পঞ্চায়তী রাজগী মন্ত্রালয়

ভারতকী রাস্ত্রপতী, শ্রীমতী দ্রৌপদী মুরমুনা নেস্নেল পঞ্চায়ত এৱার্দ লান্থোকখ্রে অমদি নেস্নেল কন্ফরেন্স ওন ইন্সেন্তিভাইজেসন ওফ পঞ্চায়তস হৌদোকখ্রে


খুন্নাই পুন্না চাওখৎমিন্ননবগীদমক নুপীশিংনা শরুক য়াশিনবা য়াম্না মরুওই: শ্রীমতী দ্রৌপদী মুরমু

পঞ্চায়ত মপুং ফানা চাওখৎহন্নবা ৱাফম থম্লদুনা, শ্রী গিরিরাজনা য়ু.এন. এস.দি.জি.শিংগী মখাদা থম্লিবা থীম মাপনদা য়ুম্ফম ওইরগা পঞ্চায়তশিংদা স্কীমশিং সেচুরেসন পুরক্নবা ৱাফম থমখ্রে

"পঞ্চায়তনা চাওখৎপগী মরুওইবা মীৎয়েঙফম ওইগদবনি হায়বা ৱাফমসিদা মোদী লৈঙাক্না চেৎনা থাজৈ": শ্রী গিরিরাজ সিংহ

Posted On: 17 APR 2023 8:19PM by PIB Imphal

ভারতকী রাস্ত্রপতী, শ্রীমতী দ্রৌপদী মুরমুনা ঙসি (এপ্রিল ১৭, ২০২৩) নই দিল্লীদা নেস্নেল পঞ্চায়ত এৱার্দশিং লান্থোকখ্রে অমদি নেস্নেল কন্ফরেন্স ওন ইন্সেন্তিভাইজেসন ওফ পঞ্চায়তস হৌদোকখ্রে‍।

থৌরম অদুদা ৱা ঙাঙলদুনা, রাস্ত্রপতীনা হৌখিবা দেকেদ খরসিদা খোঙলৈ থুনা লাক্লিবা অর্বানাইজেসন অসি লৈজরগসু, মীশিংগী অয়ামবা শরুক্তি খুঙ্গংশিংদা লৈরি হায়খি‍। ময়োল্লমশিংদা লৈরিবশিং অসি ফাওবা খুঙ্গংশিংগা মওং অমা নৎত্রগা অমদা মরী অমা শম্নরি‍। খুঙ্গংশিং চাওখৎহনবনা লৈবাক পুম্বা খুমাঙ চাওশিলহনবা ঙমগনি হায়না মহাক্না হায়খি‍।

পঞ্চায়তশিং অসি লৈঙাক্কী থবক থৌরমশিং থবক্তা ওন্থোক্নবগী পাম্বৈ অমখক্তা নত্তে, অনৌবা লুচিংবশিং, থৌরাং য়াৎলিবশিং, খুজিল থৌরাং শেম্লিবশিং, অমদি ইনোভেতরশিং পুক্নিং থৌগৎফম অমসিনি‍। পঞ্চায়ত অমগী খ্বায়দগী ফবা থৌওংশিং অতোপ্পা পঞ্চায়তশিংদা চৎনহনবনা, ঐখোয়না ঐখোয়গী খুঙ্গংশিং থুনা চাওখৎহনবা অমদি নুংঙাই – য়াইফবগী লম্বীদা পুরকপা ঙমগনি হায়না রাস্ত্রপতীনা হায়খি‍।

খুন্নাই অমা মপুং ফানা চাওখৎহন্নবগীদমক, নুপীশিং শরুক য়াশিনবা য়াম্না মরুওই‍। নুপীশিংদা মখোয় মশাগী, মখোয়গী ইমুংগী অমদি খুন্নাইগী য়াইফনবগীদমক ফিরেপ লৌজবা ঙম্নবগী হক লৈগদবনি‍। হায়রিবা অসি মখোয়গী ইমুংদা অমদি খুঙ্গংগী থাক্তা মখোয়বু মপাঙ্গল কনখৎহল্লবা মতমদা ফংবা ঙমগনি‍। খুঙ্গংগী লোকেল বোদীশিংদা মীখল মায় পাক্তুনা মীয়ামগী মীহুৎ ওইরিবা মীওই লাখ ৩১.৫ হেনবগী মনুংদা চাদা ৪৬ নুপীশিংনি হায়বা খঙবদা মহাক নুংঙাই হায়না রাস্ত্রপতীনা হায়খি‍। মহাক্না নুপীশিংবু গ্রাম পঞ্চায়তকী থবক্তা ইচঙ থৌনা শরুক য়াননবা ৱাফম থমখি‍। মখোয়গী ইমুংশিংদসু মখোয়না হোৎনরিবশিং অসিদা ঙাক্লৌ পীবিনবা ৱাফমসু মহাক্না থমখি‍।

থৌরম অদুদা ৱা ঙাঙলদুনা, রুরেল দিভেলপমেন্ত অমদি পঞ্চায়তী রাজকী কেন্দ্র মন্ত্রী, শ্রী গিরিরাজ সিংহনা থাক অহুম নাইবা পঞ্চায়ত অসিদা নুপীশিংগীদমক ৫০% রিজর্বেসন থম্বা স্তেত ২১ লৈরে হায়খি‍। লেমহৌরিবা স্তেতশিংদসু পঞ্চায়তশিংদা নুপীগী রিজর্বেসন সংবিধান্না পীরিবা ৩৩%দগী হেন্না থম্ননবা ৱাফমসু মহাক্না থমখি‍।

পঞ্চায়তশিং মপুং ফানা চাওখৎহন্নবা ৱাফম থম্লদুনা, শ্রি গিরিরাজ সিংহনা য়ুনাইতেদ নেসন্সকী সস্তেনেবল দিভেলপমেন্ত গোল (এস.দি.জি.)শিংগী মখাদা পীরিবা থীম মাপন্দা য়ুম্ফম ওইদুনা স্কীমশিং সেচুরেসন ফংননবগী মায়কৈদা পঞ্চায়তশিংবু পুশিন্নবগীদমক ঐখোয়না দিভেলপমেন্ত মোদেল অমা থৌরাং তৌবা তাই হায়খি‍।

পঞ্চায়তশিং অসিদা চাওখৎপা পুরক্নবগী মরুওইবা মীৎয়েঙ থমগদবনি হায়বা ৱাফমসিদা মোদী লৈঙাক্না চেৎনা থাজৈ হায়না মহাক্না ফোঙদোকখি‍।

“মমাঙদা, লৈঙাক্না ফাইনান্স কম্মিসনগী মখাদা চাওখৎ থৌরাংগীদমক মীওই অমদা লুপা ৫৪গী চাংখক্তমক থাদরম্মী, অদুবু হৌজিক্তি মসি লুপা ৭০০কী চাংদা হেনগৎলে,” হায়না মহাক্না হায়খি‍।

লৈবাকসিগী মীওইশিংগী নুংঙাই য়াইফনবগীদমক লৈঙাক অসিনা তোঙান তোঙানবা স্কীমশিং পায়খৎলি‍। গরিব কলয়ান পেকেজকী মখাদা চানবা চেঙ হৱাই পীবা য়াওনা স্কীম পুম্নমক অসি পঞ্চায়ত য়াওদনা মায় পাকপা ঙম্লম্লোই হায়না মন্ত্রীনা হায়খি‍।

“অমৃৎ কাল, নীংতম্বগী চহি ৭৫শুরকপা, অমদি পঞ্চায়তী রাজকা মরী লৈনবা ৭৩শুবা কনস্তিত্যুস্নেল এমেন্দমেন্ত তৌখিবা চহি ৩০ অসিদা, স্তেতশিংনা পঞ্চায়তী রাজ ইনস্তিত্যুসনশিংদা লিগেল রাইতশিং পীবা মতম ওইরে,” হায়না মহাক্না হায়খি‍।

কেন্দ্র অমদি স্তেতশিংগী লাইন মন্ত্রালয়শিংদা পঞ্চায়তশিংদা স্কীমশিং সেচুরেসন ফংহন্নবা ৱাফম থম্লদুনা, শ্রী গিরিরাজনা গ্রাম স্বরাজ অভিয়ানগী মখাদা সস্তেনেবল ভিলেজকী লমদা মীহুৎ লাখ ৩১দা ত্রেনিং পীখ্রে হায়খি‍।

“কার্বোন ন্যুত্রেলিতী, ৱাতর সফিসিএন্সী, লিতরেসী অমদি এমপ্লোইমেন্ত জেনেরেসন হাপচিন্নবগীদমক ভাইব্রেন্ত পঞ্চায়ত লেপথোক্নবগী পেরামিতীশিং হোংদোকখ্রে‍। মমাঙদা পঞ্চায়ত ১০-২০%খক্তমক শরুক য়ারম্বনি, ঙসিদি পঞ্চায়ত ৯০% হেনবনা মনা অসিগীদমক হিদান্নরি,” হায়না মহাক্না হায়খি‍।

জম্ম অমসুং কাস্মির য়ু.তি.দা লৈবা খ্বায়দগী নৌরিবা পঞ্চায়তনা ২০৩০ ফাওবদা কার্বোন ন্যুত্রেলিতী ফংনবগী পান্দমগী মায়কৈদা শিংথানিংঙাই ওইবা থৌরাংশিং পায়খৎলি হায়না মন্ত্রীনা হায়খি‍।

খুঙ্গং ২.৫ হেনবদা দ্রোন ফ্লাইতশিং পাঙথোকখ্রে, খুঙ্গং ৬৪,০০০ হেনবদা প্রোপর্তী কার্দ পীখ্রে অমদি খুঙ্গংদা লৈবা মীওই ৫৭,০০০ হেনবদা প্রোপর্তী কার্দশিং পীখ্রে হায়না শ্রী গিরিরাজনা হায়খি‍।

ভু-আধার অমদি স্বামিত্ব স্কীমশিংনা ভারতকী খুঙ্গংশিংদা অহোংবা পুরক্নবা অমদি খুঞ্জাশিংদা কান্নবা পীননবা মতিং চাউনা লৈ হায়রদুনা, শ্রী গিরিরাজনা হায়খি, “স্বামিত্ব স্কীমগী মখাদা খুঙ্গং লাখ ২.৩৫ হেনবদা দ্রোন সর্ভে লোইশিনখ্রে অদুগা খুঙ্গং লাখ ৬.৫৭ হায়বদি খুঙ্গং লাখ ৬.৬২গী মনুংদা ৯৫%দা য়ুনিক লেন্দ পার্সেল আইদেন্তিফিকেসন নম্বর (অল্পিন) প্রোজেক্তকী মখাদা ভু-আধার পীখ্রে‍।”

তুংদা, ইন্সেন্তিভাইজেসন ওফ পঞ্চায়ত হায়বা হীরমদা পাঙথোকখিবা নেস্নেল সেমিনারদা ৱা ঙাঙলদুনা, রুরেল দিভেলপমেন্ত অমদি স্তীলগী কেন্দ্রগী রাজ্য মন্ত্রী শ্রী ফগ্গন সিংহ কুলাস্তেনা মথৌ নীংথিনা তৌরিবা পঞ্চায়তশিংগী মফমদা য়াইফ-পাউজেল পীখি‍। মনা ফংলিবা পঞ্চায়তশিংবু মখোয়গী মমল নাইদ্রবা, শিংথানিংঙাই ওইরবা অমদি তোপ তোপ্পা মায় পাকপশিংগীদমক থাগৎলদুনা, পঞ্চায়তী রাজকী এম.ও.এস. শ্রী কাপিল মোরেস্বর পাতিলনা নেস্নেল এৱার্দ অসি পঞ্চায়তশিংনা তৌরিবা শিংথানিংঙাই ওইরবা থবকশিং অদুদা য়ানিংবা ফোঙদোকপনি অমদি খ্বায়দগী ফবা থৌওংশিং অতোপ্পা পঞ্চায়তশিংনা মতৌ তমগদবনি হায়খি‍। শ্রী কাপিল মোরেস্বর পাতিলনা খুঙ্গং চাওখত্তনা লৈবাক অসি চাওখৎপা য়ারোই, অমদি কেন্দ্র লৈঙাক্না খুঙ্গংগী মফমশিংদা ইনফ্রাস্ত্রকচর চাওখৎহন্নবগীদমক স্তেতশিংদা শেলগী তেংবাং মতিক চানা পীরি হায়খি‍। শ্রী পাতিলনা স্তেকহোল্দর পুম্নমক্না এস.দি.জি.শিং লোকেলাইজ তৌননবা অমদি গ্রাম পঞ্চায়তশিংদা হায়রিবা থীমশিংসিগা মরী লৈনবা পান্দমশিং ফংবা ঙম্ননবা পুন্না হোৎনমিন্ননবা ৱাফমসু থমখি‍।

খুন্নাইদা কান্ননবগীদমক দিজিতেল তেক্নোলোজী হেন্না পাকথোক চাউথোকহন্নবগী প্রধান মন্ত্রীগী মঙলান পরিংদা, শ্রী গিরিরাজনা তুংদা নেস্নেল কন্ফরেন্স অদুদা খুঙ্গংগী কম্ম্যুনিতীশিং মপাঙ্গল হাপ্নবা পান্দম থম্দুনা পঞ্চায়তী রাজ মন্ত্রালয়না শেম্বা মোবাইল এপ্লিকেসন অমা ওইনা জি.এস. নির্নয়, নেস্নেল ইনিসিএতিব ফোর রুরেল ইন্দিয়া তু নেভিগেৎ, ইনোভেৎ এন্দ রিজোল্ব পঞ্চায়ত দিসিজন্স লোঞ্চ তৌখি‍।

থৌরমদুদা ৱা ঙাঙলদুনা, শ্রী গিরিরাজ সিংহনা দিজিতেল তুল অমদি তেক্নোলোজী শীজিন্নদুনা খুঙ্গংগী গভর্নেন্সকী ফীভম ফগৎহনবগী মথৌ তাবা ৱাফম থমখি‍। মহাক্না চাওখৎ লম্বীদা লৈঙাক্কী থবক থৌওংশিংনা য়ৌশিনবা, পাক চাউবা অমদি মহৈ হেনগৎহন্নবগীদমক তেক্নোলোজী শীজিন্নবগী মরুওইবা ৱাফমশিংসু থমখি‍। চাওখৎ লম্বীদা ৱাহন্থোক লৈবা শক্লোন অমা লৌননবগীদমক তেক্নোলোজী খুৎলায়শিং অমদি মচাক মথুংশিংগী খুত্থাঙদা রিজনেল অমদি লোকেল লৈঙাকশিংগী এদমিনিস্ত্রেতিব কেপাসিতী অমদি মতিং লৈবগী চাং হেনগৎহনগদবনি হায়বা ৱাফম মহাক্না থমখি‍। হায়রিবা পরিং অসিদা, জি.এস. নির্নয়না ভারতকী খুঙ্গংগী কম্ম্যুনিতীশিংগীদমক অহোংবা পুরক্কদবা থৌরাং অমা ওইদুনা, গ্রাম সভাদা খন্নখিবা মরুওইবা ৱাফমশিং লায়না য়েংবা ফংহনগনি; মথৌ তারকপা মতমদা নৎত্রগা গ্রাম সভাদা লৌখিবা ৱারেপকী মতাঙদা ৱাহং লাকপা মতমদা অচুম চুমদা খঙদোক্নবগী পাম্বৈ অমা ওইনা থবক তৌগনি‍। মসিনা পার্তিসিপেতরী দিমোক্রেসী দিসেন্ত্রেলাইজ তৌবদা মরুওইবা থৌদাং য়ারিবা পঞ্চায়তশিংগী মথৌ তৌবদা অরোন অথুপ লৈতবা অমদি মতিং ৈবা হেনগৎহনগনি‍।

জি.এস. নির্নয় লোঞ্চ তৌখিবা অসিনা গ্রাসরুত থাক্তা ‘মিনিমম গভর্নমেন্ত, মেক্সিমম গভর্নেন্স’ পুরক্নবগী মঙলান মঙফাওনহন্নবগী মায়কৈদা থাংজিনবা মশক থোকপা খোঙথাঙ অমা ওইরে, অমদি মহাত্মা গান্ধীনা থম্বিরম্বা গ্রাম স্বরাজকী মঙলান মঙফাওনহন্নবগীদমক খুঙ্গংদা অহোংবা পুরকপগী খোঙজেল য়াঙ্খৎহনগনি হায়না থাজনরি‍।

অসাম লৈঙাক্কী পঞ্চায়ত অমদি রুরেল দিভেলপমেন্ত মন্ত্রী শ্রী রঞ্জীৎ কুমার দাস, বিহার লৈঙাক্কী পঞ্চাতী রাজ মন্ত্রী শ্রী মুরারী প্রসাদ গৌতম, মনিপুর লৈঙাক্কী রুরেল দিভেলপমেন্ত অমদি পঞ্চায়তী রাজ মন্ত্রী শ্রী য়ুম্নাম খেমচান্দ সিংহ, মিজোরম লৈঙাক্কী লোকেল এদমিনিস্ত্রেসন দিপার্তমেন্তকী মন্ত্রী শ্রী পু কে. লালরিনলিয়ানা, নগালেন্দ লৈঙাক্কী রুরেল দিভেলপমেন্ত অমদি আর.দব্লিউ.এস. মন্ত্রী শ্রী মেৎসুবো জামির, তেলঙ্গনা লৈঙাক্কী পঞ্চাতী রাজ অমদি রিরেল দিভেলপমেন্ত অমসুং আর.দব্লিউ.এস. মন্ত্রী শ্রী ইরাবেলী দয়াকর রাও অমদি উত্তরাখন্দ লৈঙাক্কী পঞ্চায়তী রাজ মন্ত্রী শ্রী সতপাল মহারাজনা ইন্সেন্তিভাইজেসন ওফ পঞ্চায়তকী মতাঙদা পাঙথোকপা নেস্নেল সেমিনার অমদি মনা লান্থোকপগী থৌরমদা শরুক য়াখি, অমদি পঞ্চায়তী রাজ ইনস্তিত্যুসনশিংগী খুত্থাঙদা সস্তেনেবল দিভেলপমেন্ত গোলশিং লোকেলাইজেসন তৌবগী হৌজিক লৈরিবা ফীভমশিংগী মতাঙদা মখোয়গী ৱাখল্লোন অমদি মঙলানশিং পাউদমখি‍।

নেস্নেল পঞ্চায়ত এৱার্দ্স – ২০২৩গী তোঙান তোঙানবা কাঙলুপশিং মমিং ওইনা, (১) দীন দয়াল উপধ্যায় পঞ্চায়ত সতত বিকাস পুরস্কার (দি.দি.য়ু.পি.এস.ভি.পি.) ইন্দিভিজুএল এল.এস.দি.জি. থীমশিংগী মখাদা পীখিবা পর্ফোর্মেন্সকী, (২) নানাজী দেসমুখ সর্বোত্তম পঞ্চায়ত সতত বিকাস পুরস্কার (এন.দি.এস.পি.ভি.পি.) এল.এস.দি.জি. থীম ৯ মক্তা লৈখিবা অপুনবা পর্ফোর্মেন্স অমদি গ্রীন ইনিসিএতিবকা মরী লৈনবা অখন্নবা কাঙলুপ (৩) গ্রাম উর্জা স্বরাজ বিসেস পঞ্চায়ত পুরস্কার অমদি (৪) কার্বোন ন্যুত্রেল বিসেস পঞ্চায়ত পুরস্কার ফংখিবা পঞ্চয়তশিং মীথুংশিংনা তরাম্না ওকখি অমদি থৌরম অদুদা মনা ফংলিবা পঞ্চায়তশিংগী মফমদা মনাগী শেনফম দিজিতেল ওইনা থাজিনখি‍।

  

নেস্নেল পঞ্চায়ত এৱার্দ্স – ২০২৩গী অকুপ্পা ৱারোলগীদমক মসিদা নম্বিয়ু

‘বেস্ত প্রাক্তিসেস ওন ৱর্ক্স ওফ এৱার্দী পঞ্চায়তস’ কৌবা বুকলেত অমসু রুরেল দিভেলপমেন্ত অমদি পঞ্চায়তী রাজকী  কেন্দ্র মন্ত্রী শ্রী গিরিরাজ সিংহনা ফোঙখি অমদি লাইরিক মচা অদুগী অহানবা কোপী ভারতকী রাস্ত্রপতীগী মফমদা খুদোল তমখি‍। (১) লোকেলাইজেসন ওফ সস্তেনেবল দিভেলপমেন্ত গোল্স (এল.এস.দি.জি.)গী খোঙচৎ অমদি এল.এস.দি.জি.গী থীম ৯গী পরিংদা শেমদোক শাদোক্লবা নেস্নেল পঞ্চায়ত এৱার্দ, (২) খ্বায়দগী ফবা মওংদা মথৌ তৌবগী মনা ফংলবা গ্রাম পঞ্চায়তশিংকী শিংথানিংঙাই ওইরবা থবক থৌরমশিং অমদি (৩) গ্রাম সভা প্রোসিদীং রেকোর্দিং মোইবাইল এপ (জি.এস. নির্নয়গী মতাঙদা পুথোকপা সোর্ত ফিল্মশিং, অমদি মশিং য়াম্লবা মীয়ামগী মীহুৎশিং অমদি পঞ্চায়তী রাজ ইনস্তিত্যুসনশিংগী থৌমীশিং য়াওনা তোঙান তোঙানবা স্তেত/য়ু.তি.শিংদগী লাকপা দেলিগেৎ ১,২০০ হেনবনা ইচঙ থৌনা শরুক য়াখিবা, নেস্নেল কন্ফরেন্স অদুদা উৎখি‍।

*****



(Release ID: 1917578) Visitor Counter : 85


Read this release in: English , Urdu , Hindi