প্রধান মন্ত্রী, শ্রী নরেন্দ্র মোদীনা নই দিল্লীগী অশোক হোতেলদা ঙসি পাংথোকপা মালেমগী বুদ্ধিস্ত সম্মিত হৌদোকপগী সেসন্দা ৱা ঙাঙখ্রে। প্রধান মন্ত্রীনা ফোতো একজিবিসন য়েংখি অমসুং বুদ্ধগী মীতমদা লৈ কৎখি। মহাক্না মশক নাইবা মোঙ্ক তরামাপলদা মোঙ্ককী ফিজোল (চিবার দানা)সু পীখি। ঙসিগী থৌরম অসিদা কলচরগী কেন্দ্র মন্ত্রী, শ্রী জি. কিশন রেদ্দী; লো অমসুং জস্তিস্কী কেন্দ্রগী লো মন্ত্রী, শ্রী কিরেন রিজিজু; কলচরগী কেন্দ্রগী রাজ্য মন্ত্রী, শ্রী অর্জুন রাম মেঘৱাল অমসুং শ্রীমতি মীনাক্ষি লেখি অমসুং ইন্তর্নেস্নেল বুদ্ধিস্ত কনফেদেরেসনগী সেক্রেতরী জেনেরেল, দাঃ ধম্মপিয়াসু শরুক য়াখি।  

কলচর মন্ত্রালয়না ইন্তর্নেস্নেল বুদ্ধিস্ত কনফেদেরেসনগা খুৎশম্ননা এপ্রিল 20-21দা নুমিৎ নিনি চুপ্না পাংথোক্কনি। সম্মিত অসিগী থীমদি – “হৌজিক্কী মতমগী শিংনবশিংগী পাউখুম: ফিলোসোফী তু প্রক্সিস” অসিনা ওইরি। সম্মিত অসিগী পান্দমদি বুদ্ধিস্ত ধম্মগী মালেমগী লুচিংবা অমসুং স্কোলরশিংবু বুদ্ধিস্ত অমসুং মালেমগী হীরম কয়াগী মতাংদা খন্ন-নৈনদুনা হীরমশিং অসিবু পুন্না মাইয়োকমিন্নবা ঙম্নবা পোলিসী শেম্বগী খুদোংচাবা পীবনি। সম্মিত অসিদা খন্ন-নৈনখিবা ৱাফমশিংনা বুদ্ধ ধম্মগী মপুং ওইবা ভেল্যুশিংনা হৌজিক্কী মতমগী ফিভম অসিদা  ইথিল অমসুং লমজিং লমতাক করম্না পীগনি হায়বগী পাম্বৈ নৈনখি।

প্রধান মন্ত্রীনা ঙসি তিনখিবা মীয়ামদা ৱা ঙাঙবদা, মহাক্না ঙসিগী মালেমগী বুদ্ধিস্ত সম্মিত হৌদোকপগী থৌরমদা মালেমগী তোঙান-তোঙানবা মফমশিংদগী লাকপা মীয়াম খুদিংবু তরাম্না ওকখি। “বুদ্ধ হায়বসিদি মীওইবা অমদগী হেন্দোক্লে, মসিদি ৱাখল্লোন, মিৎয়েং অমনি”, প্রধান মন্ত্রীনা হায়খি। বুদ্ধ হায়বসিদি মীওইবা অমদগী হেন্দোকপা ৱাখল্লোন অদুবুনি, মহাক অসিদি মওং-মতৌ চেন্দবা নুংদা ফাওবা ইথিলনি অমসুং বুদ্ধ হায়বসিদি শক্তম পীবা ঙম্লরোইদবা কন্সিয়সনেস অমনি হায়না মহাক্না হায়খি। “বুদ্ধগী কন্সিয়সনেস অসিদি অরোইবা নাইদে”, মহাক্না মখা তানা হায়খি। প্রধান মন্ত্রীনা ঙসিগী থৌরম অসিগী মতাংদা পল্লদুনা, মালেমগী বুদ্ধিস্ত সম্মিত হৌদোক্লিবা অসিদি লৈবাক পুম্নমক্কী হোৎনজমনশিংগী কান্নবা প্লেতফোর্ম অমনি হায়রদুনা মহাক্না নিংশিংনিংঙাই ওইরবা ঙসিগী থৌরম অসিগীদমক্তা কলচর মন্ত্রালয় অমসুং ইন্তর্নেস্নেল বুদ্ধিস্ত কনফেদেরেসনবু থাগৎখি।

মীওইবা খুন্নাইগী শিংনবা কয়াগী মতাংদা ৱাজবগী নুংগী ওইবা মতৌ অমা ভারত্তা লৈরিবা অসিদি ভগ্বান বুদ্ধগী পাউতাকশিংনা লৈহনবনি হায়না প্রধান মন্ত্রীনা হায়খি। মহাক্না তর্কীদা য়ুহা হাখিবগুম্বা মহৌশাগী ওইবা অমাঙ-অতা থোকপদা ভারতনা থৱাই য়াওনা তেংবাংলিবা অমসুং পিস মিসন কয়াদা শরুক য়াবগী মতাংদা পনখি। “মসিগুম্বা ভারত মচা করোর 140গী ৱাখল্লোন অসি মালেম্না উরে, খঙলে অমসুং য়ারে”, মহাক্না হায়খি। “IBCগুম্বা প্লেতফোর্মশিংনা ৱাখল মান্নবা অমসুং থৱাই য়াওবা মান্নবা লৈবাকশিংদা বুদ্ধ ধম্মা অমসুং শান্তিগী পাউজেল শন্দোক্নবা খুদোংচাবা কয়া পীরি”, মহাক্না হায়খি।

PMগী মপুং ওইবা ৱারোল পাবীনবা ক্লিক তৌবীয়ু

ঙসিগী থৌরম অসিদা কলচর, তুরিজম অমসুং অৱাং নোংপোক লমদমগী চাউখৎ থৌরাংগী কেন্দ্র মন্ত্রী, শ্রী জি. কিশন রেদ্দীনা মালেমগী বুদ্ধিস্ত সম্মিত অসি ঐখোয়গী প্রধান মন্ত্রী, শ্রী নরেন্দ্র মোদীনা হৌদোকপা অসি ঐখোয় পুম্নমক্কী লাইবক ফবা অমসুং চাউথোকচনিংঙাই হায়না ফোংদোকখি। মসিগী নুমিৎ নিনিগী সম্মিত অসিগী থীমদি ‘হৌজিক্কী মতমগী শিংনবশিংগী পাউখুম: ফিলোসোফী তু প্রক্সিস’ ওই হায়না মহাক্না হায়খি। মালেমগী তোঙান-তোঙানবা লৈবাক 130গী ইন্তর্নেস্নেল দেলিগেত চাউরাকপা 170না মালেমগী বুদ্ধিস্ত সম্মিত অসিদা শরুক য়ারি। নুমিৎ নিনিগী সম্মিত অসিনা শান্তি, অকোয়বগী ফিভম, মোরেলিতী, হকশেল, সস্তেনেবল দিভেলপমেন্ত অমসুং বুদ্ধিস্ত কনফেদেরেসনগী মতাংদা খন্নগনি। মালেমগী বুদ্ধিস্ত সম্মিত অসি মোদী সরকারগী খোঙথাং অমনি অমসুং মসিনা ঐখোয়গা মালেমগা লৈনরিবা কলচর অমসুং দিপ্লোমেতিক মরী অসিবু হেন্না চেৎশিলহনবদা তেংবাংগনি হায়না মন্ত্রীনা মখা তাখি। মালেমগী মরু ওইবা শিংনবা কয়াদি পুন্সি হিংবগী বুদ্ধিস্ত ফিলোসোফীনা ৱারোইশিন পীবা ঙমগনি অমসুং মালেমগী বুদ্ধিস্ত সম্মিত অসিদি মাইকৈ অসিদা থাংজিনবা মায় পাকপা খোঙথাংনি হায়না ঐহাক্ন খল্লি হায়না প্রধান মন্ত্রীনা হায়খি হায়না মহাক্না পাউদমখি।

ঙসিগী থৌরমসিদা লো অমসুং জস্তিস্কী কেন্দ্র মন্ত্রী, শ্রী কিরেন রিজিজুনা মহা সংঘা, মালেম পুম্বা অমসুং সুপ্রীম পেত্রিয়ার্চ, সংঘ নায়ক, মেদিতেসন মাস্তর, বুদ্দিস্ত ওর্গনাইজেসন কয়া অমা, মোনাস্তিক বোদী, খঙ-হৈরবা বুদ্ধিস্ত স্কোলরশিংনা শৌগৎপদগী ঙসিগী পুৱারী ওইরবা নুমিৎ অসি ওইথোক্তুনা ঐখোয়না উবা ফংলিবনি হায়খি। সম্মিত অসিগী থীম্না ‘হৌজিক্কী মতমগী শিংনবশিংগী পাউখুম: ফিলোসোফী তু প্রক্সিস’ ওইবা অমসুং বুদ্ধ ধম্মা অমসুং শান্তি, ইনভাইরনমেন্তেল ক্রাইসিস, হেল্থ অমসুং সস্তেনেবিলিতী, নালন্দা বুদ্ধিস্ত চৎনবী ঙাক শেনবা, বুদ্ধ ধম্মা পিলগ্রিমেজ, লিভিং হেরিতেজ অমসুং বুদ্ধ রেলিক্নচিংবা অতোপ্পা থীম কয়াগা লোয়ননা সংঘ সেসন অমসুং একাদমিক সেসন হায়না সম্মিত অসিগী কাঙলুপ খায়বা অসিদা ঐহাক্না নুংঙাইবা পোকই হায়না মহাক্না মখা তাখি। ঙসিগী থৌরম অসিবু মায় পাকপা থৌরম অমা ওইহনবগীদমক্তা মহাক্না ইন্তর্নেস্নেল বুদ্ধিস্ত কনফেদেরেসনবু থাগৎপা ফোংদোকখি।

“বুদ্ধ ধর্ম হায়বসি লাইনিং অমখক নত্তে; মসিদি থৱাই পানবা জিব খুদিংদা মীনুংশি পোকপা পুন্সি মহিং অমনি। পোৎলম খুদিংমক মতম পুম্বগী নত্তে অমসুং অমনা অমগী মখা পোন্নদুনা হিংবগী পাউতাক কয়া অসিনা মালেমদা লৈবা পোৎলম খুদিংমক অহোংবা নাই অমসুং ঐখোয় পুম্নমক অমগা অমগা মরী লৈনৈ হায়না ঐখোয়দা তম্বীরি। অদুনা, ঐখোয়না তুং কোইনা চৎপা, পৃথিবী অমসুং মহাক্কী রিসোর্সশিংবু ইকায় খুম্ননা হিংবা তম্বা তাই”, মহাক্না হায়খি।

ঙসিগী থৌরমসিদা পাঞ্চ প্রদর্শন, একজিবিসন মঙা উৎপগী থৌরম অমসু পাংথোকখি। একজিবিসন অসি ‘হৌজিক্কী মতমগী শিংনবশিংগী পাউখুম: ফিলোসোফী তু প্রক্সিস’ হায়রিবা থীম অসিগা লোয়ননা নুমিৎ নিনিগী মালেমগী বুদ্ধিস্ত সম্মিত অসিগী শরুক অমা ওইনা শীনবনি।

একজিবিসন অসিনা IBCগী চহি 10গী খোঙচৎ, গুজরাতকী বদনাগর শহরগী হেরিতেজ ওইনা শক্লোন লৌরিবা বুদ্ধগী ইনাক খুল্লবা চৎনবীগী ৱারী, বুদ্ধিস্ত লাইনীংবা জুৱাঞ্জাংগী লমকোয় ৱারী, বুদ্ধিস্ত ধর্মগী লুচিংবা অমসুং অতিসা দিপাঙ্কর শর্মগী থবকশিং উৎলি। পদ্মাপানি (অজন্তা এল্লোরা)গী শুরুংগী লাইয়েকশিংবু দিজিতেল রেস্তোরেসন তৌখিবগী থৌওংনা খুদম ওইদুনা কলচরগী ওইবা আর্তিফেকশিংবু দিজিতেল রেস্তোরেসন তৌবদা চঙবা খোঙ্কাপ কয়াগা লোয়ননা অজন্তা পেন্তিংগী দিজিতেল রেস্তোরেসন তৌবগী মতৌসু একজিবিসন অসিদা উৎলি।

মঙ্গালাচরন মন্ত্রা থিরিঙৈ মরক্তা প্রধান মন্ত্রীনা বুদ্ধগী মীতমদা লৈ কত্তুনা ঙসিগী থৌরম অসি হৌদোকখি। দাঃ সুভদ্রা দেসাইনা রত্না সুত্তাগী ক্লাসিকেল রেন্দিসন পীখি।

সম্মিৎ অসিদা মালেম শিনবা থুংবগী শক্নাইরবা স্কোলর, সংঘ লুচিংবা অমসুং ধর্ম প্রেক্তিস্নর কয়ানা শরুক য়াবগী মতৌ উবা ফংখি। মখোয়না মালেমগী শিংনবা কয়াগী মতাংদা খন্ন-নৈনগনি অমসুং য়ুনিভর্সেল ভেল্যুদা য়ুম্ফম ওইবা বুদ্ধ ধম্মাদা শিংনবশিং অসিগী পাউখুম থীদোক্কনি। খন্ন-নৈনবা অসি থিম মরিগী মখাদা পাঙথোক্কনি: বুদ্ধ ধম্ম অমসুং শান্তি; বুদ্ধ ধম্ম: এনভাইর্নমেন্তেল ক্রাইসিস, হেল্থ অমসুং সস্তেনেবিলিতী; নলন্দা বুদ্ধিস্ত ত্রেদিসন য়োকখৎপা; বুদ্ধ ধম্মগী তীর্থ য়াত্রা, লিবিং হেরিতেজ অমসুং বুদ্ধ রেলিকশিং: খা, খা-নোংপোক অমসুং নোংপোক এসিয়াদা লৈরিবা লৈবাকশিংগা ভারতকী চহিচা কয়া শুরবা কলচরেল লিঙ্কশিংগী মপাঙ্গল কনবা য়ুম্ফম।

******