হকশেল অমসুং য়াইফ-য়ুম্বাল মন্ত্রালয়
নেস্নেল হেল্থ একাউন্ত এস্তিমেতস ফোর ইন্দিয়া (২০১৯-২০) ফোঙখ্রে
তোতেল হেল্থ এক্সপেন্দিচরদা লৈবা আউত-ওফ-পোকেৎ এক্সপেন্দিচর (ও.ও.পি.ই.)গী সেয়র ২০১৪-১৫দা ৬২.২% ওইরম্বদগী ২০১৯-২০দা ৪৭.১%দা হন্থরক্লে
লৈবাক্কী অপুনবা জি.দি.পি.দা লৈরিবা গভর্নমেন্ত হেল্থ এক্সপেন্দিচরগী সেয়র ১.১৩% (২০১৪-১৫) দগী ১.৩৫% (২০১৯-২০)দা হেনগৎলকখ্রে
তোতেল হেল্থ এক্সপেন্দিচরদা লৈরিবা গভর্নমেন্ত হেল্থ এক্সপেন্দিচরগী সেয়র ২৯% (২০১৪-১৫) দগী ৪১.৪% (২০১৯-২০)দা হেনগৎলকখ্রে
হকশেলগী লমদা লৈঙাক্কী পর কেপিতা চাদিং শরুক অনি ওইরে
স্তেত লৈঙাকশিংদা হকশেলগী লমদা তৌরিবা চাদিং মখোয় মখোয়গী অপুনবা বজেৎকী পর্সেন্তেজতা হেনগৎহন্নবা ৱাফম থম্লি: দোক্তর বিনোদ কে. পোল
Posted On:
25 APR 2023 7:36PM by PIB Imphal
“নেস্নেল হেল্থ একাউন্তস এস্তিমেতসকী খুত্থাঙদা ঐখোয়না হকশেলগী লমদা আউত-ওফ-পোকেৎ এক্সপেন্দিচর (ও.ও.পি.ই.)নচিংবা ইন্দিকেতরশিং হন্থরকপগা লোয়ননা পব্লিক স্পেন্দিং হেনগৎলকপা উরি। অসুম্না অচুম্বা মায়ওন্দা চৎপগী মতৌ উত্তুনা লৈবাকসিনা য়ুনিভর্সেল হেল্থ কভরেজকী পন্দোলশিং ফংনবগী মায়কৈদা খুমাঙ চাউশিল্লি”, হায়না নিতি অয়োগ মেম্বর (হেল্থ) দোক্তর বিনোদ কে. পোলনা হেল্থ এন্দ ফেমিলী ৱেলফ্যার মন্ত্রালয়গী সেক্রেতরী শ্রী রাজেস ভুসন য়াওবা থৌরম অমদা ২০১৯-২০গী নেস্নেল হেল্থ একাউন্তস (এন.ঐচ.এ.) এস্তিমেতস ফোর ইন্দিয়া ফোঙলদুনা হায়খি।
হকশেলগী লমদা পব্লিক ইনভেস্তমেন্ত তৌনবগী মায়কৈদা লৈঙাক্না পায়খৎলিবা থৌরাংশিং উৎলদুনা, নেস্নেল হেল্থ একাউন্তস (এন.ঐচ.এ.)গী ফাইন্দিংশিংনা তোঙান তোঙানবা ইন্দিকেতরশিংনা চাং নাইনা পুক্নিং থৌগৎনিংঙাই ওইবা পরিং অমদা চঙশিল্লক্লি হায়বা উৎলি।
এন.ঐচ.এ. এস্তিমেতস রিপোর্ত পুথোকপগীদমক পুম্নমক্কী মফমদা নুংঙাইবা ফোঙদোক্লদুনা, “মথৌ তাবা হকশেলগী সর্ভিসশিং মীয়ামদা শেলথুমগী অৱাবা নংহন্দনা ফংহন্নবা অমদি লৌবা য়াহন্নবগীদমক লৈঙাক্না হোৎনরি”, হায়না নিতি অয়োগ মেম্বর (হেল্থ) দোক্তর ভি.কে. পোলনা হায়খি। প্রাইমারী হেল্থকেয়র মপাঙ্গল কনখৎহন্নবা শেল থাদরিবশিং পল্লদুনা দোক্তর পোলনা হায়খি, “রিপোর্ত অসিনা প্রাইমারী হেল্থকেয়রদা পব্লিক স্পেন্দিং হেনগৎহনবগী মমি তারি, অমদি মসি পব্লিক হেল্থ স্পেন্দিংগী শরুক অহুম থোকপগী অনিদি প্রাইমারী হেল্থ সিস্তেমদা চাদিং তৌগদবনি হায়রিবা নেস্নেল হেল্থ পোলিসী ২০১৭গী পরিংদা চৎলি।মসি মীয়ামদা য়াম্লবা হকশেলগী সর্ভিসশিং ফংহল্লিবা অয়ুস্মান ভারত হেল্থ এন্দ ৱেলনেস সেন্তরশিং (এ.বি.-ঐচ.দব্লিউ.সি.) লাখ ১.৬ হাংদোকপনচিংবা গ্রাসরুত থাক্তা পায়খৎলিবা অচৌবা চাউখৎ থৌরাংগী থবকশিংগী মহৈনি।” প্রাইমারী হেল্থকেয়র অসি সেকেন্দরী অমদি তর্সরী সর্ভিসশিংদা মতিং লৈনা ঙাক্লৌ পীবা ঙমগদবা মচং ওইবা য়ুম্ফম ওইবা মরম্না মসিদা অহেনবা মীৎয়েঙ চঙগদবনি হায়না মহাক্না মখা তাখি।
দোক্তর পোলনা রিপোর্ত অসি পুথোক্নবা হোৎনবদা থবক তৌরিবা কাঙবুশিংদা তৌবিমল খঙবা উৎখি অমদি খুদম চাংদমদা য়ুম্ফম ওইবা ফিরেপ লৌবগী থৌওংদা খোমগৎলকপা দেতাগী মরিক চুম্বা রেকোর্দ থম্বগী মরুওইবা ৱাফমশিং থমখি। “হায়রিবা এস্তিমেতশিং অসি খুজিল থৌরাং য়াৎপদা য়াম্না মরু ওই অমদি তোঙান তোঙানবা ইন্দিকেতরশিং চাংদম্নদুনা য়েংবনা লৈবাকসিগী হকশেলগী সিস্তেমদা খুমাঙ চাওশিল্লিবশিং উত্থোকপদা মখা তানা মতেং পাংই”, হায়না মহাক্না ফোঙদোকখি।
দোক্তর পোলনা প্রাইভেৎ হেল্থ ইন্স্যুরেন্সকী শরুকসু হেনগৎলক্লি হায়বা ৱাফমসু পাউদমখি। “মসিনা অঙম্বা মীওইশিংনা প্রাইভেৎ প্লেয়রশিংদগী ইন্স্যুরেন্স লৈবগা লোয়ননা লৈবাকসিদা ইন্স্যুরেন্সকী লমদা মপুং মরৈ ফাবা হেনগৎলক্লি হায়বা উৎলি। মসিনা লৈঙাক্কী প্রাইমারী, সেকেন্দরী অমদি তর্সরী কেয়রদা মতেং পাংশিল্লি,” হায়না মহাক্না হায়খি।
ফিগর ১: তোঙান তোঙানবা থাক্তা লৈরিবা প্রাইভেৎ হেল্থ এক্সপেন্দিচরগী সেয়র (%)
পরিং নাইনা পুথোরকপা রিপোর্তশিংগী পরিংদা তরেৎশুবা ওইরিবা ২০১৯-২০গী এন.ঐচ.এ. এস্তিমেতস অসিনা হকশেলগী লমদা লৈঙাক্কী চাদিং অসি প্রাইওরিতী অমা অদুমক ওইরি হায়বা উৎলি।
অপুনবা হেল্থ এক্সপেন্দিচর (তি.ঐচ.ই.)দা লৈরিবা আউত-ওফ-পোকেৎ এক্সপেন্দিচর (ও.ও.পি.ই.)গী সেয়র ৬২.৬%দগী ৪৭.১%দা হন্থরক্লে। অপুনবা হকশেলগী চাদিংদা ও.ও.পি.ই. লেপ্তনা হন্থরকপনা শেলথুমগী ঙাকশেল ফংহনবা অমদি মীয়ামদা য়ুনিভর্সেল হেল্থ কভরেজ পীবগী মায়কৈদা খুমাঙ চাওশিল্লিবা অসি উৎলি।
ফিগর ২: তোতেল হেল্থ এক্সপেন্দিচরদা লৈরিবা গভর্নমেন্ত হেল্থ এক্সপেন্দিচর অমদি আউত-ওফ-পোকেৎ এক্সপেন্দিচরগী চাং % ওইনা
হায়রিবা মতমসিদা, লৈবাকসিগী অপুনবা জি.দি.পি.দা লৈরিবা গভর্নমেন্ত হেল্থ এক্সপেন্দিচর (জি.ঐচ.ই.)গী শরুক ২০১৪-১৫দা ১.১৩% ওইরম্বদগী ২০১৯-২০দা ১.৩৫%দা হেনগৎলক্লে।
ফিগর ৩: জি.দি.পি.দা লৈরিবা গভর্নমেন্ত হেল্থ এক্সপেন্দিচর % ওইনা
পর কেপিতাগী চাংদা, জি.ঐচ.ই. অসি ২০১৪-১৫ দগী ২০১৯-২০ ফাওবদা লুপা ১,১০৮ দগী লুপা ২,০১৪ দা হেনগৎলক্লে। ২০১৮-১৯ অমদি ২০১৯-২০গী মরক্তা হকশেলগী লমদা লৈঙাক্কী চাদিং অসি ১২%গী চাংদা হেনগৎলক্তুনা ২০১৭-১৮ অমদি ২০১৮-১৯গী মরক্তা ৫% ওইখিবা অদুদগী শরুক অনি হেন্না হেনগৎলক্লে।
মসিগী মথক্তা, জেনেরেল গভর্নমেন্ত এক্সপেন্দিচর (জি.জি.ই.)দা লৈরিবা হেল্থ সেক্তর স্পেন্দিংগী শরুক ২০১৪-১৫দা ৩.৯৪% ওইরম্বদগী ২০১৯-২০দা ৫.০২%দা হেনগৎলকখি। মসিনা লৈবাকসিগী পব্লিক ইনভেস্তমেন্ততা হকশেলগী লমদা মরুওইবা মীৎয়েঙ থম্লি হায়বা উৎলি।
ফিগর ৪: জেনেরেল গভর্নমেন্ত এক্সপেন্দিচর (জি.জি.ই.)দা লৈরিবা গভর্নমেন্ত হেল্থ এক্সপেন্দিচরগী শরুক % ওইনা
হকশেলগী লমদা লৈঙাক্কী চাদিং হেনগৎলকপনা য়ুমথোঙশিংনা থেংনরিবা শেলথুমগী পোৎলুম হন্থহনবদা মরুওইবা শাফু পীরি। ২০১৪-১৫ অমদি ২০১৯-২০গী মরক্তা লৈবাকসিগী তোতেল হেল্থ এক্সপেন্দিচর (তি.ঐচ.ই.)দা লৈরিবা জি.ঐচ.ই.গী শরুক ২৯% দগী ৪১.৪% দা হেনগৎলকখ্রে।
করেন্ত গভর্নমেন্ত হেল্থ এক্সপেন্দিচর (সি.জি.ঐচ.ই.)দা লৈরিবা প্রাইমারী হেল্থকেয়রগী শরুক ২০১৪-১৫দা ৫১.৩% ওইরম্বদগী ২০১৯-২০দা ৫৫.৯%দা হেনগৎলক্লে। প্রাইমারী হেল্থকেয়রদা মীৎয়েঙ চঙবা হেনগৎলক্লিবা অসিনা লৈবাকসিদা প্রাইমারী হেল্থকেয়রদা প্রাইওরিতী পীননবগী লৈঙাক্কী ফিরেপ হেন্না চেৎশিনহল্লি।
ফিগর ৫: করেন্ত গভর্নমেন্ত হেল্থ এক্সপেন্দিচর (সি.জি.ঐচ.ই.)দা লৈরিবা প্রাইমারী হেল্থ কেয়রগী শরুক (%)
লৈবাকসিগী হকশেলদা শেল থাদবগী লমদা উবা ফংলিবা অতোপ্পা অফবা পরিং অমদি হকশেলগী লমদা সোসিএল সিক্যুরিতী এক্সপেন্দিচর (এস.এস.ই.) হেনগৎলকপা অসিনি। সোসিএল সিক্যুরিতীদা হেনগৎলকপা অসিনা আউত-ওফ-পোকেৎ পেমেন্ত হন্থহনবদা হকথেংননা ইথিল পীরি। অচৌবা মপাঙ্গল কনবা সোসিএল সিক্যুরিতী মেকানিজম অমনা লনাই মীওইশিংবু শেলগী পোৎলুম পুহন্দে অমদি মথৌ তাবা হকশেলগী সর্ভিসশিং লৌবনা মরম ওইরগা লায়র তানবগী ফীভম লৈহন্দে।
তি.ঐচ.ই.দা লৈরিবা হকশেলগী এস.এস.ই.গী শরুক অসি ২০১৪-১৫দা ৫.৭% ওইরম্বদগী ২০১৯-২০দা ৯.৩%দা হেনগৎলক্লে। মসিদা লৈঙাক্না শেল থাদবা হেল্থ ইন্স্যুরেন্স, লৈঙাক্কী শিন্মীশিংদা পীবা মেদিকেল রিইম্বর্সমেন্ত, অমদি সোসিএল হেল্থ ইন্স্যুরেন্স প্রোগ্রাম্নচিংবশিং য়াওরি।
ফিগর ৬: তোতেল হেল্থ এক্সপেন্দিচরদা লৈরিবা হকশেলগী সোসিএল সিক্যুরিতী এক্সপেন্দিচরগী শরুক % ওইনা
স্তেতকী ওফিসিএলশিং অমদি অতৈ স্তেকহোল্দরশিংনা পাক চাউনা শরুক য়ারকপবু থাগৎলদুনা, দোক্তর পোলনা স্তেতকী থাক্তা হকশেলগী লমদা অপুনবা পব্লিক স্পেন্দিং হেনগৎহন্নবগীদমক লেপ্পা লৈতনা হোৎনরিবা ৱাফমশিংসু পনখি। অসুম্না মহাক্না স্তেত লৈঙাকশিংদা মখোয়গী অপুনবা বজেত্তা লৈরিবা হেল্থকেয়র স্পেন্দিংগী পর্সেন্তেজ হৌজিক হৌজিক স্তেত কয়া অমগী ৪-৫% দা লৈরিবা অসিদগী চাউরাক্না ৮%গী চাংদা হেনগৎহন্ননবা থবক পায়খৎনবা ৱাফম থমখি। “তৌগদৌরিবা চাদিং অসি মীয়ামদা কান্নহনবা হায়রিবা ৱাখল্লোনসিগী পরিংদা তৌগদবনি” হায়না মহাক্না মখা তাখি।
কেন্দ্রগী হেল্থ সেক্রেতরী শ্রী রাজেস ভুসন্না মরুওইবা ইন্দিকেতর মরিগী মরমদা পল্লদুনা, ফুরিৎখাউদগী শেল চৎপা হন্থরকপনা মরম ওইরগা মীয়াম্না মখোয়গী শেঙ্গাউদগী শেল চাদিং তৌবগী চাং হন্থহল্লে হায়খি। “মসিসু হৌখিবা চহিশিংদা লৈঙাক্না হকশেলগী লমদা তৌরিবা চাদিং হেনগৎহল্লকপনা ওইহল্লকপা মহৈ অমনি,” হায়না মহাক্না হায়খি। শ্রী ভুসন্না পুম্নমক্কীম ফমদা এ.বি.-ঐচ.দব্লিউ.সি.শিংগীদা পীরিবা সর্ভিসশিং, ইন্স্যুরেন্স ক্লেম্নচিংবগী খুত্থাঙদা লৈঙাক্না চাদিং তৌরিবসিগী মতাঙদা পাউদমখি। প্রমোতিব অমদি প্রিভেন্তিব হেল্থকী মরুওইবা ৱাফমশিং থম্লদুনা, “অয়াম্বনা প্রাইমারীগী থাক্তা তৌরিবা প্রমোতিব অমদি প্রিভেন্তিব হেল্থতা মীৎয়েঙ চঙবা ঙম্নবগীদমক প্রাইমারী হেল্থকেয়রদা চৎলিবা চাদিংগী পরিং অসি ঐখোয়না কায়হন্দনা থম্বা মথৌ তাই,” হায়না শ্রী ভুসন্না ফোঙদোকখি।
কেন্দ্রগী হেল্থ সেক্রতরীনা, সোসিএল হেল্থ ইন্স্যুরেন্স প্রোগ্রাম, গভর্নমেন্ত ফাইনান্স হেল্থ ইন্স্যুরেন্স স্কীমশিং, অমদি লৈঙাক্কী শিন্মীশিংদা পীবা মেদিকেল রিইম্বর্সমেন্তশিং য়াওরিবা সোসিএল সিক্যুরিতী এক্সপেন্দিচরগী চাং ৫%দগী ৯.৩%দা মশক থোক্না হেনগৎলকপবুসু পনখি। “মসি অমদি অতৈ ইন্দিকেতরশিং পুন্না য়েংবদা হেল্থ ইসুশিংনা মরম ওইরগা লনাই মীওই নৎত্রগা ইমুং অমদা পীরিবা পোৎলুম হন্থহল্লকপগী ফীভম উইলি”, হায়না মহাক্না মখা তাখি। মশক থোক্না হেনগৎলক্লিবা অসিনা ভারতকী মীচম মীয়াম মখোয় মখোয়গী থোঙজিলদা হেল্থকেয়রগী হেন্না ফবা খুদোংচাবশিং ফংলি অমদি হকশেলবু হেন্না মীয়াম্না ফংবা ঙমহল্লি।
নেস্নেল হেল্থ একাউন্ত (এন.ঐচ.এ.) এস্তিমেতসকী মরমদা:
নেস্নেল হেল্থ একাউন্ত (এন.ঐচ.এ.) এস্তিমেতস ফোর ইন্দিয়া ২০১৯-২০ অসি, কেন্দ্রগী হকশেল মন্ত্রালয়না ইং ২০১৪দা নেস্নেল হেল্থ একাউন্তস তেক্নিকেল সেক্রেতরিএত (এন.ঐচ.এ.তি.এস.) ওইনা দেজিগনেত তৌখ্রবা এন.ঐচ.এস.আর.সি.না পুথোকপা তরেৎলকশুবা এন.ঐচ.এ. এস্তিমেতস রিপোর্তনি। এন.ঐচ.এ. এস্তিমেতস অসি ৱর্ল্দ হেল্থ ওর্গনাইজেসন (দব্লিউ.ঐচ.ও.)না শেম্বা, মালেম পুম্বনা স্তেন্দর্দ ওইনা য়ানরবা সিস্তেম ওফ হেল্থ একাউন্তস ২০১১দা য়ুম্ফম ওইবা একাউন্তিং ফ্রেমৱর্ক অমা শীজিন্নদুনা শেম্বনি।
হৌজিক হৌজিক্কী এন.ঐচ.এ.গী এস্তিমেত অসিগা লোয়ননা, ভারত্তা হৌজিক লৈবাকসিগী ওইবা পরিং নাইনা পুথোরকপা ২০১৩-১৪ দগী হৌরগা ২০১৯-২০ ফাওবগী এন.ঐচ.এ. এস্তিমেতশিং লৈরে। এস্তিমেতশিং অসি মালেমগী ওইনা চাংদম্নবা য়াবতা নত্তনা, খুজিল থৌরাং য়াৎলিবশিংবু লৈবাকসিগী তোঙান তোঙানবা হেল্থ ফাইনান্সং ইন্দিকেতরশিংগী খোঙজেলশিং য়েংশিনবা ঙমহল্লি।
রিপোর্ত অসি য়েংনবগীদমক মসিদা চঙবিয়ু: https://nhsrcindia.org/national-health-accounts-records
পুথোকপগী থৌরম অদুদা স্পিসিএল সেক্রেতরী, শ্রী এস. গোপালাক্রিস্নন, এ.এস. এন্দ এফ.এ. শ্রী জয়দীপ কুমার মিস্রা, এ.এস. মিস রোলী সিংহ, এম.ও.ঐচ.এফ.দব্লিউগী দাইরেক্তর জেনেরেল শ্রী সুখ্রম মীনা, জোইন্ত সেক্রেতরী শ্রী বিসাল চৌহান, ইকমনিক এদভাইজর মিস ইন্দ্রনি কৌসল, এন.ঐচ.এস.আর.সি. একজেক্যুতিব দাইরেক্তর মেজর জেনেরেল (প্রোফেসর) অতুল কোত্বালসু শরুক য়াখি। স্তেতকী থাক্তা লৈরিবা এন.ঐচ.এম. দাইরেক্তরশিং অমদি স্তেতকী মকোক থোংবা ওফিসিএলশিংসু ভর্চুএল ওইনা শরুক য়াখি।
****
(Release ID: 1919858)
Visitor Counter : 122