ଭାରତର ଜି-୨୦ ଅଧ୍ୟକ୍ଷତା ଅଧୀନରେ ଭୁବନେଶ୍ୱରରେ ଆୟୋଜିତ ହେବାକୁ ଯାଉଛି ଜି୨୦ଶିକ୍ଷା କାର୍ଯ୍ୟଗୋଷ୍ଠୀର ତୃତୀୟ ବୈଠକ । ଏହି ଅବସରରେ ଏପ୍ରିଲ ୨୩ରୁ ୨୮ ତାରିଖ ପର୍ଯ୍ୟନ୍ତ ଭାରତ ସରକାରଙ୍କ ଶିକ୍ଷା ମନ୍ତ୍ରଣାଳୟ ଏବଂ ଦକ୍ଷତା ବିକାଶ ଓ ଉଦ୍ୟମିତା ମନ୍ତ୍ରଣାଳୟ ପକ୍ଷରୁ ଏକ ବିଶେଷ ପ୍ରଦର୍ଶନୀ ଆୟୋଜନ କରାଯିବ । କାର୍ଯ୍ୟର ଭବିଷ୍ୟତ ବିଷୟବସ୍ତୁ ଉପରେ ଏହି ପ୍ରଦର୍ଶନୀ ଭୁବନେଶ୍ୱରସ୍ଥିତ ଖଣିଜ ଏବଂ ବସ୍ତୁ ପ୍ରଯୁକ୍ତି ପ୍ରତିଷ୍ଠାନ (ଆଇଏମଏମଟି) ପରିସରରେ ଅନୁଷ୍ଠିତ ହେବ । ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଦୂରଦୃଷ୍ଟିପୂର୍ଣ୍ଣ ନେତୃତ୍ୱ ଅଧୀନରେ ଭାରତ ଜି-୨୦ ଅଧ୍ୟକ୍ଷତା ଗ୍ରହଣ କରିବା ସହିତ ପ୍ରଯୁକ୍ତି ଆଧାରିତ ଅଧ୍ୟୟନକୁ ଅଧିକ ଗୁଣାତ୍ମକ କରିବା ଏବଂ କାର୍ଯ୍ୟର ଭବିଷ୍ୟତ ପରିଦୃଶ୍ୟରେ କ୍ଷମତା ନିର୍ମାଣ କରିବାର ଯାତ୍ରାରେ ଆଗକୁ ବଢ଼ୁଛି। ଏହି କ୍ରମରେ ଆୟୋଜିତ ହେବାକୁ ଥିବା ପ୍ରଦର୍ଶନୀକୁ କେନ୍ଦ୍ର ଶିକ୍ଷା, ଦକ୍ଷତା ବିକାଶ ଓ ଉଦ୍ୟମିତା ମନ୍ତ୍ରୀ ଶ୍ରୀ ଧର୍ମେନ୍ଦ୍ର ପ୍ରଧାନ ଉଦଘାଟନ କରିବେ । ଏହା ପ୍ରଯୁକ୍ତି ନେତୃବର୍ଗ, ପ୍ରଭାବଶାଳୀ ବ୍ୟକ୍ତିବିଶେଷ ଏବଂ ଶିକ୍ଷାବିତ୍‌ମାନଙ୍କ ପାଇଁ ଏକ ଅଭିନବ ପ୍ଲାଟଫର୍ମ ରୂପରେ କାର୍ଯ୍ୟ କରିବ ।

ଏହି ପ୍ରଦର୍ଶନୀରେ ବିଭିନ୍ନ କ୍ଷେତ୍ରର ଅଂଶଗ୍ରହଣକାରୀମାନେ ଯୋଗ ଦେବେ । କାର୍ଯ୍ୟର ଭବିଷ୍ୟତକୁ ପରିଚାଳିତ କରିବାକୁ ଥିବା ପ୍ରଯୁକ୍ତି, ଆଧୁନିକ କାର୍ଯ୍ୟସ୍ଥଳୀରେ ନିରନ୍ତର ନବସୃଜନ, ପାରମ୍ପରିକ ହସ୍ତଶିଳ୍ପରେ ପ୍ରଯୁକ୍ତିର ଅନ୍ତର୍ଭୂକ୍ତିକରଣ, ଭବିଷ୍ୟତର କୌଶଳ ଏବଂ ଅଭିନବ ବିତରଣ ମଡେଲ ଆଦି ଏଠାରେ ପ୍ରଦର୍ଶିତ ହେବ । ଏପ୍ରିଲ ୨୬ ତାରିଖରେ କେବଳ ଜି୨୦ ପ୍ରତିନିଧିମାନେ ପ୍ରଦର୍ଶନୀ ବୁଲି ଦେଖିପାରିବେ ।

ପ୍ରଦର୍ଶନୀ ସମୟରେ ଭାରତ ଏବଂ ଜି୨୦ ସଦସ୍ୟ ରାଷ୍ଟ୍ରର ୧୦୦ରୁ ଅଧିକ ପ୍ରଦର୍ଶନକାରୀ ସେମାନଙ୍କର ଉତ୍ପାଦ, ପ୍ରକାଶନୀ, କଳାକୃତି ଏବଂ ଅନ୍ୟାନ୍ୟ ପ୍ରଚାରଧର୍ମୀ ସାମଗ୍ରୀ ପରିଦର୍ଶକମାନଙ୍କୁ ପ୍ରଦର୍ଶନ କରିବେ । ବିଶେଷ କରି ନୂଆ ଯୁଗର ଉତ୍ପାଦ/ପ୍ରଯୁକ୍ତି ଯୋଗାଇ ଦେଉଥିବା ସଂଗଠନ, ପ୍ରଯୁକ୍ତିକୁ ଗ୍ରହଣ କରିଥିବା ପାରମ୍ପରିକ ହସ୍ତଶିଳ୍ପ କ୍ଷେତ୍ରର କମ୍ପାନୀ, ଭବିଷ୍ୟତର କୌଶଳ ଓ ଶିକ୍ଷା ଯୋଗାଇ ଦେଉଥିବା ପ୍ରତିଷ୍ଠାନ ଓ ଚିନ୍ତାନାୟକମାନେ ପ୍ରଦର୍ଶକ ଭାବେ ପ୍ରଦର୍ଶନୀରେ ଅଂଶଗ୍ରହଣ କରିବେ ।

ଏହି କାର୍ଯ୍ୟକ୍ରମରେ ଜି୨୦ ସଦସ୍ୟ ରାଷ୍ଟ୍ରମାନଙ୍କର ପ୍ରତିନିଧି, ବିଭିନ୍ନ ମନ୍ତ୍ରଣାଳୟ ଓ ସଂଗଠନର ପ୍ରତିନିଧି, କୌଶଳ ବିକାଶ ବିଶ୍ୱବିଦ୍ୟାଳୟ ସମେତ କୌଶଳ ଇକୋସିଷ୍ଟମରେ ଥିବା ପ୍ରମୁଖ ଅଂଶୀଦାର ଓ ଶିଳ୍ପ ବିଶେଷଜ୍ଞମାନଙ୍କ ଭଳି ବିଶିଷ୍ଟ ପାନେଲ ବିଶେଷଜ୍ଞମାନେ ଅଂଶଗ୍ରହଣ କରିବେ । ଅଧିକନ୍ତୁ, ପ୍ରଦର୍ଶନକାରୀମାନେ କୃଷି, ଅଟୋମୋଟିଭ, ଖୁଚୁରା ବ୍ୟବସାୟ, ସ୍ୱାସ୍ଥ୍ୟସେବା, ଗଣମାଧ୍ୟମ ଏବଂ ଆହୁରି ଅନେକ ପ୍ରାଥମିକତା କ୍ଷେତ୍ରରେ ପ୍ରଯୁକ୍ତିର ପ୍ରଭାବକୁ ପ୍ରଦର୍ଶିତ କରିବେ ।

ପ୍ରଦଶର୍ନୀ ସମୟରେ ପରିଦର୍ଶକମାନେ ନିମ୍ନ ମୁଖ୍ୟ ଦିଗଗୁଡ଼ିକର ଅଂଶବିଶେଷ. ହେବାର ସୁଯୋଗ ପାଇପାରିବେ :

1. କୃଷି, ପରିବହନ ଓ ସ୍ୱାସ୍ଥ୍ୟସେବା ଆଦି ୩ଟି କ୍ଷେତ୍ର ଉପରେ ପ୍ରାଥମିକତା ଦେଇ କାର୍ଯ୍ୟର ଭବିଷ୍ୟତ ଉପରେ ପ୍ରଦର୍ଶନୀ ଆୟୋଜନ କରାଯିବ । ଏଥିସହିତ ଇମର୍ସିଭ ଟେକ୍ନୋଲୋଜି, ଇଣ୍ଟରଆକ୍ଟିଭ ୱାଲ୍ସ, ହୋଲୋଗ୍ରାଫିକ୍‌ ଡିସପ୍ଲେ ଆଦି ବ୍ୟବହାର କୌଶଳର ଭବିଷ୍ୟତ ଉପରେ ମଧ୍ୟ ପ୍ରଦର୍ଶନୀ ଆୟୋଜନ କରାଯିବ ।
2. ମେଟାଭର୍ସ – ଏଆର/ଭିଆର ଆଧାରତ ସମାଧାନ ଓ ଅନୁଭୂତି।
3. ରିଭର୍ସ ଇଞ୍ଜିନିଅରିଂ ଏବଂ ସ୍ୱୟଂଚାଳିତ ଡିଜାଇନ ସମାଧାନ ଡିସପ୍ଲେ
4. ଲାଇଭ୍‌ ଡେମୋ ସହିତ ଡ୍ରୋନ ପ୍ରଯୁକ୍ତି
5. ଏଆର/ଭିଆର ଉପଯୋଗ କରି ଏଡ୍‌-ଟେକ୍‌ ସମାଧାନ ଏବଂ ପ୍ରୟୋଗାତ୍ମକ ଅଧ୍ୟୟନ ଉତ୍ପାଦ ଡେମା ଓ ସମୃଦ୍ଧ ଐତିହ୍ୟ ପ୍ରଦର୍ଶନ କରୁଥିବା ଥ୍ରୀଡି ମଡେଲ, ଏଜିଭିସି ଡେମୋ ଆଦି
6. ଶିଳ୍ପ 4.0 କୌଶଳ ପାଇଁ ପ୍ରୟୋଗାତ୍ମକ ଏବଂ କାର୍ଯ୍ୟ ଅଧ୍ୟୟନ ପରୀକ୍ଷାଗାର
7. ଭର୍ଣ୍ଣାକୁଲର ଅଧ୍ୟୟନ ଆଧାରିତ ପ୍ରଯୁକ୍ତି ସମାଧାନ, ଭର୍ଚୁଆଲ ଇଣ୍ଟର୍ଣ୍ଣସିପ ସମାଧାନ, ଇମର୍ସିଭ୍‌ ଟେକ୍‌ ଅଧ୍ୟୟନ ସମାଧାନ
8. ସହାୟକ ପ୍ରଯୁକ୍ତି ନବସୃଜନର ଲାଇଭ୍‌ ଡେମୋ ସହିତ ଅନ୍ତର୍ଭୂକ୍ତିକରଣ ପାଇଁ ସହାୟକ ପ୍ରଯୁକ୍ତି ଓ ଟାକ୍ଟାଇଲ୍‌ ଡିସପ୍ଲେ

ଶିକ୍ଷା ଏବଂ ଦକ୍ଷତା ବିକାଶ ଓ ଉଦ୍ୟମିତା ମନ୍ତ୍ରଣାଳୟ ଦ୍ୱାରା ପ୍ରଦର୍ଶନୀ ସହିତ ଏକ ଅଭିନବ କାର୍ଯ୍ୟର ଭବିଷ୍ୟତ ଅନୁଭୂତି ଜୋନ୍‌ ପ୍ରତିଷ୍ଠାନ କରାଯାଉଛି । ଏହି ଜୋନରେ ଯୁବକମାନଙ୍କ ପାଇଁ କାର୍ଯ୍ୟର ଭବିଷ୍ୟତ ଆଗକୁ କିଭଳି ପରିବର୍ତ୍ତନ ହେବ ସେ ସମ୍ପର୍କରେ ପ୍ରଦର୍ଶନୀ ଆୟୋଜନ କରାଯିବ । ବଜାରରେ ପ୍ରାସଙ୍ଗିକ ରହିବାକୁ ହେଲେ ଆବଶ୍ୟକ ଆଧୁନିକ ବୈଷୟିକ କୌଶଳ ଏବଂ କୋମଳ ହସ୍ତାନ୍ତରଯୋଗ୍ୟ କୌଶଳ ସମ୍ପର୍କରେ ଏହି ଜୋନରେ ଯୁବବର୍ଗଙ୍କୁ ସୂଚନା ମିଳିପାରିବ । ହୋଲୋଗ୍ରାମ, ଇଣ୍ଟରଆକ୍ଟିଭ ସଫେର୍ସ ଟେବୁଲ ଏବଂ ଇଣ୍ଟରଆକ୍ଟିଭ ୱାଲ୍‌ ଭଳି ଆଧୁନିକ ପ୍ରଯୁକ୍ତି ବ୍ୟବହାର କରାଯାଇ ଏହି ଜୋନରେ କାର୍ଯ୍ୟର ଭବିଷ୍ୟତକୁ ପ୍ରଦର୍ଶିତ କରାଯିବ ଯାହା ଦର୍ଶକମାନଙ୍କୁ ସମ୍ପୂର୍ଣ୍ଣ ଭାବେ ବାନ୍ଧି ରଖିବ । ବିଭିନ୍ନ କ୍ଷେତ୍ରରେ ଅଟୋମେସନ ଏବଂ ଡିଜିଟାଇଜେସନ ଦ୍ୱାରା କାର୍ଯ୍ୟ ପଦ୍ଧତି କିଭଳି ବଦଳୁଛି ତାହା ଦର୍ଶକମାନେ ଏଠାରେ ଜାଣିବାକୁ ପାଇପାରିବେ ।

ଶିକ୍ଷା ଓ ଦକ୍ଷତା ବିକାଶ ଇକୋସିଷ୍ଟମକୁ ବଢ଼ାଇବା ଦୃଷ୍ଟିରୁ ଏହି ପ୍ରଦର୍ଶନୀରେ ପରିବର୍ତ୍ତନକୁ ଗତିକୁ ପ୍ରଦର୍ଶିତ କରାଯିବ ଏବଂ ଏହା ଅପସ୍କିଲିଂ ଓ ରି-ସ୍କିଲିଂର ଆବଶ୍ୟକତା ଉପରେ ଗୁରୁତ୍ୱାରୋପ କରିବ । ଭବିଷ୍ୟତର କାର୍ଯ୍ୟଶକ୍ତିରେ ଦକ୍ଷତାପୂର୍ଣ୍ଣ ଭାବେ ମୌଳିକ ଦକ୍ଷତା ବିକାଶ ନିର୍ମାଣ କରିବାର ଆବଶ୍ୟକତା ଉପରେ ଧ୍ୟାନ ଦେଇ ଏହି ପ୍ରଦର୍ଶନୀ ଜାତୀୟ ଶିକ୍ଷା ନୀତି ୨୦୨୦କୁ ଆଗକୁ ଆଣିବ।

ସଂସ୍କାରକୁ ପ୍ରାଥମିକତା ଦେବା, ଅଧ୍ୟୟନର ପୁନଃପରିକଳ୍ପନା ଏବଂ ପ୍ରତିଭାକୁ ପୁନଃପରିଭାଷିତ କରିବା ଲାଗି ପ୍ରଗତିଶୀଳ କାର୍ଯ୍ୟର ଭବିଷ୍ୟତକୁ ପ୍ରାସଙ୍ଗିକ କରିବା ଲାଗି ଶିକ୍ଷା ଜଗତ, ସରକାର ଓ ଶିଳ୍ପ କ୍ଷେତ୍ରର ପ୍ରତିନିଧିତ୍ୱ କରୁଥିବା ବିଶ୍ୱସ୍ତରର ଅଂଶୀଦାରମାନଙ୍କୁ ଏକ ସାଧାରଣ ମଞ୍ଚ ଯୋଗାଇ ଦେବା ଜି୨୦ ଶିଖର ସମ୍ମିଳନୀର ଲକ୍ଷ୍ୟ। କାର୍ଯ୍ୟକ୍ରମରେ ଯୋଜନାବଦ୍ଧ ଅଧିବେଶନ ଏବଂ କର୍ମଶାଳା ମୌଳିକ ଦକ୍ଷତା ବିକାଶକୁ ମଜବୁତ କରିବା ଏବଂ ଆଜୀବନ ଶିକ୍ଷାଗ୍ରହଣକୁ ପ୍ରୋତ୍ସାହନ ଦେବା ଲାଗି କ୍ଷମତା ନିର୍ମାଣ ଲାଗି ଅନେକ ବିଷୟରେ ନୀତି ଓ ପ୍ରଥାକୁ ଚିହ୍ନଟ କରିବାରେ ସହାୟତା କରିବ, ଏହା ଏକ ଦକ୍ଷତା ବିକାଶ ଇକୋସିଷ୍ଟମ ପ୍ରତିଷ୍ଠା କରିବ ଯାହାକି କାର୍ଯ୍ୟର ଏକ ନିରନ୍ତର, ସନ୍ତୁଳିତ ଓ ସମାବେଶୀ ଦୁନିଆ ନିର୍ମାଣ କରିପାରିବ ।

 

****

P.S.

 

(Release ID: 1918437) Visitor Counter : 106