প্রধান মন্ত্রীনা খুঙ্গং চাউখৎ-থৌরাং মন্ত্রালয়না লমজিংবা আজাদী কা অমৃত মহোৎসব – ইনক্লুসিব দিবেলপমেন্ত (সমাবেশী বিকাস) হায়বা থিমদা কেম্পেন মাপল হৌদোক্কনি।

প্রধান মন্ত্রী শ্রী নরেন্দ্র মোদীনা মধ্য প্রদেশকী রেৱাদা এপ্রিল ২৪, ২০২৩দা পাঙথোক্কদা নেস্নেল পঞ্চায়তি রাজ নুমিৎকী থৌরমদা আজাদী কা অমৃত মহোৎসবকী শরুক ওইনা ইনক্লুসিব দিবেলপমেন্ত (সমাবেশী বিকাস) হায়বা থিমগী মখাদা কেম্পেন মাপল হৌদোক্কনি। পি.এম.না নুমিৎ অসিমক্তদা “সমাবেশী বিকাস”কী ৱেবসাইৎ অমসুং মোবাইল এপ লোঞ্চ তৌগনি।

লৈবাক অসিনা আজাদী কা অমৃত মহোৎসব (অকাম) ওগস্ত, ২০২৩ ফাওবা পাঙথোক্কনি। রাজ্য সরকারশিং অমসুং মীয়াম য়াওশিন্দুনা থৌরম অসি পাঙথোক্নবা সরকারনা তোঙাম-তোঙানবা থিমশিংগী মখাদা থৌরম/কেম্পেন কয়া পাঙথোক্লি। অকামগী মখাদা থিমশিংগী মনুংদা ইনক্লুসিব দিবেলপমেন্ত (সমাবেশী বিকাস) অসি অমনি। খুঙ্গং চাউখৎ-থৌরাং মন্ত্রালয়না হায়রিবা অসিবু লমজিংগদা মন্ত্রালয় ওইরি, অমসুং অতোপ্পা ভারত সরকারগী মন্ত্রালয়/বিভাগ মরিনা মতেং পাংলি। থিম অসিগী মখাদা কেম্পেন মপানগী মনুংদা মঙাদি খুঙ্গং চাউখৎ-থৌরাং মন্ত্রালয়গী মখাদা ওইরি, মখোয় অদুদি  (i) প্রধান মন্ত্রী আৱাজ য়োজনা-গ্রামিন (পি.এম.এ.ৱাই.-জি)গী মখাদা সমাগ্রা আৱাজ, (ii) জিলাগী থাক্তা ফাইনান্সিএল লিতরেসী, (iii) গ্রাম পঞ্চায়ৎকী থাক্তা দিজিতেল ত্রাঞ্জেক্সন থৌগৎপা অমসুং (iv) ইলিজিবল ওইবা খুঙ্গংগী নুপীশিংই সোসিএল মোবিলাইজেসন তৌদুনা সেল্ফ হেল্প গ্রুপ (এস.ঐচ.জি.) নেৎৱার্ক ওইহনবা, (v) মহাত্মা গান্ধী নেস্নেল রুরেল এমপ্লোইমেন্ত গরেন্তী এক্ত (এম.জি.এন.আর.ই.জি.এ.)গী মখাদা তুরেল তোর্বানশিংদা উ থাবগী খোঙজং। খোঙলোই ওইরিবা মন্ত্রালয়শিং/বিভাগশিংনা অতোপ্পা কেম্পেন মরি পাইখৎলি, মখোয় অদুদি (i) স্বস্থা মহিলা – সমৃদ্ধা সমাজ (এস.এম.এস.এস.) – হকশেল অমসুং য়াইফ য়ুম্বাল মন্ত্রালয়, (ii) এস্পিরেস্নেল দিস্ত্রিক্তশিংদা পশুধন জাগ্রিতি অভিয়ান ইন্তেন্সিব এৱের্নেস কেম্পেন – এনিমেল হসবেন্দরী অমসুং দাইরিয়িং বিভাগ, (iii) স্বামিত্ব, মেরি সম্পত্তি, মেরা হক – পঞ্চায়তি রাজ মন্ত্রালয় অমসুং (iv) নেচরেল ফার্মিংগী এস.ঐচ.জি. ৱুমেন কেম্পেন – লৌউ-শিংউ অমসুং লৌমীশিংগী য়াইফ-থৌরাং মন্ত্রালয়

ইনক্লুসিব দিবেলপমেন্ত থিমগী মখাদা কেম্পেনশিংগী সেলেক্সন অসিনা চাউনা কান্নবা পীগদবা অমসুং চাউনা জন-ভাগিদারি লৈগদবদা মীৎয়েং চংখি। কেম্পেনশিং অসি “হোল ওফ সোসাইতী এপ্রোচ” অমদা দিজাইন তৌখি, কেম্পেনশিংগী বেনিফিসরীশিংদা ১০০% আউৎরীচ তৌবা ঙমহল্লি। অপুনবা কেম্পেন অসি “সমাবেশী বিকাস” হায়না খনৈ, মসিনা “কনভর্জেন্স” অমসুং “লাস্ত মাইল য়ৌশিনবা” হায়বা ৱাখল্লোন্দা য়ুম্ফম ওইখি, মসিনা শরুক য়ারিবা মন্ত্রালয়শিং/বিভাগশিং অমমমনা থবক পীবা, হকশেল, সোসিএল ইনক্লুজন, সোসিএল সেক্যুরিতী অমসুং হিংনবগী লম্বী পীবা অসিগুমআ লমশিংদা অখন্নবা কেম্পনশিংদা মীৎয়েং চংদুনা রাজ্যশিং/য়ু.তি.শিং, জিলাশিং অমসুং গ্রাম পঞ্চায়ৎশিংগী খুত্থাংদা তার্গেৎতেদ ইন্তর্বেন্সন তৌনবা পান্দম থম্মি।

কেম্পেনশিং অসিগী খোঙজেল য়েংশিন্নবা ৱাখল্লোন্দা “https://akam-samveshivikaas.nic.in” কৌবা ৱেবসাইৎ অমা দিজাইন তৌখি, হায়রি অসি মধ্য প্রদেশকী রেৱাদা এপ্রিল ২৪, ২০২৩দা পাঙথোক্কদবা নেস্নেল পঞ্চায়তি রাজ নুমিৎকী থৌরম অমদা প্রধান মন্ত্রীনা লোঞ্চ তৌগনি। বাইব্রেন্ত অমসুং দাইনামিক ৱেবসাইৎ অসিনা সমাবেশী বিকাস কেম্পেনশিংগী মখাদা তোঙান-তোঙানবা এক্তিবিতীশিংগী রিএল-তাইম ওইবা খোংজেল অদু খঙহনগনি অমসুং মরু ওইবা পর্ফোরমেন্স ইন্দিকেতরশিং, ইভেন্তশিংগী কেলেন্দর, ইভেন্তকা মরী লৈনবা পিকচরশিং অমসুং ভিদিওশিং, ন্যুসপেপর ক্লিপিং অমসুং পব্লিক ওপিনিয়ন কেপচর তৌগনি।

জন ভাগিদারী অমসুং মীয়াম্না শরুক য়াবা অসি দোক্যুমেন্তেসন তৌবা ঙম্নবা “সমাবেশী বিকাস” কৌবা অচম্বা অমসুং য়ুজর-ফ্রেন্দলী ওইবা মোবাইল এপ অমা দিজাইন তৌখি। মসিগী খুত্থাংদা মীচম মীয়াম্না কেম্পেনশিং অসিনা পীবা কান্নবগী মতাংদা মখোয়গী এক্সপরিয়েন্স অমসুং ৱাখল্লোন/ফীদবেক শিয়র তৌবা য়াগনি।

কেম্পেন অমমমগী মরমদা শমলপ্পা ৱারোল:

(১) পি.এম.এৱাই.-জিগী মখাদা সমাগ্রা আৱাজ: কেম্পেন অসিদা পি.এম.এ.ৱাই.-জি. য়ুম পুম্নমক্তা মৈ, এল.পি.কি., ঈশিংগী কন্নেক্সন অমসুং তোইলেৎশিং পীদুনা স্কিমশিংগা লোয়ননা পুনশিন্দুনা কান্নবশিং পীদুনা সেচুরেসন ফংহনবগা লোয়ননা লুপা করোর ২.৫০গী মথক্তা  ওইদুনা অহেনবা পি.এম.এ.ৱাই.-জি. য়ুম লাখ ৪৫ সেঙ্কসন তৌখি। কেম্পেন অসি এপ্রিল ২০২৩দা হৌদুনা অমসুং ওগস্ত, ২০২৩ ফাওবা চত্থগনি।

(২) জিলাগী থাক্তা ফাইনান্সিএল লিতরেসি ফংহনবা: কেম্পেন অসিগী মপুং ওইবা থৌদাং অসি তোঙান-তোঙানবা বেঙ্কিং অমসুং ফাইনান্সিএল সর্ভিসেস অমসুং সোসিএল সেক্যুরিতী স্কিমশিংগী এৱের্নেস পীবা অমসুং আউৎরীচ হেনগৎহনবনি। কেম্পেন অসি জিলা ৫০০দা চত্থগনি অমসুং এস.ঐচ.জি. মেম্বর করোর ২.০দা মথৌ তাবা ত্রেনিং অমসুং এৱের্নেস পীগনি পান্নরি। খুঙ্গংগী থাক্তা এৱের্নেস প্রোগ্রাম পাঙথোকপগী খুত্থাংদা এস.ঐচ.জি. মেম্বর করোর ২.৫রোমনা প্রধান মন্ত্রী জীবন জ্যোতি বিমা য়োজনা (পি.এম.জে.জে.বি.ৱাই)গী মখাদা অমসুং প্রধান মন্ত্রী সুরক্ষা বিমা য়োজনা (পি.এম.এস.বি.ৱাই.)গী মখাদা এনরোল তৌগনি। কেম্পেন অসিগী মনুংদা ফাইনান্সিএল এৱের্নেস, সর্ভিস দেলিভরী অমসুং বেসিক গ্রীভান্সেস রিদ্রেসেলগীদমক ৱান-স্তোপ সোল্যুসনশিং ওইনা রাজ্য শিনবা থুংবদা সক্ষম সেন্তর ৭৫০ লিংখৎকনি। কেম্পেন অসি জনুৱারী ১১, ২০২৩দগী হৌদুনা অমসুং ওগস্ত ২০২৩ ফাওবা চত্থগনি।

(৩) জি.পি. থাক্তা দিজিতেল ত্রাঞ্জেক্সন প্রমোৎ তৌবা: কেম্পেন অসিগী মপুং ওইবা থৌদাং অসি তোঙান-তোঙানবা দিজিতেল ত্রাঞ্জেক্সনশিংগী মোদশিংগী মতাংদা নুপী এস.ঐচ.জি. মেম্বরশিং অমসুং মখোয়গী ইমুং-মনুংশিংদা এৱের্নেস পীবা অমসুং আউৎরীচ হেনগৎহনবনি। বিজিনেস কোরেস্পোন্দেন্ত সখি/দিজিপে সখি/পেপোইন্তশিং ওইনা এস.ঐচ.জি. মেম্বর ২০,০০০ দিপ্লোই তৌদুনা ত্রাঞ্জেক্সন মশিং করোর ৩.০গা লোয়ননা গ্রাম পঞ্চায়ৎ ৫০,০০০দা এৱের্নেস পীনবা লৈবাক শিনবা থুংবদা কেম্পেন অসি চত্থগনি। মসিগী মথক্তা কেম্পেন অসি ফেব্রুৱারী ০১, ২০২৩দগী হৌদুনা অমসুং ওগস্ত ২০২৩ ফাওবা চত্থগনি।

(৪) এস.ঐচ.জি. নেৎৱার্ক্তা ইলিজিবল ওইবা খুঙ্গংগী নুপীশিং সোসিএল মোবিলাইজেসন তৌবা: কেম্পেন অসিনা ইলিজিবল ওইবা খুঙ্গংগী নুপীশিংনা এস.ঐচ.জি. নেৎৱার্ক য়াওশিনহন্নবা ইথিল পীদুনা, ইলিজিবল ওইবা এস.ঐচ.জি.শিংবু ভি.ও.শিং (ভিলেজ ওর্গনাইজেসনশিং)দা য়াওশিনহন্নবা, ইলিজিবল ওইবা ভি.ও.শিংবু ক্লস্তর লেবেল ফেদরেসন (সি.এল.এফ.শিং)দা য়াওশিনহন্নবা অমসুং ইলিজিবল ওইবা এস.ঐচ.জি.শিংদা কেপিতেলাইজেসন সপ্পোর্ত পীনা পান্দম থম্মি। এস.ঐচ.জি.শিংগী মখাদা খুদোংচাদ্রবা অমসং শোত্থরবা খুঙ্গংগী ইমুং পুম্নমকপু পুনশিন্নবা অমসুং মসিগী সরকারগী থৌশিল অসিগী খুত্থাংদা কান্নবশিং ফংহন্নবা মীৎয়েং থম্বগা লোয়ননা কেম্পেন অসিনা এফ.ৱাই. ২০২৩-২৪ লোইরকপদা খুঙ্গংগী য়ুম পুন্না করোর ১০ মোবিলাইজ তৌনবা পান্দম থম্মি। মসিনা চীথহৌরবা য়ুমথোং লাখ ২০ মোবিলাইজ তৌনবা অমসুং এস.ঐচ.জি. ৬০,০০০ হেন্না হায়রিবা মতম অসিগী মনুংদা শেমগনি।

(৫) তুরেল তোর্বানশিংদা উ থাবগী খোঙজং: কেম্পেন অসিগী মখাদা মহাত্মা গান্ধী এন.আর.ই.জি.এ.গী মখাদা তুরেল তোর্বানশিংদা উ থাবগী খোঙজং চত্থগনি। কেম্পেন মনুংদা তুরেল তোর্বান কিমি ২০,০০০দা পাম্বী করোর ৪.০ রোম থাগনি। কেম্পেন অসি মার্চ ০১, ২০২৩দগী হৌদুনা অমসুং ওগস্ত ২০২৩ ফাওবা চত্থগনি।

(৬) স্বস্থা মহিলা সমৃদ্ধি সমাজ: কেম্পেন অসি হকশেল অমসুং য়াইফ-য়ুম্বালনা লমজিংগনি, মসিনা ‘ৱেলনেস’পু মীয়ামগী ইহৌ অমা ওইহন্নবগীদমক খুঙ্গংশিংদা লৈরিবা নুপী এস.ঐচ.জি.শিংগী মরক্তা ক্রেদিৎ-প্লস এক্তিবিতী ওইনা হকশেলবু প্রমোৎ তৌগনি অমসুং ব্রেস্ত কেন্সর অমসুং সর্ভাইকেল সেন্তরগী স্ক্রীনিংদা মীৎয়েং থমদুনা নুপীশিংদা কেন্সর ঙাকথোক্নবা অমসুং কন্ত্রোল তৌনবা মীৎয়েং চংগনি। কেম্পেন অসিদা লৈবাক শিনবা থুংবদা লৈরিবা ফঙ্কস্নেল ঐচ.দবল্যু.সি.শিংদা লৈবা পি.আর.আই./এন.আর.এল.এম. য়ুনিৎশিংনা কেন্সর স্ক্রীনিং/এৱের্নেস কেম্প লাখ ১০ পাঙথোক্কনি। নুপী করোর ২.৫ ব্রেস্ত কেন্সর অমসুং সর্ভাইকেল কেন্সরগী স্ক্রীন তৌগনি (কেম্প অমদা সর্ভাইকেল কেন্সর ২৫ অমসুং ব্রেস্ত কেন্সর ২৫ * কেম্প লাখ ১০) অমসুং কেম্পেন লোইরকপদা এ.বি.-ঐচ.দবল্যু.সি.শিংদা ৱুমেন কিয়র এক্সেস তৌনবগীদমক অপুনবা ফুৎফোল করোর নিপান ওইগনি। কেম্পেন অসি জনুৱারী ১৪, ২০২৩দগী হৌদুনা অমসুং ওগস্ত ২০২৩ ফাওবা চত্থগনি।

(৭) এস.ঐচ.জি. নুপীশিংগা লোয়ননা নেচরেল ফার্মিং: কেম্পেন অসি লৌউ-শিংউ অমসুং লৌমীশিংগী য়াউফ-থৌরাং মন্ত্রালয়না লমজিংগনি। কেম্পেন অসিনা ক্লাইমেৎ চেঞ্জ হন্থহন্নবা, ফার্ম অমসুং লোকেল ইকোসিস্তেম লেবেলশিংদা বাইওদাইভর্সিতীগী অমাংবা রিভর্সেল তৌবা অমসুং ফার্ম রিসোর্সশিংগী অৱাৎপা মেন্তেন তৌবা য়াওনা সোইল হেল্থ রেস্তোরেসন তৌবা ঙমহনগনি। কেম্পেন মনুংদা নুপী খক্তগী ওইবা ফার্মর প্রদ্যুস ওর্গনাইজেসন ১০ শেমগনি (এফ.পি.ও. অমদা য়ামদ্রবদা মেম্বরশিপ তরা লৈগনি, মসি মেম্বরশিং লৈবগী মতুং ইন্না ২০০০ ফাওবা হেনগৎলকপা য়াই) অমসুং নেস্নেল/ইন্তর্নেস্নেলগী মরু ওইবা নুমিৎশিংদা অখন্নবা কেম্পেনশিং চত্থগনি। প্রোগ্রেসিব ৱুমেন ফার্মরশিং/ এফ.পি.ও./আর.সি./এস.ঐচ.জি.শিংগী মেম্বরশিং অমসুং এন.আর.এল.এম./এস.আর.এল.এম.শিংগী কৃশি সখিশিং অমসুং নুপী এগ্রি-প্রিনোর ৪৪০রোম য়াওদুনা এৱের্নেস কেম্পন অমা পাঙথোকখ্রে। কেম্পেন অসি ফেব্রুৱারী ১১, ২০২৩দগী হৌদুনা অমসুং ওগস্ত ২০২৩ ফাওবা চত্থগনি।

(৮) এস্পিরেস্নেল দিস্ত্রিক্তশিংদা পশুধান জাগ্রিতি অভিয়ান – ইন্তেন্সিব এৱের্নেস: কেম্পেন অসি এনিমেল হসবেন্দরী অমসুং দাইরিয়িং বিভাগনা লমজিংলি। কেম্পেন অসিদা ওন্তপ্রিনোর্শিপকী মতাংদা এৱের্নেস শন্দোক্নবা অমসুং এস্পিরেস্নেল জিলাশিংদা বিভাগকী অতোপ্পা স্কিমশিং, সাইন্তিফিক ওইবা মওংদা লাইনা মেনেজ তৌবা অমসুং এনিমেল হেল্থ কেম্পশোং পাঙথোক্তুনা খুঙ্গংগী থাক্তা কেম্প ১৬,০০০রোম লৈবাক শিনবা থুংবদা লৈরিবা খ্বাইদগী শোত্থরবা জিলা ১১২দা মপুং ফানা অওনবা পুরক্নবা খোঙথাংশিং লৌখৎকনি। এস্পিরেস্নেল দিস্ত্রিক্ত পুম্নমক্তা লৈরিবা জিলা অমদা এনিমেল হেল্থ কেম্প অনি পাঙথোক্কনি অমসুং হেল্থ কেম্প অমমদা লৌমী ১০০না শরুক য়াগনি। বিভাগকী সোসিএল মেদিয়া প্লেৎফোর্মশিংদা ভর্চুএল কেম্পশিং পাঙথোক্কনি অমসুং এনিমেল হেল্থ কেম্পশিংগীদমক লৌমীশিং মোবিলাইজ তৌগনি। মসিগী মথক্তা এস্পিরেস্নেল দিস্ত্রিক্ত পুম্নমক্তা এনিমেল হেল্থ কেম্প ২২৪ পাঙথোক্তুনা লৌমী ২২,৪০০দা কান্নবা ফংহনগনি। কেম্পেন অসি ফেব্রুৱারী ২২, ২০২৩দগী হৌদুনা অমসুং ওগস্ত ২০২৩ ফাওবা চত্থগনি।

(৯) স্বামিত্ব – মেরি সম্পত্তি, মেরা হক: কেম্পেন অসি পঞ্চায়তি রাজ মন্ত্রালয়না লমজিংগনি। কেম্পেন অসিনা স্বামিত্ব স্কিমগী মখাদা খ্বাইদগী নৌবা দ্রোন-বেজ সর্ভে তেক্নোলোজী শিজিন্নদুনা খুঙ্গং অমগী মী তাবা মফমদা প্রোপর্তী মপুশিংদা ‘রেকোর্দস ওফ রাইৎস’ পীনবা পান্দম থম্মি। মসিনা ওগস্ত ২০২৩ ফাওবদা স্বামিত্ব স্কিমগী মখাদা “রেকোর্দস ওফ রাইৎস”/প্রোপর্তী কার্দ করোর ১.৫০ পীগনি। কেম্পেন অসি এপ্রিল ১৯, ২০২৩দগী হৌদুনা অমসুং জুন ৩০, ২০২৩ ফাওবা চত্থগনি।

*****