پاور فائنانس کارپوریشن لمیٹڈ (پی ایف سی)، مہارتنا کمپنی اور ہندوستانی پاور سیکٹر میں سرکردہ این بی ایف سی نے  (جینسول انجینئرنگ لمیٹیڈ (جی ای ایل) کو 5000 مسافر برقی گاڑیاں (ای ویز) اور 1000 کارگو ای وی کی خریداری کے لیے 633 کروڑ روپئے کا قرض منظور کیا ہے۔ بلواسمارٹ موبلٹی پرائیویٹ لمیٹیڈ(بی ایم پی ایل) کو اس کی ٹیکسی خدمات کو بڑھانے کیلئے لیز پر مسافر الیکٹرک گاڑیوں کو دیا جائے گا۔ قرض کی پہلی قسط جاری کردی گئی ہے، اور ای وی کیبس کا پہلا لاٹ دہلی کی سڑکوں پر آگیا ہے۔

ان ٹیکسیوں کو کل ایک تقریب میں بجلی کی وزارت کے ایڈیشنل سکریٹری جناب اجے تیواری اور پی ایف سی کے سی ایم ڈی جناب رویندر سنگھ ڈھلوں نے جھنڈی دکھا کر روانہ کیا۔ راجیو رنجن جھا، ڈائریکٹر (پروجیکٹس)، جناب منوج شرما، ڈائریکٹر (کمرشل)، محترمہ سمی آر ناکرا، سی وی او اور جناب انمول سنگھ جگی (سی ای او اور شریک بانی، بلوسمارٹ موبلٹی) اور دیگر سینئر افسران اس موقع پر موجود تھے۔

ای وی کی پہلی لاٹ کو جھنڈی دکھانے کے موقع پر خطاب کرتے ہوئے، پی ایف سی کے سی ایم ڈی، جناب رویندر سنگھ ڈھلون نے کہا،‘‘ملک میں ای موبلٹی کو اپنانے کا کام تیزی سے جاری ہے اور ہمارا ماننا  ہے کہ اس شعبے میں بہت زیادہ امکانات موجود ہیں۔ اس فنڈنگ کے ذریعےپی ایف سی نے ہندوستان کے قومی سطح پر طے شدہ شراکت (این ڈی سی) کے اہداف میں حصہ لینے کی کوشش کی ہے۔ یہ ملک میں نقل و حمل کے ایک صحت مند اور پائیدار طریقے کو اپنانے کی سمت میں کافی اہم ثابت ہوگا۔

پی ایف سی کی طرف سے فنڈ کردہ 5000 مسافر (ای4 ڈبلیوز) الیکٹرک فور وہیلر دہلی میں تعینات کیے جا رہے ہیں اور اس کے نتیجے میں  ایک لاکھ ٹن کے مساوی کاربن ڈائی آکسائیڈ(سی او2) کے اخراج کی بچت ہوگی۔ یہ صرف 50 لاکھ ٹن سے زیادہ  بڑھے ہوئے پیڑوں کے ذریعے ایک سال میں کھپت کی جانے والی سی او2 کے برابر ہوگی۔ ہندوستان کے صفر کے ہدف کو پانے کی سمت میں بڑھتے ہوئے پی ایف سی، قابل تجدید توانائی  کو بڑے پیمانے پر فنڈ دینے کے علاوہ، ای وی (او ای ایم اور اور فلیٹ کے حصول)، بیٹری ، او ای ایم اور ای وی چارجنگ سہولتوں کے شعبے میں قرض دستیاب کرانے کے مواقع تلاش کر تارہا ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ش ح۔ م ع۔ع ن

 (U: 4356)