দোনর, তুরিজম অমসুং কলচরগী মন্ত্রী শ্রী জি. কিশন রেদ্দীনা ২০২৩গী এপ্রিল ১১ অমসুং ১২দা নুমিৎ নিনিগী ত্রিপুরা খোংচৎ অমা চৎখ্রে। মন্ত্রী শ্রী জি. কিশন রেদ্দীনা অগরতলাদা ন্যু সেক্রেতরিএৎদগী ভর্চুএল ওইনা তোঙান তোঙানবা দিবলপমেন্ত প্রোজেক্তশিং শঙ্গাখ্রে অমদি উরেপ উয়ুং তমখ্রে। মহাক্না লুপা করোর ১৪০গী প্রোজেক্তকী মমল ওইবা উদয়পুরদগী মেলগর ফাওবগী লম্বীগী শরুক্কী অপগ্রেদেসন অমসুং চাইলেংতাদা লোংথারাই ভেল্লী সব দিবিজনেল হোস্পিতালগী এক্সপান্সন শঙ্গাখি। মন্ত্রীনা এজুকেসন অমসুং স্কিল দিবলপমেন্তগা মরী লৈনবা মরুওইবা প্রোজেক্তশিংসু উরেপ উয়ুং তমখি।

মন্ত্রীনা হায়খি মদুদি অৱাং নোংপোক লমদমবু লৈবাক্কী গ্রোথ ইঞ্জিন ওইনা শেমগৎপা অসি প্রধান মন্ত্রী মোদী জীগী অথোইবা মীৎয়েংনি অমদি ঐখোয়না পান্দম অদুগী মায়কৈদা খোংজেল য়াংনা চংশিল্লি। হৌখিবা চহি ৯দা রিজন অসিনা ইনসর্জেন্সী, রাজনিতীগী তংদু লৈতাদবা অমসুং দিবলপমেন্ত, গ্রোথ অমসুং প্রোসপেরিতীদা বন্দশিংদগী অওনবা লাকপগা লোয়ননা হোংলকপগী খুদম অমা উবা ফংলি। মহাক্না হায়খি মদুদি ভাইব্রেন্ত ভিলেজ প্রোগ্রাম হৌদোক্লে অমদি ঐখোয়না ঙমখৈগী খুঙ্গংশিংদা ওল-রাউন্দ দিবলপমেন্ত ফংহন্দুনা মখোয়বু গ্রোথ অমসুং ত্রেদকী হবশিং ওইনা শেমগৎলে। মহাক্না মখা তানা অচৌবা কনেক্তিবিতী প্রোজেক্তশিংগা মরী লৈননা এচিব তৌরিবশিং অদু ফোংদোকখি। মহাক্না হায়খি মদুদি রিজন অসিদা লুপা করোর লাখ ১.০৬ হেনবগী রোদ প্রোজেক্তশিং পায়খৎলি, রেলৱে কনেক্তিবিতীগীদমক করোর ৭৮০০০ চাদিং তৌখ্রে অমদি রেলৱে প্রোজেক্ত ১২১দা থবক চত্থরি। মহাক্না মসিমসু হায়খি মদুদি ২০১৪ ফাওবদা অৱাং নোংপোক লমদমদা এয়রপোর্ত ৯ খক্তমক লৈরম্মি অমদি হৌজিক মসি ১৭দা হেনগৎলে। মহাক্না মসিমসু হায়খি মদুদি সরকারনা নুমিৎ ৫০০দা মপুংফাবা তেলেকোম কনেক্তিবিতীগী পান্দমগী মায়কৈদসু থবক তৌরি।

মন্ত্রীনা ত্রিপুরাগী মুখ্য মন্ত্রীগা লোয়ননা পুন্না ত্রিপুরা রাজ্যদা কেন্দ্র সরকারগী স্কিমশিং ইমপ্লিমেন্ত তৌরিবা অদুসু য়েংশিনখি। মহাক্না স্কিমশিংগী মেক্সিমম কবরেজ অমদি মখোয়গী মপুংফাবা সেচুরেসন ফংহন্নবগীদমক রাজ্যদা মপুংফাবা তেংবাংগী থাজবসু পীখি। মহাক্না থাজবা পীখি মদুদি দোনর মন্ত্রালয়না মরীলৈনবা মন্ত্রালয়শিংগা লোয়ননা কোওর্দিনেসনগীদমক মপুংফাবা তেংবাং পীগনি। শ্রী জি. কিশন রেদ্দীনা প্রসাদ স্কিমগী মখাদা শেমগৎ শাগৎলিবা অমসুং তেম্পল কমপ্লেক্স অমদি ত্রিপুরা সুন্দরি তেম্পলগী দিবলপমেন্তসু য়েংশিনখি।

মন্ত্রীনা মহাক্কী অগরতলা খোংচৎকী অনিশুবা নুমিৎতা অগরতলা অখৌরা রেলৱে প্রোজেক্ত সাইতসু চৎখি। শ্রী জি. কিশন রেদ্দীনা অগরতলা রেলৱে স্তেসন, নিশ্চিন্তপুর য়ার্দ অমসুং অগরতলা অখৌরা রেলৱে প্রোজেক্তকী জিরো পোইন্তদা চৎখি। শ্রী কিশন রেদ্দীনা পোইন্ত পুম্নমক্তা লৈরিবা ওফিসিএলশিংগা লোয়ননা ৱারী শানখি অমসুং মখোয়বু খোংজেল য়াংনা থবক তৌবা অমদি লেপখিবা মতমদা লোইশিন্নবা পুক্নিং থৌগৎখি।

শ্রী কিশন রেদ্দীনা ওফিসিএলশিংগা লোয়ননা ৱারী শানখি অমদি প্রোজেক্ত তম চানা লোইশিন্নবগীদমক পাংবা য়াবা তেংবাং পুম্নমক পাংগনি হায়না থাজবা পীখি। শ্রী জি. কিশন রেদ্দীনা হায়খি মদুদি অগরতলা অখৌরা রেলৱে প্রোজেক্ত অসি ভারত অমসুং বঙ্গলাদেশকী মরক্তা ত্রেদ, তুরিজম অমসুং কলচরেলগী মরীশিং হেনগৎহনবদা গেম চেঞ্জর অমা ওইনা উৎলগনি। মহাক্না মখা তানা হায়খি মদুদি রেলৱে অসিনা ধাকা ফাওদুনা অগরতলা অমসুং কোলকতাগী মরক্তা খোংচৎকী মতম পুং ৩১দগী পুং তরাদা হন্থহল্লগনি অমদি রিজনপুম্বদা ইকোনোমিক প্রোগ্রেস হেনগৎহল্লগনি অমসুং মোবিলিতী প্রমোত তৌরগনি। মহাক্না হায়খি মদুদি অগরতলা অখৌরা রেলৱে প্রোজেক্ত অসি এক্ত ইস্ত পোলিসীদা মরু ওই।

মহাক্কী নুমিৎ নিনিগী খোংচৎ মনুংদা মন্ত্রীনা এসিয়া কনফ্লুয়েন্স থিঙ্ক তেঙ্কনা শিনবা অহুমশুবা ইন্দিয়া-জপান ইন্তেলেক্চুএল কনক্লেবসু শরুক য়াখি। মহাক্না হায়খি মদুদি অৱাং নোংপোক অসি সোউথ ইস্ত এসিয়াদা ভারতকী থোংনাও ওইরি অমসুং ভারতকী এক্ত ইস্ত পোলিসীগী ফন্দামেন্তেল পিল্লর অমনি। ভারত অমসুং জপান নিংশিংবা থোক্তবা মতমদগী সিভিলাইজেস্নেল পার্তনরশিং ওইরি। ঐখোয়না ঐখোয়গী কলচরেল কন্তেক্তশিং মখাতানা হেনগৎনবা পুন্না থবক তৌমিন্নবা মথৌ তাই হায়না মহাক্না ফোংদোকখি। মহাক্না মখা তানা ফোংদোকখি মদুদি নরেন্দ্র মোদীজীগী লুচিং মখাদা ভারত সরকারনা ‘এক্ত ইস্ত পোলিসী’গী মখাদা অকনবা খোংথাংশিং লৌখৎলি অমদি ঐখোয়না বঙ্গলাদেশ অমসুং জপানগা লোয়ননা অচেৎপা অমসুং নাকল অনিগী ওইবা কানবা মরী অমদা ৱাফম থম্লি।

মন্ত্রীনা রাজ্যদা কলচর বিভাগ মন্ত্রালয়গী থবক থৌরমশিংসু য়েংশিনখি অমদি আর্কিওলোজিকেল সর্ভে ওফ ইন্দিয়াগী রিজনেল ওফিসশিংগী ওফিসিএলশিংগা লোয়ননা ৱারী শানখি।

শ্রী জি. কিশন রেদ্দীনা সি.এ.পি.এস.আই.না শিনবা নোর্থ ইস্ত প্রাইবেৎ সেক্যুরিতী এমপ্লোয়েবিলিতী কনক্লেবসু শরুক য়াখি। মহাক্না হায়খি মদুদি প্রাইবেৎ সেক্যুরিতী সেক্তর অসি থবক য়াম্না পীবা সেক্তরশিংদা অমনি অমদি রিজন অসিদা অচৌবা পোতেন্সিএল লৈরি। মহাক্না হায়খি মদুদি অৱাং নোংপোক্কী ঐখোয়গী নহাশিং মালেম পুম্বদা মখোয়গী হৈথোই শিংথোইবা, থাজনিংঙাই ওইবা অমসুং হার্দ-ৱার্কিং নেচরগীদমক খংনৈ। মহাক্না প্রাইবেৎ সেক্যুরিতী এজেন্সীবু হেন্না ফবা অমসুং অহেনবা দাইবর্স এমপ্লোইমেন্ত ওপোর্চুনিতীশিং ফংহন্নবা নহাশিংদা ৱার্লদ-ক্লাস স্কিলিং ওপোর্চুনিতীশিং ফংহন্নবা তকশিনখি।

**************