नवी दिल्ली, 24 एप्रिल 2023

केंद्र सरकारने (i) एकसमान किंमत पद्धत वापरून किंमत आधारित लिलावाद्वारे 7,000 कोटी रुपयांच्या (नाममात्र)  अधिसूचित रकमेसाठी  “7.17% सरकारी रोखे 2030” ची विक्री (पुनर्जारी ) , (ii) 12,000 कोटी (नाममात्र) रुपयांच्या अधिसूचित रकमेसाठी "7.41% सरकारी रोखे 2036" आणि (iii) 12,000 कोटी (नाममात्र) रुपयांच्या अधिसूचित रकमेसाठी  “7.40% सरकारी रोखे 2062”  ची विक्री करण्याची घोषणा केली आहे. केंद्र सरकारकडे वर नमूद प्रत्येक सरकारी रोखे मध्ये 2,000 कोटी रुपयांच्या मर्यादेपर्यंत अतिरिक्त सब्स्क्रिप्शन कायम ठेवण्याचा पर्याय असेल. भारतीय रिजर्व बँक , मुंबई कार्यालय, फोर्ट, मुंबई द्वारे 28 एप्रिल , 2023, (शुक्रवार) रोजी  हे लिलाव केले जातील.

रोख्यांच्या विक्रीच्या  अधिसूचित रकमेच्या  5 टक्क्यांपर्यंतची रक्कम सरकारी रोख्यांच्या लिलावात बिगर-स्पर्धात्मक  बोली सुविधा योजनेनुसार पात्र व्‍यक्ति आणि  संस्थाना वितरित केली जाईल.

लिलावासाठी स्पर्धात्मक आणि बिगर-स्पर्धात्मक दोन्ही बोली भारतीय रिजर्व बँक कोर बैंकिंग सोल्यूशन (ई-कुबेर) प्रणाली वर  इलेक्ट्रॉनिक फॉरमॅट मध्ये  28 एप्रिल  2023 रोजी सादर होणे आवश्यक आहे. बिगर-स्पर्धात्मक  बोली सकाळी  10:30 पासून  11:00 वाजेपर्यंत आणि स्पर्धात्मक बोली सकाळी  10:30 पासून  11:30 दरम्यान  सादर व्हायला हवी.

लिलावांचे निकाल  28 एप्रिल , 2023 (शुक्रवार) रोजी घोषित केले जातील आणि यशस्वी बोलीदारांद्वारे भरणा 2 मे , 2023 (मंगलवार) रोजी केला जाईल.

हे रोखे  भारतीय रिजर्व बँक  द्वारा वेळोवेळी सुधारित परिपत्रक दिनांक 24 जुलै , 2018 च्या RBI/2018-19/25 अंतर्गत  जारी मार्गदर्शक तत्वांनुसार  “व्हेन इशू ” ट्रेडिंगसाठी पात्र असतील.

 

 

 

 

G.Chippalkatti/S.Kane/P.Malandkar

 

 

 

 

 

 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai

(Release ID: 1919321)