প্রধান মন্ত্রী শ্রী নরেন্দ্র মোদীনা ১৬শুবা সিবিল সর্বিসেস নুমিত্তা মহাক্কী ৱারোলদা হায়খি ঐখোয়না খ্বাইদগী মনুংহুঞ্জিনবা ঙমখৈগী খুঙ্গং অসি লৈবাক অসিগী অহানবা খুঙ্গংনি হায়না খল্লি, অরোইবনি হায়না খন্দে অমসুং চাদা ১০০ চাউখৎনবা ঐখোয়না পুকচেল শেংনা হোৎনবা অমসুং অনৌবা পাম্বৈশিং দরকার ওই।

অপুনবা লুপা করোর ২,৬৭৫গী শেনফম অমদা অরুনাচল প্রদেসকী খুঙ্গং ৩,৭২১ হেন্না ফোর-জি মোবাইল তৱারশিং য়ুংনবা ভারত সরকারনা অয়াবা পীখ্রে।

হায়রিবা মোবাইল তৱারশিং অসি এপ্রিল ২২,২০২৩দা কম্মুনিকেসনস, রেলৱেজ অমসুং ইলেক্ত্রোনিক্স অমসুং আই.তিগী মিনিস্ত্রি শ্রী অশ্বিনি বৈষ্ণো; লো অমসুং জর্জতিসগী মিনিস্তর শ্রী কিরেন রিজিজু; কম্মুনিকেসনগী রাজ্য মন্ত্রী শ্রী দেবুসিন চৌহান অমসুং অরুনাচল প্রদেসকী চীফ মিনিস্তর শ্রী পেমা খান্দু অমসুং কেন্দ্র অমসুং রাজ্য সরকারশিংগী সেনিয়ার ওফিসিএলশিংনা মীয়ামদা কৎথোক্কনি। ইতানগরগী স্তেৎ লেজিসলেতিপ এশেমব্লিদা শঙ্গাবগী থৌরম অদু পাংথোক্কনি।

হায়রিবা তৱায়রশিং অসিনা নেতৱার্ক ফংদ্রিবা খুঙ্গংশিংদা ফোর-জি ফংহনগনি অমসুং নিংতম্বা ফংবদগী হৌজিক ফাওবা পাউ ফাউন্দনা লৈরক্লবা মফম কয়া য়াওনা খুঙ্গং ৩৩৬ মোবাইল নেতৱার্ক ফংলগনি। মসিনা সবস্ক্রাইবর ৭০,০০০ হেন্না কান্নবা পীগনি হায়বগী থাজবা থম্লি অমসুং থা অমদা ৪০ তি.বি দেতা শীজিন্নগনি হায়বগী থাজবা লৈরি।

তোঙান-তোঙানবা স্কিমশিং হায়বদি ‘কমপ্রেহেন্সিপ তেলিকোম দিবলপমেন্ত প্লান(সি তি দি পি-এন ই আর) ফোর নোর্থ ইস্তর্ন-রিজন’, অরুনাচল প্রদেসকী খুঙ্গংশিং অমসুং অসামগী জিলা ২গী নেতৱার্ক ফংদ্রিবা খুঙ্গংশিং মোবাইল সর্বিস ফংহনবা, অমসুং ফোর-জি সেচুরেসন প্রোজেক্কী মখাদা অরুনাচল প্রদেস রাজ্যদা য়াম্না য়াংবা নেতৱার্ক ফংহনবনি।

লৈবাক শীনবা থুংনা দিজিতেল অমসুং মোবাইল কন্নেক্সনগী খুদোংচাবা মীওই খুদিংমক ফংহন্নবা অমসুং দিজিতেলগী অওনবা অমসুং মোবাইল অমসুং দিজিতেল সর্বিসকী খুৎথাংদা মীচম মীয়াম থৌনা হাপ্নবা ভারতনা চোকথবা লৈতনা থবক পায়খৎলি।

****