবা মীরোলশিং মশাবু ওল ইন্দিয়া রেদিয়োগা মরি থম্লি। মসিগী মথক্তা, চাউরাক্না মী করোর ২৩ রোম্না এপিসোদ খুদিংমক্তা শরুক য়ারি অমসুং লৈবাক অসিগী মীশিং করোর ১০০ রোম্না মন কী বাত অসিবু অমুক্তং ওইরবসু তারি, মসিনা থৌরম অসিনা কয়া য়াম্না পাক-শন্না শন্দোক্লিবগে হায়বদু উৎলি। মহাক্না হায়খি মদুদি প্রধান মন্ত্রী, শ্রী নরেন্দ্র মোদীনা হোৎনরিবশিং অসিগী মহৈ ফংলে।

কেন্দ্রগী য়ুমলৈ-কৈরৈ মন্ত্রীনা হায়খি মদুদি প্রধান মন্ত্রী, শ্রী নরেন্দ্র মোদী অসি প্রোব্লেম খুদিংমকপু খুদোংচাবদা করম্না ওন্থোক্কনি খঙবা অদুগুম্বা লুচিংবা অমনি। মহাক্না হায়খি মদুদি মালেম পুম্বগী সরকারশিংনা কোবিদ-১৯গী মায়োক্তা লান্থেংনরি অদুবু ভারতনা প্রধান মন্ত্রী, শ্রী নরেন্দ্র মোদীগী লুচিং মখাদা, ভারত সরকারনা রাজ্য সরকারশিং অমসুং মী করোর ১৩০গা লোইননা মসিগী লান অসিবু লান্থেংনখি।  মহাক্না হায়খি মদুদি প্রধান মন্ত্রী, নরেন্দ্র মোদীনা অপিকপা থৌরমশিং, থবকশিং অমসুং অনৌবা থৌরাংশিংগী খুত্থাংদা, মসিগী লান অসিবু মীয়ামগা মরি লৈনহনখি। শ্রী শাহনা হায়খি মদুদি প্রধান মন্ত্রী, শ্রী নরেন্দ্র মোদীনা কোবিদ-১৯গী মায়োক্তা থেংনরিবা লান অসিবু মী করোর ১৩০গী অপুনবগী ওইবা লান অমা ওইনা ওন্থোকখি অমসুং মন কী বাত থৌরম অসিনা মসিদা য়াম্না চাউবা থৌদাং লৌখি। মহাক্না হায়খি মদুদি অসিগুম্বা দাইলোগ সীস্তেম অসি মন কী বাতকী খুত্থাংদা থমখি, মসিগী খুত্থাংদা মসিদা শরুক য়াখি অমসুং মসিগী ময়াম পুন্না থেংনরিবা লান অসিগী শরুক অমা ওইখি।

শ্রী অমিত শাহনা হায়খি মদুদি, প্রধান মন্ত্রী, শ্রী নরেন্দ্র মোদীনা কন্ত্রিব্যুতর ৭০০ অমসুং ওর্গনাইজেশন ২৭০ হেন্না পুক্নিং থৌগত্তুনা খুনাই অসিগীদমক্তা থবক তৌনবগীদমক্তা পুক্নিং থৌগৎখি অমসুং মখোয়দা থৌনা হাপখি। মহাক্না হায়খি মদুদি মন কী বাত থৌরম অসিনা “ৱাসুধৈবা কুতুম্বাকম”গী কন্সেপ অসিবু মাইপাকহনখি অমসুং আর্জেন্তিনা, মোঙ্গোলিয়া, ওস্ত্রেলিয়া, মালি, গ্রীস, ওমান, গুয়ানা অমসুং জাপান য়াওনা লৈবাক কয়া অমদা য়ৌখি। মহাক্না হায়খি মদুদি প্রধান মন্ত্রী, শ্রী নরেন্দ্র মোদীগী কম্যুনিকেশন স্কিলশিংগী য়াম্না মরু ওইবা য়ুম্বি ৪ লৈ – মসিনা ইমোস্নেল, স্পিরিচুৱল, ইন্তেলেকচুৱল অমসুং ফিজিকেল এক্তিবিতীশিংবু প্রোমোত তৌই। শ্রী শাহনা হায়খি মদুদি মন কী বাত অসি পি.ই.আর.এফ.ই.সি.তি. কম্যুনিকেশন অমনি, হায়বদি পি.-পীস, ই.- এমপাৱরমেন্ত, আর.-রিফ্লেক্তিব, এফ.-ফেস্তিব, ই.- ইকোনোমিক দেবেলপমেন্ত, সি.- কিয়রিং অমসুং তি.- থোৎফুল নি।

কেন্দ্রগী য়ুমলৈ-কৈরৈ অমসুং কোওপরেশন মন্ত্রীনা হায়খ মদুদি ২০২২, নবেম্বরগী মন কী বাতকী এপিসোদতা, প্রধান মন্ত্রী, শ্রী নরেন্দ্র মোদীনা ভারতকী জি-২০ চেয়রমেন ওইবগী মতাংদা পনখি অমসুং ৱাসুধৈবা কুতুম্বাকমগী কন্সেপ অসিবু পল্লদুনা মালেমদা ইরাং লৈতনা ইংনা চিক্না লৈনবগীদমক্তা আপীল তৌখি। প্রধান মন্ত্রী, শ্রী নরেন্দ্র মোদীনা মহাক্কী মন কী বাত মনুংদা স্পিরিচুৱল অমসুং ৱার্ল্দ পীসকী দুৱেলিতীগী মতাংদা হায়খি অমসুং ঐখোয়গী পুরানশিংগী অরোনবশিং অদুবু মীয়ামগী মমাংদা থমখি। ৯২শুবা এপিসোদতা, প্রধান মন্ত্রী, শ্রী নরেন্দ্র মোদিনা ‘পোশন মাহ’বু নিংথিনা পাংথোকহন্দুনা মীয়ামগী মরক্তা মালনোরিশমেন্তকী ৱাফম অসিদা মীৎয়েং থমখি। মহাক্না হায়খি মদুদি প্রধান মন্ত্রী, শ্রী নরেন্দ্র মোদিনশু স্তার্তঅপ ইন্দিয়াগী মতাংদা লৈরিবা অরানবা ৱাখল্লোন অমসুং লান্না লৌরিবা অদুবুসু শেংদোকখি অমসুং মন কী বাতকী খত্থাংদা কোওপরেতিব মুবমেন্ত অসিবু খোংজেল য়াংখৎহন্নবা থবক তৌখি।

শ্রী অমিত শাহনা হায়খি মদুদি মন কী বাতকী কুত্থাংদা, মী করোর কয়া অমবু ইকাইখুম্নবীখি অমসুং মখোয়বু ‘দিসেবলদ’ হায়বগী মহুত্তা দীৱ্যাং হায়না কৌদুনা খুনাই অসিগী খুমাং চাউশিল্লিবা ঈচেল অসিদা মখোয়বুসু তিলহনখি। মহাক্না হায়খি মদুদি মন কী বাত্তা ভারতকী কুম্মৈ ময়ামগী মতাংদা পন্দুনা, প্রধান মন্ত্রী, শ্রী নরেন্দ্র মোদীনা “এক ভারত, শ্রেস্থা ভারত”কী মঙলান অসিবু মঙফাওনহন্নবা হোৎনরি। মহাক্না হায়খি মদুদি ২০১৭গী সেপ্তেম্বর ২৪গী এপিসোদতা প্রধান মন্ত্রী, মোদীনা পনখি মদুদি খাদি অসি চুম্নগী অচম্বা ফি অমখক্তা নত্তে, মসি ৱাখল্লোন অমনি অমসুং মহাত্মা গান্ধিগী মতুংদা, মসীগী ৱাখল্লোন অসিবু শ্রী মোদীনা খ্বাইদগী হেন্না হোৎনদুনা মীয়াম্না পাম্নহনখি।  মহাক্না হায়খি মদুদি প্রধান মন্ত্রী, শ্রী নরেন্দ্র মোদীনা মন কী বাতকী কুত্থাংদা খুঙ্গংগী ইকোনোমী ইনোৎ হাপখি।  শ্রী শাহনা হায়খি মদুদি পি.এম. মোদীনা ভারতকী শান্নপোৎশিংগী মতাংদা ৱা ঙাংবা মতমদা, মপান লমদগী শান্নপোৎ পুশিল্লকপগী চাং অদু ২০১৮-১৯দা মিলিয়ন $৩৭১ ওইরম্বদগী ২০২১-২২দা মিলিয়ন $১১০দা হন্থরক্তুনা ৭০% ওইখি, অদুগা ভারতকী শান্নপোৎশিং মপান লমদা থাদোকপগী চাং অদু মিলিয়ন $২০২ ওইরম্বদগী মিলিয়ন $ ৩২৬দা হেনগৎলকখি। হৌজিক্তি অঙাংশিংনা ভারতকী শান্নপোৎশিংগা শানরে অমসুং মসিনা মন কী বাতকী চাউরবা শাফু অদুবু উৎলি।

কেন্দ্রগী য়ুমলৈ-কৈরৈ মন্ত্রী হায়খি মদুদি প্রধান মন্ত্রী, শ্রী নরেন্দ্র মোদীনা ম্যুজিকেল ইনস্ত্রুমেন্তশিংগী মতাংদা পনখ্রবা মতুংদা, ম্যুজিকেল ইনস্ত্রুমেন্তশিংগী এক্সপোর্ত তৌবগী চাং অদু শরুক নিপান হেন্না হেনগৎলকখ্রে অমসুং মখোয়শিং অসি শিজিন্নবগী চাংশু য়াম্না হেন্না হেনগৎলকখ্রে। শ্রী শাহনা হায়খি মদুদি করিগুম্বা নখোয়না মন কী বাত্তা য়াম্না মুন্না তারবদি, মসিদা হায়রিবা ৱাহৈশিং অদু য়াম্না চেকশিনবা মমা-মপা অমদগী হাবরকপা অমগুম্না, ঐখোয়গী ইমুংদা লেবা অহল অমনা ঐখোয়দা পাউতাক পীবগুম্না তাগনি। মহাক্না হায়খি মদুদি ভারতকী গনতন্ত্রদা প্রধান মন্ত্রী, শ্রী নরেন্দ্র মোদীগী য়াম্না মরু ওইবা থৌদাং অনি লৌখি- মহাক্না কাস্তিজম, নেপোতিজম অমসুং অপীসমেন্ততগী দেমোক্রেতিক সীস্তেম অসিবু মনিং তমহনখি অমসুং মসিবু পর্ফোর্মেন্সকী পোলিতিক্সকী মাইকৈদা পুরকখি। শ্রী শাহনা হায়খি মদুদি প্রধান মন্ত্রী, শ্রী নরেন্দ্র মোদীনা য়াম্না চুনগদবা মওংদা হৌজিক্কী ওইরিবা মতম অসিবু ৱাহন্থোক পীখি, অমসুং খুনাইগী মমাংদা ঐখোয়গী চৎনবী অসিবু অনৌবা ৱাহন্থোক অমগা লোইননা উৎখি। মহাক্না হায়খি মদুদি মন কী বাত অসিনা গনতন্ত্রবু হেন্না মপাঙ্গল কনখৎহন্নবা য়াম্না লিংবা কম্যুনিকেশন মেদিয়ম অমা ওইরক্লি, ইন্দিভিজুৱল অমসুং সোসাইতীদা প্লেতফোর্ম অমা পীরি, মপুকচেল শেংবা প্রজাশিংনা তৌখিবা থবকশিং অদুবু হেন্না ফগৎহনখি অমসুং মনা পীখি।

*****

(Release ID: 1920495) Visitor Counter : 106