ঙসি ১৬শুবা সিবিল সর্বিসেস নুমিৎ থৌরমদা লেমজনিঙাই ওইরবা ‘পি.এম গতিশক্তি নেসনেল মাস্তর প্লান’ প্রোগ্রাম মাইপাক্না পায়খৎপগীদমক প্রধান মন্ত্রী শ্রী নরেন্দ্র মোদীনা দিপার্তমেন্ত ফোর প্রোমোসন ওফ ইন্দস্ত্রি এন্দ ইন্তরনেল ত্রেদ(দি পি আই আই তি)দা ‘ইন্নোবেসন-সেন্ত্রেল’ কেতেগোরিদা প্রাইম মিনিস্তরস এৱার্দ ফোর এক্সলেন্স ইন পব্লিক এদমিনিস্ত্রেসন,২০২২ পীখ্রে।

পি.এম গতিশক্তিগী মখাদা পায়খৎলিবা থবকশিং প্রধান মন্ত্রীনা থাগৎখি অমসুং মরী লৈনবা মিনিস্ত্রিশিং অমসুং রাজ্যশিং/য়ু.তিশিংগী পান্দমশিং মখা তানা থমখি। মহাক্ন হায়খি ইনফ্রাস্ত্রকচর অমগী দেতা লেয়ার খুদিংমক মফম অমদা ফংহনগদবনি অমসুং খুন্নাইগী থবকশিং ফজনা থৌরাং তৌনবা অমসুং থবক পায়খৎনবা মসি মপুংফানা শীজিন্নগদবনি।

প্রধান মন্ত্রীনা মখা তানা হায়খি মীয়ামগী দরকার ওইবশিং মশক খঙদোকপা, তুংদা লাক্কদবা ইজুকেসনগা মরী লৈনবা ৱাথোকশিং থেংনবা অমসুং দিপার্তমেন্তশিং, জিলা অমসুং ব্লোকশিংগী মরক্তা পাউ ফাওনবা হেনগৎহন্নবা তুংগী লাল্লোংশিং য়াৎপদা মসিনা য়াম্না চাউনা কান্নবা পীগনি।

হৌজিক ফাওবদা, পি.এম গতিশক্তি এন.এম.পিদা কেন্দ্রগী মিনিন্ত্রিশিং(৫৮৫) অমসুং রাজ্যশিং/য়ু.তিশিং(৮৭০)গী দেতা লেয়ার ১৪৫০ হেন্না লৈরে। ইনফ্রাস্ত্রকচর, ইকোনোমিক অমসুং সোসিএল সেক্তরগী মরী লৈনবা মিনিস্ত্রিশিং/দিপার্তমেন্তশিং য়াওনা কেন্দ্রগী মিনিস্ত্রি ৩০ প্রোগ্রাম অসিদা য়াওরে। ইন্সতিতুসনেল মেকানিজম ওফ ইমপ্বার গ্রুপ ওফ সেক্রেতরিজ(ই জি ও এস), নেতৱার্ক প্লান্নিং গ্রুপ(এন পি জি) অমসুং তেক্নিকেল সপোর্ত য়ুনিত(তি এস য়ু) লিংখৎলে অমসুং নেসনেল অমসুং সব-নেসনেলগী থাক্তা থবক তৌরে।

মতম অমসুং শেন চঙদবা, নিংথিনা থৌরাং তৌবা, অথুবা মতমদা অয়াবা পীবা, শেন চঙহন্দনা থবক পায়খৎপা, মতম শাংনা প্রোজেক পায়খৎপা হন্থহনবা অমসুং মিনিস্ত্রিশিংগী মরক্তা মতেং পাংনবা হেনগৎহনবদা মিনিস্ত্রিশিং/দিপার্তমেন্তশিং অমসুং রাজ্যশিং/য়ু.তিশিংনা পি.এম গতিশক্তি শীজিন্নরি অমসুং কান্নবা লৌরি।

মফম অমদা চুনবা মওংদা খুন্নাই অমসুং শেন্মিৎলোন চাউখৎপা য়াংখৎহন্নবা মতিক চাবা ইনফ্রাস্ত্রকচর শেম্নবা পান্দম অমদা পি.এম.গতিশক্তি এরি এপ্রোজ পায়খৎলি।

পাক-শন্না পি.এম গতিশক্তি চৎনহন্নবা, রাজ্য/য়ু.তি ৩৬গী রিজনেল ৱার্কশোপ ৫না মরী লৈনবশিং পুন্না থবক তৌমিন্নবা হেনগৎহন্নবা পি.এম গতিশক্তি এন.এম.পিনা ফেব্রুৱারি ২০,২০২৩দগী এপ্রিল ১২,২০২৩ ফাওবা গৱা, কোচি, শ্রীনগর, গুৱাহাতি অমসুং বরানাসীদা ৱার্কশোপশিং পাঙথোকখ্রে।

***